أماني الزوجة الخامسة بعد (سيدة وزينة وحليمة وهندا ).. كيف استقبلت زوجة ديبي نبأ خطبته..؟..لماذا تركت (هندا) قصر الرئاسة التشادي غاضبة ومهددة..! ..تفاصيل جديدة حول زواج ديبي من كريمة موسى هلال
الخرطوم: رفيدة ياسين:
رفيدة ياسين:
كيف استقبلت زوجة ديبي نبأ خطبته..؟!
لماذا تركت (هندا) قصر الرئاسة التشادي غاضبة ومهددة..!
ماذا يفعل السفير التشادي والد زوجة ديبي السابقة..!
سر الـ10 ملايين دولار التي دُفعت لإفساد عرس ديبي وابنة موسى هلال
كثرت الأحاديث، تعددت الروايات واختلفت المعلومات حول الزواج المرتقب للرئيس التشادي إدريس ديبي، من الشابة العشرينية (أماني) كريمة الشيخ موسى هلال زعيم قبيلة المحاميد، ومن الطبيعي أن تنتشر الشائعات في زيجة ستجمع بين رئيس دولة جارة، وابنة واحد من قيادات إقليم دارفور غربي السودان، وإن اختلف حوله الكثيرون، لكن في نهاية المطاف تبقى حقيقة واحدة: هي أن ديبي طلب في ديسمبر من العام الماضي كريمة موسى هلال للزواج الذي تم تحديده في العاشر من يناير بعد مباركة الطرفين، إضافة إلى قيادات الدولة في السودان وعلى رأسهم الرئيس عمر البشير، إضافة لدعم وموافقة وشخصيات دارفورية مؤثرة ونافذة في قبيلة الزغاوة التي ينتمي إليها ديبي وأبرزهم وزير العدل محمد بشارة دوسة، ووزير الصحة إدريس أبو قردة وغيرهم من الزعامات، التي سجلت زيارات لوالد العروس لمباركة الزيجة
..
أسباب التأجيل
وتأجيل موعد العرس من تاريخ العاشر من يناير بفندق السلام روتانا، كان سبباً في انطلاق معلومات متباينة منها إلغاءه، وتجميده إلى أجل غير مسمي بسبب عدول ديبي عن قراره نسبة؛ لأن الشيخ موسى هلال والد العروس مطلوب لدى المحكمة الجنائية، لكن الحقيقة مغايرة لكل ما انطلق من شائعات- بحسب والد العروس الشيخ موسى هلال- الذي فضل التزام الصمت، واصفاً كل ما يتردد بـ(السخافات)، أما ابنته أماني التي انفردت (الأخبار) بلقائها مؤخراً فقد اعتبرت ما يثار من شائعات شيئاً طبيعياً. مصادر تشادية تنفي إلغاء العرس وسخرت مصادر تشادية مما تردد حول عدول ديبي عن الزواج بأماني نسبة لأن والدها مطلوب لدى المحكمة الجنائية، وقالت المصادر في اتصالات مع (الأخبار) من العاصمة التشادية انجمينا: "أن ديبي من المؤكد أنه كان يعرف ما إذا كان والد العروس مطلوباً للمحكمة الجنائية أم لا ، قبل طلب يدها، كما أنه لم يتم ذكر اسم موسى هلال كأحد المطلوبين لدى المحكمة الجنائية من الأساس حتى الآن " وتابعت المصادر: " كما أن الرئيس السوداني نفسه مطلوب للمحكمة الجنائية، وزار تشاد مؤخرا ً "و عزت المصادر التأجيل لمزيد من الشورى وأكدت على اتفاق الطرفين على تأجيله عشرة أيام إضافية ".
من جانبها قالت مصادر قائمة على أمر الزواج: إن العروس أماني هي من طلب تأجيل الموعد قليلاً لحين الانتهاء من تجهيزاتها، علماً بأن الموعد الأخير الذي تم تحديده بموافقة كل الأطراف أصبح العشرين من يناير الجاري.
أياد خفية ماذا تفعل..!؟
وبحسب مصادر مطلعة فإن أيادٍ خفية تحاول إلغاء الزيجة بالفعل، أولها والد هندا زوجة ديبي، وهو السفير التشادي في الخرطوم، إضافة إلى أشقاء هندا وبعض أقربائها الذين وصلوا الخرطوم مؤخراً لإفساد إتمام العرس المرتقب.
