نحن برضو ناسنا جاهزين ياريس!!!
نحن برضو ناسنا جاهزين ياريس!!
حسن العمده
[email][email protected][/email]
? الشعب شذاذ افاق ياريس؟؟
? فكيف تحكم قوما مثلنا ؟؟
? لايليق برئيس ان يقول على شعبه كدة!!
? شذاذ الافاق الذين تظاهروا وخرجوا منادين بالتغيير والثورة فيهم الاطباء والمهندسين والمحامين والمعلمين وطلاب الجامعات وقطاعات واسعة من الشرائح المجتمعية .
? انت مؤهل اكتر من ياتو في الشرائح المذكورة اعلاه ياريس؟؟؟؟
? في تدشين الحملة ا لانتخابية الاخيرة قال الرئيس البشير بالحرف الواحد(المرة دي جايين انتخابات عديل كدة!!!) بمعني اوضح المرة الفاتت ماكانت عديل كدة؟؟
? يعني الجنرال البشير اخطأ اخلاقيا في حق الشعب السوداني (شذاذ الافاق) مرتين ، مرة انقلابه العسكري على ديمقراطية وحكومة منتخبة من قبل شذاذ الافاق .
? ومرة بانتخابات ماعديل كدة!!!
? وتنتظر من الشعب ان ينتظر لتدشن حملة انتخابية اخري وتردد نفس العبارة(المرة دي جايين انتخابات عديل كدة!!!)
? جربناكم كمين مرة تاااااااني نجرب عشان ننضر؟
? مرة قلت داير تعمل كوسو في القضارف والقضارف امس بتكوسك يعني القضارف عملت كواسة ليك
? انت حينما تم انتخابك من قبل الشعب (شذاذ الافاق) فانت رئيس لكل السودانين الموالي والمعارض بحكم الدستور والقانون فكيف تكون مليشيات علي اساس تقييم حزبي وتقوم هذه المليشيات بضرب المواطنين امام مرأى ومسمع الاجهزة القانونية في الدولة بالسواطير وتقول بعد داك ناسنا جاهزين ؟
? يعني انت عندك مليشيات منتقاة من خارج رحم الشعب السوداني(صينيين مثلا او ايرانيين) وهم مازيينا كدة شذاذ افاق لحمايتك الشخصية ونظامك الذي تبقت له ايام محدودة
? فاسك ماقدر راسنا وحبوسك مابتسع ناسنا
? انظر الى الاباطرة زملائك ممن احترفوا علي القمع والاذلال لشعوبهم بن علي والود حسني وعلي عبد الله صالح وما القذافي عنكم ببعيد
? لما تولى عمر بن الخطاب رضي الله عنه السلطة قال ياليت ام عمر لم تلدعمر وانت البطن الجابتك والله لم تندم
? وقال بن الخطاب لوعثرت بقرة بالشام لكنت المسئول عنها لماذا لم اسوي لها الطريق
? بمناسبة الطريق وعلى طريقة الرائع الفاتح جبرا اخبار طريق الانقاذ الغربي شنووووووووووووووو
? الشعب السوداني الان (شذاذ الافاق ) يقولون لك ارحل
? كفانا منك ماذقنا الجوع الزنزانة المحنة فانت وعصبتك من اضعتم النفط ومارستو الهمبتة بان تاخذوا كل سفينة غصبا
يبقى يننا الامل دوما في التغيير,,,,,,,,,,,,
“قبل كد قلت العايز السلطة يطلع لينا فى الشارع ” ولما طلعنا الشارع ما شفنانك ، عايز تطع ناسك زى ما قلت وبرضة ما شفناهم – بالله دا كلام زول عاقل والله رباط فى الفابة ما يقول كدة فما باك وانت رئيس مسئول –
هل من المسئولية استعداء البعض بالبعض ؟ اليست اجهزتك النظاميةقادرة على ذلك ؟ ام انك تشك فى ولاء تلك الاجهزة التى حمتك ونظامك عقدين من الزمن ؟ هل ترى و بعد كل التصفيات التى قمت بها لازالت نلك الاجهزة محتاجة لتصفيات اكثر؟ اجهزتك النظامية ستنحاز حتما لصالح الجماهير الهادرة التى خرجت للشارع و تنادى “يا الخرطوم ثورى ثورى لن يحكمنا لص كافورى ” ولذا ارتأيت ان تأتى بمجاهديك لتحارب بها الشارع الذى خرج طلبا للسلطة ولأسقاطك والذى طلبت منه الخروج للشارع ان كانوا يريدون السلطة نحن جاهزون لهم، اين كانوا هؤلاء عندما احتلت هجليج ثلاثة مرات فى شهر واحد ؟ واين كانوا عندما استباحت اسرئيل ثغرا من ثغور بلادك؟ او تعتقد كما قال فريكم “كانت وقت صلاة والدنيا كانت مظلمة علشان كدة ما شافوا الطائرات – وهل تنام الاجهزة المناط لها بحماية الارض والعرض وهل الصلاة تعيق عمل تلك الاجهزة؟ وهل باتوا فى جحهورهم عندما سقطت المدن والبلدات فى ايدى قوات الجبهة الثورية فى النيل الازرق وجنوب كردفان ؟ نعتقد انهم مثلك من اشباه الرجال – ما هذا الهراء ايها المعتوه اما كفاكم تنهبون خيرات البلاد وتقتلون شباب هذه الامة وشيبها ونسائها وتغتصبون ثروارت البلاد وتكنزوها فى قصوركم وحساباتكم انتم وزوجاتكم؟ اما كفاك تمتعا بتلك الثيبة التى اغتلت زوجها لتفلح بها؟ صحيح ” ان لم تستحى فأفعل ما شئت”
ديك المسلمية بعوعى وبصلتوا بحمروا فوقها ……!!!!!
الرضاعة ساااااااهلة صعب الفطام …
انت ياحاكم السجم والرماد كل يوم تدين في نفسك وتربط الحبل حول رقبتك ياخي الصقر ان وقع كترت البتابت عيب خارج روحك قبل الفضائح ماتحصل والتارخ اصبح الان يوثق بالصوره والصوت ومادام قلت عن شعبك شذاذ تاني مااظنك حكمتهم
يا اخوانا انا استقريت على رأي: الراجل دة عايز يسجل ماركة باسمو.. القذافي قال لشعبو فيران والآسد قال لشعبو جراثيم .. ايش معنى الراجل بتاعنا ما يكون له بصمة…