كمال ترباس : كل واحد بعد ده يشوف محلو ..ماممكن زول يكون في سلخانة وشغال في الفن..اجازة قانون المهن الموسيقية والمسرحية..
أجاز المجلس الوطني برئاسة أحمد ابراهيم الطاهر قانون المهن الموسيقية والمسرحية الذي تشتمل بعض بنوده على عقوبات تصل حد السجن والغرامة لمن يخالف المقاييس الخاصة بالمهنة والتي على رأسها الموهبة الجادة والتأهيل الأكاديمي كما يضع القانون قواعد السلوك المهني الرفيع واخلاقيات المهنة بهدف المحافظة على الذوق الفني العام . وشهد الجلسة بدعوة من رئيس البرلمان رئيس الاتحاد العام للمهن الموسيقية والمسرحية الدكتور عبد القادر سالم ورئيس الاتحاد العام للفنون الدرامية السودانية ونائب رئيس الهيئة الدولية للمسرح على مهدي .
وفي الأثناء رحب عدد من الفنانين باجازة القانون واعتبروه جاء في وقت مهم لإيقاف ما أسموه بالعبث الذي إستشرى من بعض المغنواتية في الفترة الاخيرة وقال الفنان كمال ترباس ان القانون جاء لتنظيم المهن الموسيقية والفنية واضاف (عشان كل واحد بعد ده يشوف محلو وين .. وماممكن زول يكون في سلخانة وشغال في الفن).
صحيفة فنون
كمال رباس يا جميل طول عمرو لسانك طويل …..تسلم يارب
مشكلتك لا تدري ان ما تقوله لا يستحق
لذا عليك بالصمت فذلك افيد لك
او تابع وتعلم من غيرك
خلاص الفيكم اتعرفت
وهم فى السودان اسمو الفن ياجماعة ارجعو الى بارئكم
ياترباس ماله السلخانه والجلود ماطلعت ناس فنانيين ولي نسيت نفسك ياحبيب
وانت يا زرياب كنت وين ?بمبرك لسه موجود فى كسلا فى ال………..
يا كمال طرباس تقصد شنو بي كلامك ده
-الصورة مع فنانة اثيوبية
يا اخى انت نسيت نفسك يا ترباس والله مازلت اذكر جيدنى ايامك فى كسلا وفى حوارى ابوخمسة فى عز النهار وانت ماشى كدارى وبعدين اسمك ده جاء من وين ؟وبعدين على ذكر السلخانة يا اهلكم كلهم تجار جلود والله ناس عزاز ومكرمين ومحبوبين فى كسلا يا اخى بلاش السخرية من المهن الشريفة وعلى فكرة لونسيت نذكرك تعرف محمد احمد عوض كان شغال شنو؟
ترباس وقفل و كبلون انت جاثى من نمرة 2 عفن اخر زمن
اولاً انصحك ياترباس والدين النصيحة , تب الي الله سريعاًواستغفره وطالب انو صورتك مع هذه العارية الا تنشر مرة اخري وحتي لاتكون سنة سئة جاري عليك اثمها, تبرأ اليوم منها قبل الغد
قصر لسانك يا ترباس
والله يا الاستاذ كمال كلامك حقيقة مية مية اية ……..عايزة او عايز يظهر في الساحة الفنية ولكن ملحوظة واحدة صورتك مع هذة الفتاء الاثيوبية العارية المتبرجة هذة الصورة حتخصم من رصيدك الفني لان هؤلا الاثيوبيين العاريات الكاسيات لاينتمون الي الديانة الحنفية وانك مسلم – تذكر قول الله تعالي (قل للمؤمنين يغضوا من ابصارهم—-:confused: ياكمال
يا ترباس الا تعلم ان الفن ليس فى الغناء والموسيقى يااستاذ الفنان هو كل شخص يجد عمله تماما ويبدع فيه وبعدين ياخى الشغل فى السلخانة ماهو عيب ربما يكون احسن من المغنياتى راجل بياكل من عرق جبينو وطالما العمل مباح فلا غرو فى ذلك الا تدرى عامل السلخانة العفيف دا البتستفز فيهوا انت ربما يكون افضل منك ولا نزكى احد على الله لكن لا نحقر بعضنا انت باين عليك اصابتك دعوة المرحوم الشيخ كشك وقلبك اتربس بقيت تصرح وتطلق كلماتك والفاظك على عواهنها دون احترام للآخرين فاترك هذا الغرور والتعالى فكلنا من التراب والى التراب ياعزيزى0
ياقفل اقسط ترباس السلخاتة دى مهنة شريفة ومش من غناك المنحل وياخ انت كنت معلم كيف اوزن كلامك وقوله ماتبقى امى وساذج هل تعلم ان المرحومين ميرغنى المامون واحمد حسن جمعة كانو شغالين وسط الجزارين ومافى يوم اساؤ او قللون من مهنة وياخ احترم تحترم
يا كمال ترباس ليه تهين المهن هل تعرف ماذا كان يعمل الفنان عثمان حسين وابراهيم عوض الاتعلم باننا يوم اهن المهن قدرتااجعنا ان اى عمل شريف له اهمية فى المجتمع اذالم يعمل الذبال كيف سنعيش كل مهنة لايستطيع اى مجتمع ان يستغنى عنها واعلم ان قيمة كل امرى مايحسن
يا ترباس قبل ماتكون فنان كنت شغال شنو دائماً كلامك جارح هذا غرور ارجع لصوابك
لسانك طويل يا فردة والشغل ما عيب وهل نسيت أيام كسلا في الستينات تدخل من بيت عزابة لبيت عزابة لا شغل ولا مشغلة وتنوم في اي ملف وفي الصباح ترفع المخدة تلقى الشباب ختو ليك حق الفطور هوي أقعد في مواعينك
ترباس يا متربس
سيدك وتاج راسك المرحوم حسن خليفة العطبراوي
بدأ حياته بالجزارة
فانظر مكانتك ومكانته في قلوب السودانيين
انت مطالب باعتذار رسمي على هذه الكلمة
تخريمة :
مبروك عليك (( ست النهيد السكري )) المتصور معاها دي ؟