بيان مشترك بين الحركة الشعبية لتحرير السودان و حزب المؤتمر السوداني

الله يحرقكم كلكم مستفيدين من دمار الشعب واستمرار الحروب وانتوا تجاره ماسكين قضايانا ومسترزقين منها خارج الوطن 27 سنه بتطلعوا في بيانات اضافة للشعب الطيب دا شنو وجعتوا نظرنا ساي …. هانت لكن ياارزقية الحروب وياتجار الدين بقيادة البشكير

شبعتونا بيانات بس،،،
مش عرف لمتين تفضلوا خادمين الشعب السوداني بهذه البيات التي لا تساوي الحبر الذي كتبت به
الانقاذ تبرطع في البلد ليها اكتر من ربع قرن والنَّاس قامت ليها قرون من الصبر والفقر ،،،وليكن عشرين سنة بتجتمعوا في السلاح القتلو بتاخدو من القوات الحكومية وكل الحركات حامية بين الحدود ومعشمين الشعب بالإطاحة بالحكومة ،،،،
ابسط حاجة لو كل الحركات دي اتحدت في قوة واحدة وخلصوا النية في اقل من 24 ساعة بقلبوها،،،
لكن مصيبتنا فيكن كل خمسة ركبو لاندكروز وتلفون ثريا ورائهم بوكسيين رافعين علم حركة ،،،
احترنا والله ،،،
الحكومة تقول في الحوار الدائر اكثر من 30 حركة مشاركة ،،،
وأنتو برة اكثر من العدد دة،،،
يعني ماف فايدة بصراحة ،، حتي اذا سقطت الحكومة حنخش في نفس الدوامة كم وخمسين حركة وقوات ومليشيات كل واحدة عايزة نصيبها في الحكم ،،، والشعب مغيب تماما،،واستعراض القوة امام الانقاذ بدل ماتكون الاستقواء بالشعب ومن اجل الشعب ،،الشغلانة بقت حركات وكلاشينكوفات وناس المعارضة جماعات جماعات وصلوا لأكثر من 90 حزب ولسة الحبل علي الجرار،،،
اذا لم تتوحد الحركات في قوة واحدة وجيش واحد ما حتعملوا الحبة
واذا ما المعارضة اتحدت في حزب واحد ما حتغيروا ألفة في فصل
وآخر المطاف الشعب قرف من الجميع وما عايز يطّلع وكية في الجميع كاتم نفسوا لي غاية ما تكملوا بعض ويرتاح منكن كلكن،،،،
يعني حيتغير شنو؟
تفوت الانقاذ يجوا الجلاكين والعواجيز الديناصورات التلاتة وخلفهم التوريث،،، وتدخل الحركات المسلحة والمليشيات في صراع علي السلطة مع المعارضة. وتجوط الحكاية وندخل في بند الوصاية الدولية لربع قرن قادم
الشعب منتظر يموتوا الديناصورات التلاتة -المهدي-الميرغني-الترابي وسنة 2016 عام موتهم وانقراضهم أنشالله ،،،،والبشير ما حيكمل عام 2016 والقادم تاريخ اسود والشعب حيحرق الأخضر واليابس لانه اصبح ياءس،،،
لا خيار الا الثورة علي الجميع وكنسهم عسكرهم وسادتهم وتخلص الحكاية ونبدأ من جديد،،،
يا كدة يا السودان زي ليبيا وسوريا العام القادم مادام الترابي بمجد في داعش عينك عينك بدون خجل او حياء ،،،،
الله يرحمك يا السودان كان زول طيب،،،

