نفير القدال مرباع اليوم 29 /10/ 2013

صورة محمد طه القدال محمد طه القدال29 أكتوبر، 2013

نفير القدال .. مرباع اليوم ؛——–
[CENTER][/CENTER] القصَّ القَـلِـبْ نـُصَّين وعاصي الدمْع سال هَـتَّانْ
رأيتلي غُـراب يـزوزي نواحو بين بركات ومارنجان؟
دا ياتو ضمير مَـجَـنْدَل، مات، فسادو يعفِّن الشيطان؟
وياتو خَـسيس رَقَـص للموت وعَمَّـر للخراب أوطان؟

؛——– بركات ? أيام مـشروع الحـزينه

* تصميم المرباع، عصام عبدالله

صورة محمد طه القدال محمد طه القدال29 أكتوبر، 2013
صورة محمد طه القدال

محمد طه القدال

تعليق واحد

  1. يا سلام عليك يا القدال…دى محاولة متواضعة منى رداً على أستاذنا لتساؤله فى مرباعه, سميتاها منو غيرو يالقّدال؟

    منو غيرو يالقّدال؟
    الشق البلاد بالفتنة والأنصال
    منو غيرو المنع الرضع الأمصال
    ووقف فى نص البلد يعوعى…
    زى غراب الشوم…
    زى البوم البعجبو الخراب والأهمال
    منو غيرو سفح الدم وقال أنا الكّتال
    لاخلى غرب البلاد وشمال
    ياهو الخلى محل ما نقّبل فى أسواء حال
    منوغيرو التاجر بأسم الدين والجهوية
    وبقاها لتجارتو رأس المال
    ياهو بشير الشوم…
    الما خاف الله مُبدل الحال والأحوال
    بشير الشوم حامى الفسدة والمشى البّطال
    شاكياك الخلوق لرب المهلة والأِمهال…

    رد

  2. هرد الكبد ومص دماء عموم سودان
    قسم البلد ختاها كيمان كيمان كيمان
    والبرفع صوتو اكيد مخرب وكمان فلتان
    اما تفوتو او تقعد سجين حزنان

    رد
جميع الحقوق محفوظة، لصحيفة الراكوبة© 2024 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..