ضربونا أولاد الهرمة ….
ضربونا أولاد الهرمة
أسماء الجنيد
[email][email protected][/email]
السلام عليكم جميعا الإخوة والأخوات قرآءالراكوبة لأكارم , العيد مبارك عليكم, علينا وعليكم يتبارك,, العفو لله والرسول,,,,
وضربونا اولاد الهرمة،،،،
دي اول عبارة بكون قالها وزير دفاعنا الخطير بعدما بحلق عويناتو لامن برقن، و فاتح فاهو تجاه الصقيعة . وتم الباقي جكة لامن وصل رفاقتو, والخوف معبيهو من راسو لي كرعينو
ويكورك الرد.. الرد يا صهاينة الرد، ليكم يوم يا اولاد الهرمة هيــــع,, نحن السوس والوسواس ونحن نخرنا عضم الناس نحن هوراطين وجعجاعين ونحن لي شعبنا مجوعين كـــع,, نحن بنهدي للغريب خرفان وسيد البلد نرقدو جيعان,, نحن سرقنا البلد بالإلوف و وقت الحارة بنجري صوووف ? هيـــــع نحن في بيوتنا نايمين ومكوعين ونصحا نلقى اهلنا مضروبين.
نحن ملينا جيوبنا بالمليار ومليارين واهلنا مديونين, نحن اهلنا بنقتلهم بالملايين وعدونا بنسكت ليه وكمان راكعين,,
يشمر جلابيتو ويجري على رئيسو , مهجومين ومخلوعين من الضربة الجاتهم ورا بيوتهم
وهم في غيهم يعمهون, كل حصيدتهم في الجكة دي خوف ورعب وزعزعة والحال لسه مايل وحا يفضل إلا ان يحلو عن سمانا هؤلاء الأوباش…
بستغرب في بعض الناس يقولوا ليك ويييين وزير الدفاع؟ ووين وزارة الداخلية ووين منو داك ما عارف؟؟؟
كيف يا جماعة وين ؟ هم اصلا كانو موجودين ؟ حصل سمعتوا صدوا ليهم اي هجمة ولا اي مصيبة جات على البلد ده؟؟ عندهم شنو غير التصريحات الكلها هرجلة ورجالة بالحلقوم وجعجعة في الهواء ؟
كلامهم كلو زي زبد التور الهائج في السلخانة , يهيج ويهيج وفي الآخر مضبوح وما يقدر يفرفر..
هل كانوا حاضرين ولا ليهم وجود في ضربة امدرمان؟ ولا ضربة مصنع الشفاء ولا ضربات بورتسودان ولا غيرها وغيرها ؟؟
ما كل المصائب دي بتجي وهم لافين صينية لا عارفين رأسهم من رجليهم ولا كوعهم من بوعهم, لكن عارفين يقولوا للناس الحسو كوعكم!!وعارفين يتعنجهوا في الفاضي وشتتوا في كضبهم داخل وخارج البلد!!!
الجماعة ديل ما ناس حماية بلد ولا حماية دين ولا حماية روحهم زاتها, ديل تخصصهم ضربة اولاد البلد, وفلاحتهم في قتل وسحل وتدمير مصالح البلد, وسرقة قوت الشعب.
مهمتهم الشعب يجوع ويمرض ويلف بي البلود يفتش رزقه ويفتش ليه على مأوى .
وبعد كده ما مريحين حتى الطفشوا وهجوا من البلد.!!! مشاركين الخلوق في عيشتها
شيء جبايات وشيء زكاة مغترب وشيء ضرائب !!! ده غير رسوم المطار البلهفوا فيها مطبوقة وبتمشي وين الله أعلم !!! حتى الطائرات اصبح الجراد الواحد ده جنحينو امتن منها
كل يوم نسمع في حوادث الطائرات السودانية الأصبحت حوادثها اكتر من حوادث الركشات المالية البلد!!
وقاطعين ليهم تجار دين من نافوخهم يسنوا ليهم قوانين تحلل ليهم الحرام البعجبهم على هواهم ويحرموا ما يحل لشعبهم الغلبان..
