أحدهم وزع على الانترنت عريضة ضد الجوع..الخرطوم تطرد خمسة من طاقم الصليب الاحمر والامم المتحدة من دارفور.. فريق امني اردني الى السودان لمتابعة حادثة اختطاف ضابطين في دارفور

الموضوع بكل بساطة السيدين الكبيرين ماعايزين يحاربوا معانا صح؟ فى مجموعة من الحزبين عايزة تحارب خلاص اللى دايز يجى من الشباب من الحزبين العريقين مامشكلة والماداير يجى برضو ما مشكلة اصلا نضالنا بهم بدونهم مستمر

اثبت الواقع ان هنالك اثنين لا يعرفان السياسه عبدالرحمن الصادق وابوه
الله يديكم العافيه يا التوم هجو ونصر الدين الهادي
الرجال امثالكم هم من يصنعون التاريخ اما الصادق ومحمد عثمان فعجائز فاتهم القطار واصيبوا ب الزهايمر والخوف من النضال

هذا هو الأسلوب والتكتيك الشيطاني المتبع دوماً من الأسرتين الذين خلفهما الأستعمار ليعملوا دوماًعلي الحفاظ علي وضع الأسرة ومكتسباتهاويساهموا في تخلف السودان بتسلط الطائفية البغيضة؟ كيف ؟ بأن يكون واحد من كبار العائلة داخل اي حكومة والآخر بالخارج معارض ينتظر الفرصة للأنقضاض وتصدر اي حكومة قادمة والآخر ينصب شراكه مع اي طرف مقاومة قوية يحتمل ان تمسك بزمام الحكم؟ وبالتالي في اي حكومة تجد منهم واحد مشارك مهما كان توجه تلك الحكومة دكتاتورية فاسدة او غيرها ؟؟؟ هذين الأسرتين علي مر التاريخ لم يقدموا اي شيء يذكر للسودان غير المحافظة علي مصالحهم وثروتهم التي لا تتمتع بها اي اسرة بالسودان في كل تاريخه ؟؟؟ للأسف الشديد ان كثيراً من انصاف المتعلمين يصفون طوائفهم بأنها أحزاب عريقة وفي الواقع هم اسر لهم طائفة مغيبة دينياً ومعهم انتهازيين من المتعلمين لهم مصالح خاصة معهم يوصلونهم لأعلي المراتب ما كانوا ليجدوها بغير هذه التبعية ؟؟؟ منهم من يوعد تبعه بشبر في الجنة والآخر يدعي بأنه شريفي من أهل البيت وهو ابعد ما يكون من اهل البيت وومؤسس اسرتهم الميرغني قدم الي السودان كعسكري مع الجيش التركي ممسكاً بحصان كتشنر ؟؟ وهذه هي الحقيقة المرة التي لا يود ان يبتلعها الكثيرين ؟؟؟

يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
بيها نرقص نتشابا
على ظهر الغلابة
و كتوف التعابة
ونقيف في راسا
وبي هتافات البساطة وبكل سذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
وما مهم ابدا دراسة
بس المهم وفي الاساس
هم راس ونحنا ساس
وناس وناس ما سواس
شبت حريقة في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مااافي حاجة !!!
وما مهم اي حاجة ..
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن!!
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكريات .. واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
حرية لينا ولي سوانا اولوية
حرية لينا ولي سوانا بي مستوانا
هي القضية
شعب راصد
شعب شاطر
شعب صابر ما هو فاتر
واذا الصبر لحدوده عابر
لا بجادل ولا بعافر
شعب واعي شعب صاحي
شعب حارق ما هو دافي
تاني مافي تاني مافي
على ما سلف الله عافي !!
تاني مافي تاني مافي
على ما سلف الله عافي !!
يبقا مارق كل سارق
ويبقا راكز كل معاكس
يبقا واقف كل لاغف
يبقا طالع كل بالع
ويبقا خايف كل زايف
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد

أخخخخخخخخخخخخخخ

اخيرا يا الانصار فيكم راجل افش مغصتنا موفق يالمهدي

الثور فر من حظيرة البقر، الثور فر ،
فثارت العجول في الحظيرة ،
تبكي فرار قائد المسيرة ،
وشكلت على الأثر ،
محكمة ومؤتمر ،
فقائل قال : قضاء وقدر ،
١٢
وقائل : لقد آفر
وقائل : إلى سقر ،
وبعضهم قال امنحوه فرصة أخيرة ،
لعله يعود للحظيرة ؛
وفي ختام المؤتمر ،
تقاسموا مربطه، وقسموا شعيره ،
وبعد عام وقعت حادثة مثيرة ،
لم يرجع الثور ، ولكن ذهبت وراءه الحظيرة

لاشي يخرج السودان في بر الامان دون الوحدة الحقيقية للاسقاط المجرمين المزيد من الوحدة والانسجام بين الشعب هذا واجب وطني لبقاء السودان مواحد