عقيلة المتعافي: «الريجيم» أنقذ زوجي من حادثة الطائرة
الخرطوم – طارق عبد الله
لا تزال الأصداء تتعالى حول سقوط واحتراق طائرة كان يستقلها وزير الزراعة الدكتور عبد الحليم المتعافي وأعضاء في وزارته أثناء قيامهم بجولة حول المشاريع الزراعية بمنطقة الفاو، وكشفت مصادر أن البروفيسور الطاهر الذي استشهد في الحادث قد ضحى بنفسه لينقذ أحد الضيوف المستثمرين الأجانب الذي كان يرافق الوفد.. وبعد أن هدأت الانفعالات جلست (الأهرام اليوم) إلى عقيلة المتعافي الدكتورة هند مأمون بحيري لتروي أسرار ساعدت زوجها في إنقاذ حياته.
كشفت الدكتورة (هند) أن زوجها كان على غير عادته عند السفر في ذلك اليوم، وهو دائما يستيقظ مبكراً ويخرج عقب صلاة الصبح، وأنها اعتادت أن تلقي عليه الشهادة وأن يكملها ويخرج ولا يعود مرة أخرى إلا بنهاية عمله.. لكن على غير العادة في ذلك اليوم عاد (3) مرات حتى أنها لاحظت ذلك، وقالت إنه منذ (4) سنوات يخضع نفسه لرجيم وقد نقص وزنه (9) كيلوات في العامين الماضيين، وكان لذلك دوره في أن يقفز من (شباك) الطائرة كأن الله سبحانه وتعالى كان يهيئه لهذا اليوم الذي عرفت فيه حب الشعب السوداني لزوجها، فقد امتلأ المنزل بالناس؛ وآخرون انتظروه في المطار. وقالت «هند» إن تلك الجموع طمأنتها بأن زوجها يسير في الطريق الصحيح، وروت قصة استقبالها للخبر عندما رن هاتفها فردت عليه لتجده المتعافي يتصل بها من هاتف رئيس اتحاد المزارعين في الفاو ويخبرها بأنه تعرض لحادث تحطم الطائرة التي كان يستقلها ولكنه نجا، ثم اتصل عليّ ابنه «محمد» الذي كان في المدرسة وعرف من والد أحد زملائه بالحادث، وقالت إنها رغم الاتصال كانت منزعجة ولم تطمئن إلا بعد أن شاهدته أمامها (يقدل) ولكنه كان حزيناً للذين استشهدوا خاصة البروفيسور الطاهر ومسؤول الإعلام، وقد كان من المقربين منه، وأضافت: عرفت منه أن الرحلة تأخرت (40) دقيقة، حيث كان محرك ومروحة الطائرة تشتعل وهم ينتظرون مساعد مدير البنك الزراعي ولعله السبب الآخر في النجاة، لأن الطائرة لم ترتفع عالياً فسقطت مع الإقلاع، ذلك بجانب اهتمام زوجي بالرياضة وصحته وهو لم ينشأ منعماً، فقد كان في الأصل مزارعاً يعرف كل أنواع الزراعة. واعترفت (هند) بأن السياسة سرقت مهنة زوجها وهو طبيب عندما عادوا من السعودية في العام 1990م وكان يستعد للتخصص في أمراض الكلى، وأضافت: لكن (الجماعة) أقنعوه بالعمل السياسي، فطلق الطب ورفض المنحة. ولم تخفِ «هند» أنها كانت معجبة بالمتعافي منذ أن كانا طالبين بالجامعة، فقد كان (سنير) في السنة الخامسة وهي (برلومة)، وكانت تداوم على أركان النقاش التي يتحدث فيها، وعادة ما تكون حول (المرأة) في الإسلام، وعندما تقدم لخطبتها لم ترفض. وأضاف ابنه «مأمون بحيري» المسمى على جده أنه عندما سمع بالحادث خاف على والده، وعندما عاد إليهم سالماً كان في قمة الفرح، وأنهم لن يمنعوه من السفر ولكن بشرط ألا يكون بطائرة هيلكوبتر..!
الاهرام اليوم
كمان عليك الله كلمي بالمرة كدة يعمل ريجيم من المال العام عشان ما نموت نحن ………
كان المفروض بالمرة يخضع ولدو الخرتيت القاعدة جمب أمو دا للرجيم كمان عشان لماتقع بي طيارة يمرق ذي أبوهو أبو سبعة أرواح دا.
