أزمة المياه تغلق شارع عبيد ختم ..والعزوزاب والثورة يخرجان إلى الشارع
الخرطوم: هادية
أغلق مُواطنون مُحتجون، شارع عبيد ختم جوار مستشفى سلامات وأشعلوا (إطارات السيارات) في الشارع العام مساء أمس إحتجاجاً على إنقطاع المياه بالمنطقة.
وقال شهود عيان أمس، إن الشرطة طوّقت المنطقة وفرّقت لمواطنين.
الرأي العام
[COLOR=blue]أزمة مياه الخرطوم تتفاقم والعزوزاب والثورة يخرجان إلى الشارع [/COLOR]مزدلفة دكام
خرجت عدد من أحياء ولاية الخرطوم ليل ونهار أمس فى مظاهرات تطالب بتوفير المياه وشهدت عدة مناطق توترات بين المواطنين والشرطة بينما سعت الهيئة القومية لتوفير المياه بالولاية في حلول جزئية. وشهدت مناطق العزوزاب والثورة الحارة الثامنة والحارة السابعة خروجاً لمواطنيها للشوارع بينما شهدت مناطق بمحلية أمبدة وأخرى بشرق النيل ومحلية بحري الكبرى احتجاجات قليلة جراء شح المياه. وفي منطقة العزوزاب مربع (11) بالخرطوم خرج المواطنون احتجاجاً على انقطاع المياه المتواصل منذ عام على حد تأكيد راجي القديل أحد المشاركين في المظاهرة والذي قال إنهم ولمدة تجاوزت العام ظلوا في معاناة متواصلة نتيجة انقطاع المياه، مشيراً إلى ازدياد هذه المعاناة في الفترة الأخيرة. وأكد القديل انهم طرقوا جميع أبواب هيئة مياة ولاية الخرطوم لمعالجة هذه الأزمة دون جدوى. مضيفاً ان المحلية تقوم بتوزيع المياة بتناكر مما تسبب بظهور بعض الأمراض بالإضافة إلى عدم كفايتها هذا إلى حد وصفه. وابان القديل ان الهئية وبعد خروجهم للشارع قامت بجلب آلياتها لمعالجة هذه الأزمة برغم انهم على علم بهذه الشكاوى قبل أكثر من خمسة أيام. من جانبه أوضح مدير إدارة مياه محلية الخرطوم ان الياف الأشجار والحدائق في الأحياء اغلقت مواسير المياه مما تسبب في حدوث هذه المشكلة. مبيناً انهم عالجوا هذه الأزمة بتوصيل مياه من منطقة الصحافة وسوف يتم متابعة هذا الخط حتى وصولها إلى داخل الأحياء، مؤكداً انهم يقومون بحفر ارتوازي لحل الأزمة جذرياً. وفي الثورة الحارات السابعة والثامنة أكد عدد من المواطنين انهم ظلوا يعانون شح وانقطاع المياه منذ أكثر من شهر وان المسؤولين لم يهتموا بهم رغم البلاغات المتواصلة من الأهإلى والتى وصلت إلى عشرات الالاف لافتين إلى ان الحكومة لا تلتفت إلا لمن يخرج إلى الشارع رغم انه كان خياراً بعيداً بالنسبة لهم إلا انهم لجأوا إليه مضطرين. ومن أمبدة اتصل بالصحيفة عبد الله نور وأكد ان سعر جركانة المياه بلغ جنيها كاملاً في أحياء أمبدة التي تعانى كثيراً من شح المياه وانعدامها في عدد كبير من الأحياء مشيراً إلى ان ما يرشح في وسائل الإعلام عن معالجات لمياه أمبدة لا يتعدى الأحلام بعيدة المنال مشيراً إلى ان محلية أمبدة تعد أكثر المحليات دعماً لخزينة الدولة لوجود عدد من الأسواق الكبيرة بها إلا انها افقر المحليات في جانب الخدمات. وفي شرق النيل تعاني أحياء الفيحاء وعد بابكر والكرياب من شح في المياه منذ عدة أيام دفع المواطنين فيها إلى الجأر بالشكوى.
التيار
هل تكون الثورة القادمة في السودان ثورة المياه
يعني الموية اللي طلعت الناس الشارع مافي بلاوي اكبر من الموية
لكن ما مشكلة المهم انوالناس اللي طلعت الشارع لحدي الأن في مناطق ما كنا نتوقع انهم يطلعو الشارع منشية والطائف والرياض يعني الشعب السوداني لسع بخير .
الجرزان يقلون الاحزاب قي عهدهم كانت صفوف الخبز والوقود لهذا اتوا لانقاذنا الكلام هذا صحيح؟
يعني لي متين الناس حتسكت؟ مويه!!! مويه مافي؟ بالله ده كلام والنيل على بعد خطوات من الأحياء العطشى!!! وناس ما تلقى مويه!!!! ياخي ما حرام عليكم؟ وكمان تخبّطو لي الناس فاتورة مويه ووجع راس؟
يعني إلا الناس دي تكورك وتطلع في الشارع عشان تلقى حقوقها!! حاجه غريبه خلاص!
