طالب جماهير ناديه الثورة ضد اتحاد الكرة ..سكرتير عام المريخ بعد الانسحاب من نهائي الكأس : اتحاد الكرة يجامل الهلال
طالب عصام الحاج سكرتير نادي المريخ الاسبق من جماهير ناديه الثورة ضد اتحاد الكرة السوداني، وذلك بعد أن انسحب المريخ من مباراة أمس أمام الهلال، ولم يحضر مباراة نهائي كأس السودان.
وقال سكريتير المريخ الاسبق عقب إعلان حكم اللقاء نهايتها بسبب عدم حضور فريق المريخ "معظم قيادات اتحاد الكرة السوداني يعملون ضد المريخ بشكل واضح ويجاملون الهلال".
وقال "سنسعى في الفترة القادمة من أجل تقديم قيادات قوية من المريخ للعمل باتحاد الكرة السوداني".
وكان فريق المريخ قد تخلف عن حضور مباراة نهائي كأس السودان أمس بعد رفض اتحاد اكرة تأجيل اللقاء، وهذا ما دفع حكم المباراة للانتظار 15 دقيقه ثم إعلان انسحاب نادي المريخ.
جول اف ام
الاخ عصام كدي قول خير… والدنيا صبائح عيد وكل عام وانت بخير ….روق المنقة شوية يا ناس المريخ السواي ما حداث …..بدل التصريحات والبيانات الصحفية اكتبوا شكواكم كتابة الي الاتحاد مدعومة بالمستندات والمسببات فقط!!!!!!
ياربى حاتجيب شخصيات مرخية من وين بعد ما شلتو شداد و جبتو معتصم جعفر المرخابى المشكلة مافى الاتحاد المشكلة ادراتكم السيئة المابتعرف العمل الادارى الموسس ./شغلانة ماقوة.
هذا المدعو مجدى شمس الدين المحامى الفاشل و الذى فشل فى قيادة نادى أمدوم كيف يكون قياديا لاتحاد الكرة السودانى..أين هو من قامات و رجالات السودان الافاضل الذين شهدت الكرة السودانية فى عهدهم الازدهار.هذا الدخيل على المجتمع الرياضى تسلق و تدهنس حتى و صل و للاسف فقد عمل تحت قيادة الدكتور العلامة شداد و لم يتعلم منة الانضباط و الحيادية و الاخلاص فى العمل…هذا المسخ و الذى من المفترض أن يكون حاميا و صاينا لكل الاندية..يعمل بكل قوته لتدمير المريخ..ماذا تعرف ايها الجاهل عن المريخ و تاريخ المريخ و أهل المريخ..قامة المريخ لا تعترف بالاقذام مثلك و أبسط مشجع مريخى اشرف منك…أمثالك لا يستحقون ان تكون لهم مؤطئ قدم فى الوسط الرياضى الذى شوهت اسمى معانيه..و لكن لاتظن ان جماهير المريخ ستترك لك حبل القارب فسنعريك اينما ذهبت او حللت و سنقتص منك و من امثالك ايها المتخلف
الزول ده غبى ولا شنو
شنو قيادات مريخية انت قايل الاتحاد بتجيبو الجمعيه العمومية بتاعتك ولا شنو
والله الجرسه ظاهرة كل زول فيكم عندو سبب يختلف عن التانى وده دليل للجرسه والهروب
وبعدين الهلال الدخلو شنو انتو الخاطبتو الاتحاد واللجنة المنظمة رفضت طيب وين دور الهلال هنا
ويانا السنه الفات ماجاملوكم وادوكم الكاس ده برضو نفس ناس الاتحاد ديل وبالاتفاق مع خالد عبدالرحمن
اهم مافى الموضوع جمال الوالى بلسانو قال منافسة كاس السودان بطوله ولدت مينة وليس لها قيمة السؤال يعنى فريقك ماليهو قيمة من 8 سنه ماشال غير كاس الدورى مره واحده فقط
زمان لما الهلال بقول كدا مابتقتنعو
غايتو ارجلكم خالد ليمونه قال هربتو عديل طيب ليمونه فى الاتحاد برضو