بعد تدمير السكة الحديدية والخطوط الجوية والنقل النهري..نظام البشير يبيع بقايا أسطول السودان البحري
عماد عبد الهادي-السودان
لم تشفع نداءات البحارة السودانيين الداعية لمعالجة مشكلات الخطوط البحرية السودانية الناقل الوطني الثاني بعد الخطوط الجوية، لوقف قرار بيع آخر باخرتين بحريتين في الأسطول، وهما باخرتا النيل الأبيض ودارفور.
ورغم امتلاك السودان لأطول ساحل بحري في المنطقة، إلا أن سياسة التعامل مع الخطوط البحرية والبحر عموما تظل محل تساؤلات كثيرة لم تتوفر إجابتها حتى الآن.
ولاتزال الباخرتان الرابضتان بميناء بور تسودان عصيتين على البيع حتى الآن وكأنهما ترفضان إنزال العلم السوداني من ساريتيهما بعدما فشلت مظاريف العطاء الأول في الإتيان بما يطلبه السودان من سعر.
فبينما يرى مهتمون وخبراء في ذات المجال أن السودان قد فرط في ناقله الوطني الثاني بالإهمال حينا وتطبيق سياسات خاطئة أحيانا، يقول مسؤولون إن الحكومة بصدد بناء الأسطول من جديد.
قرار بالبيع
وفي ظل عدم تصديق وعود الحكومة بإمكانية تحديث الأسطول كما جرى لمؤسسات أخرى مماثلة، أكد مدير عام شركة الخطوط البحرية السودانية النوراني يوسف دفع الله قرار الشركة بيع آخر باخرتين تمتلكهما الخطوط البحرية من أسطولها الذي بلغ في عصره الذهبي خمس عشرة باخرة كثاني أسطول نقل بحري في أفريقيا بعد أسطول دولة جنوب أفريقيا "لأجل التحديث".
وقال للجزيرة نت إن السودان تخلص من بواخره تدريجياً لظروف مختلفة، مشيرا إلى عزم الحكومة إعادة بناء الأسطول بما يواكب حركة النقل البحري الحديث.
وأكد أن الباخرتين المعروضتين للبيع من القطع القديمة، وقد تم شراؤهما قبل ثلاثين عاماً وأصبحتا عُرضة للأعطال واستهلاك قطع الغيار، لكنه أوضح نية الدولة لعقد شراكات إستراتيجية مع رأسماليين وطنيين وشركات نقل عالمية لإعادة بناء الأسطول.
آليات رقابية
في المقابل أشار القبطان المتقاعد أحمد محمد مختار إلى عدم معرفة من تولوا إدارة شركة الخطوط البحرية، خلال الفترة القريبة، الماضية بأهمية الخطوط البحرية.
وأكد أن الدولة لم توفر آليات الرقابة المعروفة، وبالتالي فشلت في المحافظة على أسطولها.
وأضاف في حديثه للجزيرة نت أن السياسة التي انتهجتها الحكومة في فترة سابقة أدت لتدمير كامل للشركة وشركات أخرى موازية، وقال إنه لمن المحزن أن تتحول الخطوط البحرية السودانية من الناقل الوطني الثاني في أفريقيا بعد جنوب أفريقيا إلى العدم والتلاشي.
وتساءل مختار عن مستقبل قطاع البحر في البلاد بعد اختفاء علم السودان من كافة بحار الدنيا، وأعلن عدم وجود "سياسة حكومية معلنة بتجديد الأسطول رغم ما أعلنه مدير الشركة".
تشريد منهجي
بدوره تساءل الأمين العام التمهيدي للبحارة السودانيين القبطان صلاح إبراهيم حسن عن مغزى بيع كل الأسطول "طالما كانت الحكومة تسعى للتجديد والتحديث"، واستغرب إعلان المسؤولين عن تجديد الأسطول "في ظل تشريد منهجي لكافة كوادره وبيع جميع أصوله".
وقال للجزيرة نت إن عدم معرفة السياسيين بأهمية الخطوط البحرية كناقل وطني هام أوصلها إلي التردي الحالي، لافتا لاختفاء مؤسسات وطنية كبرى كانت الحكومة قد أعلنت رغبتها في تجديدها.
واستبعد حسن وجود رغبة حقيقية للدولة بإعادة إنشاء أسطول جديد أو وجود سياسة حقيقية للنهوض بالقطاع "لأنه كان من الممكن صيانة البواخر الموجودة وشراء أخرى بدلا من التخلص الكامل من كافة متعلقات الخطوط البحرية".
