هيئة الأبحاث الجيولوجية : الهزة من نوع الأهتزاز الموضعي وناتجة عن تأثير خارجي ربما يكون بشري..ومن من غير المتوقع أن تحدث أي هزات ارتدادية
الخرطوم في 9/7/ 2010 (سونا)
تعرضت بعض أنحاء الخرطوم اليوم لهزة ارضية خفيفة بلغت 3 درجات علي مقياس ريختير في الساعة الثانية وثمانية وأربعين دقيقة ولمدة ثانيتين
وقال د. يوسف السماني المدير العام للهيئة العامة للأبحاث الجيولوجية (لسونا ) أن الهزة التي رصدتها أجهزة الهيئة تشير إلي أنها من نوع الأهتزاز الموضعي ( محلي ) وهي ناتجة عن تأثير خارجي ربما يكون بشري.
واضاف أن هذه الهزة ليس لها أي تأثير ولم يكن لها أي تتابع باعتبار أنها خفيفة مبينا أن الهزات التي يحدث بعدها تتابع عادة ما تصل إلي 6-7 درجات علي مقياس ريختر وبالتالي فإنه من غير المتوقع أن تحدث أي هزات ارتدادية كما أنها لم تسجل أي خطورة تذكر
وأوضح د. السماني أن الهيئة تعمل حاليا علي الإتصال بأقرب المراكز خاصة في حلوان وبعض المراكز الإقليمية لتبادل المعلومات والتنسيق في مثل هذه الأحداث ومعرفة المركز الرئيسي للهزة
كدي يا جماعة اخدوني قدر عقلي " ناتجة عن تأثير خارجي ربما يكون بشري"
كيف يعني بشري ؟
اكيد التدخل البشري كان جهة امريكا البعبع. زي ما قال عادل امام:crazy: :crazy: :crazy:
( ربما يكون تأثير بشري !!!!! ) يعني ربما يكون من عمل جماعة العدل والمساواة .
بشري يعني ممكن يكون في تجارب لقنابل نووي تحت ارض السودان او الدول المجاورة
يعني ممكن مصنع حربي اتفجر او مواد كيماوية تعرضت لدرجة حرارة عالية الله يستر علي مصانعنا في جياد
الجماعة ما عندهم أي أجهزة للقياس وكلامهم هذا كلام نظري وبدليل أنهم يقومون باتصالات لبعض الجهات الإقليمية
لكن دعونا من هذا ,, ما هو رأي أئمتنا حفظهم الله… ربما تخطر لهم فتوة ما.. في الذي حدث .
نسال الله العلي القدير ان يحفظ بلادنا من الهزات والزلازل وبطلوووووو التخاريف والكلام المافي محلووووو
هههه
سونا مسحت كلامها
شغل مخك شوية
انت ما عارف الكيزان
قااااادر الله يا يما …… نحنا ما طلع عدنا هيئه ارصاد جيولوجيا !!!!
وكمان مديرا دكتور والله انا خايفو يكون استاذ ابتدائي بتاع جغرافيا وادوهو الدكتوراه دي في جامعه ثورة الانقاز الوطني !!!!
يعني يادكتور المؤثر البشري اللا سمعنا بيهو ولا شفناهو دا شنو ؟ لما انفجر مخزن الزخيره الناس في امدرمان سمعو الصوت والخرطوم كلها شافت اعمدة اللهب و الدخان ومعا ذلك لم تصاحبه اي هزه ارضيه و الان هناك مؤثر بشري يحدث هزه بقوه 3 رختر ولا صوت له ومافي زول شافو ولا سمع بيهو ولا حس بيهو ؟ مش شي غريب ؟ وكمان نحنا لازم نعرفو هو شنو والوراهو منو عشان نقدمو للمحاكمه ولا شنو ؟
فانا اقترح انو الحكومة تحمل مسؤليتها وتعترف بالحقائق عشان الناس تصدقها وتحترمها وعشان ما تحدث كوارث
وسؤال بسيط احب اجهو للسيد الدكتور ماذا لو كانت هذه الهزه هي صفارة الخطر موقفكم حيكون شنو ؟ ما حتحس بالزنب انك دسيت على الناس وضللتهم ؟؟؟؟؟
اخشي أن يكون الهزة الارضية نتيجة النفايات النووية التي يعج بها جميع اطراف الخرطوم وكان الرب فى عون اهالى العاصمة القومية وما جاورها طالما هيئتنا المؤقرة تتكهن بمثل هذة الكوارث ويستعينو بمركز حلوان الذى يبعد عنا الاف الكيلومترات.