غندور يقود وفد السودان لاجتماعات الجمعية العامة للامم المتحدة
الخرطوم:
يقود وزير الخارجية إبراهيم غندور الخميس المقبل وفد السودان المشارك في اجتماعات الجمعية العامة للأمم المتحدة، وينتظر أن يجري على هامش تلك الاجتماعات لقاءات برصفائه في عديد من الدول على رأسها الولايات المتحدة الأميركية.
وقال المتحدث الرسمي باسم وزارة الخارجية على الصادق لـ”سودان تربيون” أمس أن وزير الخارجية سيجتمع على هامش الجمعية إلى وزير الخارجية الأميركي جون كيري لبحث العلاقات الثنائية بين الخرطوم وواشنطن، كما سيلتقي عدد من نظرائه في دول مختلفة.
ويعتبر اللقاء المرتقب بين كيري وغندور من أهم الاجتماعات المنتظرة، لارتباطه بملفات مفصلية على رأسها العقوبات الاقتصادية، واستمرار وضع السودان على اللائحة الأميركية السوداء والتي تصنف واشنطن على أساسها مجموعة من الدول كداعمة وراعية للإرهاب.
وتناقش الجمعية العامة للأمم المتحدة في دورتها الحالية التي تحمل الرقم 70 قضايا الفقر والموارد البشرية وحماية المناخ ومكافحة التصحر والتنوع البيولوجي والطبيعة والتنمية المستدامة والمستوطنات البشرية والعولمة والترابط وتسخير العلم للتنمية والأمن الغذائي .
الجريدة
بشة كب الزوغة .. عامل حريف .
الهند وأمريكا مشوارهم بعيد ويمكن إعكشوه فى الجو ( الخواف ربا عيالوا ) و ( ودرب السلامة للحول قريب ) .
ما قلتا حنمشي لأمريكا ومافي قانون امريكي بقدر يوقفني وحجزنا خطوطنا من الخرطوم للمغرب ومن المغرب لنيويورك ..؟!!
الفارس الجعجاع جفل 🙂 قال أسد افريقيا قال ههههههههاي
ماقلتو.. نوبة..!!؟ وحاجزين الفنادق.. وأذونات الطيران لحدي المغرب !!؟؟ والباقي إنشاء الله عوامة أو بمراكب مهربين.. لغزوة (نيوررك)..
ويا أمريكا لمي جدادك..وليك (تشلحنا)..
الخايب الهارب نطاط الحيط كاودا ما فدر يمشي ليها عايزنوا يمشي نيويورك ؟
ممكن يسافر عن طريق ليبيا .. ومن هناك في لواري لحدي مورتانيا .. ومن مورتانيا ممكن يجي يقوم من بورسودان عن طريق البحر .. والله عاوزينو يشارك لكن حتي لو شالها موزة ما اظن بحصل .. المشكله كلها في الاطلنطي ده ..
امريكا والمحكمة الجنائية تحت جزمتي
ياجماعة الريس عندو ارتباطات مسبقة. بعدين عشان يذل العالم كله، رسل ليهم واحد عميكة زي غندور.
ولماذا لا ينوب عنه الفريق أول بكري حسن صالح و هو النائب الأول لرئيس الجمهورية ؟؟ و هل ترتيب وزير الخارجية ابراهيم غندور يأتى قبل نائب الرئيس فى المجال الوظفى ؟؟
و هل بكري حسن صالح غير كُفء للقيام بالمهمة ؟؟
إذا كان ذلك فلماذا تم تعيينه فى منصب النائب الأول لرئيس الجمهورية ؟؟
هذه ليست المرة الاولى التى يغيب فيها البشير عن تمثيل البلاد فى المحافل الدولية و دائماً ينوب عنه وزير الخارجية ! إذاً فلماذا هناك وظيفة بإسم نائب رئيس الجمهورية التى تكلف الدولة و الميزانية الشيئ الكثير ؟؟
الله لا يوفقك يا غندور ، وتحرق طيارتك قبل ما تصل يا كلب. كنا منتظرين ذهاب البشير بلحمه وشحمه . لكن قالوا الكلب عندو 7 أرواح ، قربت ولم يبق إلا القليل والناس تفرح والخير يعم ، وتبقى الانقاذ ذكرى منسية يتندر بها الناس .
حبيبنا والله السيد/ عمر البشير رئيس جمهوريه السودان – كل عام وانت بخير وكافه افراد الشعب السوداني بيت بيت
صاحبك ذكر البقية وتناسى موضوع المحكمة الجنائية .احسن ماتمشوا معاه وتجروا تجوا وكمان تبكوا . حيرتونا.اللع لا كسبكم .
اوكامبو الان يعيش ويعمل فى امريكا وقبل ايام اقترح على الامريكان ان يمنحوا البشير تاشيره للمشاركه فى المؤتمر وعند وصوله يعتقل . صاحبنا قرا الخبر ده وعرف ان اوكامبو لابد ليه فى امريكا قام جر واطى .
ما قلت اسد افريقيا .. ياخى قوم لف .. انت نعامة افريقيا يا رعديد !!!
وداد متحننة والبشير قاعد ينقش ليها الحنة، رسل التور داك
كل سنة وأنت طيب يا البشير وأن شاء الله وأنت ذاهب للأراضي المقدسة للحج يخطفوا طيارتك ويودوك لأوكامبو ويوريك الحج علي أصولو …….
ما قلتو نوبة