الخط المستقيم
الخط المستقيم
وفاء سعد عمر
لماذا يتشاجر الأزواج ؟!
دعتني أختي لقضاء يومين معها في منزلها الجميل الأنيق الذي تحيط به حديقة غناء, سررت للفكرة ، حزمت حقيبتي ويممت وجهي لزيارتها حالمة بالاستجمام والراحة من ضغوط العمل، وما أن وصلت واستقبلتني أختي بفرح وحفاوة حتى عاد زوجها الكريم محملا بخيرات الله ، دخلت معها المطبخ لنقوم بترتيبها، لحظات و بدأ المنزل الهادئ بالضجيج .
أختي : أنت لا تعرف كيف تشتري الطماطم دائما تحضرها( طرية ما تنفع للسلطة ).
زوجها : هذا الموجود بالسوق.
أختي :هذه الفاكهة لا طعم لها ولا نكهة
زوجها : هل أنا الذي زرعتها.ثم أين نظارتي ؟ أنت كل يوم تغيرين نظام المنزل وأفقد أشيائي .
أختي : أنت تنسى أين وضعت أشياءك ثم تتهمني بضياعها .
وهكذا استمرت المناقشات الحادة المتحاملة من الطرفين ، بنهاية النهار حملت حقيبتي وعدت أدراجي وقد انهارت أحلامي .
فلماذا يتشاجر الأزواج ؟
الإجابة على هذا السؤال سهلة للغاية فهي بالتأكيد ليس لأن أحد الأزواج سيئ ولكن لأن طبيعة الرجل تختلف عن طبيعة المرأة ، فالمرأة مولعة بالتفاصيل والرجل يهتم بالصورة العامة للأشياء فهو قد لا يعرف اسم صديقه الثلاثي ، بينما المرأة قد تعرف أن ابنة خالة عمة صديقتها قد زاد وزنها مؤخرا ،والنتيجة أن يصف الرجل المرأة أنها فارغة وتصف المرأة الرجل باللامبالاة ، كما أن عقل الرجل يعمل حلال للمشاكل مبرمج على وضع الحلول فعندما تحكي المرأة مشكلة لزوجها فهي لا تريد حلا ولكنها تريد من يربت على كتفها ويغدق عليها من المشاعر بل يفرط بالتعبير عن حبه.
فتقول له (العمل مرهق ) يرد بحل حاسم وفوري (اتركيه وابحثي عن غيره ) والنتيجة المرأة تصرخ زوجي غير رومانسي والرجل يقول زوجتي كثيرة الشكوى( نقناقة) ..عندما ينضغط الرجل يميل للصمت ويتقوقع على ذاته إلى أن يهدأ بينما تنفجر المرأة بالثرثرة والصراخ للتنفيس عن ضغطها ،هذا الاختلاف = خلاف . فعلى كلا من الطرفين أن يدرك طبيعة الآخر .
فلا تتضايقي عزيزتي المرأة إذا حاولتي تذكيره بلون الستائر في منزل أصدقائكم عندما دعيتم للغداء فهولن يتذكر سوى أن طعم الملوخية كان لذيذا جدا، وأدركي أن مشاكلك التي تحكيها له ترهقه لأن عقله سيبحث لها دائما عن حلول.
وعندما تختلف مع زوجتك عزيزي الرجل لا تتركها لتهدأ وتجلس أنت أمام التلفاز صامتا فذلك عندها قمة الإهمال. وعموما عزيزي القارئ فهذا الموضوع ضحيته أنا لأن أيا من أخواتي لن تدعوني لزيارتها مرة أخرى .
الراي العام
عشان كدا عرسنا اجنبية … السودانيات وجع دماااااغ .. نقة وعدم احترام …
اوصيكم بالاسيويات .. منتهى الاحترام كالآتي :
– لو ما اكلت وانتهيت هي ما بتاكل نهائياً
– تأكلك بيدها قدام الناس لو في البيت او مطعم ( لو قلت ليها لا .. بتزعل لانه دي ثقافة وعادات عندهم .. غير كدا بكون عيييييييب)
– بتقوليك بابا .. ما بتناديك باسمك لانه عيب
– لما تجي من الشغل خاشي البيت بتلقاها بتبكي .. عشان انت مافي وكدا
– الكلام بيناتكم انجليزي بس
– نظام صارم جدا في التغذية … شاي اخضر خضروات فواكه ..
– تطلع من الحمام الصباح تلقاها واقفة قدامك وشايلة هدوم الشغل عشان تلبسك ..
– البيت 24 ساعه بكون نضيف شديد … قمة الترتيب والتنظيم
– بجيب ليك وليدات سمحين جداً ..
