عقب مهزلة نافع ،،محمد حسن عالم يتحدث : لا يشرفنا ان ننوم في بيوتنا والنظام يسقط بأخطائه ،، المفروض يكون لنا الشرف في اسقاطه.. من أكثر المدافعين عن النظام قال لي: بلا سير سير يالبشير بلا كلام فارغ. – شاهد الفيديو –

بارك الله فيك وفى امثالك ايها المناضل

على الطلاق الزول ده كلس وأرجل راجل فى السودان أشوفوا حتى الآن وحتى أرجل من ضباط الجيش المخصيين .. سبحان الله فشه غبينتنا وبرد نارنا .. فعلاً ياهو ده السودانى الأصيل الشارب من النيل ياهو ده عزة السودان وفارس من هذا البلد الذى تم تخدير أهله .. نخوة وشجاعة وكلمة حق فى وجه السلطان الجائر .. حفظك الله وحماك من كل سؤ ياباشمهندس ونسأل المولى عزوجل أن يحفك بعنايته وأن يكلأك برعايته .. ووالله لوكان لى أخ كنت أتمنى أن يكون مثلك عزيز النفس قوى الشكيمة حتى العدو يشهد له .. أنت ياباشمهندس رجل بمعنى الكلمة عالى الهامة والهمة ( ذكرتنا بأجدادنا فراس الحوبة وأسود العرين .. أقول شنو وأنا شايفك أرجل واحد فى السودان … خضر الله دراعك وزادك علماً ونوراً ورفعة .

😎 يسلم عمرك يا ايها البطل اديتنا امل انو بلدنا لسه بي رجالا الثوار

اصلو المناضلين ديل مرقو بالطريقة دي مش وراثة بس بقول ليك مرة تانية وكل ما اعلق ح اذكرك بان تبعد عن الحزبية عشان نحبك ونقف من خلفك للنهاية لان الاحزاب مجرد ما ينتهي دورها في النضال ببقى الصراع على السلطة لكن في حالة استقلالك سوف يقف الشعب السوداني خلفك وتكون قائد يتبعوك مش تابع
انت العايزو من المغتربيين اكتبو او قولو وح تشوف!

لقد درسنا في تاريخ السودان من اكثر العوامل لتي ادت الى الثوره ضد الاتراك الضرائب الباهظه التي اثقلت كاهل الشعب السوداني وثار الشعب السوداني في زمن لم تعرف فيه الثورات على مستوى العالم اجمع مالذي يمنعنا الان من الثوره ضد من يسمنون انفسهم بالانقاذيين لقد اقاموا مراكز الجبايات في كل شبر من ارضنا واتبعوا كافة الوسائل في جمعها من مصادرة المحاصيل الزراعية واغلاق المصانع حتي ستات الشاي فرض عليهن الضرائب هل سمعتم برسوم دخول السفارات في كل دول العالم لاتوجد رسوم لدخول اي سفارة اسأل اي واحد مغترب يقول لك هذا الكلام في سفارة الرياض يدفع كل واحد مبلغ ثلاثه ريال قبل ان يقدم له اي خدمه وفي المغادره في ميناء سواكن حتي عندما نريد دخول المسجد لازم ندفع لدخول الحمامات والا لن نتمكن من اداء فريضة الصلاه رسوم لدخول المسجد سبحان الله اللهم اننا قبلنا بتسليطك علينا من لا يخافك ولكنا نرجو رحمتك ولطفك في ازالته

اللهم قيد لهذه الامة من بقتص لها من نافع بقدر ما اذل رجال السودان الشرفاء و بقدر ما تهكم و تبجح على الضعفاء و العزل من ابناء الوطن اللهم اذا عجبته قوته فاريه قوتك يا الله و بارك الله فى هذا البطل الهمام لان العنف يولد العنف و الحقد يولد الحقد
اللهم كل من نازعك جبروتك و سلطانك المطلق ارنا فيه عجائب قدرتك ;( ;( ;( ;( ;( ;( ;(

