علماء السودان صمتوا عن الفساد.. وطالبوا بقهر العباد!!..النظام لن يستطيع تطبيق الشريعة لأسباب محددة.

ي اخي معرفون معرفون لمملكة عمر البشير السؤال ماذا كانت تفعل الاجهزة الامنية ف ذلك الوق شرطة وامن الرسمين لو قلنا ذلك الشرطة صل ب سرعة و تتدخل لفض مشاجرة الشرطة تتحري وتتعقب اي قاتل ومجرم هل كان ف تلك اللحظات يقدمون الماء والوجبات الساخنة والشاي والقهوة ام اياديهم وارجلهم مخضبة ب الحناء اطلاق نار ف اي تجمع بشري كان عليهم الرد علي مصادر النيران ف الدم اصبح مثل مياة الخرطوم مهدورا بفعل انفجار المواسير المهم البشير هو المتهم الاول علي حسب افادتة لاحدي الصحف السعودية علي م اظن عكاظ استخدامهم الخطة ب الدموية ف السؤال موجة لكل عسكري ابلة ف البلاد كيف تواجة ربك وهل تستطع النوم والاكل والونسة مع اهلك وجيرانك وزملاؤك هل انبك ضميرك ام لا انت سعيد بهه المهمة القذرة اي مهمة ضرب زلة اهانة فقط اضع نفسك او شقيقك او اختك او امك ف مكان اي متهم ماذا يكون رد فعلك

مافي داعي توجعو قلبكم في الفاضي يا أهلنا.. الحكومة قالت حتدفع التعويضات وخلاص. لو منتظرين تعرفوا أسماء القتلة حتنتظروا ليوم القيامة. لو دايرين تعرفو أصحاب العربات البدون لوحات حتنتظروا لمابعد يوم القيامة. ديل أشباح ما بيتعرفوا والحكومة زاتها ما بتعرفهم. في النهاية كتير خير البشير هو الصمم وأصر علي ان الحكومة تدفع الديات للأهالي برغم انو ناس كتيرة في الحكومة رافضة الحكاية دي.. لكن البشير زعل زعلة شديدة وقال ليهم نحن لما جينا بإنقلاب عسكري في 89 ونزلنا الجيش بالدبابات والمدفعية مافي نقطة دم واحدة سالت في الخرطوم وهسع بعد 25 سنة جايين تقولو لي في 85 مواطن ماتو في يوم واحد عشان مظاهرات؟ الكلام ده ما مقبول وأنا لو كان نزلت الجيش ما كان عمل العملتوهو ده.

صدقوني أنتو مافاهمين البشير عمل شنو بعد أيام سبتمبر دي ده هاج في الناس الحوالينو كلهم وفصل الناس الفي الصف الأول كلهم وقال ليهم أنا لو إضطريت أشيل مسؤولية الضحايا ديل براي بشيلها في الدنيا دي أحسن من أجي شايلها علي رقبتي يوم القيامة. والمصادر بتقول أنو البشير عمرو ما غضب زي غضبتو عشان الناس الماتت في سبتمبر.

لكن برغم ده مافي جهة بتقدر تحدد أسماء الناس من الامن والشرطة.. والبشير عمل إجتماعات كتيرة مع قادة الداخلية والشرطة والامن وكلهم بينكروا ويقولوا نحن ما مسؤولين عن قتل المواطنين يا سعادتك ومافي عسكري بوليس أو أمن بيعترف أنو أطلق نار علي مواطن وحتي لو العسكري ده كان بيدافع عن نفسو ما حيحترف.. ناس الشرطة والداخلية بالذات بيقولو أنهم هم أصلاً كانو ضحايا تضرروا وفقدوا أرواح وتدمرت أقسام ونقاط شرطة بتاعتهم.. أما ناس الأمن بيقولو أن المظاهرات نفسها كانت تحمل طابع العنف والتخريب ودخلت فيها عصابات إجرامية زي جماعة النيقرز لكن بيقولو أن قوات الأمن إستخدمت الحد الأدني من القوة وإعتمدت علي تكتيكات التخويف بشكل أكبر يعني عربات لاندكروزر تحمل رشاشات ودوشكات وعمليات كر وفر مع إطلاق بمبان ومفرقات هوائية وووو وكل ده بهدف تخويف وتفريق المتظاهرين فقط لكن برغم ده حصلت خسائر في الارواح.

واحد من كبار المسؤولين في القصر الجمهوري قال كلام خطير جداً جداً جداً.. قال أنو الشرطة خزلت البشير وحطمت معنوياته لأنها فشلت في حماية البلد وفشلت حتي في حماية نفسها برغم إمكانياتهم الكبيرة ولما الأمور فلتت من يدهم صدرت التعليمات لجهاز الأمن في اليوم الثالث للمظاهرات بالتدخل وفعلاً دخلوا في الصورة وفرضو النظام ونظفو الشوارع بسرعة مدهشة لكن برضو خزلوا البشير بالعنف الزائد وإستخدام السلاح وفشلوا في ضبط عناصرهم.. وهسع البشير غضبان من الشرطة ومن الأمن وبقي ما بيثق إلأ في ناس الجيش.

لماذا لا تجلب هذه العربات عديمة اللوحات (والأخلاق والدين كمان) .. لتقدم للمسائلة والمحاكمة؟؟!!!