نيران (العنوسة) تلتهم بيوت (المغتربين) !!

الاستاذ الفاضل دهب السبب ليس عزوف الشباب المغتربين عن الزواج ليس لانهن مرفهات او لم يعشن في البلد السبب من البنات وحتي لا اكون مجحفا بعضهن ترعرعن وكبرن علي ثقافة هذا البلد وتجد كل صديقاتها من غير السودانيات فتجدها تشربت بعادات وتقاليد تعتبر صادمة بالنسبة لنا ولا نطيقها لانها ليست من عاداتنا او موروثاتنا وللاسف الوالدين لهم دور كبير في هذا الامر دعني اسرد لك هذه القصة التي حصلت مع شخص اعرفه هو سوداني وهي سودانية التقي بها وتعارفا واتفقا علي الزوج وكان الرجل قد حزم امره واستشار ربه واهله وعندما ذهب لمقابلة والدها والاتفاق علي مراسم الزواج فاجاءه والد البنت انه لابد من دفع مؤخر صداق يقدر بعشرين الف ريال، تخيل معي هذا الامر وتخيل ردة فعل صاحبنا فقد اعترته الدهشة وذهب وهو لا يلوي علي شيء وطبعا لم يرضي ولن يرضي تخيل حجم المبلغ وهذا طبعا خلاف ماطلبته العروس من قاعة فخيمة وفستان لا ادري كم سعر اجاره وذهب وووو… من الملام هنا ياتري ومن يتسبب في عنوسة البنات؟؟ انا شخصيا عندما علمت بالقصة سالته هل انت متأكد انك ذهبت لاسرة سودانية او انك اخطاءت وذهبت لاسرة قحطانية!!! المهم نسال الله ان يزوج الأيامي وان يصلح حالنا وان نتيسر في امور الزواج قدر المستطاع حتي يتسني لمحدودي الدخل الزواج. ولك خالص الود

نعم يا عم أحمد إنها لمأساة ولكن من صنع أيدى الآباء والأسر الذين لا يدرون أن الزمن يتسرب من بين أيديهم حتى تدق ساعة اليقظة فيصحون من الغفلة ويلوكون القلق،، شاب سودانى أكمل الدراسات العليا فى الجامعات الغربية بدرجة دكتوراة وحصل على وظيفة مرموقة فى إحدى الشركات الكبرى فرشحوا لها فتاة سودانية متعلمة عاشت ودرست فى مدارس الإمارات،، بعد صخب العرس وبهجتها أكتشف انها لا تعرف كيف تطبخ وتضيق صدرها بخدمة الزوار والضيوف فطلبت من زوجها إحضار خادمة مع غلاء هذه المهنة فى بلاد الغرب،، لم يستطيعا العيش فكان الطلاق والمولود فى مرحلة الرضاعة،،

المسألة تتعلق بأن البنت السودانية التى تعيش مع أسرتها فى الغربة تفتقد اللمسة النسائية السودانية التى تجذب الشباب السودانى ثم إن سهولة الحياء فى السعودية ودول الخليج تدفع الأسر لضغط الأبناء للتفوق فى الدراسة وتمضية معظم الوقت غى الدراسة والمذاكرة فتتربى البنت على عادات أهل تلك المناطق من الإهتمام بالمظهر دون الجوهر وشغل الخادمة وربما السواق وخلافه،، الحل يتمثل فى إرسال البنت للدراسة فى السودان لتتعلم العادات وتعرف المجتمع وإلا فالبوار،،

الموضوع في حد زاتو موضوع حساس بس انت قضيتا لينا فلسفه وتوريه وكلام بالفصحى اخدت بيهو كل المساحه بدون ما تتطرق للتفاصيل

المشكله انو البنات المغتربات فرصتهم في الزواج لما يرجعوا السودان للجامعه فقط ولو الجامعه انتهت وما اتقدموا ليها تبقى دي الطامه لانو مافي حاجه بتقعدها تاني في السودان واسرتها في الخارج … ولما يرجعوا للسودان للجامعه بنقسموا لي نوعين نوع بيتاقلم مع الناس وبقدر اتعايش معاهم ودا الممكن يلقى حظوا لانو الشباب برضو بكشوا من البتكون مقفوله وما عارفه تتاقلم مع الناس ودا النوع التاني وهو المهدد بالانقراض

اما العايشات عمرهم كلو برا وما جو السودان والله انا بشوف انو دي مسؤلية امهم وابوهم الاختارو ليهم يعيشو بعيدين من اهلهم ف الافضل الام والاب يواجهوا انفسهم ويعرضو بناتهم لاهلهم