أنا والله بستغرب في ناس دايره تستمر في السلطه وبتقول نحن ونحن عملنا وتسيب الوضع بالطريقه دي!
ياخي لو ما همّاكم الناس العطشانه دي، ما تشيلو هم كراسيكم دي
ولّا ما دايرنّها؟؟؟؟؟؟؟؟؟
على الشعب السوداني أن يتحمل هذه الإبتلاءات وستكون في ميزان حسناته وطبعاَ تحمل هذا العطش يعد أكبر جهاد وفق فقه درويش الكباشي وحاجة ماجدة وطبعاَ على الجميع أن يتحلوا بالصبر حتى يؤدي الدرويش عبادة السلطة والجاه على خير وجه فهو كما سبق أن قال لكم ما جاء لهذا الحكم إلا من أجل العبادة وتوطيد أسس الغباء والبلادة
وإن شاء الله نلتقي مجاهدي العطش في حشد جماهيري بمناسبة تتويج أحد متهمي الإبادة بكرسي حكم ولاية جنوب كردفان للعبادة
طالما نحنا خايفين ولابدين جوه البيوت وعاملين فيها ما عارفين حاجه ومظاهراتنا هنا في الراكوبه بس نتوقع مش الويه بس الهواء نفسو بكره حيكون معدوم اما نبقي رجال ونطلع كلنا الشارع زي ما عملو ناس تونس وسوري وغيرهم او نسكت ساكت ونتحمل اي شي جايي ولسه بكره ياما نشوف
ثورة المياه !!!!!عندي ولد عمره عشرين سنة قدر ما حاولت اشرح ليهو المظاهرات يعني شنو ماقدرت لحدي ما شارك مع المتظاهرين في موضوع الموية حتي ارتحت !!!!!
يشربو السم خليهم ساكتين كدة لغايت ما يسقوهم الدود
شعب ورق __ شعب جبان __ يستاهل ___ قال سنة بيعانوا من شح الماء__ بالله دى أمة دى
تستاهلوا اكثر من كده لانكم عواليق ___ حريقة فيكم يامرض __
كالعيس في البيداء يقتلها الظمأ والماء فوق ظهورها محمول .
زي أبل الرحيل شايله السقى وعطشانة ( حسبنا الله ونعم الوكيل ).
خليهم امشو اشربو من حوض السباحه بتاع كرتى
والله ياناس مياه النيل الابيض تقرب من سكان العزوزاب مسافة خمسمائة متر فقط يعنى بينهم ساتر ترابى . والحكومة ماقادرة تسقى المواطنين .. الواحد يشوف الموية بعينو ماقادر يشرب سبحان الله الدول تحلى مياه البحار المالحة وتجلبه من ألاف الكيلو مترات لمواطنيه أو حفر أبار ستمائة متر عمق ولدينا مياه أحلى من السكر على مرمى حجر ولم نستطيع توفير المياه للسكان بلد فعلا إنعدم فيه الخير بأفعال منافقى الحكومة الله يزيلهم يارب أمين
نزلت عليكم الابتلاءات لأنكم فارقتم درب الله وسلكتم درب المعصية ( ولو أن أهل القري أمنوا واتقوا لفتحنا عليهم بركات من السماء والأرض )
يا جماعه والله مدير اداره المياه بولايه الخرطوم كضاب كضب شديد قال الياف الاشجار والحدائق قفلت مواسير المياه بالله الخرطوم فيها حدائق
الله يسد حلوفكم زى ما سديتو االمواسير ويعطشكم يوم القيامه زى ما عطشتو الشعب قولوا امييييييييييييييييييييييييييين
دعوه خالصه من داخل القلب
فعلا يا مسطول الحقيقة المرة هي انو هذا الشعب السوداني هو شعب مرض ودون وجبان ووسخان ومرتشي وجاهل ، انا ما عارف عملوا ابريل واكتوبر كيف؟
انا قنعت من الشعب السوداني من ما جابو عمر البشير بالانتخابات، هل تعلموا انو الانتخابات دي ما كان فيها تزوير؟ زول يسرقكم ويذلكم ويهينكم ويكذب عليكم ويستخف بيكم ويدخلكم في مشاكل لا ليها اول ولا اخر ويترشح تقوموا تدوهوا اصواتكم؟؟ زول قسم البلد وضيعها وكتل الناس وخلى المواطن اخر هم عندو ولما اترشح الناس يجيبوهو رئيس!!!
بالله عليكم مش يستاهلوا انو يقطعوا منهم الموية والكهرباء والهواء كمان؟
:mad:
ربنا أداكم الأنهر وعطشانين
ربنا أداكم الأراضي الزراعية وجعانين
ربنا أداكم البترول ومفلسين
ربنا يطلع روح عمر البشير والترابي و من تبعهم وتابع من تبعهم إلي يوم الدين .