احتجاجات واسعة على قطوعات المياه والكهرباء بالخرطوم
الخرطوم: إنتصار – يوسف
احتج عدد من المواطنين بمناطق مختلفة في العاصمة على القطوعات المتواصلة للمياه منذ بداية فصل الصيف الذي تسجل فيه درجات الحرارة أرقاماً قياسية تصل حدود الـ (45) درجة مئوية، يقابلها تذبذب في التيار الكهربائي ببعض المناطق مما يتسبب في معاناة المواطنين. وكشفت جولة لـ (الرأي العام) أمس، عن حجم أزمة انقطاع المياه بوسط الخرطوم وبعض المناطق الطرفية، وطالب عدد من المتأثرين بالقطوعات، الجهات المختصة لوضع حلول جذرية تقتضي استمرارية الإمداد الكهربائي والمائي، خصوصاً وأن شهر رمضان على الأبواب، وأشاروا إلى أن قطوعات الكهرباء التي بدأت معالمها تطفو على السطح تتسبب في خسائر مادية تصل إلى ملايين الجنيهات يتكبدها المواطن وأصحاب المتاجر والمصانع وغيرها من المؤسسات. وفي الاتجاه، قاد قاطنو مناطق أبو سعد وأمبدة والكلاكلات والديوم الشرقية (وهي المناطق التي شملتها الجولة)، تحركات احتجاجية للمطالبة بتصحيح الوضعية التي تتكرر كل عام مع حلول فصل الصيف. وفي السياق أرجعت هيئة مياه ولاية الخرطوم، التغيير الذي طرأ على لون المياه إلى كميات الطمي العالية التي استقبلتها محطات الهيئة النيلية قياساً بالأعوام السابقة. وقال المهندس عبد الله محمد عثمان المدير التنفيذي، الناطق بإسم الهيئة لـ (سونا) أمس، إن الطاقة التصميمية لهذه المحطات تساوي (8) آلاف وحدة (عكارة) ضوئية ودرجة (العكرة) أي الطمي التي استقبلتها المحطات بلغت (37) ألف وحدة عكارة ضوئية، وأضاف أن هذه النسبة تعتبر عالية جداً فوق المعدل المتعارف عليه وذلك نسبة لهطول الأمطار بغزارة في الهضبة الأثيوبية، وأكد تواصل جهود الهيئة لاحتواء هذه المشكلة بزيادة كمية المادة المروّبة وتقليل كمية المياه المنتجة.
الرأي العام
بالله بلد زى السودان ملىء بالانهار , تقطع فيه المياه ,, وكمان فى العاصمه وتكون عكرانه فى القرن الواحد والعشرين فى عهد التكنولجيا ,, والله حرام ,, المواطن إتبهدل ,, شوفوا ليكم شركه أجنبيه تحل ليكم الموضوع فى شهرين نهائيا ,, والمواطن صار مغلوب على أمره ,, دخله الخوف المابتداوى وصار زى النعجه لاحول له ولاقوه
الله يعكر ايامهم …..فصلو البلد وعكرو الموية ورفعو الضرائب ….اسجم واعفن حكومة في العالم …:mad:
الجماعة تمهد لعدادات الدفع المقدم معقولة موية وسخانة فى مصر ل60 طابق تصلك نظيفة ومجانا وبرضوا تقولوا لينا الرد الرد كهربا وسد الاختشوا ماتوا هزا زمانك يا مهازل فامرحى.
لا وشوف النباهه تغير لون الماء سببوا الطمى يعنى حيكون زبادى..إتذكرت عادل امام لما وقف فى المحكمه وقال عايز يضيف بأن الست عنايات غير إنها كانت رقاصه فكانت بترقص يعنى.
ويا باشمهندس الأمطار الغزيره نعمه والكلام الكبار كبار ده سيبوا لأنه على النعمه بت وراق أنت ما فاهموا أو مفتكر الناس طرش..هل الأمطار الغزيره دى نزلت فى المحطات بتاعتك دى ورفعت نسبتها ولا المفروض إنه تتحكموا فى دخول هذه النسبه فى المحطه..بمعنى آخر عندك بئر بترول فيها مليون برميل ومصفاة تكرير طاقته عشره براميل والصفاة عشان كده وقفت لأنه الكميه أللى فى البئر أكبر من طاقتها..الكلام ده فعلا بتقولوا لناس مجانين زينا كده.
أنا متأكد من حاجتين..الأولى بالمنطق يا عديم المنطق الطمى أللى جاى من إثيوبيا مفروض يكون أكثر كثافه عندهم لأنهم المنبع ولكن المياه عندهم أكثر نظافه.
والحاجه التانيه صيف سنة أربعه ألف وحداشر حنسمع فيهو نفس الأسطوانه.
بالمناسبه يا باشمهندس إنسان العصر الحجرى أول مشكلتين إتخلص منهم هم الأكل والشرب وده كان مشروعهم الحضارى ألما خمج.
يعني ناس المعارضة ما هم العكرو الموية – كنا فاكرين انو ناس المعارضة هم من عكرو الموية يا سعادة المندس
احلي كلمة في الحياة هي الوفاء ….
:
:
………
:
:
واحلي كلمة في السودان هي : "جات الكهرباء"
هاهاها متعودة دايما
37الف وحده عكاره بتاعه فنيلتك ياخي فكونا كرهتونا المويه والاكل والنوم واي حاجه لاكن ليكم يوم ماممكن انحنا من ما قمنا الكهرباء بتقطع وصلنا للالفيه الثالثه والكهرباء بتقطع داير اعرف انحنا في ياتو عصر هسي
انا عرفت السبب المويه قاطعة ليه :
" الخرطوم – أ ش أ – حذر الدكتور صلاح الدين يوسف، وزير الدولة السوداني للري والموارد المائية، من التواجد الإسرائيلي في حوض النيل قبل الانفصال وبعد الانفصال، وقال ”هذا التواجد في غير صالح المنطقة العربية والإفريقية والإسلامية”
اما العرص ا ل م ع ر ص بتاع التولى يوم الزحف المدعو المهندس عبد الله محمد عثمان المدير التنفيذي، الناطق بإسم الهيئة لـ (سونا) أمس،
إن الطاقة التصميمية لهذه المحطات تساوي (8) آلاف وحدة (عكارة) ضوئية ودرجة (العكرة) أي الطمي التي استقبلتها المحطات بلغت (37) ألف وحدة عكارة ضوئية،
الله لايهنيك ويجعل كل ايامك معكرة وعكارة طينية مش ضوئية
يا خوانه نحن وين مويه معكره لذلك تمت الانقطاعات حرام عليكم يا كيزان ربنا يخرب بيوتكم وينتقم منكم يا كيزان طبعا انتوا ما يهمكم لنكم تشربوا ماء الصحة وباقي البشرية تموت حرام عليكم يا كلاب
الحاجه المحيرانى موضوع تشترى عداد بقروشك وتدفع تانى ايجار عداد مافاهم لى الحكايه دى فيها صعوبه والله
واللة انت سواق بالجد ونافع كمساري اما بقية الشلة ركاب سااااااااااااااااكت