وكشفت المصادر أن أموالاً طائلة تم دفعها للكثيرين قُدرت بعشرة ملايين دولار (بحسب المصادر) حتى الآن للعمل على إيقاف زواج ديبي من أماني منها ما تم دفعه إلى عدد من (الفقرا)، بهدف الحفاظ على هندا سيدة تشاد الأولى، من هي هندا..؟
وإذا ما نظرنا إلى خلفيات هندا سنجد أنها الزوجة الرابعة للرئيس التشادي والأكثر استمراراً بعد (سيدة وزينة وحليمة) اللائي لم يكن لهن دور خارج منازلهن، وتربية ابناءهن، لكن هندا كانت الوحيدة التي لعبت دوراً فعالاً في حياة ديبي وفي أنشطة سياسية ومجتمعية متعددة في تشاد، حتى صارت كلمتها مسموعة وخطاباتها مؤثرة لدى قطاعات واسعة خاصة بين نساء تشاد، فهندا
-السيدة الثلاثينية- التي درست إدارة الأعمال في المغرب، لتعود بعدها للعمل في تشاد، حيث التقت بالرئيس التشادي في حفل عام في اكتوبر من العام 2004، وتكلل هذا اللقاء بالزواج في عرس اسطوري وحفل صاخب، ظلت تشاد تتحدث عنه لفترة ليست بالقليلة، ويرى مراقبون تشاديون أن هندا التي أصبحت السكرتيرة الخاصة للرئيس ديبي بعد ابنه ابراهيم الذي مات مقتولاً في باريس، باتت مسيطرة على مجريات الحياة السياسية في تشاد. اين كانت هندا آنذاك..!؟
وكشفت مصادر تشادية أن هندا كانت في زيارة للعاصمة الفرنسية باريس عندما جاء ديبي إلى الخرطوم قادماً من الدوحة في ديسمبر الماضي في زيارة، التقى فيها بالرئيس البشير الذي وافق ودعم الزيجة، حتى سجل ديبي زيارة لمنزل أسرة موسى هلال طالباً يد الفتاة بشكل رسمي، وبرفقة عدد من القيادات والمسئولين من البلدين أبرزهم مديرو الأجهزة الأمنية للسودان وتشاد، وأضافت المصادر- التي طلبت عدم ذكر هويتها- فإن هندا أقامت الدنيا ولم
تقعدها عندما علمت بخطى ديبي بالزواج من أخرى، حتى تركت قصر الرئاسة التشادي غاضبة ومحذرة لديبي، غير أن المصادر أكدت بأن وسطاء حاولوا إثناء هندا عن افتعال أي مشكلات وخلافات، قد تكون لها عواقب وخيمة على كافة الأطراف خاصة بعد مضي ديبي قدماً في زيجة جديدة لها علاقة بحكومة السودان، وبروابط قديمة جمعت بين قبيلة المحاميد التي يتزعمها موسى هلال ، وقبيلة البديات التي ينحدر منها ديبي.
حقيقة الفكي الخاص بديبي..!
أما بشأن ما تردد حول الشيخ أو (الفكي) الذي يعود إليه ديبي في كل صغيرة وكبيرة، فقد أكد مقربون من الرئيس التشادي أن ديبي يتبع للطريقة التيجانية الصوفية، وأنه بالفعل يقوم باستشارة مشايخ الطريقة التيجانية في كل خطواته المتعلقة بحياته، وأنه بالفعل لم يذهب لطلب يد عروسه الجديدة إلا بعد العودة إليهم في أخذ المشورة والرأي. أماني ما زالت تستخير..!
من جانبها أكدت ابنة موسى هلال في لقائها مع (الأخبار) مؤخراً: على أنها لم تجبر على هذه الزيجة، وانا استخارت الله وما زالت تستخيره حول الزواج من الرئيس التشادي، معتبرة أن كل شيء قسمة ونصيب. سيناريوهات متعددة..!
وما بين غضب هندا، وإصرار ديبي على المضي قدماً في زيجته من كريمة موسى هلال.. تبقي أبواب التوقعات مفتوحة على كل السيناريوهات وسط ترقب الكثيرين لما تخبئه الأحداث، في ظل تحركات هندا ومن معها، وسكون أماني وأسرتها.
لكن الأيام المقبلة وحدها كفيلة بإظهار ماستؤول إليه نتائج ومآلات هذا الزواج ، وإن لم تكشف الأقدار عن رجحان أية كفة في صراع المال والسلطة حتى الآن.
الاخبار
ادريس دبي حسب الروايات , ان في عصمته الان اكثر من سبعة نساء
بالله عليك لا تفسدي الصورة الجميلة التي وضعناها لك في مخيلتنا خصوصا طريقة تعليقك المباشر على الاحداث في العربية . دعي هذه التوافه لاصحابها واعكفي على ما ينفع الناس وينفعك
هل يعقل إبنة سفير تشارك فى إفساد زيجة لرئيس دولتها ؟ ومن الذى دفع الملايين للفقرا ؟ يا ناس الفينا مكفينا بطلوا الضحك على العقول…. او أقلو إحترموا عقولنا الطاشت بسبب الاخبار المفبركة …. والغثة……إبنة سفير قال سفير مين يا عمة ….. ده السفير زاتو كان لقى نفسه وراء الشمس اذا قال بغم
SO WHAT!
