بلاتر يطمئن قطر: لا مساس بكأس العالم 2022… رئيس الاتحاد الدولي لكرة القدم يؤكد غلق ملف التحقيق في مونديال 2022 لعدم وجود ادلة تدين القطريين في القضية.

“مستوي التضخم دا يعني شنو”؟

الدولار كان قبل 3 شهور 8 جنيه في السوق الموازي و الآن 12 جنيه = 4 جنيه ارتفاع – يعني التضخم قي جنيه دولة الاسلام مقابل الدولار 50% خلال 3 شهور.

و جاي تكلمنا علي انخفاض تضخم قي ديسمير ب 1.74%

ديسمبر 12.58
نوفمبر 12.80
—–
الفرق (0.22)
=====
بتراجع نسبي 1.74% جات من وين؟

التجار ديل كلهم بيستودوا البضائع المتوفرة في السوق من الخارج لان البلد لا تنتج شيئ و الودلار ارتفع 50% طيب كيف الحاجات ترخص في السوق؟ ما في حاجة في السودان بترخص غير البني آدم و عروض شركات الاتصالات لانه شعب يموت في النقة.

وكل يوم بتنشروا قي الاخبار انه سعر الدولار ببنك السودان 6.7 جنيه. طيب قبلانين بي كلامكم دا بس خلي اي مواطن سوداني عنده مريض عايز يعالجه بالخارج يمشي بنك السودان و يقول عايز يشتري دولار للعلاج بسعر 9 جنيه و ليس 6.7 جنيه كما تزعمون. 100 دولار ما بتدوه بسعر 9 جنيه لانكم انتوا اصلاً فاكين تماسيح في السوق الموازي عشان بشتروا ليكم الدولار بسعر 11.6 ج فكيف حتبيعوا للمواطن المحتاج للعلاج بسعر 9 ج وانتوا مشترين ب 11.6 ج؟.

قال انخفاض تضخم قال … طق حنك … الكلام ببلاش و الودلار بقروش.