أصدر بنك السودان المركزي قراراً بحجز وتجميد حسابات المسؤول في العهد البائد والقيادي بحزب المؤتمر الوطني المحلول، محمد طاهر ايلا، وأبنائه، بجانب 7 آخرين.
وبعث البنك المركزي بخطاب لجميع المصارف السودانية بتنفيذ قرار الحجز والتجميد لحسابات ايلا وابنائه و7 آخرين، بناءاً على توصية لجنة التفكيك وإزالة تمكين نظام الثلاثين من يونيو واسترداد الأموال.
وأبناء ايلا المرفقين في خطاب المركزي هم “طاهر وأسامة وإبراهيم”، إضافة إلى تجميد حسابات كل من “هيثم يحيى محمد ميرغني، ومحمد بصيري يس مشاوي، وصلاح الدين سر الختم كنةن سيد أحمد، الصادق علي شريف المليك، ياسر تاج السر فزع، اعتماد جعفر الفاضل، والماحي حاج علي أحمد عبد القادر.
الديمقراطي
بعد ايه !!!!!!!!!!!!
الله سلامتك ياسر فزع الجاتك في مالك سامحتك مصيبة والله فقدت شعرك وصلعت وهسي كمان جابت ليها فقد المال مصيبة ثم مصيبة ان تصبح اصلع ومفلس مش كان احسن ليك تقعد في ادنبرة وتمشي حالك في محل طلبات الاكل السريعة بتاعك ولا ده الطمع للغني السريع وااا شماتة ابلة داليا فينا
ههههههه.. بعد شنو
بيضحكوا على عقولنا الناس دي ولا بتستهبل ولا شنو يعني، بعد اكتر من سنة ونص جايين يقولوا قفلوا ليهم حساباتهم وجمدوا أرصدتهم ؟؟
هو ديل من اول اسابيع بعد الثورة كانوا وزعوا ارصدتهم وخارجوا ممتلكاتهم!!
طيب كان اقلاها يشعرونا بالمصداقية ويوقفوا إيلا والمذكورين ديل ويصوروهم لينا ، موش زي قصص البشير ورعيته اللي لحدي الآن مافي دليل على وجودهم في السجون،، لكن مسكينة البلد الماعندها وجيع دي !!