شكراً لك استاذ دهب ، مقالك بوزن دهب .دعني أحكي لك قصة حقيقة بطلها شخصي الضعيف . تعرفت عبر النت لأخت سعودية من سودانية من بلاد النيل والنخيل ، وأنا أنتمى لأحد أقليمنا الغربية ،وأنا أعيش في بلادالعم سام. مشت الأمور وناقشنا كل شئ ، وعندما حان وقت التحدث ما والدها وأمها، وجدت الأب متقبلا للأمر ولكن الأم رفعت شعار ” ما عافية منك دنيا وآخره”.بإعتبار أن قبيلتي أقل شأناً من قبيلتهما، تفهمت الأمر وقررنا أن نكون أصدقاء. تزوجت أنا من آخر وأنجبت البنين والبنات وسميت أحدى بناتي باسمهاوحكيتي لزوجتي القصة فتقبلتها. وهي لم يكتب لها الزواج حتى اللحظة ، وجاءت التهمة من والدتها بأنني ( طبيت بنتهم) بالسحر بسبب رفضها. فأين الخلل .

الموضوع في حدي ذاتو مهم للاسر السودانية المهاجرة.لكن بصراحة كان على العنوسة الان في معظم البيوت السودانية عانسات و (عانسين) حقو الناس تفكر في الموضوع ده بشكل مختلف.في بلاد الغرب ثقافة الزواج مغروسة في الاطفال من سن مبكرة وكل شاب او شابة يتخرج من الجامعة يفكر في امر الزواج مباشرة وفي ذلك يلقى الدعم والمساندة من الدولة والمجتمع.عندنا مجرد التفكير في الزواج تجد الف شخص مجرب يثنيك عن القيام بذلك..وتتعدد الاسباب

المشكلة أن معظم السودانيين عندما يخرج من السودان يحاول يتشبه بطباع أهل البلد … أعرف واحدة أولادها لا يعرفون كلامنا السودانى … والمصيبة منها هى … عوجت فمها وأصبحت تتكلم معهم بالسعودى … ولا تحب أن توريهم الكلام السودانى … وحتى الأكلات السودانية لا يعرفونها … وأنا بطبعى بحب أتكلم بيدارجينا السودانى دا … فدائما عندما أجتمع معهم وأتكلم بالسودانى أجد أبناءها مشدودين لى وأحيانا يسألونى عن بعض الكلمات السودانية … وقبل ما أحاول أشرحها لهم تنط هى وتعملو ضحك وتقول لى عشان هم ما بعرفوا الكلام السودانى … وتحاول تفهمنى أن لا أخوض معهم فى الكلام السودانى … وأحيانا تطردهم من التحدث معنا … وتحسسنى أن لا أحاول أتكلم بالسودانى أمامهم لأنهم لايعرفونه … ودائما أقول لها الغلط منك … أنت قاصدة انهم ما يتعلموا عن أشياءهم السودانية … ولا بتطبخ طبيخ سودانى وبشتروا الأكل السعودى الجاهز … وتقول لى وهى مبسوطة ما بعرفو العصيدة عندما أحكى عنها … ومثلها الكثيرين … فبربك مثل هؤلاء وهم لا يذهبون السودان بالسنيييين … هل اذا فى سودانى هنا معهم يريد الزواج سيتزوج بناتهم المدعين السعودة ؟؟؟ كلا ثم كلا … اذن المشكلة فى اااباءهم وأمهاتهم … ما بمشوا اجازات السودان وبعلموهم كلام وأهل البلد العايشين فيه ومحسسنهم انو السودان عبارة عن بعبع عدييييييل … فليتحملوا نتيجة تربيتهم الخاطئة …

المقال جميل جدا وطرح مشكلة اجتماعية مستعصية ، لكمان بالمقابل تزايدت ظاهرة زواج الشباب السودانيين في بلاد الإغتراب الخليجية من الشابات من الجنسيات الأخرى : مغربيات ، فبينيات ، هنديات وبشكل مكثف جدا بل نعرف العديدين كانوا معهم زوجاتهم من السودان تزوجوا ثانية من جنسيات أخرى ، دي يحلوها كيف ؟ ناس الواحد يترك زرعو ويسقي زرع الغير !!!

مقال كله روعة وحمل لهم البلد ونسال الله الترفيق للاهل المغتربين بتربية الابناء على اساس الاقتراب من الجذور الاقتراب الذي يجعل الاقتران تلقائيا طبيعيا دون شعور المغتربين بالتعالي ودون شعور المستقرين ببلاد النيلين خالدين فيها برشام بالرهبة من علو كعب اهل الغربة ووفرة ثروتهم المالية والسياحية والمعرفية. ولابد من تفعيل شئ شرعي يخول للاب او البنات التقدم لعريس اغبش او غير اغبش المهم عدم الشعور بالحياء من كل مافيه الخير .. مقال لايعيبه بنظري الا ولو كانو من بقايا الحجاج اما دريت انهم يقرؤن العربية ايضا وقد يصادفك مقالهم وهم يدرون انك بالمملكة فيوسوا لشرطة بلادهم ويستجوبوك على هذا؟؟؟؟ .. كن نقدا ايجابيا لما تكتب