المصدر: الجزيرة
لا تستغرب والله ديل يبيعوا الشعب
هذه نتيجة حتمية لفشل الادارة المعينة ايدولوجيا .. لانها تفتقر للخبرة والمعرفة .. كل مؤهلاتها هى الانتماء
للعصبة الكيزانية
وطنية البشير محل شـــــــــك !!!!!!!!!
جمهورية الفساد الثانية اقدمت علي بيع ما تبقي من وطن اسمه السودان بعد التفريط علي ثلث مساحته لمجرمي الحركة الشعبية باسم الشراكة مع المؤتمر الحرامي لمستثمرين أجانب كماتم بيع فلسطين لليهود مستقبل اسود ينتظهر لاهل السودان طالما العصابة الحاكمة باسم الدين والشريعة جاثمة علي صدره وانفاسه .
تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
امسك واحد اول بدء :
سرقتو وطن واسع ممـــــتد
فكفـكتوهــــو
وزعزهتوهو
وارهقتوهــو
وبشتنتوهــو
وهديـــــــتوهو هــــدا هــــد
******
وهاك التاني امر إِدًّ
حكمتو شعب كان زي الورد
افقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
آخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
: احسب رابع وتابع العد
وين تعليمنا ووين ترنـيمــنا؟
وين ادابنــا ووين كتــابنــــا؟
وين رياضتنا ووين ريادتنا ؟
مرمطوهـا
واخرتوها
وافشلتوها
وطيشتوها
وخلفـــتوها جهـــل عن قصد
******
: شوف الخامس اخذ ورد
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين اموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
وضيعتوهـا
وبـددتوهــا
ولوثـتوهــا
وبي سمعتنا مسحتو الارض
******
هاك السادس ونفسك سد :
رئيسا راقص رقصا شين
مسئول مزواج ركاب سرجين
وزارة تجارة وبياعين
ناسا عايشة ومبسوطين
جضوم منفوخة ملمعة زين
كروش ممدودة متر مترين
ايادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محمين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو ابو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
!! وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الافاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
ياخي قول ميتين كبري ومليون شارع والفين سد
ايه بتسوا قصاد وطنا اتبخر واتفتت
ايه بتعني امام حلـما اتلاشـى واتبدد
ايه بتغني مع فشـلا أتأصل واتوطــد
*****
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن افســد
نضال وارثـنو اب عـن جد
اكـتوبراولى لــنا بتشــــهد
وابريل التانية اعادت مجد
والتـالتة قريبة وما بتبــعد
خليك واثق واتأكــد
للاحلى حيكون الغد
للافضل راجنو الغد
للاجمل حنبني الغد
للاحلى حيكون الغد
للافضل راجنو الغد
للاجمل حنبني الغد
التاجر لمّ يفلّس بفتّش في دفاترو القديمة -الدولة أفلست ولم تجد سوى هزة البواخر لبيعها- إزا كان الوزير الواحد راتبو
الجراد الصحراوى دة الواحد فيهم لو لقى لباس والدته مطرف ببيعو خلى بواخرودى اخر حاجة فضلت بعد دة باقى يبيعو الشعب الفضل سودانير
بعد يخلصوا بيع كل القطاع العام ولا يجدوا شيء يقبلوا على البشر أعملوا حسابكم أي طويل سمين متعافي يشوفلو بلد … اللهم هل بلغت فأشهد …
هذه حكومة ام مجموعة عصابة وحرامي ة بعد ان دمرت السكة حديد وباعت املاكها وشردت الافها من العمال والفنيين دمرت مشروع الجزيرة وباعت بنيته التحتية من عمارات ومنازل ومعدات وغيرها وايضا شردت عماله وفنييه بعد ان دمرت هيئة النقل النهرى ايضا وباعت ممتلكاته وشردت ايضا عماله . دمرت الخطوط الجوية السودانية وباعتها من جذورها وهاهى الان بدأت فى بيع الخطوط البحرية السودانية ولم يتبقى من الا سفينتين معروضتان الان للبيع . ماذا يريد ان يفعل هؤلاء اللصوص اكثر من ذلك ؟؟ وماذا تركوا للاجيال القادمة من بنيات تحتية لهذه المرافق الحية واين تذهب هذه المليارات بعد البيع حيث ان كل شيىء على حساب المواطن من تعليم وعلاج وحتى راتب عامل البلدية اصبح من جيب المواطن ؟؟؟؟؟ انهضوا انهضوا يا شعوب هذا السرطان استشرى ودمر كل شيىء بالوطن وغدا سوف نجد خاليا من كل مقابل تلك العمارات التى انتشرت كالسرطان فى فى العاصمة وبقية المدن والمواطن لا يكاد يجد رزق اليوم باليوم . واسوداناه واسوداناه واوطناه الحقوا ما بقى من ثروات هذا الوطن .
