سلام لاهلنا في السوداني

سلام لاهلنا في السوداني

علي ادريس
[email][email protected][/email]

سلام لاهلنا فس السودان
ياثلة من اخيار
سلام يااهلنا في درافور
ياالكلكم اطهار
شلتوا الكسوة للكعبة
طالبين رضا الغفار
ياشيوعي يابعثي
ياختمي ياانصار
ختوا الخلاف في الرف
وصادموا الاشرار
ديل ضيعوا السودان
ديل قتلة
ديل فجار
ديل خونة سراقين
ديل حازوا كل العار
يلا ياابطال
نطهر السودان
من رجسهم لو بالحربةوالفرار
يلا ياجرجس
يلا يامجدي قوموا نجيب التار
لابد نتوحد
لابد نتقدم
القصة ماشعارات
والقصة ما اشعار
ياالطالب الضايع
ياالعامل الاغبش
ياضحية الاسعار
قالوا دي الانقاذ
وقالوا ده الاسلام
ياخ ديل هتلر
ودفتردار
لو داير تعرف البلد خربت
شوف عطبرة ومدني
وشوف كمان سنار
الوالي هو التاجر
والوالي هو البايع
والوالي هو السمسار
ياالله ياغالب
ياالواحد القهار
الظلمة ديل يارب
ماتدني ليهم دار