مخطط الملايش

الهادي بورتسودان

الواحد قعد يجر في الشريط الكابوس ده ويراجع المراسلات خشية ندخل في نفق مظلم من دولة الملايش ديل لأنو الطلوع منها حا يكون مكلف شديد وقد يكون تمنها السودان كلو ، الموضوع حالياً نهائي ما عسكرية منضبطة ممكن تحاورها
ديل ناس بيستخدمو الدوشكات ضد المتظاهرين ورجعو ناس هيئة العمليات نفسهم
…

قبل أكتر من شهرين في أوائل أغسطس أتواصل معاي شاب ، من أسرة ناظر معروف قال لي الناظر نادوه في شارع النيل تحت شجرة ، مجموعة من الأرزقية بقيادة المدعو عجيب الهادي قالو ليهو حميدتي قرر الجماعة القحاطة الشيوعيين الكفار ديل لازم يمشو ، ونحن كإدارة أهلية حانكون حرية وتغيير قدام المجتمع الدولي وزعنا على النظار 30 عربية وفي عربية بوكس أخيرة فاضلة مخصصة ليك بس لمن نقول ليك تعال أدعم التحرك ، وتجينا لينا مباشرة ، وتقسم على كده .. قال الناظر رفض قال ليهم أنا ما عندي خيال مع السياسة .
…..

الناظر ترك نفسو ما لحق البكاسي وقال : ” قالو لي البكاسي انتهت لكن في دفعة تانية جاية” في لقاء قناة الهلال .. وقبل يوم الأغلاق يوم 16 سبتمبر كان بقول في أجندة الدعامة من حل الحكومة وحكومة كفاءات
…
الكلام ما دساهو حميدتي في جولاتو في شرق النيل وغيرها ، عارف بفكر في ياتو حاضنة ، وعارف أنو ما عندو مستقبل في دولة مدنية ودولة قانون الطعلنا ليها الشوارع
….

إبراهيم الشيخ واحد من أكتر الناس الملم بمخطط الدعامه ، البرهان ما أكتر من أداة في يدهم وقالها مباشرة قبل ما يقبضوه بساعات “حتى حرسو الخاص منهم وكل بوابات القيادة وحتى الكلية الحربية التعين ليها حاليا بتم منهم ” ، الدعم السريع هو المسيطر على الأرض الجيش عبارة عن دبابير وجنرالات حتى العساكر الموجودين بسيطين وقاعدين في الفشقة

….

يعقوب الدموكي هو العقل المفكر لحميدتي من زمن قاعدين في دوقي الفور غرب نيالا وبينظرو ليهو الأكثر تعليم فيهم .. قالها بشكل واااضح أنهم أمهلو حمدوك 72 ساعة قبل أيام
ورجع قبل ما ينقلبوا بساعات حميدتي راح لحمدوك للمرة الأخيرة وقال ليهو يا تشيلهم يا نقلبها زي ما شرحت الصحفية درة قمبو
طبعا كان أمانيهم يكون حمدوك موجود لحفظ ماء الوجه أمام المجتمع الدولي و دخول الجبهة الداخلية في مغالطات

..

ما كان خيارنا نخوض من جديد في دورب المقاومة في بلد عشمنا فيه شديد وبدت تظهر ملامح المستقبل
عشان كده الردة ولو على أجسادنا مستحيلة.

#الردة_مستحيلة
‏#العصيان_المدني_الشامل #لا_للانقلاب_العسكري‬
#لا_لحكم_العسكر
#ThereNoWayBack
#AgainstMilitaryC