ترجمة: إنصاف العوض
رهنت صحيفة “فير أوبزيرفر الأمريكية” زيادة المساعدات الأمريكية إلى السودان حال رغبت واشنطن في تحجيم الوجود الروسي الإماراتي بالبلاد.
وقالت الصحيفة في تقرير أمس، إن التوقيت والقرار بزيادة المساعدة المالية للسودان أمر بالغ الأهمية في وقت تراقب فيه الولايات المتحدة مشاركة الإمارات العربية المتحدة في السودان بقلق، وأضافت: “خاصة وأن أبو ظبي وموسكو يعملان معاً لدعم ذات الأهداف في السودان”.
وأضافت: “لن تكون واشنطن مسرورة حال تمكنت موسكو من الوصول البحري في السودان ومع ذلك، لا يمكن أن تفعل سوى القليل في وقت تتعاون فيه أبو ظبي وموسكو لتحقيق هدف مشترك يقوم على بسط نفوذهما في الشرق الأوسط سواء في الخليج الفارسي أو البحر الأحمر”.
وحذرت الصحيفة من اندلاع حرب أهلية حال استمر الصراع السياسي المدعوم دولياً في السودان، وقالت: كانت الحكومة الديمقراطية الجديدة مدعومة بشكل سيء من قبل المجتمع الدولي ما جعل البلاد عرضة للتدخلات الخارجية الرامية لفرض سيطرتها عبر الفوضى التي تتسبب بها الحروب والنزاعات.
اليوم التالي
بعد ايه ياامريكا تتباكي ليه مادعمتي الديمقراطية الوليدة لتشب عن الطوق
السودان مامحتاج لمساعدة من امريكا وهي امريكا محتاجة هي لنفسها مساعدة ولو كانت امريكا صحي غنية ماكانت اخذت 350 مليون دولار من السودان الفقير وبس امريكا تسيبنا في حالنا نمشي مع الروس او الصين دا يخصنا وكفاية جدا علينا الدعم الاماراتي والسعودية لو امريكا بعدت عنهم وتركتهم في حالهم عشان يدعمونا بي المال كما كان الحال في عهد بشة 30 سنة
لو بقيمي على الدعم الصيني و الروسي، واتاتك اصبحت. روسيا و الصين يدوك سلاح و لكن تنمية نهي.
اما الامارات و السعودية نعشم في دعمهم و لكنهم شحيحين جدا كما انهم يربطون ذلك بمصالح الكبار (اتريكا و روسيا).
الامارات تدعمك انت ام تدعم المرتزقة الراسماليين عديمي الوطنية ومصالحهم الشخصية
30 سنة مع الروس والصينيين آخرتها بلد خربانة من كله ، وكل شيء فيها مدمر بعفل الحصار المالي والتكنولجي من مشروع الجزيرة لللسكك الحديدية للنقل النهري للقطاع المالي كل شيء ، فعليكم الله خلو البلد تمشى لي قدام ذي كل بلاد العالم .. الصين نفسها بتتعاون مع الغرب رغم كرهها لهم لكن عشان عندها مصالح إقتصادية ضخمة ، لذلك خلونا من حكاية روسيا والصين الما بيجي منهم فايدة
( صحيفة أمريكية: واشنطن قلقة من التدخل الروسى الإماراتي في السودان )
نحن ناقصين يا حكومة السجم, ناقصين غضب الامريكان على السودان, سياسة الحكومة الغير مؤسسة خارجيا ناقصين بلاوى لدرجة ان نكسب غضب الامريكان مسيسى العالم بل هم متحكمى فى العالم. ناقصين بلاوى وعداء الامريكان.
يا حكومة السجم والندم ما تلزموا حدودكم, وتتعظوا من السفاح المعزول حينما قال ( لن نزل ولن نهان ولن نطيع الامريكان الليهم تسلحنا ) لامن جابو خبرو, وجابو دقلو يكركب وراح فى ستين الف داهية تخمو.
كل دول العالم تسعى سعي حثيث لرضاء الامريكان وخده تعتبر سياسة خارجية رشيدة من الدول. تجو انتو يا ناس قريعتى راحت تفتشو غضب الامريكان. دى اصلا ما حكومة الفاقدة للشرعين من الاساس. بطلوا الفرعنة على الامريكان واقعدوا فى علبكم الى ان يأخدكم الله.
يا حسرة علي السودانيين ما عندهم راي فيما يحدث في بلدهم كلهم عبارة عن عملاء يسعون لمصالحهم الشخصية حتي لو تضيع البلد بمن فيها
صدقت
كلو سجم في رماد.
و قريب تموتوا موت السمين من الجوع.