صولجان الحكم مثل النور للحشرات فلا تنغدعي بهؤلاء الهتيفه اصحاب الحلاقيم الكبيره!!!! كل منهم اتى لتقديم فروض الولاء والطاعه لأغراض تسهيل المعلوم. والرجيم بالتاكيد مفيد في كل شيئ والافراط مضر في كل شيئ والله يهدي راجلك يعمل رجيم من اموال الشعب الميت من الجوع بدل ما يموت هو بالطغمه
وقالت «هند» إن تلك الجموع طمأنتها بأن زوجها يسير في الطريق الصحيح،
تعليق: الطريق الصحيح هو طاعة الله و الرسول بعمل الصالحات و االبعدعن الظلم و المحرمات, و ليس بكثرة الجموع فهناك الكثير من العصاة و الفسقة و محبوهم بالملايين
حمدالله الف علي السلامة
ياولية راجلك ده مرقو الخوف ساي ريجيم شنو البتقولي عليه,انت شكلك بيوحي انو ثقافة الريجيم دي ما بتعرف طريقكم, بطونكم املوها كويس يومكم قريب واتذكروا القذافي العهد القريب وقارون علي مر القرون ماكان هناك اكثرهم مالا او سلطانا وذهبوا كما لم يكونوا اتعظوا ياحرامية اهو نحن قاعدين وحانشوف…………
يا تو رجيم يا المتعافى؟
ياولية زوجك لو ربنا بحبو كان نال الشهادة والله فوق كل جبار والناس الملو بيتكم ماسحي جوخ ودى معروفه بحكم انو في منصب واخيرا ولانو ناهب المال العام وانا واحد من العام بقول ليهو الله لايسامحك لادنيا ولا اخره ونشوف حق الشعب الغلبان في التمبل القاعد جنبك قالت الناس بتحبو هاهاهاهاهاهاهاها اااااااااااااخ يا الوجع
والله الزمن ده كلو انا قايل الراجل ده تاجر اخيرا عرفت انه طبيب وطبيب عمومى وكان معترب بالسعوديه طبعا الاغتراب مافى شك عشان يصلح وضعوا وطلق الطب وهو لم يتخصص بعد حيث كان من المفترض يتجه لجراحه الكلى طيب يا جماعه الراجل ده ما شاااااااطر انتو مالكم بتسمو المتعافن- اضف الى ذلك انه بصلى الصبح حاضر وبوادع زوجته بالشهاده بس ما ورتنا ياتو شهاده لكن نفترض انهاشهاده من تشهد وهى احد اركان الاسلام يبقى ماشاء الله عليه انه حسن الاسلام وكمان سبحان الله لديه قوة حدس (ما يسمى بالفراسه) والوليه ماشاءالله عليها حسب وصفها تحسب انه من اولياء الله الصالحين سبجان الله طيب ياجماعه السرقه دى تكون معصيه ولا الاولياء ديل اتغيروا بالمناسبه يالمتعافى انا زاتى بحبك والله جنس حب ( رجيم 4 سنوات ب 9 كيلومترات)+تقاوى +مبيدات = المتعافن
الرسول يابت بحيري تكملي جميلك مادام المتعافي عامل رجيم حولي شوية من وجبات زوجك الفاخرة والدسمة وفكيها في السوق بوجبات خفيفة السعر وشوفيها بتكفي كم طفل من أطفال ولاية الخرطوم ال 1200 ملاقين وجبة الإفطار وهو تكوني عملتي خير ينفعك في الدنيا والأخرة
ههههههههههههه جموع ايه ال انتي تتكلمين عنهم الا يكونوا من الناس
الطبالين لكن جميع افراد الشعب السوداني كانوا يتمنوا ما يكلع منه
ومن فضلك كلميه يعمل شويه رجيم من المال العام الموجود في ماليزيا
والشركات الوهميه
هاهاهاهاهاهاها رجيم
اعوذ بالله من الشيطان ( الرجيم)
معنين في كلمة واحده ( رجيم
يا حاجة اقول ليك سر المتعافي ما عامل رجيم لكنه ما بحب (اكلك وطبيخك ) بلهط في مكان تاني اعرفيه بي نفسك ما يكون مدبل فيك … قالت رجيم شكلك بتبهلي الملح والزيت في الاكل علشان كدا .. احسن تدخلي كورسات ( أبله بكيظة لتعليم الطبخ )
الظاهر عليك مخمومة في الراجل الزفت ده .. والله الزول ده مما أشوفه بيضحك بيجيني طمام بطن وطوالي بقلب القناة .. قالت محبوب .. لا حول ولا قوة إلا بالله .. صاحب الضحكة الصفراء المتسلق .. وأقولك حاجة يا حاجة إنك كان ما أبوك مامون بحيري ده ما كان تزوجك .. ده زول لبلابي (لبلاب ) متسلق .. أعوذ بالله ..