اهدى صورة عمر البشير هذه الى شخصه الذميم ويستحق هذا البنان الذى رسمها جائزة كبيرة فهى تصور شكل عمر البشير تحت الارض فى القبر ووجهه كاشر نتيجة اعماله وجرائمه الكبيرة .
ان شاء الله عمر البشير يبيعنا كلنا فردا فردا ، لاننا جبناء وصامتين على كل أفعاله، وما عدنا نفعل شيئا تجاه هذه المصائب سوى الكلام.
فساد الادارة الحالية والتى سبقتها هو السبب ولا شى غير ذلك
انتهت الشركة منذ تولى شرف الدين مختار ادارتها الذى باعها وأكل ريعها بعلم الحكومة
فعلاَ لم تكتفي الحكومه بما فعلت بل بدات في هدم كل مـا بناه الاجداد
بلغ اسطــول البحريـه في عهده الذهبي ايـام مديـر البحريـه وقتها السـيد اسـماعيـــل محمد بخيــت طيب الله ثراه 16 عشـره سفينه وليس 15 عشــر وكانت الباخره دارفــور اول باخــره تعبـــر قناة الســويس بعــد تاميمها ….
الا رحــم الله الفقيــد بقدر ما انجـز
و يا بني وطني (مسعولين من الخير!!!) خط الخرطوم هيثرو خبره شنو!!!!؟؟؟؟؟ياوطني حاولت أكتب ليك و اسطر الإحساس و اقول كلام في الريد زي النجوم و الماس … تعبنا آآآآآآآآآه تعبنا !!!
ولذلك دائما ما نقول ان ما يفعله المؤتمر اللاوطني كبير اعضاء الماسونية العالمية هو ما عجز عنه كل اعداء السودان ان كان للسودان حقا اعداء سوا المؤتمر اللاوطني الجبهة الاسلاموية سابقا هؤلاء القوم لا هم لهم سوا تدميروتخريب البنية التحتية للدولة السودانية ولن يتوقفوا ابدا في الخطوط البحرية او السكك الحديدية او النقل النهري او مشروع الجزيرة او مشاريع الاعاشة او التعليم او الصحة هؤلاء يعملون بجد لبيع كل الاراضي السودانية لمستثمرين اجانب من شاكلة جمعة الجمعة وخرباش الاماراتي صديق شقيق الخائن العميل البشير
هم لن يتوقفوا ابدا طالما ان الشعب اخرس ويجبن عن مواجهة اللصوص ويطرح مثل اسئلة البديل المفقود في وطن مفقود !!! هنالك ملايين البدائل ولكن العجز والقهر هم سبب كل ما يحدث في السودان
بالنسبة للعسكريين هزة اول حكومة عسكرية تهدم السودان فقد اسست سودان لاين فى عهد عبود بالبواخر اركويت وكردفان والجزيرة وسنار ثم شندى ومريدى بعد غرق اركويت فى بحر الشمال ثم توالت فى حكم نميرى نيالا وامدرمان ثم توالت النيل الابيض والنيل الازرق والخرطوم ومروى ودنقلا الى اخرة وعد الانقاز توالى البيع لضيق افق القايمين على الشركة وتشريد عشرات البحارة ومن ورايهم اسرهم ويكفى الانقاز ظلما تشريد المواطن من عملة وبلدة والعبرة ليست بالعسكر ولكن العبرة كيف يحكم العسكر
اولا احدى الباخرتين منحة ولا ادرى كيف تباع ومن الذى حرر لها وثائق ؟
ثانياً موش حرام بلد كالسودان بدأ النقل البحري يصبح فى عهد الانقاذ لا يملك الا باخرتين باليتين .. اوين الانقاذ ؟
ثالثاً تم تشريد ثلاث ارباع العاملين بحجة تحسين الوضع .. ما الذى تحسن وهكذا حال هذا الوضع الذى قعد على كل المؤسسات الكبيرة وجعلها دكا ( اين الاسواق الحرة ، اين الخطوط البحرية ، سودانير … الخ )
حكومة سجم حكومة ندم حكومة وهم حسبي الله ونعم الوكيل
هؤلاء كالنيران المستعرة تلتهم كل شيء أمامها كالجراد الصحراوي يقضي على