بس عليكم الله ما تقولوا لي الفي الصورة الفوق دي ياها العروس ؟؟
والله كان دي العروس يكون ادريس دبي بالغ وشذا عدييييييييييييل كدا ؟؟
whatever all crap
هههههههههههههههه يارفيدة لقيتك خطيرة عديل شمارات شديدة حتي خبر الفقراء جيبتي انتي صحفية مجتهدة وكان نويتي علي شي بتجيبي اخروا الي الامام رفيدة
نصيحة ليك يا عروسة احسن ليك تنفدى بجلدك من البلاوى دى . دى جابت ليها فقرا وكجور من اولها.
عشان ما يحصل ليك الحصل لواحدة بتشبهك عرسوها لزول غصبآ عنها وعريسها طلع برضو متزوج .
قامت زوجته الاولى عملت ليهم عمل كارب . بعد ما تم المراد و انتهت مراسيم الزواج اتجهوا لعش
الزوجية الملغم فاذا بالعروسة اول ما تدخل بيتها الجديد تراءى لها عريسها فى هيئة حمار ومرة
تانية فى هيئة ثور والعياذ بالله.
الغريبة كل الشيوخ القروا عليها حيرهم العمل ابو كديس ده وبقت صحبتنا لافة من شيخ لتانى ولما
يئست هربت من بيتها وطلبت الخلع وحسع منتظرة حبيب قلبها الشاب القديم عسى ولعل ان يصفح
عنها ويرجع ليها مرة تانية بعد ان اخبرته بأنها لا زالت عذراء
وانتهت القصة ولكل قصة عبرة
يعنى موعودين بى فاصل بتاع رقيص من الرقيص الأكبر وحرمه؟:confused: ;( ;( ;( 😀 😀 😀 :confused: 😉 😉 😉 😉 😉 😉 😉 😉 😉 😉 😉 😉 😉 😉 😉 :lool: :lool: :lool: :lool: :lool: :lool: :lool: :lool: :lool:
نهنئ العروسين ولا نقول إلا خيرا
من كان يؤمن بالله واليوم الآخر فليقل خيرا أو ليصمت. إن الذين يتكلمون عن المليشيا الأسطورية المسماة بالجنجويد يقولون إفكاً من القول وزورا وسيسألون عن قيلهم. ومما يدل على مطاطية هذه الكلمة وغموض مدلولها أن امرأة وصفت مترجم منسق الأمم المتحدة للشئون الإنسانية في زيارة لدارفور بأنه جنجويد فقتلته الجموع الغاضبة من أوضاعها، والفتنة أشد من القتل. وهل تساءل من يرددون هذا الكلام عن الفتنة التي يشعلونها والوزر الذي يحملونه لأنفسهم؟ وبغض النظر عن نظرة العالم إلى أي تنظيم فإنك تجد أتباعه يدافعون عنه ولا يتبرأون منه فالظواهري يقر بأنه زعيم القاعدة، وجوزيف كوني يقر بأنه قائد ما يسمى جيش الرب أما مليشيا الجنجويد فلا يعرف لها قائد ولا هيكلية لأنها لاتوجد أصلا، قد تكون لهذه الحكومة مساؤئ جمة، ولكن الذي أعلمه أن الإبادة الجماعية في دارفور حسب السيناريو الذي يروج له هي فرية. فبدلا من اتهام الناس بالباطل يجب أن نقول للعروسين مبروك أو أن نسكت.
افضل عدم الخوض فى الامور الشخصيه والالتفات لمشاكلنا الما لاقين ليها حل
غايتو لو الكلام ده صاح يا ثروت ،يا شماتة ابله ظاظا فيا
واحد عنقالي ثاني،ابلة ظاظا ميييييييييييييييييين
Let Gangaweed on their conditions
اها يا جماعه انا جيت تاني .. كان عندي شغلة كدي سويتها وجيت راجع ..
الناس ديل عقدوا ولا لسه يا جماعه ؟؟
لو عقدوا بلاي واحد فيكم يعمل لي مس كول …؟
هسه يعني الفكي بتاع انجمينا قبض ليو عشرة مليون دولار …. يا ريت لو كنت بقيت فكي ..
بعدين يعني اماني دي عمرها حسب شمارات رفيدة ياسين اللافحة سفنجتها وحايمة بالبيوت تجيب الشمارات للقرَاء الكرام قالوا 23 سنة اتخيل لي … ودبي عمره كم وستين …. فدحين الفرقة كبيرة شديد ودبي عصر شديد على موسى هلال …
زواج مكلف والله المهر 25 مليون دولار والفكي ماخد عشرة مليون دولار وما خفي اعظم
دا عرس ولا قرض من البنك الدولي اصلو …
نسال الله ان يتم لهم على خير وان يبارك لهما ويبارك عليهما ويجعله زواجا ميمونا ولا شك في ان ذلك سوف يوطد العلاقات اكثر ويصب في خانة استقرار العلاقات بين البلدين ان شاء الله ، ان شاء الله عقبالنا كمان.
