حزب البشير : حوار أستراتيجي مع أمريكا لرفع الحصار
الخرطوم:
أكد حزب المؤتمر الوطني، ان السودان يقود حواراً إستراتيجياً مع أمريكا بهدف رفع الحصار الاقتصادي، بجانب تفعيل دور المنظمات الشعبية واعتماد الدبلوماسية الشعبية لتقريب وجهات النظر بين الخرطوم وواشنطن.
وقال القيادي بالحزب وزير التعاون الدولي، د. كمال حسن علي لـ(المركز السوداني للخدمات الصحفية) أمس، ان الحوار مع الولايات المتحدة انتقل من تناول قضايا السودان الداخلية إلى تعزيز العلاقات الثنائية لتقوم على المصالح المشتركة وتبادل الاحترام، وأبان أنهم يتطلعون إلى حوار منتج وشفاف مع أمريكا لبناء شراكات إستراتيجية.
واضاف ان سياسة السودان الخارجية تقوم على تعزيز العلاقات واستمرار الحوار بصورة مكثفة مع الولايات المتحدة رغم وجود صعوبات لتطبيع العلاقات بين البلدين، واشار الى أنهم يتطلعون الى أن يتخذ المجتمع الدولي مواقف تدعم السودان وتسهم في جلب الاستثمارات الأجنبية واستجلاب الدعم لقطاعات المعادن والنفط والزراعة والخدمات التي يستفيد منها المواطن.
الجريدة
محادثة تلفونية بين البشير و اوباما بخصوص تطبيع العلاقات بين السودان و امريكا :-
البشير : اوباما كيفك انشاء الله تكون مرتاح
اوباما : بخير و الحمد لله
البشير : انت عارف يا حبيب انحنا عايزين نتصافى و نرجع العلاقات مع امريكا الي سيرتها الاولى و نكون حبايب زي زمان
اوباما : كيف يا يشة انت قلت امريكا تحت جزمتك و العالم دا كلو سمع بالحكاية دي — شينة منك
البشير : يا زول قشها لي في وشي — انت عارف كانت هوشا و هاشمية ساكت و انتهت في محلها
اوباما : يا بشة اقول ليك بصراحة شديدة الموضوع دا يمس كرامة امريكا و انحنا ما بنتلاعب في كرامة امريكا
البشير : و الحل شنو ؟
اوباما : ( بعد تفكير طويل ) شوف يا يشة انتا ممكن تجي امريكا و تخش هنا في البيت الابيض و تنبطح علي بطنك و انا اخت جزمتي علي ضهرك لمدة تلاتة دقائق فقط لا غير
البشير : دي حارة يا تاوبامتا ضوف حاجة غيرا
اوباما : لا ما في حاجة غيرا
البشير : طيب ماعايزين تصوير و لا صحافة و لا صحفيين — انتا عارف انا بكره الصحافة و الصحفيين
اوباما : ما في مشكلة
البشير : يا اوباما انت زول ود عمنا المفروض تراعينا شوية
اوباما : انا ود عمي ( سلفاكير ) انتا قلتا قرشي و عباسي ما في حاجة بتلمنا معاك
البشير : انتا صدقتا الوهمات دي — دي جاكات بنفكها في السودانيين الوهم — لكن انحنا افارقة وجزورنا من الفولاني في غرب افريقيا —
اوباما : قبل كدا انتا نكرتا اي علاقة تربطك مع الاخوان المسلميين — و اهسع قلتا انك افريقي — ناس دارفور ديل اهانا قرضهم قرض —
البشير : اقول ليك سر ناس دارفور قرضهم علي عثمان محمد طه — انت ما عارفو دا زول غتيت
لا تضيعوا وقتكم سدا
امريكا لن ترفع العقوبات عن السودان تحت حكم المؤتمر الوطني بل ستشدد العقوبات تدريجيا وصولا الى غايتها المنشوده التى ظلت تعمل من اجلها باصرار
من الغباء التعامل مع الاخرين كاغبياء بالتالي تكون انت الغبي وانت لا تشعر بذلك وتعتقد بانك يمكن ان تخدع امريكا بان من يذهبون اليها بانها وفود من الشعب والمجتمع السوداني فالامريكان يقابلونهم ويبتسمون في وجههم ويضحكون عليهم في دواخلهم لسذاجتهم
لا ادري لماذا لا يقتنع المؤتمر الوطني بانه لن يستطيع شيئا حيال الغلاقات الامريكيه مع حكومة المؤتمر الوطني بالسودان
الحوار الاستراتيجي مع أمريكا هو لإزاحتكم من السلطة حسب ما نعلم ..
قبيل قالو ليك الحلم ب قروش..
احلم ساي.
كذاب
امريكا روسيا قد دنا عذابها وسير سير يا البشير