في تطور جديد للاحداث : الارباب يسلم استقالته لمجلس الهلال ويعلن ترشيحه لمنصب نائب رئيس الاتحاد العام
في تطور جديد للاحداث قدم رئيس نادي الهلال الارباب صلاح احمد ادريس استقالة مكتوبة سلمها لنائبه الفريق شرطة محمد عبد الملك
الطاش عقب مباراة الهلال وكابس يونايتد الزيمبابوي التي جرت امس وطالب الارباب في حديثه للطاش ضرورة تسليم الاستقالة فورا الي مفوض تسجيل هيئات الشباب والرياضة حتي يتسني له الترشح في مقاعد ضباط الاتحاد السوداني لكرة القدم في الجمعية العمومية القادمة للاتحاد.
وتؤكد مصادر قوون ان خطوة الارباب جاءت بعد ان تأكد امس تحالف الاتحاد بقيادة رئيسه د. كمال شداد ود. معتصم جعفر والاستاذ مجدي شمس الدين والاستاذ اسامه عطا المنان والاستاذ صلاح حسن سعيد في الترشح لمقاعد الضباط الاربعة بمكاتب المفوضية اليوم ليكون التشكيل الجديد د. شداد للرئاسة ود. معتصم جعفر نائبا للرئيس ومجدي للسكرتارية وستكون هناك مفاضلة بين اسامة عطا المنان وصلاح حسن سعيد لمنصب امانة المال واكد المصدر ان الارباب صلاح ادريس سيرشح نفسه اليوم من داخل مكاتب المفوضية منافسا قويا للدكتور معتصم جعفر في منصب نائب الرئيس.
قوون
أيوه كدة يا أرباب أستاااااذ
ربنا يوفقك بس حاتفوز كيف وانت ديمقراطي ومعتصم عميل للموتمر الوطني
اتارى امباح ابوالهل اكتسح الجماعه بعدالروح المعنويه اللعيبه ارتفعت عندماعرفو انو الكج مافارق والله ياودادريس قشه ماتعترليك وانشاألله تكون جادى المره دى والعقبه لناس جنوب يحلهم الحله بله.
مبروك للهلال الاستقالة والله فكه الهلال منك واوعى تجدى بكرة تزلنا بقروشك انا دفعت للهلال كم وعايز كم روح دمر الاتحاد ولحقه امات طه والفكه الهلال منك يفك السودان من الكيزان والحركة مبررررررروك ياهلالب الكج طار ابوالجهلاء زحة ومرحب بالهلالب الاصلين البعرفون الهلال من القلب وليس من الجيب وجبابكم عشرة وابقو راجعين الهلال فى انتظاركم والى مجهودكم وباباى ارباب الكج