مركز حزب البشير الصحفي : استمرار الحركة الشعبية بالشمال رهين بالتخلص من
كتب مركز حزب البشير الصحفي (smc)
رهن حزب المؤتمر الوطني استمرار الحركة الشعبية كتنظيم سياسي بالشمال بتوفيق أوضاعها للإيفاء بمطلوبات قانون الأحزاب السياسية الذي ينص على عقد مؤتمر عام وانتخاب قيادة جديدة وإيداع (500) من الأعضاء لدى مسجل الأحزاب حتى تصبح حزباً معترفاً به.
وأوضح مولانا أحمد إبراهيم الطاهر رئيس المجلس الوطني والقيادي بحزب المؤتمر الوطني في مؤتمر صحفي بالمركز السوداني للخدمات الصحفية بعنوان (ملامح الجمهورية الثانية) أن اتفاق أديس أبابا الموقع مع الحركة الشعبية بالشمال إطاري لمناقشة القضايا العالقة قاطعاً بعدم التوصل خلاله لشكل نهائي حول استمرار الحركة كحزب سياسي في الشمال مشدداً على أن الحركة الشعبية غير مسموح لها بحمل البندقية في الشمال، وهو ما تم الاتفاق عليه في اتفاق نيفاشا 2005م، حيث نص على سحب قواتها جنوباً بحلول 9 يوليو وحل القوات المشتركة في الشمال.
وقال الطاهر إن قانون الأحزاب حظر وجود تشكيلات عسكرية للأحزاب المسجلة داعياً الحركة الشعبية للتخلص من الوجود العسكري لها في جنوب كردفان والنيل الأزرق إذا أرادت الاستمرار في الشمال (وهو ما دار حوله النقاش في أديس أبابا)، مشيراً أن ما قام به حزبه هو مساعدة الحركة الشعبية للتخلص من الجوانب العسكرية باستيعاب قواتها في الخدمة العسكرية في الجيش الشعبي وعبر برنامج إعادة تسريح والدمج.
كان اصلا على ال 500 عضو سااااااااااااهلة هو ناس الحلال جمع(حلة بكسر الحاء) بلقوا ال500 عضو لمن الحركة الشعبية وده إمتداد للإنبطاح كالمعتاد لكن الحركة زى السلعلع يعنى بقت دولة وح تعمل ليكم شوشرة ما بتخليكم اصلا لأنهم أثبتوا أنهم كفاءة وأذكياء أكتر من منكم يا أدعياء والمقارنة غير حاصلة معكم بهم؟
مش حاجة تطلع الدين و تحير الزول و تجننه؟ مزاولة السودانيين، في الحركة الشعبية أمثال الافذاذ ياسر عرمان و الحلو و مالك عقار، اصحاب الارض وارثا عن وارث، لحقوقهم الدستورية و السياسية يحددها ناس مشكوك في سودانيتهم او اقله من اواخر المتسودنين من أمثال أحمد الطاهر و الاريتري وزير الداخلية؟ فقعتوا مرارتنا يفقع د.. كوز كوز.
ان بقت علي ال 500 عضو انا ابدأ بنفسي و و الله جادي في الموضوع دا
يا ياسر عرمان سجلني حركة شعبية قطاع الشمال
– الاسم: علي عبد القوي علي (لو في استمارة التسجيل بتاعة الحركة الشعبية في سؤال عن الديانة أكتب لي "لا دين له")
والله اخونا علي عبد القوي ده فقد المنطق عديل كده؟!!! الحقيقة ناس الانقاذ ديل يجننوا الزول !! بس نصيحتي ليك اخي علي عبد القوي اعمل فيها رايح زي حالتي واول علامات هذا هو ان تقنع نفسك بان الاسلام التي تؤمن به مختلف تماما عن الذي يبشر به البشير وجماعته يختلف في الشكل والجوهر عب الدين الذي اتي به محمد بن عبد الله(صلي الله عايه وسلم) عند ذلم اذا سؤلت عن الديانة في الاستمارة ستقول وانت مطمئن: مسلم ,اما عدا ذلك صدقني حتركب صينية قريب!!!! مع ان الصواني كلها قد تمت ازالتها في عهد الانقاذ الميمون؟ يعني الواحد يجن وما يلقي ليهو صينية يلف فيها كمان؟