جهاز المغتربين ينفي إعادة العمل بنظام إقرار العملة للقادمين

يعني الكلام دا لوعايزين يطبقوه قدر القريشات الكان بدخلها المغترب في الاجازات حاتنفطع بمعنى حايخليها قبلها ويجي السودان يستلم مقابلها جنيه سوداني وتجار العملة خارج السودان اكثر من الداخل

يفكو الاشاعةوبعدين ينفوها
شوف يا ابودقينه تنفي تؤكد المغتربين ما شغالين بيكم شغلة

يعني يا مغتربين عليكم ان تحبثوا عن وطن آخر لأنكم غير مرغوب فيكم بعد أن خنتم دولة الكيزان ومشروعها الحضاري ورضيتم بالعمالة ورفضتم أن تصبحو عبيدا لهم تقاتلون من اجل بقائهم في السلطة الي يوم الدين منّعمين، يسرقون ويتحللون ، يستوردون المخدرات بالأطنان ، ملياراتهم تتداول في بنوك ماليزيا ودول الخلج ،يمتطون فارهات المركبات ويتخذون من ناطحات السحب سكنا لهم ،وينظرون الي الشعب ولسان حالهم يقول كما قال فرعون أنا ربكم الاعلي ،ومن النساء مثني وثلاث رباع ومن الخدم مثني وثلاث ورباع ومن الصديقات كذالك.
وبعد أن تأكدوا تمام من نهب كل مليم في جيب كل مواطن شريف ،إتجهو إلي المغتربين الذين نفذت جيوبهم من الريالات التي تدفع للدولة بالمليارات من ضرائب وجمارك ودمغة جريح ،ودعم الدعم السريع ،والنهب السريع،والتحلل السريع،و(الخوارالوطني) والرقم الوطني،والأمن الوطني،والمؤتمر الوطني وكل شئ (وطن?) بدون أي مقابل ماديا كان أو معنويا.
ودمتم يامغتربين صيدا سهلا وجيوبكم مفتوحة للكيزان يغرفون ويشفطون منه كل شقاء عمركم ،وحصاد غربتكم ،ومستقبل ابنائكم .
يا أيها الكيزان ابرزو مالديكم من عملات في سبيل الوطن مسروقة كانت أو منهوبة ،حلال كان ام حرام، في سبيل هذا الوطن والشعب الجميل، ففي هذه الحالة فقط سبسط أيادينا كل البسط ،وسنبرز ما لدينا دون يسألنا أحد كل غال ونفيس .o

قروشنا فى جيوبنا ونحن احرار فيها . ومافى جهة وسلطة بعد الله تتحكم فينا . قروشنا بنحولها فى السوق الحر بالسعر الذى يعجبنا . وسوف نقضى اجازاتنا مع اهلنا فى مصر أو تركيا أو اى مكان وبلاد الله واسعة .

هههههه علم وينفذ …
مافي حاجة مطفشة المغتربين من البلد غير جهاز المغتربين الهاربين بالخارج ده …
في تخلف يامعلم اكتر من انو الواحد يقيف في صفوف طويلة عريضة بالايام عشان يدفع قروش ماح يلقها قصادها اي مقابل… ضرائب وذكاة جمع بين اختين اقصد حسنيين عدييييييل كده ده غير حق الخدمات ولا خدمات …والله ده مابحصل في اي دولة متقدمة وللا نايمة…حصري علي السودان بس
جهاز قطاع الطرق الاسمو المغتربين لو ماشفتو ليو حل زول بجيكم بالقنوات الرسمية ماف …وراس المال جبان يافردة ولايلدغ مغترب من جحر مرتين الا يكون فارة ساكت ..
كمان الدولار عار ثم فحط حتي يثلج صدور قوم مغتربين …تقول لي قنوات رسمية

المغتربين المن برة
الشماشة ليهم ليهم الله ليهم الله
ح تدخل الغنية دي سوق الهابط تااااااني بعد هبوطها من زمن الثمانينات الي الالفية التالتة

هههها تفكوا الاشاعة عشان تشوفوا رد الفعل اهها اوع يكون رد الفعل اخافكم.. سوف يستمر المغتربون في مقاطعة التحويل عبر البنوك السودانية ولن يأتوا بعملات للبلد أيام الاجازات بل ستكون مقابلة الأهل والأحباب في مناطق محايدة خارج السودان والحشاش يملأ شبكتوا..

اقتراح لمن يهمه الامر:-

أن يتم ضم مباني الجهاز الي ولاية الخرطوم( هيئة الاسكان و التعمير) لتحويها الي مشاريع مجمعات سكنية (شقق وفنادق و شقق مفروشة ) تملك أو تؤجر لمن يرغب خاصة المغتربين, لا سيما الموقع ممناز في قلب الخرطوم وسوف تدر مثل هذه المشاريع علي الدولة اموالاً و ارباح تغنيهم عن السؤال و الكف عن مضايقة المغتربين وتكون بديلاً عن النصب و الاحتيال الممنهج الذي نراه الان. ودمتم

لو طبقوا هذا القرار الحكومة والبلد حا يخسروا اكتر اخير تكون كدا والامور نوعا ما ماااااشة….ما تقفل البلف يا عـــــــــــــوض خلي النقاطة تشتغل..