استقالة وزير الداخلية

انا من الاول مستغرب توليو الوزاره،، الراجل ده بن اكبر الاسرالامدرمانيه الكبيره والمحترمه كيف ينضم للصوص المقاطيع ديل؟؟

معقولة عاوز الرئيس يحيل هاشم عثمان لتقاعد فلذلك جات المعطوبة علي رأسك ولكن خيراً ما فعلت

البلد يحكمها حميدتي

اول مرة وزير يقدم استقالة – غريبة

أوع يكون الخلاف بسبب تصريحات الوجود الأجنبي بجبل عامر!!..
ما في أيي مجمجة والحكومة دي بلفها عند الجنجا !!..

أخير البلد فيها وزراء عندهم كرامة وضمير لا يقبلون اللولوة وممكن يقدموا استقالتهم حفاظا على كرامتهم مش زي مسار حقيقة اسم على مسمى مسار بصحيح.

أخيراً…
طلع منهم رجلٌ رشيد..
حمدلله ألف علي السلامة

بدءاً أُقرر أن عصمت نصير للفقراء والمساكين وأصحاب الحاجات.الحق لله.
في حدود العام 2012م.حضرت زواج إبنه في مدينة النيل.لقد كان صيوان الهلتون الفاخر الفاجر بالمكيفات الإسبلت منصوباً قرب منزله ومسجده نحواً من أسبوعين.إن الأموال التي صرفها هذا العصمت في تلك المناسبة كانت كافية لحل مشكلة الصرف الصحي بأمدرمان وتزويج مليون شخص من المسلمين.

هوي يا D. Koygale انت حاسد و لابقران مالك امدرمان فيها كلام؟ ارقى الأسر من امدرمان من زمن المهدي و الخليفة عبد الله التعايشي للازهري و كل الوطنيين . دي معروفة مافيها نقاش.

يا إخوانا بالواضح كدا .. زولكم دا حميدتي قام هرشو وقال ليهو يا تقدم استقالتك او تجينا في جبل عامر وَيَا ويلك!!!! فالرجل قام كبّ زوغة

جنيجا مسامير ارض
ديل لا بعرفو وزير داخلية
لا وزير صحه هههههه

الزول دا كان يستقيل من يوم حميدتي طلعو كضااب!!

اسره محترمه يعني اسره معروفه من اكتر من ميه سنه وكل اهلها من رواد التعليم والمناصب الكبيره من قبل الاستقلال وجاي ومعروفين بالنزاهه والاستقامه ،،
الموضوع ما عندو علاقه بالصرف الصحي يا بجم ياغنم

استقالة وزير الداخلية بعد تدخل شقيق الرئيس عبدالله البشير وقيادات سياسة نافذة في مايخص شحنة المخدرات التي تم ضبطها في تانكر وقود في منطقة الحاج يوسف قادمة من دولة اثيوبيا واكدت المصادر ان الشحنة تخص مساعد الرئيس مبروك مبارك سليم وابراهيم محمود نائب رئيس الموتمر الوطني وقيادات نافذة في حكومة البشير والكيزان وتجار الدين والاسلاموين واكدت المصادر ان هنالك مصالح وعلاقة مشتركة بين مبروك مبارك سليم وشقيق الرئيس الذي يعتبر من. تجار المخدارات في السودان ويسهل دخولها عن طريق الفريق ركن تمرجي /طه عثمان الحسين مدير مكتب الرئيس الراقص !!!

دى ما إستقاله دى إقاله باللفه
الراجل لقى نفسه طرطور كبقية طراطير الجيش القاعدين مع البشير
وللاسف هو غضب لى كرامته وماغضب لى كرامة الوطن والشعب
إستقالنه كانت تكون أكرم ليه لو أستقال لمن فصلوا الجنوب ولا لمن الأثيوبين إحتلوا الفشقتين والمصريين إحتلوا حلايب ..
لو كان فيه نزعه وطنيه كان قلبها على البشير وأعاد الديمقراطيه
أمثال هذا الخشخيشه يرمون كما ترمى الزباله لا احد يتذكر محتوياتها

ما تعلم من قبل ١٠٠ سنة الا الاسر التابعة للاستعمار والكانت عيون و المتناسلة من جيش كتشنر واي سوداني اصيل في ام درمان ولا غيرها له مرجع وقرية اتى منها.
فأخبرني عن اسرته من اي مكان في السودان¿

اصبروا نسمع منو سبب الاستقالة ما تنظروا ساهي امكن عندوا ظروف اسرية سيبوا الشفقة والكلام الما مؤسس

يحق لك ذلك يجب المضي في رفع راية الوطنية ولا مجال للمساومة او غض النظر عندما يتعقل الامر بتاريخ وماضي ومستقبل السودان

تحية لك فقد كنت صوت سوداني اصيل عندما أشرت لخطورة الاثنية في القوات النظامية وخطورة نفوذ أمراء الحرب الذي يأتي خصماً علي السيادة الوطنية