– قنوعات وما بتقوليك عايزة وعايزة وعايزة
– ما بكون عندها مشاكل نهائيا مع اهلك .. امك حمرت لي واختك ماله بتقول كدا ؟ واهلك ديل كل مرة عايزين قروش ؟؟ وانا عايزة اشتغل عشان اصرف نفسي لانه انت بقى ما عندك قروش ؟؟ والعجب اثناء الحمل او الولادة .. دينك بطلع ..
– بدلعك زي الشافع الصغير .. لدرجة ممكن تتعقد قدام الضيوف ..
– مخلصات شديد ودمعتهم في عينهم """
تعرف يامصطفى صدقته فى دى السودانيات لطخ الواحدى لحد ماتتعلم شنو الحياة الزوجية يكون خرفته وجاك زهايمر لكن لكل صنف عيب اذا كان سودانيه ولا اجنبيه بس عيب السودانيه مابعالجو الا الخرف والموت للراجل:D 😀 😀 😀 😀 😀 😀 😀
إلى ( لمتين ) :_
يا آخي مسخت ليك سكرك ..!!!!؟؟؟
الليلا الويكند وشكلك امورك واضحة شديد ….
يا زول انت ما ضقت النبيذ بتاع جوز الهند وفاكهة البابايا …
نبيذ زي النبيذ …
انت من زمن الخمور البلدية ناس العرقي والوسخ دا …………….
نبيذ home made يا عمك هههههههههههههههههههههههههههه
الما بعرس اسيوية ما عرس ,,,
سودانية شنو يا آخ … انتو من زمن السودانيات …
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا زول ساكت :
السودانيات ديل غير النقة والكلام الفارغ ما عندهم حاجة …
يا زول اقوليك حاجة ….
اول ايامي مع الاسيوية دي .. قالت لي انت ال (GOD بتاعي ) يا آخي انا لما اتخلعت .. قلت ليها الكلام دا غلط وما مقبول في ثقافتنا … انا بشر عادي اتمشى وارتاد الاسواق …؟؟
تقولي سودانية .. بعد تعرسها تربي ليها كرش وتشبكك نقة ومجاملات .. وفلانة الليلا عرس اختها وسماية علانة وانا ما بنفع معاي الكلام دا … وامك طاعنتني بالكلام … وليه خالتك حمرت لي ؟ وانا زاتي غلطت لما عرستك ؟؟ ههههههههه
يا آخي مالك ومال الهم والقراية ام دق ؟؟
يعن انت يامصطف عرسته الاسيويه شان النبيذ اها خم وصر والتراب الفى خشمك ماقبيل كنت عاقل اسى بقيت تتلولو مالك انت وقت الله ساترك بتبقى فاجر وتدعو للفجور مالك غايتو الفهم قسم:confused: :confused: :confused: :confused: :confused: :confused: :confused: :confused: :crazy: :crazy: :crazy: :crazy: :crazy: 😡 😡 😡 😡
خلوها على الله يا جماعة ….
الزوجه السودانية عيبوها كثيرة ….
(1) كونها تجهز ليك غيارك بتاع الشغل وتختار ليك القميص أو الحذاء …هذا بحد السيف
إحتمال تتظاهر بالإهتمام في أيام العرس الأولي ولكن بعد الولاده الأولي إنت في
الباي باع ….
(2) السودانية كونها تمسكك وتقول ليك يا حبيبي وتديك بوسه …هذه من
المستحيلات …. لأنها بتخل … أو شايفه الحكاية دي إهانه لها وتقليل من مكانتها
(3) المؤسف أن المرأة السودانية بعد الوضوع الرابع أو الخامس لا تهتم بقوامها …
وسرعان ما تكبر البطن ويمتد الكرش …
(4) 50% من السودانيات لا تخصص سرير خارجي لزوجها … تتركه للعام وخلاص ..
