وزارة التربية والتعليم : التحفظ على طلاب أجانب بعد ضبطهم في حالات غش بامتحانات الشهادة

المنافقة التي أقسمت بالاستقالة بعد فضيحة مدرسة الريان!وهي مازالت مكنكشة في كرسي وزارة التأليم! وماذا عن مايدور في وسائل الإعلام الأردنية مقروؤها ومسموعها؟؟!!!

أول حاجة أن الشهادة السودانية فقدت مصداقيتها يوم ارتضى المسؤولين في الوزارة أن يعطي المجاهدين في الجنوب درجات زيادة مقابل جهادهم هناك ..

والله المرأة دي كضابة جنس كضب !!! هل الطالب الذي يغش في الامتحان يتم التحفظ عليه بحبسه في زنازين ناس الأمن ؟؟ بالله عليكم ارحموا عقولنا وعقول كل الناس . ربنا سخطكم حتى اصبحتم الكذب والفبركة لا تجيدونها . كان الاسلم ان تقفلي فمك وتلزمي قد بيتك .

الكلام دا كلو عشان الامتحان تم تسريبه للطلبة الأردنيين بواسطة الفاسين منكم ولا تريدون الاعتراف بهذه الحقيقة .

وكيف تأكدتي سعادة الوزيرة أن الطلاب السودانيين لا يغشون ؟؟ هل تدرين أن معظم المدارس الخاصة التي تتفوق كل سنة اعتادت ان تحصل على نسخ من الامتحان قبل موعده مقابل مبالغ مالية للفاسدين منكم
لعنة الله عليكم أجميعن

الانكار لايفيد ,أصلا ما الني يجعل طالبا اردنيا او مصريا وليس لديه جنسية سودانية يجلس لامتحان الشهادة السودانية؟؟؟؟؟؟دا بيع وشراء في سوق الله اكبر

افهموها بقى …………بتقول ليكم الامتحانات تم كشفها للطلبة الاردنيين فقط اما الطلبة السودانيين الغبش لايحتاجوا الى تزوير

واللي بيغش في الإمتحان بيسجنوه !!!!! يا الله لي متين !!!!

انا ماهجر فى بلاد الله عند صديق قديم من سنين ما شفته …. كلمني على الهاتف
سالته بعد ما عرفنا بيع شهادات جابت ليها كشف امتحان … شوف بيع شهادات موجود من ثانوية الى جامعية الي دكتوراه كله فى … لكن هؤلاء الاردنين دقسهم واحد سوداني شفت وباع ليهم امتحان من سنوات سابقه .. و اخذ منهم الدولارات ولما اكتشفوا ان الامتحان غير اصبحت قضية بينهم والحرامي وانكشفت اللعبه واشيع ان امتحان اكتشف والغش … الوزيرة المسكينه قالوا لها تكلمي …هذه رواية صاحبنا .. قلت له طيب الاردنيين ما عارفين الشهادة ممكن تزور ليه يلفوا هذه اللفه .. هم فاكرين نفسهم اشطر .. الان السودان فيه عباقرة المحتالين ومجرمي السودان الحديث اكثر ذكاءا من كل العرب والافارقه