الخرطوم: رفقة عبدالله
أكد عضو للجان مقاومة بحري محمد جاد السيد (قطاع السامراب) أن موقف لجان المقاومة واضح من المفاوضات التي تجري بين المكون العسكري والحرية والتغيير، واعتبر خطوة المجلس المركزي بأنها كسر لـ(اللاءات الثلاث).
وقال جاد السيد في تصريح بحسب اليوم (اليوم التالي) إنهم ماضون في إسقاط انقلاب الـ(25) أكتوبر، وأضاف: “إن تفاوض المجلس المركزي لقوى الحرية والتغيير مع العسكر لا ينهي الانقلاب ما يتعارض مع مصلحة العسكر وهم غير مستعدين لذلك”، ونوه إلى أن قوى الحرية والتغيير اختارت طريقاً يتعارض مع الشارع وذلك على حسب رؤية أحزابهم، وأكد أن لجان المقاومة ليست جزءاً من هذا التفاوض، وأضاف: “رؤية لجان المقاومة واضحة لا تفاوض لا شراكة ولا مساومة، وذلك بسبب عدم جدية العسكر”، ووصف خطوة الحرية والتغيير بالتفاوض مع العسكر بغير الموقفة، وقال: “إن التفاوض لا ينتج دولة مدنية حقيقة وهذا يتعارض مع وجود الدعم السريع والجيش والحركات المسلحة، وهذا الحوار لا ينتج جيشاً وطنياً واحداً أو مؤسسات عدلية”، وأضاف: “كان على قوى الحرية والتغيير مناقشة الخطوة مع قوى الثورة قبل الخوض في المفاوضات”.
الزول القال بتاع مقاومة السامراب عايز قحت تمشي تجيبوا من حلته البعيدة دي عشان سيادته يوافق علي المفاوضات وهو وزنه الوحيد قاعد يكورك ويحرق لساتك في محطة اللستك بحلتهم وبكده افتكر نفسو سياسي ومنااضل خطير
ما تطول لسانك ساي البكوركو ديل هم السقطوا البشير ما اي حد تاني!!!
سالم خارم بارم
حلتو البعيدة ديك لو ما حلتو البعيدة ديك ناس الحرية والتغيير كان فى زول عرفهم
ياخ خالد سلك بتاعك دا من فداسى خليك من السامراب ولا الجخيس
طيب يالجان المقاومة من غير التفاوض كيف يكون الحل انا شايف عدم التفاوض هو دعم للانقلاب واستمرار له وقد يكون هناك مندسين في المقاومة ومدفوع لهم يريدون ذلك وليس ذلك ببعيد لانو البلد اتملت خونه ولاهمهم الا انفسهم .
عدم التفاوض دليل على جهل سياسي فاحش والمجتمع الدولي الذي تعاطف كثيرا مع الثورة سبعتبر هذه المواقف تطرفا، لأنك ما ممكن تتكلم عن تحقيق اهداف سياسية من غير حوار ونقاش مع الاخر..
وانت الطرف الاضعف بدليل ان كل قوة الضغط اللي عندك هي المظاهرات وللاسف المظاهرات بدت تتلاشى ويقل اثرها بل وينعدم!
اذا واصلتو دون تفاوض حاتتلحسوا وبعدها لو جيتو قلتو نفاوض هم الحايقولوا ليكم ما حانفوضكم.
يجب ان تقرأوا الخريطة جيدا وتتكاملوا مع الحرية والتغيير. غير كدا منو العوض وعليه العوض.
من القال ان ذلك تفاوض فلا داعي للفرقة في هذه الاونة
الانقلابيين فشلوا في كل شئ فقط نجحوا في تفرقة الشارع الثوري . . . يا جماعه يا ناس اتحدوا لهزيمة الانقلاب فالاتحاد قوة ونحنا عارفين هنالك مندسين بين لجان المقاومه لاطالة عمر الانقلاب فاحذروا