البشير : منطقة ابيي تخص الشمال ولن ننسحب منها..أعطيت الضوء الأخضر للجيش للرد على اي استفزازات. شاهد صور حديثة من أبيي –

زول كضاب ساى ،حتنسحب رغما عن أنفك ،لأنكم أغبياء ومتهورين ولا تعرفون

فن السياسة والدبلوماسية أوردتم البلاد والعباد موارد التهلكة ،نبتهل للعلى القدير

أن يخرج السودان وشعبه الطيب من هذه المصايب وأن يزيل نظامكم لمزبلة التاريخ

انه سميع مجيب آمين.

منطق عجيب الم تكن ارض الجنوب سودانيه ام اصبحت ابيي مسمار جحا باع منزله وترك المسمار علي الحائط وعمل الدرب ساساقه

كلام سـلـــــــــــــيم;) ;)

من بحر العرب الي حلفا شماليه

والله بقينا متل المصريين كلام بدون فعل طيب انت قبل كدة حلفت طلاق وقلته جندي واحد اجنبي ما بدخل البلد ودخلوا وسرحو في البلد بالطول والعرض بالله عليك ياسيادة الرئيس خلي اي تصريح منك يكون له قدسيته حتى لا توصف بانك تغرد خارخ السرب بالله انت رئيس انتقايتو الله يكون في العون

we will see….it all about time….NCP stop playing SAF

اسد البرامكة دة عامل فيها اسد بس على ابييى ونعامة على حلايب وشلاتين والفشقة وارقين
:mad: :mad: :mad: :mad: :mad: :mad: :mad:

(((وقال البشير في كلمة القاها في الخرطوم ان ابيي تخص شمال السودان وانه لن ينسحب منها))) – ياريس لو انت مقتنع 100% ان ابيي شمالية لماذا وافقت في اتفاقية السلام 2005 على استفتاء أهلها ليقرروا انضمامهم للجنوب ام الشمال؟؟؟ وهل إذا طلب منكم جون فرنق او الوسطاء استفتاء أهل مدينة طابت (مكان مولد ياسر عرمان) هل كنتم ستقبلون – بالطبع كنتم ستسخرون من طلب الحركة – لذلك نرجو ان يوضح لنا المؤتمر الوطني لماذا قبل الاستفتاء في ابيي من الاساس؟؟؟

تصريح من شخص أهوج ومتسرع __ الآن رايس موجودة فى السودان وطلبت الانسحاب الفورى

من أبيي __ حنشوف كلام منو الحيمشى ؟؟؟؟____

النفخ فى الهواء والعنترية والغرور أدت الى نهاية الحمقاء مثلك والشواهد موجودة الآن __

أعمل حسابك وخليك دبلوماسى فى اجاباتك وماتشيلك (الجعلية) ساكت ___

:D

معقولة المكان البئس ده منطقة ابياي الغنية بانفط؟ زى ابل الرحيل شايلة السقا وعطشانة

مفترض وزير الدفاع ده يحاكموه بتهمة تبديد المال العام….. اسة عليك الله دي دايرة ليها طيران والله لو ولعت فيها قشة كبريتة تبقي رماد في خمسة دقايق
اين يذهب مال البترول يا معفنين…. مش مفترض جزء منه يمشى للتنمية في مناطق الانتاج؟ والله حرام عليكم والله حرام عليكم والله حرام عليك يا عمر البشير

هو بالله لسع فى بشر زى الاسمو محمد شريف عبد الله عتبروا الرجالة هرش وكوراريك وكمان مصدق انو الناس التحت الرئيس ديل هم البايظين أما الرئيس فهو شريف وراجل .. يا راجل ……السياسة وغدارة أمور الدولة ما فيها رجالة لأنها بالاساس هى فن إدارة البلد ويام فى بلدان حكمتها نساء ولكن لهمن رؤية سياسية ووصلن ببلداهن إلى مراحل أفضل من حكومات يقودهن رجال .. وتانى حكاية الرئيس كويس لكن المعاهو الما المعاهو ديل عارفين البير وغطاها وكم من مرة تصل الرئيس الشكاوى وينكشف أمر مسءول كبير ومقرب يقوموا سيادة المشير اقرارا لمبدأ نشر الفساد وذل العباد بترقية ذلك المسئول وإعطاءه فرصة أكبر لممارسة عاداته وسلوكاته السئية وعلى عينك يا شعب السودان .. لو أديتك أمثله حا تقول عايز دليل ما هو نوعك دى البساعد فى غطاس البلد .. اصحوا ياعالم وشوفوا الحقيقىة والبلد ماشى لو وين