الف مبروك يادبي بيت مال وعيال بس اخبرونا الدعوة عامة الي الشعب السوداني بعتبار نحن اهل العروس ولا شنو واكيد المطربة ندي القلعة اذا كان فندق السلام لايسع المعازيم ممكن استاد المريخ جاهز اليومين ديل ذاتو مافي كورة قلي الناس تفرفش شوية ورئيسنا ذاتو بحب الوقص سنة حلو يادبي مبررررررررروك
يارفيدة بت ياسين نطالبك باخذ اجازة قصيرة عسى ولعل ان تكون اجازة مباركة تجعلك تكتبى اخبار نستفيد منها الله يهديك
انتو حكاية العشرة ملايين دى شنو، قبيل واحد كاتب انو مقتل خليل كان مؤامرة و نفذتها فرنسا مقابل
عشرة مليون دولارن و الان بنت السفير التشادى عايزة تخرب العرس برضو بعشرة مليون دولار،
مافى ارقام تانى و لا شنو، بالله فكونا من الكلام الفارغ ده، السفير التشادى اذا حيدفع 10 مليون فى
افساد زواج معناها عندو قدرها 100 مرة على الاقل، معقوله زى ده يشتغل سفير فى السودانن طيب
سفير تشاد فى امريكا عندو كم، ارحمونا يرحمكم الله و احترموا عقولنا
الأخ المعلق المدعو ب عبدالله الذي يسأل عن إسم قائد الجنجويد إن إسمه :-
شكرتالله
أبونوبة
الهادي
هؤلاء هم القادة على مستوى الولايات و أظنك تجيد التوزيع.
تخريمة:- أوع تاني تسأل
ذكر في المقال "وقالت المصادر إن أموالاً طائلة قدرتها بعشرة ملايين دولار تم دفعها لعدد من (الفقرا) والوسطاء بهدف إلغاء الزواج، "
تعليق :
ما هذا الهراء ,ما هذا الدجل ,هل نعيش في عصر جاهلي ؟ قال فقرا قال ؟هذه أعمال الجهلة و الدجالين و كبف سيلغون الزواج بالسحر و الدجل؟
يا عالم خلو الناس في حالها,, ددي امور اسريه وخاصه جدا ,,, الاعلام مفروض ينتبه للاشياء الاكثر اهميه,, وبطلو شغل المشاطات ده الله يهدينا ويهديكم,,, لا حول ولا قوة الا بالله
ستكون أمانى هلال زوجة رئاسية بحق و حقيقة و هى و لجمالها و صغر سنها ستكون الزوجة المفضلة لديبى و ستحظى بمقابلة سيدات نساء أوروبا و أمريكا.بل و العالم أجمع مش زى واحده كده ما قادرة تقابل غير نساء افريقيا ..و المعروف أن تشاد من الدول الاستراتيجية خاصة لاوروبا و فرنسا على وجه الخصوص و يتمتع نظام ديبى بعلاقات وطيدة و مصالح مع كبريات الدول..زايدا الاكتشافات البترولية و المعدنية و ثرةات أخرى هائلة جعلت لها أهمية فى العالم.مبروك وربنا يتمم على خير
ربنا يهنى سعيد بى سعيدة
من هو موسي الهلال هو ذعيم ومهندس الجنجويد في دار -مبروك لبنته وشكر ا لدبي ويكون خدم السودان لو اخذ معه هلال الي تشاد
واحنا مالنا يعرس يطلق وين المشكله
* زواج الرئيس التشادى ادريس ديبى الزغاوى من كريمة السودانى موسى هلال الحميدى قائد قوات الجنجويد
* تقدر تقول الزواج دا ممكن يكون سبب مباشر فى نهاية الحرب فى دارفور
* خطأ فادح ارتكبته الحكومة السودانية والاسرة الدولية فى معالجة مشكلة دارفور عبر المفاوضات بين الحركات المسلحة و الحكومة
* الاتفاقيات الحقة والاصلاح يجب ان يتم عبر بوابة الجنجويد و الطورا بورا لا عبر الحكومة السودانية هذا فى المقام الاول
ولو ان الظاهر الحكومة هى التى تسببت فى المشكلة من اولها بتاجيج النعرة القبلية فى دارفور
* بعد الاصلاح بين الفصائل المتناحرة من ابناء دارفور يجلس ابناء دارفور مع الحكومة لطرح قضاياهم للمفاوضات
* الحرب فى دارفور اخذت منحى عرقى والسبب الرئيسى والاوحد هذه الحكومة الفاشلة التى تعالج القضايا بمشكلات اكبر
* كمن يجوع فيقطع جزء من جسده ليقيه شر الجوع ولكنه يكتشف ان الالم زاد اضعاف الم الجوع