مامون بحيرى شخصية سودانية مرموقة وساهم فى ارساء دعائم الاقتصاد السودانى وهو من المؤسسين لعدة بنوك فى السودان وافريقيا —- نقول للسيدة هند قارنى ممتلكات ابوكى بممتلكات المتعافىى كان لقيتى الرصيد المتحرك والثابت متقارب فاعلمى ان زوجك ماشى فى الطريق الصح واى انحراف لصالح المتعافى حيوريكى درجة انحرافو عن الجادة وليكى كل التقدير
عرفت حب الشعب السودانى لزوجها
وان تلك الجموع طمانتها ان زوجها يسير فى الاتجاه الصحيح
ياجماعه المرأة ما كذبت الراجل عامل رجيم بعد التخمه صدقوها !!!! البيخلي ينط في الصراط شنو ؟؟؟؟؟؟؟؟؟؟؟؟؟؟؟؟
طبعا لما تلقي علية الشهادة بتقول ليهو اللهم اغننا بحلالك وهو برد وبحرامك كمان
ياناس الراكوبة وين الجدادة البياكل فيها المتعافي الكل مرة بتجبوها بالغتوا عديل خلونا نشوفها عشان نشبع ريالة ونكون عملنا رجيم
ومالو ماعمل رجيم لي ولدو المنفخ ذي الديك الرومي دة مال الشعب . وبعدين راجلك ماكان في الطيارة انظرو اقوالها[ لكن على غير العادة في ذلك اليوم عاد (3) مرات حتى أنها لاحظت ذلك،] الله موجود
ربنا يوريكم له في الدنيا قبل الاخره كم عملتو في الشعب الغلبان شردتونا وبهدلتو اهلانا في السودان .
عاملين زي انابيب الغاز الواحد لو حبشوه بيترشيك تتحدثو عن الريجيم ربنا يهديكم من مال الحرام
زوجك اصلا مافي الطائرة قلي وهماتك نحن عارفين كويس الحصل …..!!!!
وقالت «هند» إن تلك الجموع طمأنتها بأن زوجها يسير في الطريق الصحيح، لا يغرنك المطبلين وحارقى البخور من منتفعى المؤتمر البطنى (هاك الرجيم ده ) فهؤلاء عندما تقوم الثورة (الكعة) سينضموا للثورة والثوار ، ولكى فى الثورة المصرية خير مثال ، المتعافى قبل فترة جابوهو بياكل فى دجاج (جكن) تقولى لينا رجيم ، رجيم بالراء ، بالله عليك يا بت وزير المالية الاسبق مامون بحيرى بلغى بعلك الكريم حفظه الله عمل رجيم من أكل المال العام ، لو سمحتى ، بارك الله فيك وفى ذريتك ……………………
بلا رجيم بلا وهم استهدي بالله وقولي ربنا انقذه عشان يمدد له في الفساد ليكون العقاب اكثر يوم لا ينفع مال ولا بنون وسبحان الله مش عارف الرجل الملوث دا لم في اسرتك الكريمة صاحبة التاريخ الناصح ومضرب مثل في الامانة على المال العام وحقوق الاخرين
ان الله يمهل ولايهمل
ههههههههههههههههههههههههههههههههههههههههههههاي والله يا مخير شرطتنى بالضحك الله يديك العافية ويفرحك زى ما فرحتنى وانا زهجان
اعوذ بالله!!!! كمان عمل ليه رجيم!!! “قرين” من الجن الشيطاني علشان عمايله السودا وكدة. اه لمن تدور فيهم الراجمات!!! العامل رجيم ده حقوا تمليه زاد المجاهد من حسي—-تحسباً واستنفار وكدة. ياحليل ابوك الرحل من الدنيا بعنقريبه.
يعني ماقراية القران زي ما قالو الشيوخ ؟؟؟؟؟؟؟؟؟؟