هل نحن في القرن 21 ؟؟

نساند ونقف مع الشيطان حين يقف فى وجه من يحاول المس بكرامة السودان

السلام عليكم اولاً، لكن ياجماعة المشكلة الآن بعد أبيي تمشي كمان وده المؤكد ، حنقدر نغطي رواتب الجماعة ديل كيف والعقود المليارية، دي أم المشاكل اصلو الشعب خلاص متعود على الجوع والعطش مابتفرق معانا قبل البترول أثناءه بعده كلو واحد لكن ديل، والله خايفة ياربي يقوموا يتصرفو فينا يبيعونا ولا ياكلونا لكن نحنا ذاتنا عضام ساي والله محتارة وقلبي مقبوض

القوة العسكرية بدون دبلوماسية هى حماقة. الطرق الدبلوماسية التى اتخذتها الحركه الشعبية تجاه أبيى دليل على انها واعية سياسيا. وانها ستنتصرعلى الموتمر الوطنى سياسيا قبل العسكرية. والانتصار سياسيا اوجع من العسكرية لانها هى اسلوب العصر الحديث فى حل النزاعات. واكيد…اكيد…اكيد جيش المؤتمر الوطنى سينسحب من أبيى بدون شروط. عمر البشير قال أبيى شمالية, فاذا كانت شمالية, لماذا هرب سكانها من جيش الشمال ان لم يكن جيشا غازيأ؟ ولماذا نهبوا ممتلكات المواطنين وحرقوا المنطقة اذا كانت شمالية؟ ولماذا هرب سكانها جنوبأ؟ أليس ذلك دليل على أن المنطقة جنوبية؟

نذكر الدجال الأهبل البشير العوير أنه أقسم قسم مغلظ بإنه مافى جندى أجنبى حايدخل السودان والآن مقر قيادة القوات الأمميه على بعد خطوات من هذا االهبنقه …
بلا ياخدك إنت وجيش ال…… بتاعنك ديل .. كان رجال هنديك حيب والفشقه أمشوا حرروها ولارجالتكم على شعوبكم قال جيش سودانى قال … واسرائيل ماعملت فى الفسلطينين العملتوا فينا يامتسلط

فليكن في علم الجميع ان مشكلة أبيي ماهي الا ستار تسعي حكومة الديكتاتور البشير ان تغطي به مشاكلها ورائحة فسادها الذي فاح واشغال الشعب عن المشاكل التي ستظهر مابعد الانفصال وسبيلع البشير عناوينه وينسحب كالكلب منها كما بلع قسمه من قبل حول دخول القوات الاجنبيه لدارفور ، فهذه الحكومة لايمكنها الاستمرار الافي ظل الحروب الاهليه المصطنعه والأزمات المفبركه لشغل للشارع والسذج

شنو اخبار مثلك الاعلى قوش ؟

نسال الله ان يحمي السودان واهل السودان من الفتن وينعم علينا بالامن والامان

The land under conflict is 4 all of Sudan otherwise it is for the biggest division of the Sudan if separation take place , but it is better for the Sudan to be one country and it will be after somewhat war as I believe to filter the zionist elements in south and north as well , Sudan is one nation , down down colonization :lool: war is better than division or separation down down colonization

أبيي شمالية ونحن مع المؤمتمر الوطني واي زبالة عندو كلام غير ده يمشو يقولو في السودان ضيعتو السودان بي عدم وطنيتكم وانا اتمنى زوال نظام البشير بس وطني وحاتشوف يا خائن الحايحصل ابيي شمالية مية المية عاش السودان حر وابي وأبيي كمان