* لا ينكر عاقل المشاكل والاقتتال فى اقليم دارفور والصراعات منذ قديم الزمان لكنها كانت صراعات بدائية استخدمت فيها اسلحة بدائية لم تتحيز حكومة لفض المشكل باالميل لاحدى الطائفتين وانما كانت تقف موقف الوصايا فى حين كانت المشاكل تعالج بواسطة نظار وعمد القبائل
* ولم ينتهى عهد النظار فى دارفور ومازال للكبار كلمتهم التى تعلو على صوت الذخيرة
* زواج ادريس ديبى من كريمة موسى هلال يمكن ان يكون حجر الاساس لحل مشكلة دارفور ككل
* شعب دار فور بحاجة لان يتوحد
* شعب دار فور بحاجة ان يكون كتلة واحدة فى وجهه هذه الحكومة الغادرة الغاشمة الظالمة
* ظلمت شعب دارفور بان نصبت بينهم العداء وجعلتهم من اخوان واهل الى الد الاعداء
* يا شعب دار هلموا لننبذ النعرات القبلية
* تعالوا نتتطهر من دمائنا تعالوا نقف صف واحد فى وجهه من منعنا الاستقرار منعنا الكرامة واذاقنا ويلات العزاب والمرارة
* تعالوا نقف صف واحد جند واحد عدونا الاول نحن كعرب ليس الزغاوة و عدونا الاول نحن كزغاوة ليس العرب عدونا الاول حكومة الانقاذ وكلاب المؤتمر الوطنى
* عدونا الاول عمر البشير وعبد الرحيم محمد حسين ليس المرحوم د. خليل كما ليس موسى هلال
* سؤال للجنجويد ما استفدتم من قتالكم لحركة العدل و المساواة سوى قتلتموهم و قتلكم
* حركة العدل والمساواة ماذا استفدتم من قتال الجنجويد سوى قتلتموهم وقتلوكم
* ويتمتع عمر البشير وكلابه فى الخرطوم و يتلذذ بمشاهدتكم تقطعوا بعضكم بعضا
ليحلو له الجلوس على سده الحكم و نهب ثروات البلاد يتاجر بدمائكم ليبقى فى السلطة
* قتال و قتال و قتال يا امة القران من اجل ماذا من اجل عمر البشير ليجلس على سدة الحكم و يذيقكم مرارة الجهل و الجوع و الخوف و العوز
* عمر البشير عندما كون لجنة لتقصى الحقائق فى دار فور قال
هسى الغرباوية دى كن لقت ليها جعلى ركبا دا شرف ليها والا بقولوا اغتصبا
* لا اله الا الله محمد رسول الله صلى الله عليه وسلم
* الغرباوية دى ممكن تكون امك وممكن تكون اختك وممكن تكون خالتك و ممكن تكون عمتك
* و للماعارف نخبرك بان الغرابة فى عرف عمر البشير وعصابته انهم عبيد
عبيد
او كما قال نافع الغرابة العبيد كمان بقو يتكلموا
* وانتم تثيروا النعرات بينكم ومنا من يذهب لياخذ من عمر البشير وعصابته اجر تقتيل اخوانه ظنا منه انه يتقرب اليه وانما لايدرى انه ينفذ اجنده اضرب العبيد بى بعضهم
* يا موسى هلال كما زوجت كريمتك لادريس ديبى اطلب من عمر البشير ان يزوجك كريمتة
سبحان الله كل مشاكل السودان انتهة ومالقينا إلا زواج رئس التشادي يا اخواني السودان يعاني ولديها مشاكل لا حدود لها فالنتحدث عن مشاكل السودان والله المستعان
طبعا دبي الامير شارلى وبت موسي هلال الاميرة ديانا قديتونا مايعرس ولا يطلق دى هدية قفل الفلة بتاعة دارفور ولا شنوا ؟
انت يارفيدة صحفية مجتهدة شكلك بتاعة شمارات وجبنات ربنا ما يحرمنا منك. كان لقينا زيك عشرة مشكلة دارفور و العطالة وغلا المعيشة و المحسوبية والكيزان و السرقة و الاختلاسات و الفساد. اتحلو
حسب المصادر تم تعين مرافق خاص للسيد موسي هلال من قبل وزارة المالية بالتعاون والتنسيق مع بنك السودان عند استلام موسي هلال للمهر والبالغ 25 دولار يتم تحويلة مباشرة للبنك المركزي للعمل على ضخ العملة الحرة في البلاد مما يساهم بنزول سعر الدولار في السوق الموازي ..