السيد والي الجزيرة
السادة في الاوقاف
كيف تتحول اراضي حرم قرية العيكورة_وهي اراضي في اشد الحوجه اليها لاسكان الالاف الاسر التي تبحث عن ماوي وسكن بعد ان تمددت الاسر ..كيف تتحول الاراضي بمثل هذه الاهميه
لمن؟؟؟
لماذا؟؟؟
وكيف؟؟؟
اخرجوا الامارات واحرقوا كل بعثاتها واطردوا كل ممثليها واصلبوا عملاءها في السودان…!!!
هي الكلب الذي يجب قتله لينصلح امرالوطن.
وانت يا ست الشاي الامارات والسعوديه ديل شنو يا المابتفهم السياسه ديل اكبر حليفيين لامريكا وبل بمرروا اجندتها في الشرق الاوسط، تابع السياسه الدوليه خصوصا في الشرق الاوسط يا كيشه؛ وده نتاج غباء الكيزان الفسده الفجره الاغبياء؛ في عهد حمدوك امريكا براها قدمت مليار دولار كدعم للسودان وكانت تريد ان تقدم المزيد لولا الانقلاب المشوؤم.
دا فهمك ياحسونه عامل لي فيها ابو الفهيم وانت لاتفهم شئ حمار بس و السعودية والامارات ماحلفين لامريكا ولي حاجة امريكا هي الجارية وراءهم لانهم دول غنية وهم خايفين منها طبعا ولكن اعطاء السودان دعم مالي ماليهم دخل بي الصله او العلاقة البينهم وماتنسي نحن دول مسلمة وعلينا مساعدة بعضنا البعض مش عشان نساعد نمشي نطلب من امريكا الاذن والسماح لالا الاسلام والعروبة ماقالت كدا ياشيخ وبعدين ياكضاب انت وين هو المليار دولار الذي قدمتوا امريكا للسودان في عهد حمدوك ودا كذب ساكت و دا كلام خارم بارم ساكت وهي امريكا لقيه تاكل وهي اخذت مننا الفقراء 350 مليون دولار يا راجل تقول لي اعطتنا مليار دولار كدي قوم لف كدا ولي كدا هههههه
غايتو ياست الشاي إنت أكبر زرول متخلف، يعني الواحد يخجل لتعليقك
خلاص طيب مانكون في النصف مع الجميع ونبيع الذهب للجميع ونبيع اليورانيوم لكل الدول ليه فقط الامارات وروسيا ليه مانفتح الطريق برضو لامريكا لو عاوزه تشتري او حتي تكون سمسار وتبيع لينا لباقي الدول لانو لو احتكرنا دارفور واليورانيوم علي الامارات والسعودية وروسيا غلط وطبعا السعودية جاية سمسار لامريكا واسرائيل والامارات لروسيا وطيب مانبيع عديل لروسيا وامريكا واسرائيل وايران كماان كل العاوز مرحب من غير سمسرة طبعا ونطرد السعودية والامارات ومصر بتاعين السمسرة والماعندهم شغل بي اليورانيوم دا واعملوا حسابكم من السعوديين المزيفين لازم يجو عن طريق ومع السفير عشان مايحصل القبل كدا حصل وانا شايفة يتم تعين الامين عبدالرازق من المؤتمر الشعبي رئيس للجمهورية لانو زول قلبوا حار وعلي البلد ولي يارب هو فقط كلام وبس ويكون ذي حمدوك الفاشل من برا ملينه ومن جو هواء وباالله شوفوا الزول دا كلامو سمح كيف بس بشه ماخلي ليه حاجه والله انا قلبي حباه ودخل جوه قلبي من اول نظرة ياسلام ياخي اسمعوا معايا كلامه دا https://www.youtube.com/watch?v=1uGPc9yB93E
زمان الامارات تدفع من المال المسروق لامريكا لانه بالدولار
لكن حميدتي عمل ليهو دريبات روبل و يوان و غيره
العايز يعرف سبب فشل السودان و تاخرنا يقراء الردود كلها… وبطل العجب…
عرفتوا ليه الناس ماشه قدام ونحن دوما داقين خلف.
ست الشاي
تعليقاتك كلها عكس الحقائق
هم أنفسهم قالوا نحن حلفاء و أصدقاء و حتى لو ما قالوا ان كنتي تقري صحيح و متابعة للعلاقات الدولية و خاصة منطقة الخليج لما قلتي هذا الكلام
شوفي المعاملات التجارية بين دول الخليج – معظم السيارات و كل العتاد الحربي و وووو من امريكا و اوروبا
انت تعريفك للحلفاء شنو؟
تحبين الجدل و المغالطة تقول متزوجة محامي!!!!