مصر تقول أن حلايب "خط أحمر" ..والخرطوم تؤكد إنها لن تتخلى أبدا عن حلايب..

قاتل الله الكيزان

قال ليك
واحده بايرة شافت الشاحنات في طريق بورتسودان مليانه تيوس
قامت سالت ديل مودينهم وين التيوس دي قالوا ليها مودينهم السعوديه ….
قالت شكيتك علي الله يالبشير الرجال وديتهم الجنوب والتيوس وديتهم السعوديه
نحن والغنم نقبل وين..
——————————————-

البشير اتصل على على عثمان قاليهو الشغلة دى ما نافعة
رسل لى القروش على سويسرا والمسلمين وديهم السعودية
والمسيحين وديهم الجنوب واقفل وجيب المفتاح معاك وتعال
—————————————————–
ست شاي ساكنة العباسية لمو فيها ناس الكشة نبذوها وشالوا العدة ومشوا
المسكينة جات تشكي لجارته بافعال النظام العام بانهم شالوا عدة الشاي ونبذوها
فردت جارتها عليها مواسية :
( يا زولة هوني على نفسك ديل نبذو خادم الح…. خليك انتي خادم العباسية )..
—————————————————-

قالو مسطول لقاء ناس واقفين فى صف يا ناس الحاصل شنو ؟
قالو ليهو الجاز انعدم قال ليهم والعدمو منو قالو ليهو عوض الجاز
قال الناس ديل بالجد ما عندهم دين حتى ابواتهم ما ريحوهم..
—————————————————–
قالو البشير وقوش ماشين فى الصحراء لقو ليهم تمثال
البشير قال ليهم امشو اعرف التمثال ده الجابو هنا منو وختاهو لشنو
بعد شوية جاهو قوش قاليهو يا سعادتك ده ختوهو الفراعنة لانو كان عندهم مملكة هنا
البشير قال ليهو وانت عرفت كيف قاليهو التمثال اعترف..
——————————————————-
البشير مشى للحلاق الحلاق شابكو الجنائية الجنائية
البشير قال ليهو يازول مالك الحلاق قال ليهو مافى حاجة
بس لمن اقول كدة شعر راسك بقيف وحلاقتو بتبقى ساهلة.
———————————————
قالو اى كوز يجيب الحيوان الاليف بتاعو فى البجيب كلب وفى البجيب كديسة
المهم فى واحد جابو سلحفاء قال ليهم دى معجزة الكون قالو ليهو كيف
قال ليهم دى عمرها 150 سنة وبتعيش لحدى عمرها ما يبقى 350 سنة
قالو ليهو ما ظنيناها تعيش قدر ده لكن اهو نحن قاعدين وكلامك ده بنشوفو.
————————————————-
وداد ضربت للبشير وهو فى اجتماع مع الوزراء
قالت ليهو البيت اتسرق قال ليها دى مستحيلة قالت ليهو ليه ؟
قال ليها ماممكن الحرامية كلهم معاى هنا..
——————————————–
البشير قرر انو يسوو طابع بريد بى صورتو بعد فترة لقى الطابع ما بيتلصق
نادى كيزانو قال ليهم الحاصل شنو قالو ليهو ياريس الطابع ده فيهو اجود انواع اللصاق
بس الناس بتتف فى الجهه الغلط..
———————————————————-
البشير جاء داخل البيت قلع العمة قال لى مرتو علقيها فى الشماعة علقتاقال ليها
يلا هاك العباية علقتا يلا هال الجلابية علقتها
يلا هاك العراقى علقتو يلا هاك السروال علقتو
يلا هاك عبدالرحيم محمد حسين..
——————————————————-
عسكرى فى الحرس الجمهورى
لقائد بتاعو قال ليهو الريس اول ما يجى تضرب 21 طلقة
العسكرى قال ليهو والله يا سعادتك المغسة الفينى من اول طلقة بتجيبو ..

———————————————————-
هل تعلم بان البشير حول عبدالرحيم محمد حسين للتحقيق بسبب حادث الطايرة
وهل تعلم بان المتعافى سجن واخذت منه جميع الاموال التى نهبها من السودان
وهل تعلم بان قوش يحاكم الان بسبب الجرايم التى ارتكبها
وهل تعلم بانو انت ما عندك موضوع لو صدقت الكلام ده
وهل تعلم بانى زول فاضى شغلة البحلم بى كدة..

——————————————————————

غايتو الله يرحمك يانميري والله انت ارحم من البشير علىالاقل ميت فلسان بيت في ود نوباوي ،،،،،،،،،،

وياخلف الله ماعذبتنا ،،

البشيركان وحده يسعى لان يسمع كل ماقيل عنه من نكات وكان يسال المقربين له من اهله وفي المناسبات الخاصة والعامة وكان من اقرباءه حسن حامد ـ له الرحمه ـ صاحب نكتة وبديهة حاضرة كلما التقاءه. البشير يساله عن اخرالنكات والتعليقات .ولحسن حامد طرفة مع البشير ايام الثورة الاولى وكان قد ذهب اليه في منزله في القيادة العامة مهنئا واخذه الوقت وازفت ساعة الرحيل فقام ليودع االبشيرفطلب منه ان يمكث الليلة وان الوقت قد تاخرووجهته بعيده فما كان منه الا ان ضحك فساله البشيرعن سرالضحكة فكان رده له قائلا ليه اانت وارثها من حسن احمدالبشيرـ والده ـ في ليلنا ده لونطه واحد وقلب الحكومة ياخدوني معاك للسجن اوانطة فماكان من البشير الاان ضحك واصبح يرويها لاصدقاءه واقرباءه..

واحد شاف البشير قاعد وكعوجة كرعينو ظاهرة ! قال شوفوة زي الضابي لية زير في فرقات كرعينو