والله لو إتحدنا نحن ناس الراكوبة ( كتاب وصحفيين ومحاميين وقضاء ومهندسين ومعلقين وأصحاب المال ) وإنضمينا بعقولنا والعمل الذاتي والأموال إلى هذين الحزبين وبقيةالأحزاب الأخري المناهضة وبالإخص أحزاب الشباب ماعدا حزب المؤتمر الشعبي، لنقتلغ ليس الرقاص الهارب وغصابته فحسب بل نقتلع الجبال من الأرض .
كســرة :
ما زال لدي أمل قوي في أن يرى النور مشروع تكوين حـزب سياسي مناهـض لحكومة الرقاص السفاح الهارب تحت سقف راكوبتنا هـذه .
تعليق سابق :
سبق لشخصي الضعيف أن ناديت عدة مرات وما زلت أنادي، يجـب علينا أن نتحـرك بعقولنا وجهدنا وأموالنا لإزالة هذا النظام الفاسـد، والتوافق على نظام بديل عـادل ورشيد، يحسن إدارة موارد الوطن الهائلة، وبقائه أمــة واحـدة وشعـوب متحـدة متحضرة. وعليه أقترح مرة أخرى بأختيار راكوبتنا هذه أن تكون مركز للإنطـــلاق منه، بدلا من الدوامة التي نحن فيها هذه، كفاية مفالااات وتعليقات با أخوانا. لقد أصبحنا مثل الذين يجلسون أمام ستات الشاي.
هنالك ما شاء الله في هذه الراكوبة أولاد بلد علماء وعباقرة ولديهم الأمكانيات المالية الضخـمة ورصـيد كبير جـدا من العلاقات بأصحـاب القرارات في معظـم دول العالم، فلماذا لا نترك موضوع المقالات والتعليقات هذه التي أصبحـت لا تثمـن ولا تغني من جوع ؟ كفاية يا أولاد عازة كســــل ونوووووووووم والإتكال على الغـير. لقد أثبت ما لا يدعوا للشك أن شـبابنا المناضـلين في الداخل لا يمكنهم التحـرك دون مساعدة منا.
تأبى الرماح إذا اجتمعن تكسرا
يلا يا أخوانا هيلا هوب « ايــد عــلى يــد تجــدع بعــيد»
وسجلوا عندكم يا أعضاء حزب الراكوبة الجديد. أنا أول المتبرعين، من 1.000 إلى عدة ألاف من الدولارات .
أخوكــم
أسامة الكردي

اتفاق ولاإءتلاف (حلو -صور زكريات مرسومه على كل وجه ابسامه عريضه عرض الحائط.) ما مشكله كل خطوه لى قدام كويسه لكن عاوزين بيان بالعمل وده الاهم والمهم ولا انا غلطان؟ سمعنا كتير وصبرنا اكتر والامه المغلوبه على امرها هلكت وتعبت من توالى المصائب عليها من كل جانب فى كل اطراف السودان ,فهل عندكم فى الاتفاقيه بند يحل هذه المشكله ؟ ام حبر على ورق واتفقنا ساكت وانتهت الحفله واتلمت الكراسى وكل فرد راح لحاله؟ والحال كما هو.

الأمل معقود على كل القوى السياسية السودانية بتقوية التحالفات من أجل قوى متماسك نحقق فيه العدل والحكم الرشيد والتداول السلمى للسلطة والوضع الراهن اصبح مهددا لمستقبل السودان فالتغيير اصبح جلى وحتمى

إتلهو. أنتم شقاء كافة الشعب السوداني والكيزان بقرفن وعفنن أحسن منكم, الكيزان بحاربوا فيكم لتوحيد ما تبقي من سودان وإنتو بتحاربوا في الكيزان عشان تقسموا السودان ,لأن الغرب غاشيكم بمناصب.لو بترجعو لتاريخ الغرب بتعرفو علي إنو الغرب لمن تقضو حاجتهم بفكوكم عكس الهواء, لكن إنتو غرقانينى في العسل.

مصيبتنا هي كثره الاتفاقيات والمؤتمرات بدون ادني نسبه من التنفيز
علينا ان نبدا في العمل لوقف التقمه الفاسده فالوضع لم يعد يستحمل
علينا ان نجد في العمل الجماهيري

رضينا ام ابينا ،حزب المؤتمر السوداني هو الحزب الوحيد الذي تراه الان في كل مكان،في الاسواق وفي الحارات وفي الاقاليم بدون خوف او وجل وبالرغم من الاعتقال المتكرر لاعضائه وزجهم في بيوتات الامن،حزب يستحق الاحترام ويستحق ان يدعم،.ولكن دون تفعيل لعمل العسكري وبشكل مبتكر يهز اركان النظام ويجعل صقوره يتحسسون سراويلهم من البلل فلا فائدة،اعملوا وسط الجيش،ضباط وضباط الصف ليس لحماية الهبات الشعبية،هذا امر مستحيل والانتفاضة المحمية بالسلاح كانت مجرد رؤيا طوباوية غير قابلة للتنفيذ..،/انقلاب مشترك يضع حدا لغطرسة. البشير وصحبه الذين اعتقدوا ان السكون يعني السلام والخضوع ولا يدرون ان السكون الان يعني فجة الموت

نصدق منو؟؟؟؟؟؟؟؟

نخن زهجنا من حاجة إسمها مؤتمر … مؤتمر وطني … مؤتمر شعبي … مؤتمر سوداني … كسم المؤامر زاتو .