اجاز قطاع التنمية الاقتصادية بمجلس الوزراء في اجتماعه اليوم برئاسة وزير المالية د.جبريل ابراهيم التوصية الخاصة بسياسات ضبط الصادر والوارد والتي تتضمن الاسراع في تطبيق النظام الالكتروني والعمل بنظام النافذة الواحدة لتسهيل الرقابة على الصادر والوارد فضلا عن مراجعة الرسوم المفروضة على المنتجات المحلية وكذلك التحكم في تصدير الذهب والقطن والصمغ العربي والسمسم بالاضافة الي تقييد استيراد العربات وحصر ذلك على الوكلاء المعتمدين .
واجاز الاجتماع تقريرا عن الاستعداد للموسم الزارعي الصيفي من حيث التحضير وقد اوصى القطاع بمراجعة قانون مشروع الجزيرة لسنة ٢٠٠٥م مع الجهات المختصة علاوة علي الاستفادة من مياه الامطار الموسمية من خلال انشاء الخزانات والسدود لري المشاريع الزراعية.
نظريات بدون فائده سلموها يا جماعة واحفظوا ماء وجهكم
والله تخبط ما بعده تخبط
مليتو البلد بعشرات الالاف من بوكو حرام مختلف الموديلات، ولكن المغترب لو جايب حافلة ركاب تشترطو عليه موديل معين وجمارك تكرهه حياته، بينما كل شوية تفتحو لعربات بوكو حرام الصغيرة رغم مشاكل البنزين ومشاكل الطرق واستيراد الاسيبيرات بالعملة الحرة…
وتقولوا للمغتربين دخلوا قروشكم بالمنافذ الرسمية وتتشرطوا أن المغترب يكون ليو كم سنة في الغربة ويكون حول كم الف دولار والموديل ما يزيد عن كدا…. ياخي جايب ليكم حافلاااات لانو الناس واقفة في المواقف زي يوم القيامة.. بدل تعفوها من الجمارك تعاكسوه..
الناس ديل سكارى ولا مغيبين ولا دراويش ولا ايه يا رب؟؟؟؟
نسخ وتعليق :
(قطاع التنمية الاقتصادية)
هو في تنمية ؟ عايزنكم بس تمسكوا لينا من كل ولاية مشروع واحد بس وتنجحوه قائم أو جديد وما مستعجلين كل ستة شهور أنجزوا لينا مشروع كهرباء أو مطار (أو مياه بورتسودان أو الابيض أو القضارف) أو مشروع الجزيرة أو مشاريع في الفشقة خلاص بقينا ما عايزين نسمع أجاز /وصى/ امتدح /زار
(الاسراع في تطبيق النظام الالكتروني)
أول شيئ صلحوا البنية التحتية للاتصالات وبعدين طبقوا على رأسنا
(مراجعة الرسوم المفروضة على المنتجات المحلية)
حنيتوا علينا عشان الانهيار الحاصل ولا ناويين لسة تطلعوا زيتنا ؟
(التحكم في تصدير الذهب والقطن والصمغ العربي والسمسم)
ما قلتوا ما حتصدروا خام بعد اليوم يا حمدوك الفيك اتعرفت . ادوني السلطة بقنع ليكم عشرة سودانيين بس اكونوا شركة برأسمال مليار دولار لانشاء مصانع للمحصولات أعلاه وحاعمل بورصة الذهب العايز يشتري ويدفع ضرايب وجمارك ويصدر حلال عليهو وكمان حاجيب أمهر الصياغ في العالم لصياغة الذهب محليا ثم تصديره .
(تقييد استيراد العربات وحصر ذلك على الوكلاء المعتمدين)
تقييد وحصر دي تجي كيف قولوا منع وحصر أو قولوا تقييد فقط دون اشارة للوكلاء لآنه التقييد خاص بغير الوكلاء الذين لديهم رخصة .
بعدين القرار دا لصالح منو؟ وما المقابل؟ ورونا عديل وما تخجلوا .
كلمة أخيرة العملة الوطنية انهارت زي لبنان ولو فشل الموسم الزراعي حتلحقوا مات طه ، انتظروا ثورة كنس الأرزقية والمنتفعين قادمة .
السرامس دي تلقاها جديدة والشاي الفيها حار بى نعنانو ….
ان شاء الله بعدما ينتهي الاجتماع ما يدفقوهو زي ما بدفقوا قرارتم بعد كل اجتماع …
انتوا اقعدوا اضربوا في الليمون البارد ونظروا واصرفوا القروش في الفاضي من غير فايدة والله لو كان في راجلين من القاعدين ديل قلبو حارقو شديد علي البلد دي كان الحال اتعدل من زمااااااان..