مش عمر البشير ده والله بكون خاتي عينو في قروش المهر ده لو ما قال لي هلال النص بالنص شكيتك عند الله يا اب كرشة
كثيرا ما يحيرني ان الكاتب السوداني اصبحت مشغول بالحاجات الماعندها اي فائده لشعب مثل زواج من بت موسي هلال وطلاق بت سلفا كير وشتم عائشه بت القذافي وخدعة شيرين بت ووووووو بالله عليكم التفتو شوية للبلد المرق عين الشعب بدل الالتفات الونسة والثرثرة
الاخ الكريم الذي يدعي انو مافي جنجويد فا الحقيقه هي في جنجويد هذا لا يعني ان موسى هلال زعيم لهم رغم ضلوعه في الصراع في دارفور
اما زواج ادريس دبي من كريمه موسى هلال ليس بشان اسري بنا علي الدعوه العامه
بس الاهم من ده كلو العضه كيف؟
ما سؤال تعسفي بس تاكدا لحق المساكين البجو النوادي يلقطو الكرته اظنكم كلكم شافين الظاهرة دي في اعراسكم يعني في ناس راجين واحد يعرس عشان ياكلو بيض وقطعه طعميه ولو في واحد من المعازيم عندو سكري حايكو في قطعة باسطه يتقاسموها اطفال وامهم
و واحد بدفع 25 مليون دولارفي زواج تحالف سياسي من اجل مزيد من مرتادي النواي لجمع الكرته
وللما بعرفو مفرده كرته هي متبقي من فتات (بضم الفا) اطباق المدعوين
اخيرا الي من يهمه الامر و اذا حصل مشيت الحفله دي اقسم صحن عشاك مع المطحونين وواكيد راح تعتر في 10 علي الاقل
لكم التحية ياقريايب
الاخ المعلق/ عبدالله السلام عليكم
"إن الذين يتكلمون عن المليشيا الأسطورية المسماة بالجنجويد يقولون إفكاً من القول وزورا وسيسألون عن قيلهم."
لا ضير في الاسم، فالاسم الرسمي لهؤلاء هو حرس الحدود ولآنهم لا علاقة لهم بحراسة الحدود، تواضع الضحايا من أهلنا في دار فور بتسميتهم بهذا الاسم. والقاصي والداني يعلم الفظاعات التي ارتكبها هؤلاء . إذا كان ولي أمرنا شخصيا يعترف بأنه أباد عشرة الف (نعم بالتمام والكمال) مسلم في دار فور، فماذا أنت قائل؟ ويقول ممثلو المنظمات الانسانية في الميدان أن عدد القتلى تجاوز الثلاثمائة (نعم). لا أشك في أن الرقم الرسمي يميل إلى التقليل من حجم الفظاعات، كما لا أشك ايضا أن الرقم الذي أوردته المنظمات الانسانية فيه من التضخيم ما لا يخفى، ولكل مبرراته. ولكن تبقى الحقيقة التي لا مراء فيها أن الرقم يقع في مكان ما بين هذين الرقمين. دعنا نصدق ولي أمرنا. هل برأيك أن قتل 10000مسلم بالشيء السهل؟ قتل أي واحد من هؤلاء أعظم عند الها من هدم الكعبة كما ورد في الحديث الشريف، على قائله أفضل الصلاة وأتم التسليم. ففي الواقع يعترف ولي أمرنا على الهواء أنه هدم الكعبة عشرة الف مرة.
خلالالالالالالالالالالالالالالالالالالالالالالص كفاية هذا العرس لا يهمنا كثيرا
بنت شباب تزوجها رجل كبير غنيان (سراق) ليست الأولى ولن تكون الأخيرة
مشاكل السودان ليست شمارات وعلكة تلاك وتلاك وتلاك ثم تبصق في الأرض
يا صحفيين
تكلموا عن مواضيع تهم الشعب السوداني
وبت موسى هلال ربنا يسعدها في حياتها مع زوجها المحترم الرئيس التشادي، عريس 2012
ادريس دبي لايتخيل المرء بان شخص مثلك يتقبل زوجك من بنت شخص مجرم وعفن وجبان وغاك ونفسه كلها ملتق بدماء شعب ابريا ارجو ك ان تكون وو ابوشوك جامعه جوبا
ياشلام ياخ دا والله اجمل خبر ربنا يتم ليهم على الخير ،الظاهر دي سنة حلوة على دبي والعروس زاتها حليوة ماشاء الله ، كترو لينا من المواضيع الانصرافية دي(الفارغة) البتصرف الناس الناس عن قضاياها الاساسية ،الكلام دا بفيد البلد في شنو؟
بعدين ورونا جابوا ليها كم في الشيلة والمهر كم دي أهم حاجة .
