المعارضة الشمالية نخبوية مطلبها اسقاط حكومة واعادة نظام
المعارضة المسلحة الان قوامها اهل الهامش الذى اكتوا بنار نظام خلف المستعمر منذالعام ٥٦ ممسكا بتلابيب دولة نازل اهل الهامش على ارضها كل الغزاة وكانوا كما هم الان جنودا بسل واجهوا الموت بثبات فى سبيل تحرير هذه الارض وقد انتصروا فى معارك بطولية على الالة الغربية رغم تقدمها على السلاح الابيض ولكن قدر الله ان يبتعد هؤلاء الاشاوس عن قيادة مرحلة مابعد رحيل المستعمر ليخلف الراحل قادمون لم يسحنوا التصرف وبل عملوا على تمكين اثنياتهم وذلك فيما سمى بالسودنة وكانت حجتهم فى حرمان الاخرين من حقوقهم اقل مايقال عنها انها مضحكة والان وبعد مضى اكثر من خمسة عقود حال السودان يتدحرج من سيئ الى اسواء اولا ليس هنالك دستور للبلاد والجنود المحتلين الذين ودعهم اجدادنا بعد ان تحركات عجلات اخر قطار يقلهم اتوا الينا عبر صالة كبار الزوار فى مطار الخرطوم ونزلت الياتهم الحديثة فى ميناء بورتسودان لتنقل الى مناطق عدة فى السودان والشرق كما تعلمون فشلت فيه كل الالة الانجليزية لتعبر عبره الى بقية السودان فتلك الالة الان تمر بموافقة سكان القصر من ابناء الشمال النيلى وحال السودان الاقتصادى وتاخره الصناعى وتبديده لايراداد الدولة لتمكين قلة على حساب اكثرية ترزح تحت حكم عنصرى بغيض امر بين لكل من ينظر لما تقوم به هذه العصابة الفاسدة
للاسف الحكم فى٥٦ كان عنوانه وطنيا وجوهره جهوي اثنى واليوم تغير العنوان لان الاول لم يعد يجدى نفعا فلذا اختير العنوان الدينى ليغطى على الجهوى الاثنى واما حال المعارضة لايختلف كثيرا وكانها لم تفق او تدرى ان حال الاثنيات الاخرى تغير فاختيارها لتكون هى قائدة لكل تجمعات معارضة الشتات يجعلنا نستعيد ذكرى ماقامت به نخب الخمسينيات الشمالية من ابعاد الاثنيات الاخرى واما ما تقوم به هذه التجمعات من معارضة لعصابة الانقاذ لا نجد فيه غير انهم يريدون اسقاط حكومة واعادة نظام٥٦; فنحن نريد اسقاط نظام عنصرى بغيض اسس على باطل منذ ٥٦ ليحل محله نظام تتواضع عليه كل القوى السودانية ولايستثنى احد لا لعرقه او دينه او جهته ولكن غيرنا يريد انتاج ماكان فلذا كلمة نظام لانعنى بها عصابة البشير بل ماهو قائم من “استقلال”
السودان لننعم جميعنا بسودان يعاملنا بمساواة وعدالة كابناء لهذا الوطن
وحتى اليوم تاثير المعارضة على الارض ضعيف لانهم يتحدثون عن اشياء ليست من اهتمامات من هم فى المعسكرات وتحت الشجر من جيوش العطالة والطلاب المطرودين بسبب رسوم لاتقوى على دفعها اسرهم فمتى ستنتقل المعارضة من التحدث الى النخب الى الحديث لهؤلاء البسطاء؟
هاشم نوريت
[email][email protected][/email]
ياسيدي شغلة الهامش دي بقت شغلة ما جايبة حقها ومليناها لانه بنحس باننا برضو مهمشين فيها أها قولك شنو السودان كلو بقى هامش كل مدنه وقراه شماله وجنوبه شرقه وغربه وحتى العاصمة الفالقننا بيها دي هي ذاتا بقت هامش ,, هو الهامش ده شنو يعني ؟ وتعريفه ذااااتو شنو ؟ الناس كلها بقت جعانه وعريانه لا تعليم لا صحة كلنا اتهمشنا ,, بلا هامش معاك بلا حواشي يجب توحيد جبهة الجميع والوقوف صفا واحدا لكنس ومسح هذا النظام من الدنيا واراحة الناس من شره , أما دعاوي الهامش والتهميش دي خلاص انتهت وكلنا بقينا هامش ياسيدي فحقو نوحد كلمتنا لانه بالطريقة دي ناس الهامش حيهمشونا تاني ونصبح مهمشين مرتين فهل يستقيم هذا يا زول ؟؟؟
ياخوى الاسطوانة المشروخة دي مليناها وكلنا في التهميش سوا يعنى هسع يجي واحد من الهدندوة بقي رئيس وافسد وفسد نقوم ندين كل الهدندوة فسرها لي كيف دي؟؟ الحكومات السجمانة دى من 56 ضمت الجنوبي والغرابي والشرق والشمال هسه ماتمشي بعيد الانقاذ دي مابدأت ومعظم كوادرها الامنية وهو عصب اى نظام من الغرب فكونا من الكلام الي لايودى و لايجيب ونفكر في طريقة نشيل بيها المصيبة اللي في ضهرنا دى واكيد اكيد اى تشكيل او نظام جديد حيفرض تفادي اخطاء الماضي كاملة والشماليين 90% منهم طشوا بره البلد ونحنا لو عندنا غابة ولاجبال او تضاريس تساعد كان والله اول من شلنا السلاح والشماليين حاربوا زيهم زيك يالمهمش كمان تدعي انك حاربت لوحدك بس داير تزور التاريخ كمان فكونا من النظرة الضيقة دي وانت هسه لو بتفكيرك ومنطقك ده تفتكر انك تزيح كيان الشمال من اى معادلة قادمة لحكم السودان عملت شنو غير انك تدعو لحرب اهلية الشماليين حيسكتوا ليك ويقولوا ليك تعال اتفضل عشانك مهمش واحكمنا ياسيدي الفاضل ياود الشرق الاقليم الشمالي فاضي من سكانه بسبب عدم وجود اي بنى تحتية تؤهل للعيش فكلنا في الهم مهمشين فخاطب الناس بوعي وحث الناس علي الوحدة التوحد علي اسس العدل والمساواة دون تمييز لعرق اودين والكفاءة المعيار ودستور يتوافق الجميع عليه يكون هو الحاكم والمرجع لسودان جديد نبنيه بتجرد واخلاص غير كده التشرذم والتشرد حيستمر87