كل يوم أسوأ من القبلو ولا حياة لمن تنادي , شعب صامت خانع ويمارس احيانا الدهشة الغريبة!! كل العالم مستغرب كيف مكث هؤلاء القوم الفاسد في سدة الحكم كل هذه السنين؟؟؟
حسبي الله ونعم الوكيل عليهم أجمعين .في يوم عرفة هذا اليوم المبارك نسأله تعالى ان ينتقم منهم شر إنتقام بركة عزيز مقتدر ويخلص حق كل المطحونيين والمظلومين , اللهم آمين يا رب العالمين,,
الرحمة الواسعة للشهداء والصبر وحسن العزاء لذويهم في فقدهم الجلل
ولا حولة ولا قوة إلا بالله العلي العظيم
متاوقة
إنتو فاكرين اولاد الهرمة ديل ما بصلوكم في القصر الجمهوري؟؟ ولا حتى في قصوركم في كافوري؟ الخبتة الجاية قطع شك حقتكم براااااكم , ارجوا الراجياكم,,
يمهل ولا يهمل
ها ها ها ها
رب مُضحكٍ مُبكٍ
البت دي فصيحة وظريفة بالجد
اختى الكريمه اسماء لك احترامى وتقديرى ………هؤلاءالظلمه لا يكترثوالمن ياكل او يتداوى همهم كيف يحكموا………لامكان للمؤهلين ولا مكان لذوى الكفاءه ………لقدتشردنا وخرجنا ورغم الشهادات التى نحملها عملنافيما لا يخطر على بالك حتى لانمد يدنا ونستجدى منا من عمل porter او عامل warehouse وبعد ده كله البتلميها ياخدوا نصها(نصهم للكلاب)……….اكرر لكى التحيهةالاحترام على ما سطره يراعك……
والله هذا ما نحتاجه
التفكير المنطقي الذي يعتمد علي العلم
والتحليل دون تسرع؟
اضيف المشكلة ليست في الضربات السابقة او الضربة الاخيرة لمصنع اليرموك
المشكلة هي ان اسرائيل تعمل وفق خطط واستراتيجيات
ومن ضمن هذه الاستراتيجيات الهجوم هو خير وسيلة للدفاع (الهجوم الاستباقي)
اسرائيل تعتمد في وجودها علي امتلاك القــــــــــــــــــــــــــــــــــــوة
1/قوة ضاربة ذات اثر تدميري رهيب لا يفرق بي ما هو عسكري ومدني
كا شهدناه في حرب لبنان ومدي الدمار الذي لم يترك حجر او بشر او شجر
2/قوة ضاربة رهيبة ولكن هي قوة نوعية ذات اثر تدميري محدد
بتريكيز عالـــــــــــــــــي كما في غزة والعربة السوناتا والبرادو
والعربات والمتوسكلات في غزة واخيراً ضرب مصنع اليرموك
3/قوة ضاربة نوعية تعمل في سكون دون اي ضجيج وهي الاغتيالات النوعية
للافراد في كل دول العالم كما في عملية اغتيال المبحوح بدولة الامارات
4/ اسرائيل تمتلك قوة عسكرية ذات تقنية عالية متطورة باستمرار
ومل هذه القوة تحتاج لاختبارات عملية واقعية وبصورة دائمة
ما نري في لبنان وغزة واسوريا عندما ضربة مصنع للتصنيع الحربي
ولسؤ الحظ هذا العمل الذي تقوم به اسرائيل هو عمل استراتيجي
وبصورة احترافية اي انه لا يعتمد علي ظرف زماني او مكاني محد
هو عمل روتيني ولسؤ الحظ وخطل (السياسات ) اصبح السودان داخ هذه الدائرة الجهنمية
المغلغة بعد ان تم كسر مفتاح الغفل الذي اغفلت به اي ان لا فكاك لنا من هذه
الدائرة الا بان نقفذ عاليـــــــــــــــــــــــــــــــــــا
وبكل عزم وهذا يتطلب من ان نكسر السلال التي تكبلنا؟
كيف هذا متروك لنا كشعب ؟
يجب ان نصحو من غفلتنا وان لا نعيش علي ماضينا نحنا السوينا ونحنا العملنا ونحنا اجدادنا كانوا………………………
بالمناسبة الهجمات الاسرائيلية لن تتوقف عن السودان حتي وان انتفي
السبب الآني وهو هذا النظام وسياساته الرعناء غير المسؤلة
سيبقي هنالك سبب ولكن هو سبب خاص باسرائيل وليس لنا دخل فيه هذا بافتراض اننا اذلنا هذا
النظام الارعن واصبح لدينا نظام ديمقراطي حر.. السبب الخاص باسرائيل هو وجود ميدان
حقيقي لاجراء تجاربه علي اسلحتها والتاكد من جاهزيتها؟
لكن وبوجود نظام ديمقراطي مســـــــــــــــــــــــــــــــــــؤل في حينها يمكن ان
يكون التعاطي مع مثل هذه الانتهاكات مختلف تماماً؟
والباقي تمو خيال وعيدكم مبارك وابقوا عشـــــــــــــــــــــــــــــــــــرة علي
بلدكم وما بنقول ابقوا (الف) لزوم الاختلاف وكدة
كلامك جميل يااستاذه اسماء ومنسق ورزين وترانا منتظرين يوم الوصول للقصر والقصور دعواتكم معانا فى يوم العيد ربنا يشيلهمو يزيلهم فى لمحة بصر امين يارب العالمين
عفيت من اسرائيل تعرف تختار و تضرب في المليان و تبلع كل مدعي لسانه بعد ان تضرب مؤخرته بالجزمة القديمة و كمان ما بتعرف حرب الحلاقيم دي من حلقوم عبدالناصر لحلقوم صدام و الاسد و الان حلقوم التابع البشير
السنة الجاية مبسوطين ومهللين بذهابهم عنا آمين .كفيت ووفيت يا/الجنيد …
الله عليك دايما بتريحيني يابت اعمي
كلامك جميل يا بت الجنيد والحمدلله ارتحنا من صياح ابو جاعورة قالوا حلقوا تورم من كترت الصياح والجوعار حتى تسرطنت حنجرته وعقبال للوالى ونافع وارتحنا من صياح البشير الذى كان يرغى ويزبد حتى تورمت شراييينه واروردته كذبا وغشا للشعب . الان الحكومة فى عدها النازلى وربنا ينتقم لنا منهم واحدا واحدا فقد آذوا العباد وسرقوا اموالهم وسيطروا على الاسواق والسلع حكومة التجار رئيس عصابتها المشير الشرير فقد انشغلوا بكنز الاموال والتجارة والصرف على امنهم الى ان جاءت اسرائيل وركبت فيهم مسمار جحا لايزول ولا يمحا وعثبال الضربة الجاية على القصر الجمهورى وعلى رؤؤس الخونة كى يريحنا الله منهم .