وجد نفسه وحيدا بخصوص جبل عامر فنائب الرئيس حسبو عبدالرحمن وهو بالمناسبة المسؤول على الدعم السريع بالقصر قد إنحاز كليا لجانب موسى هلال وحميدتى وأنكر وجود أجانب في جبل عامر كما صرح الوزير وزارهم قبل أسبوع في إحتفالات صاخبة في كتم ومستريحة،، أما هذا الوزير فهو رجل نضيف وعسكرى ملتزم ويسكن في بيت عادى بالمهندسين بأم درمان.
عاجلا أم آجلا سيصطدم الجيش السودانى بالجنجويد خاصة بعد قتل الجنجويدى عيسى المسيح لضابط في القوات المسلحة قبل أيام بالفاشر،، الجيش سوف ينتقم لكرامته بلا شك.

سبب الاختلاف بخصوص قوات الاجنبية وما ادراك ما الاجنبيىة في دارفور وبشكل علني في برلمان.هو قد لمس لحم الحي والمستور لدي مجموعة الحاكمة من حيث لا يدري.لان هذه قوات والمرتزقة التشادية في الحقيقة هي قوات المعارضة التشادية ونيجرية و دولة مالي.الذين يجلبهم البشير يضع تحت امرة حميدتي.وبقايا جنجويد موسي هلال وغيره.

اول استقالة الرجل سنة حسنة لانه وجد نفسه مجرد ديكور وياريت كل الوزراء الفاشلين القاعدين ساكت يصرفوا بس في الرواتب والامتيازات يحزوا حزو هذا الرجل.ثانيا مافي منطقة او مدينة يمكن تتحكم في سلوك الشخص صحيحيح البيئة لها تاثيرها في الشخص ولكنها لا يمكن ان تشكل شخصيتك بمعزل عن اشياء اهم من البيئة نفسها وبالتالي امدرمان لا يمكن ان تجعلك شخصا رايقا او متحتضرا او على العكس منهما فهذه اشياء تتحكم فيها عوامل كثيرة اهمها البيت والاسرة التي تربيت فيها ثم تاتي البيئة المحيطة فخلونا من ناس امدرمان وناس الفاشر وناس الابيض وناس شندي

الووووووووووووووووو

ليته وهو آمن في خارج السودان يكشف لنا القصة بالضبط هل هو موضوع الأجانب بجبل عامر بصفة خاصة والأجانب بالسودان بصفة عامة؟ هل هو تصريح حميدتي وهلال موسى ووالي دارفور بعدم وجود أجانب في جبل عامر وتكذيب وزارة الداخلية؟

الفريق أول ركن عصمت عبد الرحمن زين العابدين

أخير واحد استقال …

الزول اصلا كان بس بيغطي اجتماعات مجلس الوزراء غير ما عندو شغلة كل شغل الداخلية قايم بيهو المدير العام لقوات الشرطة يعني متجاهلين بالبلدي حردان #المواطن_يريد_حل_الاحزاب_و_الحركات لمتين نحن نبقى في ده زعلان و ده حردان كفاية طلعتو صليبنا كلامي موجه للناس المؤتمر الوطني و باقي الاحزاب اذا كانت في الحكومة و لا المعارضة و الحركات المسلحة كفــــــــــــــــــاية

طالما غادر البلاد الاستقالة مقبولة…..لانه لو كان موجود بالسودان الاستقالة مرفوضة……هكذا تتعامل الانقاذ

حمدتي كرررهك هههههه صحي وزير داخلية

امدرما ن فيها الرجال الماتو فى كررى وفيها تقريبن معظم روسا السودان وامدرمان حضاره والعاصمه الوطنيه

الفريق اول زوجة اخ ألملك هي الوزيرة للداخلية القادمة و كدة يكون هاشم عثمان ما عندو كلام و ممكن يكون هو المستقيل القادم لانه نساء الملك دخلو في الصورة

جنيجا مسامير ارض ديل لا بعرفو
وزير الداخلية لا وزير صحه

هذه الثقافة..ثقافة تقديم الاستقالة بعيدة كل البعد عن الأنظمة الشمولية والعسكرتارية ..مالم بالمتاسلمين…أجزم أن أصدق أحدا يقول لى اليوم ظهر غول فى مول عفراء..ولا أصدق استقالة. متحكم فى البشر وكمان كوووز…..زولكم شغلوا ده حررررد سااااااااى والبحر شرد

ام درمان بلد الحجر والسخانة والتراب الاحمر. يخسي بلد الحبش ما بدوروها. والله المهدي زاتو ما عنده شغلة.