لاحول ولاقوة الا بالله:lool:
يا Dokom الحكومة دى خلقت عدم استقرار والناس الماتت دى هم سودانيين لو كانو من دارفور ولا ام درمان — تقولو ابادة فى السودان – ابادة فى السودان وفى الاعلام ما بنشوف اى صورة — لكن سوريا بلد الامن والامان والمواليد فى ازدياد والموت الطبعى قل عندهم ذاتو — فى اى من المنظمات او الجهات البتقول السودان والاباده اللى فيهو من غير اى دليل بس كلام —— ما يقولو حاجه عن الحاصل فى سوريا
دى السياسه — السياسه والخبث يا معلم —- افهموها——— اما الخزعبلات التانيه من ده عب وده حر ده مجرد تخلف ونقص ايمان — لانو ربنا قال لا فرق — انما الفرق بزيادة ونقصان الايمان– والله يكون فى العون
لم يقل: قتلتُ 10 ألف، وإنما قدر عد الضحايا ب 10 ألف، ماتوا في اشتباكات قبلية ليست بجديدة على الإقليم، والحكومة مسئولة من حيث التقصير في توفير الحماية بالسرعة الكافية وليست مسئولية مباشرة عن قتل الناس، والجيش السوداني لا يمكن أن يفعل ذلك حتى إذا فرضنا أن الكيزان أرادوا ذلك، فتركيبة الجيش وسُـلّم صرف الأوامر لا يسمحان بأمر كهذا، الإبادةيتم إثباتها حالة حالة كما في البوسنة وبأدلة ومقابر وتقارير شرعية وجنائية وليس بأن يخلف واحد رجله في اجتماع ويقول: "القتلى 200 ألف" فقط لأنه سمع عن مشادة في أحد الأسواق تحولت إلى قتال راح ضحيته 20 شخصا مثلا، ولا يحدث كل يوم. هذه انفلات أمني وتوترات قبلية وليست إبادة جماعية ولاحربا في الأساس. وانظر عندما مات بضعة آلاف في سوريا سمع بهم العالم كله ويمكن إعطاءك قائمة بأسمائهم إن أردت، وعندما قتل قوات دستم 3000 من أسرى طالبان ودفنتهم في الصحراء بعلم ومساعدة الأمريكان المجرمين، انكشف الأمر بعد سنة واحدة فقط، فالإبادة لا يمكن إخفاءها! وأنت تعلم أن الأموال التي جمعتها منظمة أنقذوا دارفور ذهبت لبناء المستوطنات في إسرائيل وأن كثيرا من الدوائر في الغرب مقتنعة بأن هذا الموضوع ما هو إلا كذبة!!!
انتى يا رفيدة المسلسل السودانى التشادى بنتهى متين ولا انتى معجبة بالمسلسلات التركية الله يهديك وان شاء الله تكونى العروسة القادمة بعد ما يشوفك يوم عرسو لامانى عشان يكون المسلسل الجديد زواج الرئيس التشادى من الشماراتية رفيدة بت ياسين قولى يا امين
اخت رفيدة والله انا بتكيف ليك من زمـــــــــــــــــــــــــــــــــــــــــــان بس في موضوع العرس قربت ازعل منك الزواج قسمة ونصيب مالكم ومال البت والراجل والرئيس الفرق شنو من بقية زيجات الدنيا؟؟؟
اصلو اي شي ليه اسباب ختى تعليقي دا ذاتو
وتسلمي يا رفيدة
التوقيع
واحد مفلس رغم انخداع الناس وعذابي رغم كترة بنات الناس
اسطانبولي
الظريف مصطفي كونج والعسولة بت الخرتوم سلااام … تعليقاتكم بصراحة روعة ..
رفيده بت ياسين جيابت الشمارات … الله يحفظك لنا …
يا جماعه أنا شايف حقو ما نشتم الناس خاصة ناس الحيكومة … أحسن نخليهم لألله
وبس … وهو العالم بكل شئ وهو البحاسب …
وبالجد نحنا محظوظين …عندنا بنت متزوجها قائد القوات بليبيا ..أعتقد إسمو بلحاج
وسوف تكون عندنا سودانية عروسة لنج بتشاد … بس يا عروسة وسعي غرفة
الضيوف … وصدقيني ضيوفك حيكونوا كتااار بس طولي بالك …
وربنا يتمم بخير …
كمان كان لقينا لينا عريس من تونس نكون قطعنا شوط في شمال أفريقيا ( الجغرافي)
وخليك تفتيحة … بس ما تكوني زي عمتي وداد بابكر …
أعملي ليك مشروع لمساعدة الإيتام بتشاد…
ومشروع سكني للفقراء والمساكين بتشاد… عشان الغلابه يحبوك …
وسوي ليك صندوق إيداع بالسودان …وما تكوني عبيطه تعمليه بلندن …شقي
الصحراء وبس … ولو ناس السودان جوك رحبي بيهم وأكرميهم …
الله يوفقك … وتحصني دائماً ….
"ابرزهم مديرو الاجهزه الامنيه فى السودان وتشاد" هذه القضيه تناولتها اقلام كثر واحسب انها من صنع وفبركة مخابرات النظامين التشادى والسودانى لالهاء الشعبين وبالذات الهاء الشعب السودانى عن فقره وجوعه.