الى كل من يقوم البديل منو للكيزان والمؤتمر الوسخى اهو ده البديل واخوانو كتار وموجودين لكن مجرمى المؤتمر البطنى غلسوا ليكم ادمغتكم اصحو يا مواهيم (قالوا البديل منو )

مفروض كل الناس تطلع ما يتركوا المهندس ينبح ليل نهار وناس الانقاذ دل الزول البتكلم كثير
وما بتحرك معاه الشعب بخلوه ينبح 24 ساعة لحدي يركب التونسية

ويكون ماسك تلفون طول اليوم بهلوس في الشوارع

ربنا ينصرك ويقوي من شوكتك ويخارجنا من هاولاء البشر

ارحموا الشعب يرحمكم من في السماء

الباشمهندس مني لك الف سلام وتحية
هولاء الصاليق تجار الدين عليهم لعنه الله واهل اسودان اجمعين ..
نسأل الله ان يرينا فيهم يوما اسود قريب ليس بعيد .
ما اخذ بالقوة لا يسترد الا بالقوة
الثورة ولاشئ غيرها حتى نوقف الحفلات اليومية ورقيص البشير القى ليهو عادة وحول البلد لكبري وبيوت دعااااارة

الي المدعو Faisa

اذا كانت مقايس الصعلقه عندك الرقيص فالبشير هو اكبر صعلوك … بعدين طالما انته عارف انو الموقع دا بتاع صعاليق انته اصلا جاي بي هنا ليه طالما انته ما صعلوك .. اهووو عندك الانتباهة و كتابات اخر الليل الشيطانية امشي علق فيها بدل تجي انته و تتفوه بترهات تكشف مدي الجهل ……. بالله اذا ما عاجبك انزل طالما انته راكب غلط

عليك الله الزول دا ما غبيان هو محسي وقال حزب البعث العربي ههههههههههههههههههههههههههههههههههههههههههههه شر البلية مايضحك

في دستور حزب البعث ما في فقرة تقول ممنوع انتماء المحس او اي قبيلة أخرى
مع الاحترام

يا زهير إنت زبيدي ولا رشيدي ؟لأنو ما في عرب في السودان بمفهوم النقاء العروبي غير هاتين القبيلتين.ثم ثانيا لماذا الإستنكار أو التعجب بين الربط بين المحس وحزب البعث؟أو لا تدري أن زعيم أكبر دولة عربية وهي مصر نوبي؟ وهو رئيس المجلس العسكري المصري المشير حسين طنطاوي أو ما تدري أن معظم حكام السودان من بعانخي وترهاقا مرورا بأل المهدي والنميري وغيرهم نوبيون؟إنت شكلك كوز نفعي حقير ويومك جاي بس ما تدس زي النسوان بعدين ؟من تكون يا زهير لكي تتطاول علي أرض الحضارات ؟

انتو ليه بس جادين فى النعرات كدة:crazy:

يا جماعة اول حاجة السودان ما بلد عربى دى نمرة واحد نمرة اتنين اى حزب ما يؤمن بالديمقراطية و يفتكر انه يملك الحقيقة وحده مكانه صندوق الزبالة و فوقه يكبوا روث بهايم اكالن بقى حزب اسلامى او بعثى او شيوعى او قومى عربى او اى من هذه الترهات الا يعلنوا و يتوبوا عديل كده عن افكارهم الشمولية امام سيدهم الشعب السودانى!!! لا بديل عن الديمقراطية الليبرالية و اهلا بهذه الاحزاب اذا ارتضت ذلك و الا فلا مكان لها فى السودان!!! انحنا عايزين نقول نحنا سودانيين و بس و ده ما بينفى اننا خليط من النوبيين و الافارقة و العرب و غيرهم من الاقليات الاخرى و ده الكون الشخصية السودانية البتختلف عن العرب و الافارقة!! هسع الامريكان تلك الامة العظيمة القايمة على الحرية و المبادرة الفردية بيقولوا انحنا اوروبيين ؟؟؟ابدا بيفتخروا بانهم امريكان و بيختلفوا عن الاوروبيين او غيرهم!!!!