(5) 40% من السودانيات إن تأخر زوجها لا تسأل عن أسباب تأخيره …
(6) كثير من السودانيات لا تهتم بتحضر فرشاة وبشكير وحمام الزوج …
(7) وبعضهن يختلقن المشاكل لتعكير صفو الزوج …وعييييييييك
وربنا يهدينا نحن الرجااال
يا زول ساكت :
يا اخي فجور شنو ؟؟ انت رايحة ليك حركة اسلامية ولا شنو ؟
لمتين : قال انا مسخت ليو سكرتو ؟ فالراجل الظاهر بايته معاو … وانا غرضي شنو .. تبيت معاو ولا تقيل ؟؟
المهم انا قلت ليو النبيذ سمح وما سمح على سبيل المعلومات العامة ليس إلا ؟
وشنووووووووو يعني كان الاسيويات بظبطو النبيذ .. ما عااااااااادي .. هسه مش السودانيات بعملوا الشربوت من البلح … طيب النبيذ دا ياهووووووو زاتو الشربوت …
هووووووووووي يا زول ساكت هووووووووي انت كان انصار سنة ولا لو عندك انتماء للقاعدة كلمنا عشان نبلغ هسه ناس ال CIA ……………
سلام عليكم ورحمة الله
معقولة يا أخواني ده كل رايكم في السودانيات؟؟
الغريب انكم سودانييين يعني اخواتكم امهاتكم كلهن سودانيييييييييييييات
سبحان الله ولا واحد منكم ماقال أي كلمة طيبة في حق الزوجة السودانية
ربنا يصلح حال الجميع
يا كونج كونج أسيوية منين يا عمي نحنا زاتنا كان مالقينا المقاس ده ما بنرتاح ولا بنعتبر نفسنا متزوجين 😎 😎 😎 وبعدين وينك من الدخان (مش السجاير يا آسيوي) الدخان داك بتاع الحفرة ووينك من المساج (مش بتاع آسيا) بتاع الدلكة يا أيشيان:cool: 😎 😎 😎 شفت الفرق كيف:cool: 😎 😎 😎
ياكونج فرحان بالاسيويه وبويلداتها بكره تشرد بالاولاد وتخلي خشمك ملح وما يقع الا الشاطر وترجع حليمه لقديمه وما تلقي الا بت بلدك تسندك وتبدا من الصفر ويومها لا تلقي نبيذ ولا حتي الشربوت
فافا
ابو عين واحدة
ضوء القمر
…………………………………………
الاسيوية ما بتشرد بالاولاد … البشردوا بالاولاد ديل الاوربيات
الاسيويات ظابطين شديد وفي ناس متزوجين هنديات وسرلانكيات عايشين في امان الله ليهم سنين …
لكن بالجد المصيبة كلها في بت بلدي دي …
والاسيوية فوائدها كالآتي :
– تربية ممتازة جدا للاولاد .. غالبا بكونوا الاوائل في مدارسهم
– مسؤولية وتنظيم لزوجها وللبيت ..
– عاطفية جدا
– ما عندها نقة وطق حنك … وما بتقول ليك كلام ساااااااي ولا بتتعمد تزعجك بالطلبات والكلام الفارغ
– 1 1= 2 يعني مافي لت وعجن
– مخلصات جدا وما عندهم الكلام الفارغ
– بعدين بصراحة سمحين شديد جمال كدا ما عادي ..
اخيرا ما تشيلكم الهاشمية سااااااي وتقولوا بنات بلدي والسودانيات وما السودانيات …. الزواج دا حياة جديدة وعمر والحكاية ما اوضة نوم بس …
يا هالا :
انتي بتكوني قاصدة الماليزيات , الصينيات . الفلبينيات . البوتانيات . الاندونسيات ..
لكن شووووووفي الهنديات والسرلانكيات كيف ؟ جمال ما عادي …
شوفي هنديات كشمير في الشمال وكيرلا في الجنوب .. او سرلانكيات كولمبو …
والله العظيم الواحدة فيهم لو غربلتي السودان بغربال ما تطلعي ضفرها
شن سماحت الاسيويه عاد العيون شخته بس والنخره عجيبه وجنس قصر والريحه انسا بس اللون والله لو كانو سود كان جريت منهم.
قال نيه_________________________او قال
😎 😎 😎 😎 😎
بقولو ياجماعة في المثل :ـ الجنس لي الجنس رحمة ونحنا اكتر من الرحمة مابندور
واكان لي الحاجات البتقولها دي دي حاجات مقدور عليها
وقالو في المثل:ـ البقرة مابتعجز من قرونا وبرضو قالو التمساح مابهددوهو بالغرق وبرضو بقولو :ـ ابو القدح بعرف محل يعضي رفيقو
يعني حريمنا بنعرف نتعامل معاهن وهي الحياة بره نكت حلاتة شنو
اكعب حاجة في السودانيات وبعتبرة تخلف حاجتين
1/ الحنة والجلبطة الفارغة وضياع الوقت
2/ الدخات والكلام الفارغ
لكين خلاف كدي ماعندهن عوجة تب
أتمنى أن تشاهد الأخت كاتبة المقال والمشاركين بالتعليق هذا الفيديو الذى يفسر
ظاهرة الإختلاف بين المرأة والرجل بطريقة علمية بأسم ( قصة عقلان)
http://www.youtube.com/watch?v=lMxd7WGJhzk
تحياتى