كلامك جميل يا بت الجنيد والحمدلله ارتحنا من صياح ابو جاعورة قالوا حلقوا تورم من كترت الصياح والجوعار حتى تسرطنت حنجرته وعقبال للوالى ونافع وارتحنا من صياح البشير الذى كان يرغى ويزبد حتى تورمت شراييينه واروردته كذبا وغشا للشعب . الان الحكومة فى عدها النازلى وربنا ينتقم لنا منهم واحدا واحدا فقد آذوا العباد وسرقوا اموالهم وسيطروا على الاسواق والسلع حكومة التجار رئيس عصابتها المشير الشرير فقد انشغلوا بكنز الاموال والتجارة والصرف على امنهم الى ان جاءت اسرائيل وركبت فيهم مسمار جحا لايزول ولا يمحا وعثبال الضربة الجاية على القصر الجمهورى وعلى رؤؤس الخونة كى يريحنا الله منهم .
عاشت اسرائيل لدحر الدكتاتوريين
تقبل الله منا صالح الاعمال
خطأ شائع قولنا “,, العفو لله والرسول”
و الصحيح العفو لله أو العفو محبة لله و رسوله , والله اعلم
الاخت اسماء الجنيد اكبر فيك الشجاعة التي فقدناه في الرجال في هذا المقال و لكن لا الوم الحكومة في اي شئ بل الوم الشعب السوداني و بخاصة النخب و الاحزاب ومؤسساته المدنية التي سكت حتي طال سباتها العميق كان الامر لا يعنيها
خلينا نبداء من الاول كيف كان الفصل التعسفي من الخدمة سواء مدنية او عسكرية ثم الحرب الجهادية التي اخذوا لها الشباب عنوة ليكونوا وقودا ليها ثم مرورا ببيوت الاشباح ثم ناتي لاسبتاحة ارض السودان بقذف مصنع الشفاء ثم انفصال الجنوب و تدمير البنية التحتية لمشروع الجزيزة و قفل مصنع نسيح الصداقة بالحصاحيصاثم دخول العدل و المساواه في اسبتاحة صريحة من تشاد الي امدرمان من دون ان تعترض مسيرتهم اي حامية من الحاميات المفترض ان تعترضها في دارفور او كردفان ثم هجليح ثم جاءت الطامة الكبري بضرب بورسودان و اخيرا الخرطوم
استباحة لا مثيل لها و الحكومة تتوعد بالرد و هي لا تعرف الا لقذف الاهالي الامنين في بيوتهم
اما اذا تحدثنا عن الحياة المعيشية و الصحية و التعليمية فهي لا تحتاج لكثير عنا لنبصر الناس بها و كذلك الخريجين الذين تقطعت بهم الاسباب و الوظائف تفصل علي ذوي القربي و الانتماء
كل ذلك يحدث و لا وزير استقال و لا اقيل من منصبة كأن الامر لا يعنيهم
ثم ناتي للشعب السوداني الذي ما برح و ما نفك في سبات عميق ويري كيف ان الشعوب من حوله انتفضت و ازاحت من هم اعتي من حكامنا
الشكر لك بمحاولتك تغيير النكر بقلمك و اطال الله في عمرك و الخزي والعار للجبناء من المثقفين و النخب و الاحزاب السودانية
إنتى عارفة ياطيبة بردو للكلام الحار دة بى شنو؟من اول ذمنهم حتى الان…
نحن الكلام دة مابذيدناإلاقوة …ماعارفين أى قوة .قوة فى السلاح ولا قوة فى الطيران ولاقوة مع الدولار؟؟؟؟؟؟؟؟؟؟؟؟؟؟سنة 2003 يعنى قبل الانفصال كانت الالف درهم الاماراتى تساوى 650جنية سودانى واليوم وبعد الانفصال بسنين عدد الاصابع الواحدةالالف درهم اصبحت ب 1600درهم واللة يستر وقالوا لومامسكو البلد دى كان الدولار ارتفع وربنا يصبرك يابنت الجنيدوربناموجود