وجع..الهادي النعيم..

وجع..الهادي النعيم..

ماغريبة عليك تقتل ….

إنت سفاح بجدراة

الوطن طلعت عينو..

وعامل الإسلام تجارة

من زمان عارفنو قصدك ..

و الكلام عنك خسارة

دا السُكات ضيع بلدنا ..

والسلاح كمل رُجالها

وهسي جاي تقتل ولدنا

وإنت قايل دي الرجالة ..؟؟!!

دا الشهيد لربو بمشي

وفي الجِنان بلقى البشارة

إلا انت محل ما تمشي ..

حتلقى قدامك شرارة

وأي نقطة دم بتنزل ..

في رقبتك ..إنت تارها.

[email][email protected][/email]