الزرع ليجعل الأرض بورة جرداء من كل خضرة زرع
الواحد من هؤلاء الأوباش يمتلك أربع نساء وأربع عمائر فارهات في كل عمارة حفرة دخان وطلح وشاف ودلكة وبخور وكبرتة شديدة لذلك شغالين لأنفسهم قبل كل شيء بعد أن كانوا عزابة ما عندهم التدعكم
أما الشعب السوداني الفضل فعليه بالصبر والصبر بعدو الفرج القريب
أخي السعوديه كانت تملك أسطول ضخم قبل 11سنه باعتهم كلها ويش يعني لو باعاها ولا ماباعها خلاص الدنيا نهايتها الأبالسه ديل بس عايز قرار واحد ونهب فيهو كلنا((شعار من اين لك هذا)) ونفدي الشعار في المرتبه الأولى بإفداء روحنا كمرتبه أولى مفترضه
عشان نرجع ماسروقوه مجاميع جمعهم من جيوب أمنا الكبيره السودان دي مجموعه تشتغل الشغل ده والمجموعات التانيه تشتغل في عطاء خفي ومسكوت عنه بإنعاش قطاعات الرعي والزراعه بالذات الخريجيين
ههههههههههههههه بحلم والله قسم غليظ لو إتقينا الله ده كلو يحصل
الناس دي فاكرة البلد دي ورثة ورثتها من أبواتها …!
ولنفترض إنهم توهموا ذلك حنوا على خلق الله وخلوا اللبع مهضوم شوية وكل مؤتمرجي يخلي عندو دم لما رصيدو يصل مليون دولار يخلي اللبع …
لكن لا مستجد النعمة الكان حفيان عريان جاعان عدمان أبداً ما يشبع …
عد تدمير السكة الحديدية والخطوط الجوية والنقل النهري..نظام البشير يبيع بقايا أسطول السودان البحري.
الفساد لكي يستشري لابد من وجود وسط والوسط عباره عن شريحه من السودانين الفاسدين فيهم اخوي واخوك … عمي وعمك … فريبي وقريبك … ابتروا الفساد من الاسره الصغيره عشان نكون MORE PRACTICAL … عزبتونا … فساد فساد … كل واحد ينظر الي نفسه ويشوف موقعه وين من الفساد بكل انواعه …. وسوف ينصلح انشاء الله الحال … ودمتم …
القبطان دائما مشاتر وشايت براهو؟؟
لو دا طرحك وحلك لمشكلة الفساد ارى من الافضل ان تصمت ولاتزعجنا باحلامك وبراءتك.
وارى انك لاتستوعب مجريات الامور ولاتستطيع اضافة شئ يصب فى مصلحة الثورة والحملة الداعية لاسقاط النظام.
من الذى ينصح البشير ويستطيع ان يقنعه بفساد توجهه وحكومته؟؟هل اخيه عبدالله ام زوجته وداد ام انت؟؟؟؟
اقرأ التاريخ واثبت لينا ان طريقتك فى محاربة الفساد اتت ثمارها عند طاغية فاسد؟فمسلك الدين عند دعوة الكافر الجاهل الى الحق هو اللين كما امر الله سيدنا موسى وهرون ان يستخدما اللين مع فرعون فقال(فقولا له قولا لينا …..) لان الاسلام يعتبر الكافر خالى الذهن، اما الكافر الذى عنده قدر من معرفة الحق ولكنه مكابر معتدى والمسلم المنافق فالغلظة هى السبيل الوحيد لردعهم وتأديبهم(يا ايها النبى جاهد الكفار والمنافقين واغلظ عليهم) لان البشير وزمرته من المنافقين واظنك تحفظ الحديث النبوى الذى يحدد اية المنافق.( اخلاف الوعد ،الكذب ،الخيانة وانعدام الامانة والفجور عند الخصومة) وكل هذه الصفات موجودة وموثقة عند البشير وزمرته ويعلمها الجميع حتى الكيزان انفسهم ولا ينكرها الا مكابر اعمى بصيرة اومتعمد لخدمة مصلحته
ارى ان ترتقى بتفكيرك من مرحلة الطفولية الى مرحلة النضج وذلك بتجميد الكتابة وتخصيص جهدك للاطلاع ممكن بعد عشرة تحاول ان تعلق