الصورة الفى المربع الصغير ده الساحر و الاطفال ولا انا غلطان

الاخ / خالد ومن ورائه السادة جميعا ،،،،،،،،، تشن حربك على الجيش السوداني وهو مؤسسة وطنية جامعه لكل ابناء السودان تريد ان يقول لك ماذا قدم أحدهم للسودان وكن موضوعيا ولا تنفعل بالرد أن شئت ولا تسب ولكن أنظر لأمرك بروية وتجرد ومن ثم انت حر في حكمك على فرد او افراد ولا يكن حكمك شاملا للقوات المسلحة ،،، اولا هاهي باكستان الدولة النووية العظمى في تاريخها العسكري تفشل رادراتها عن رصد طائرات امريكا في ضربت بن لادن فكيف بأسرائيل الابن الودود لسيدة العالم تكنلوجيا وتسليحيا!!هذا عن ضربة بورتسودان ،، اما حلايب فأتفاقية السد العالي وماحوته عن تعويضات الاراضي بين السودان ومصر تغني عن الحرب ،،،اما عن الحبشة فهم ادرى منك بالجيش السوداني حينما رفض منقستو ومعه حيئذ اسلحة السوفيت ان يتم تطبيع العلاقات بين السودان والحبشة مالما يسحب جعفر النميري الفريق توفيق ابوكدوك وهو انذاك قائد المنطقة الشرقية ،، انظر لأجل ضابط واحد ملأ هدومه كما المثل توقفت علاقة بلدين وتم سحب الفريق ابوكدوك ليتم الاتفاق ،اما ماذا قدمنا فأسمع وأعي اخي حاربت في الثماننينات اتدري بماذا بجيش لا طعام ولا امداد ولا سلاح ولا ذخائر حاربنا في ادغال الجنوب ليس لأننا شمالين مغتصبين او لأننا تجار عبيد حاربنا لأجل السودان ووجدنا جنوبا يعتمد كليا على موارد الشمال حتى تعينات الجيش كانت تصل لأعداد كبيرة من الجنوبين ورأينا حقدا وغلا لم يتسبب فيه ابي ولا أنا ،، حاربنا قوات قرنق وهي بأسلحتها وعتادها الذي يفوق عتادنا وسلاحها الذي اهداها اليه مدعى العروبة القذافي ،،لماذا صمدنا يومها لأننا كنا نرى حال الحرائر من بنات السودان ان تخاذلنا ماذا سوف يجري لهن وكنا وقتها لم ننم مع زوجتنا ولا زوجات لنا ولا حبيبات بل كن أخواتنا واماتنا وخالتنا وعمتنا ،،ياخالد قدمت للسودان اجمل سبع سنين قضيت منها خمس في احراش الجنوب من كمين الى معركة قفدت افضل اصدقائي واحسن من عاشرتهم على البسيطة ،،وعندما انت تبكي على الديمقراطية رمت بي الى أتون الشارع لم تشفع سنين شقائي ودفاعي عن السودان لي رمتني ديمقراطيتكم الزائفة وعدت وعملت براتب عامل نظافة يتقضاه في السعودية في عهد الانقاذ وفاءا لصديقي وحب في جيشي برتبة رائد وأختلفت معهم وعدت الي الغربة طائعا ولا طاعن في رحم مؤسسة اعطت السودان خيرة شبابه ورمز عزته ،،ومازال اصدقائي يواصلون العطاء لا بيوت لهم ولا فلل يسكنوناها ،،وانت ياخالد في بلد ديمقراطي يحترم رجال الجيش اتدري لماذا لأنه يوم الحارة لن تجد سواهم يحملون ارواحهم بين ايديهم يساقون الي الموت لو كل شخص تذوق طعم معنى الايه الكريمة (واذ بلغت القلوب الحناجر ) لعرف ان يحترم من كان عمله ذاك ولم يهنأ يوما في الدنيا فلا تصب جل غضبك على هذا الصرح فأن رحم السودانيات لم ينضب من رجال همهم السودان ولا تبكي على الجنوب ولا تنوح عليهم فوالله لا خير فيه ولا رأي سديد يسوده وقبائله شرازم وبتروله ليس بأكثر مما في الشمال فلا يجزع احدكم باننا سوف ننهار بل سوف يقف السودان شامخا ويولوا الدبر كل متخاذل خذال والعزة للسودان الشمالي بما فيه حفظت القران من ابناء دارفور وشرقه بوابة العلم من همشكوريب الي سودري وابناء جباله النوبة من دلنج سودان الى اخر قرية في حدود غابة ام ضهيب كرندي والانقسنا الى حدود الما بان اسمعت بهذا السودان ياخالد !!