حميدتي يا عاتي …..
الرجل لا بهش لا بنش اخير يحفظ كرامتو ويستقيل ع الاقل ممكن يحسب ليهو موقف….
بخصوص امدرمان وما امدرمان امدرمان مدينة عادية زيها وزي الخرطوم والقضارف وحلفا وكوستي والفاشر وكسلا فيها السيئ وفيها الجديد وزي ما فيها الازهري فيها النميري الدكتاتور وزي مافيها حسين خوجلي الدبدوب ….
فيا ناس امدرمان الكلام الاستعلائي ماف داعي ليهو وياناس السودان الباقين الاساءة ما حبابها …

حين يقف الحلبي ويتخذ موقفا ضد دولة الاستلاب والمعرصة والعنصرية فهو والله أعلم قد اهتدى إلى الحق إذ خارجه المولى عز وجل من الهلاك في المعركة على أبدي المطاليم:

علينا جميعا أن نقف موقف الرجال والنساء مع كل من انحاز عن موقف نظام الجريمة والعنصرية والفساد وفارق ملتهم إلى موقف المستضعفين المتسعبدين في الأرض!

أسأل الله أن يعز بك المظاليم والمستضعفين في الأرض يا عصمت الحلبي!

حميدتي رجل من رجال السودان الجديد

لا يختلف في التهميش والقضية عن عقار أو الحلو أو عرمان هلال أو قرنق الكبير ذاته

عليه أن يعي هويته وحجم المسؤولية المناطة به!

مستوى بعض التعليقات لا يدل على شيء سوي غباء أصحابها و ماهو دخل أمدرمان فى استقالة السيد الوزير ؟ السيد الوزير رجل محترم قدم استقالته لانو الوضع اكيد ما عاجبو و ديل رجال أمدرمان وطنية مليون في المية والما عاجبو يقع البحر

لنتفق أن امدرمان هي نواة مصغرة للسودان
وهكذا قيل أنا امدرمان انا السودان
ومن يتطاول علي امدرمان يتطاول علي السودان

ولكن هذا في الماضي

اليوم سودان جديد يستطيع كل ابناء السودان التطاول عليه
واصبحت الوطنية عملة نادرة حلت محلها الاثنية والمحسوبية والمصالح الشخصية

لقد أتي الترابي لقلب السلطة بالهامش الاول من ابناء السودان ففعلوا مافعلوا
وقد كان أكثر ما يميزهم انهم خريجي جامعة الخرطوم من ابناء الهوامش

اليوم البشير أتي بهامش ثاني وحل محل الهامش الاول
واكثر ما يميزهم انهم حملة السلاح من ابناء الهوامش

لم يقدم الهامش الاول شيئ لامدرمان بل تطاول عليها وعمل علي تغييب الضمير الوطني وصوت الشعب النابض فشرد من شرد من أهلها

فهل سينصف الهامش الثاني امدرمان وتعودة الدرة مرة أخري قلب ينبض وطنية وعزة وكرامة ام سيغادر السودان ساحليه الي الابد
هل سيقدم أمثال حميدتي من حملة السلاح الاثني دور سياسي ايجابي لم يستطيع تقديمه امثال نافع
ام سيكون السناريو الاسواء في تاريخ السودان

كل الناس عرفت إنّو وزير الداخليه استقال،ما الاضافه التي اتي بها هذا الخبر؟لا شيء

يااخونا كالعادة سبتو صلب الموضوع ودخلتو في مهاترات وامدرمان وماام درمان والبقولبك نحن أولاد قلبة ياخ متتكلمو ساي هي متين كانت وقبل المهدي وخليفتو كانت شنو ودرمان ده عارفنو هو منو وامو كانت بتسو في شنو ؟ اتقو الله فينا ياخي ومعا من اجل سودان يسع الجميع

اذا صح خبر الاستقاله يكون الرجل سجل إسمه فى قائمة الشرف كأول وزير يستقيل من بيت الضباع مهما كانت الاسباب شخصية أو عامة تخص البلد .. لانه الجماعة عبارة عن بيت عنكبوت أي خيط يتلف فى نسيجه سيؤدي الى خراب البيت كله .. ولذلك دائما يغضون الطرف عن فساد بعضهم وكل من تناوله الاعلام واتضح فساده يتم ترقيته الى منصب أعلى خوفا من ردود الافعال لمن يتم فصله خوفاً من كشف المستور بالحيف والجور …. ولذا على اللواء عصمت أن يكمل جميله وياخد ليه ركن خارج حدود البلد وينثر مافي حقيبته من أسرار بيت (العنكبوت ) واذا فعلها سيخلد إسمه فى سجلات الاشراف الخالدين فى السودان … ( ونهديه رائعة احمد المصطفى : أنا امدرمان سلو النيلين عني سلو الحادي سلو الشادي المغني )

ولدت ولد رجال عمل عظيم ربنا يستر ماكان الخلفي يكن الواء حميدة

سبحان الله بالله البلد دي فيها وزير داخلية طيب لو ما كان في كان الحال يكون كيف