امك طلع
(كلنا حالقين صلع)
ده شنو البيهدرفي الشوارع
ده شنو البهز فوق الارض
ده شنو البشق الليل بنور ابلج سطع
ده شنو الصغيرون في الخلايا
وفجاة زى اعصار طلع
خوف خلع
امك طلع
شعبك طلع
ساكت سكت
لما انفقع
امك طلع
صابر صبر
فوف الوجع
امك طلع
لاك الهوان
للمر شلع
امك طلع
مد العشم
لما انقطع
امك طلع
فقري وعنيد
زهجان شديد
حالق صلع
امك طلع
كشر عبس
كاسر شرس
وجع الضرس
ما بنقلع
امك طلع
امك حيكنس للوسخ
امك ويخفف للوجع
يمسح دموع مليون حزين
يسمع قصص ما بتنبلع
امك طلع
امك ويرفس للحرامية الهلع
امك وبركب فى المنافقين الفزع
امك ويرجع للملايين
فيض كرامه
ورحمه
من مده انقطع
نحن جند الله
جند الوطن
والليهو قلب والقى السمع
برضكك طلع
اكرم محمد زكي
[email][email protected][/email]
