مٍِـــــيل بي البسمة …

بسم الله الرحمن الرحيم

مِــيل بي البسمة
وجدد فرح اللقيا
وشُـــوف عشم الحس الخافت
خَربش إحساس جواك
مَـــسَّ مفاصل الزمن الكانت واقفة حداك
ونَـاغم في سكون
شجن الزمن الولى وراح
وبقي مسكون
ببوح النخلة المال متني
ووجع اللهفة الفيك مستني
ومواسم الشغف الجانا زمانا
حرَّك أشجانا
ولخبط ترتيب كل الألوان
يا هذا البرق اللامع ليل
أبقالي دليل
وفتِّــح في الضلمة دروب بتودي إليك
وخلي رموش العين
و صوت الوعد الساكن
ودفق النبض الباطن
ونضم الحسرة الفي عينيك
تفرش في الغيم
ألوان القوس المائل
وورد العسل الصائل
وحس الرعشة الطائل
وفرح البسمة
ومَيل النخلة
وزاوية زاهي الألوان
يا هذا البرق الوجَّا
من وخز الرعد الصجّا
ومضات البسمة المالت بيك
مالت بي الكون
وسر الليل
وهاجس الخوف
وحد الشوف
وسحيق الجوف
والشوق العجّا
مِــيل بي البسمة
وأنا مستني
يقين الحس العاشر
وبشاير المطر النقَّط منك
وضل الميل
واللون السادر
وزمن البهجة
الجاي معاك
عروة علي موسى ,,,

[email][email protected][/email]