ماذا يهم المواطن الغلبان اذا دبي تزوج اماني هلال او فلانة من الناس , لانريد ان نعرف اسماء زوجاته الاربعه ويخيل لي التشاديين زاتم ماعارفنهم. بعض الصحفيين الجدد يسعوا وراء الشهرة بعمل لقاءات مع من يظنون انهم نجوم المجتمع سبق صحفي يعني وللاسف الراكوبة تتيح لهم الفرصة ليصعدوا سلم الصحافة في زمن اللاصحافه والزيف . نريد صحافه حره جريئة تضع المواطن في اولوياتها ولا تدور في فلك اصحاب الصولجان وهذا يتطلب صحفيين حقيقين لايتم محاباتهم من دوائر المؤتمر الوطني لاغراض يعلمها ابالسة الانقاذ وصحفيو الصولجان.
حرية النشر = حرية الصحافة الديمقراطية
حزين جدا ،، القيادات واقعه فينا جدع ،، متين نجدعهم نحن كمان ،، أفووو؟
رحم الله الفاروق حين قال (لو تعثرت بغلة في الشام وهو في المدينة يخاف ان يسأله الله منها ) ويموت اهلنا في دارفور وجنوب كردفان والنيل الازرق جوعا. … اللهم لا اعتراض في حكمك
دا شنو الكلام الفارغ البحصل دا؟ يا رفيدة
البلد بتروح في شربة موية دقيقة بعد دقيقة و انتن شغالة لينا بي موضوع بت موسى هلال؟! تشادي بنته حا يتزوجها الرئيس التشادي نحن الدخلنا شنو في الموضوع دا؟ هناك حاجة واحدة بس بتلمنا معاهو هي قيادته و مشاركته في ابادة أهلنا في دارفور و طال الزمن و لا قصر كان قعد في السودان الهامل دا و لا مشى قعد في القصر الرئاسي التشادي جنب بنته، حا يتحاسب على كل الجرائم التي ارتكبها في حق جزء عزيز من شعبنا السوداني.
يا أخ\أخت aljamlalmasee
في هذه الحالة سيصبح المثل السوداني "الزول البجيك من الريح ن….ك بتو و أستريح"، و هذا عين ما يفعله الرئيس التشادي و موسى هلال و بنيتو و كل الاهل من الطرفين يدركون ذلك.
فريدة بحق وحقيقه فريده فى نوعها فهى صحفية لا يشق لها غبار بارعه ومهذبه ومحترمه وتحب مهنتها ولقد اعجبت بها عندما كنت فى مصر باحدى جامعاتها وقراءت لها مقال بجريدة الاهالى حول اعدام الشهيد محمود محمد طه وبايام قلائل قامت انتفاضة ابريل وسقط نميرى…..انها لا تكتب الا والدليل بيدها …هذه اخلاقيات العمل الصحفى.
سبحان الله من كان قائل ان مهندس ومشتشار الجنجويد الشيخ موسى هلال اللذى جمع ماله وعدد من دماء وارواح اهل دارفور يبيع بنته للزغاوة فى تشاد الم يكن هناك زغاوة فى سوق ليبيا او فى الخرطوم
اصلهم كدا الناس الماعندها زمة ولا ضمير عشان القروش الواحد مستعد يبع امو وبعدين انتى يالعروس البتقولى مثقفة وواعية فى بت واعية بعرس ليها راجل قدر جدها بالمناسبة اشتراك الوم بكرة ببعيك ويشترى واحدة غيرك دة زولمزواج ما عندو اى احترام للمراة بتعامل معاهم زى السلعة يبع ويشترى فى القديم والجديد
التحية للمستشار موسى هلال وهو يناضل من اجل انعاش الاقتصاد السوداني
ونهيب ببقية المسؤولين ان يحذوا حذوه بان يبادروا بتزويج بناتهم لرؤساء الدول الافريقية الاخرى مثل افريقيا الوسطى والكنغو والكاميرون ووالجابون وبوركينا فاسو وايضا شريف نيجيريا
يا اخوانا نحن مسلمين وفي عهد حضارة خلونامن العاطفيات والعنصريات دي. هل الاسلام والجضارة يمنعا الزواج والارتباط اذا اتفق الطرفان؟ ياريت الناس المكدسين بناتهم ـ حتي من اابناء الوطن ـ يبقو منفتحين زي موسي هلال .
والله يا بت موسى هلال احسن ليك تختي درب الناس بتاعين الكجور ديل .. حاولي ادي ديبي بتاع الكجور ده شاكوش .. نصيحة ليك
نصيحة بالمجان لموسى هلال وكريمته:
الريس دبى يفوق الستين من عمرو,
عندو من الحريم أربعة,
عندوا مشاغلو الشخصية,
عندوا مشاكل الدولة,
يعنى بالواضح داير مساعدة (سفلى),,
بعدين بت ياسين بتاعت الشمارات أرشحها للعمل فى الجرايد الاتية:
1. الدار
2. حكايات
3. شمارزم( دى من عندى),,