عزل قياديين بالحركة لتورطهما في محاولة اغتيال خليل
اكد امين شؤون الرئاسة بحركة العدل والمساواة، المهندس منصور ارباب يونس، بانَّ رئيس الحركة الدكتور خليل ابراهيم، اصدر قرارين اعفى بموجبهما كلا من عزالدين يوسف بجي من الأمانة المالية والشؤون الاقتصادية، ومحمد بشير أحمد من مستشارية الأمن و إدارة صندوق الرعاية الاجتماعية بالحركة، وقال ارباب إن قراري رئيس الحركة لهما صلة بما تناقلته الأخبار في الأيام القليلة الماضية بتعرض خليل لمحاولة إغتيال فاشلة، وزعم يونس أنَّ الشخصين استُخدِما من نظام الخرطوم لتنفيذ المهمة، موضحاً انَّ عزالدين بجي ومحمد بشير متهمين بالتورط في هذه الجريمة الى ان يثبت العكس.
وأكد امين شؤون الرئاسة أنَّ رئيس الحركة بصحة جيدة جداً رغم ما تعرض له من محاولة غدر وخيانة، كما انه على اتصال دائم بأجهزة الحركة كافة، ودعا ارباب كل اعضاء القيادة التنفيذية وقادة الأركان بقوات الحركة وامناء القطاعات وكل افراد قوات الحركة بوضع القرار موضع التنفيذ.
الصحافة
# موضحاً انَّ عزالدين بجي ومحمد بشير متهمين بالتورط في هذه الجريمة الى ان يثبت العكس. #
هذا الكلام مخالف للقاعدة القانونية ( المتهم برئ حتي تثبت إدانته ).
باله شوف
طيب لو انتحر برضوا ارموها في نظام الخرطوم
مشكلة العدل والمساواة قادتها انانيين للاستحواز علي المناصب حتي ما دايرين حركات تتكلم الا هي تتحدث باسمهم دا شي
الشي الاخر خليل استغل الحركة لنفسه ووهو الناهي والمر في كل شي والتخطيط الفاشل لكل شي بدوم مشورة او تفاكر مع الحوله وما اظن ناس ناضلت من اجل قضية تسمم قائدها والغريبة يقولوا حتي يثبت العكس
نديها صنة والحركة ح تاكل نفسها
رسالة للمناضليين شوفوا قادكم وتفكيرهم وح يحصل ليكم الحصل لجيش الحركة التاه في غزوة امدرمان وانا شاهد عيان ولد عمره 15سنة لا عنده في الخرطوم ام او اب او عم او قريب
حتي بنطاله من اضعفة يقع منه والحمد لله نجي دا مثال للماسي الواقعة لاولادنا الان في حرب ليبيا وحتي دارفور يا اخوانا خافوا الله في اهلنا واولادنا وحتي انفسكم لانكم وانا والبشير وغيرنا
سودانيين واكيد في جهات داخلية وخارجية دايرة الحرب بالله اسالوا نفسكم معلومة البترول الفي دارفور ليه ليبيا ما دايراكم تنتبهوا ليه؟
والسلام
إقتباس من التصريح ،،،،,وزعم يونس أنَّ الشخصين استُخدِما من نظام الخرطوم لتنفيذ المهمة، موضحاً انَّ عزالدين بجي ومحمد بشير متهمين بالتورط في هذه الجريمة الى ان يثبت العكس،،،.
أخي ارباب انت قلبت الشغلانة ولا شنو؟
من المعلوم بالضرررة في الشريعة والقانون والعرف
المتهم برئ حتى تثبت إدانته
وشكرا
يديك العافية ود القاضي كان الأجدر أن يتم فتح بلاغ تحت المادة 137 من القانون الجنائي السوداني ( الشروع في الإنتحار حتي يثبت العكس .أحسن من المهازل دي .