برلماني : ” بركب 4 مواصلات وبخجل أقول عضو مجلس وطني “
البرلمان: صبري
طالب النائب البرلماني عبد الله فضل ضيف الله،بحل أزمة المواصلات في العاصمة، وقال في جلسة البرلمان أمس “بركب 4 مواصلات عشان أجي البرلمان ..أنا بخل أقول عضو مجلس وطني”،وصف رئيس لجنة الزراعة عبدالله مسار،الزراعة بالمهملة منذ الاستقلال والى اليوم لاسيما أنها المخرج الوحيد من الأزمات، كاشفاً عن وجود مساحة (200) مليون فدان صالحة للزراعة إلا أن المستغل منها (25%) فقط، مطالباً بتخصيص (10%) من الموارد للزراعة، وافصح مسار عن مشكلة في جوالات ” الخيش” ،وقال” في تاجر اشترى جميع الخيش الجاي للسودان واحتكرو”.
اخر لحظة
غبيان بس
أربعة موصلات ؟ ساكن وين انتي والله الجاي من أخر مدينة في السودان ما يركب اربعة مواصلات؟
بعدين ليك جق تخجل انك في المؤتمر الوطني – اقصد المجلس الوطني …. لانو الناس الذين عينوك عايزين ناس زيك ..وانت مشارك في مجلس وطني ميتة ليس له قيمة وعبارة عن مشجعين لفريق الحكومة فقط .. والله ليك حق تخجل وكمان تتحسس راتبك وتشوف لك شغلة تانية افضل من مناصرة الظالمين
تخجل !!!!!!!!
اذاكان رئيس برطانيا العظمى بركب فى القطار
انت شنو كمان
هو ات ذاتك حضورك من عدمو واااااحد
والله انت تستاهل الواحد يجيب له صوت عنج ويقع فيك هبد
لما تعرف الله واحد وتبطل الكذب والنفاق
ان شاء الله تركب ركشه بكره يعفوك وتظهر الفلل والعمارات ايعقل ذلك يا سياده البرلمانى بس ما تكون مؤجر بيت او يمكن تكزن مهمش
You should be ashamed of being a member of a bloody gang
بالله عليكم شوفو الاهطل ده (وافصح مسار عن مشكلة في جوالات ” الخيش” ،وقال” في تاجر اشترى جميع الخيش الجاي للسودان واحتكرو”.)……………. انت نضفت ،وزرعت ، وانتجت ، لما بقت علي الخيش ياخيشة.