أفشل رئيس لأفشل دولة
لن يعترف أحد من متأسلمي الإنقاذ بفشل دولتهم ، ولا بفشل رئيسهم ، وذلك لسبب بسيط هوان ما يمثل فشلا لكافة من له بصيرة ، يعتبر نجاحا لهم لأن الشعب لا يهمهم في شيئ ، والآخر عندهم غير موجود إلا اذا حمل السلاح وقاتلهم .وفي أدبياتهم ان الآخر الذي لا ينتمي إليهم هو نكرة ليس له حقوق بل عليه واجبات يقوم بها دون تذمر ولا اعتتراض , ففي ظنهم المريض أن الله بوأهم ملك هذه الأرض وما عليها من بشر وموارد، لهم خالصة من دون الناس اجمعين.
لذلك يتصرفون في البلد وموارده بما شاءوا وكيفما شاءوا , فهم ليسوا ملزمين تجاه الآخرين الذين يجب ان يدفعوا مقابل كل خدمة تقدم لهم لأن الدولة ملك لهم وليسوا ملزمين بتوفير فرص العمل لأحد غيرهم , وعلى الناس تدبير امور حياتهم بأنفسهم .
وفي المقابل فإنهم يتمتعون بكل ما حرموا منه الناس التعليم الداخلي والبعثات الخارجية والعلاج في الخارج علي حساب الدولة وبناء القصور واحتكار سوق العمل الخاص والعام .
أما الحريات العامة واحترام آدمية البشر فهي لهم فقط اما الآخرون فلا حق لهم في مجرد ابداء الرأي لانهم خارجون عن ملتهم ومن ليس منهم فلا حقوق له .وحتى نكون منصفين فإن من الآخرين ما هو نافع لهم ويخدم خطهم ويستفيدون منه في تثبيت اركان حكمهم لذا فإنهم يقدمون له بقدر ما يستفيدون منه فإذا انتهى دوره ألقوا به في غياهب النسيان وحرموه من نوالهم فيقضي حياته منبوذا منهم ومحتقرا من الناس والمحظوظ من هؤلاء من استمرت حاجتهم له ولم يستنفذ دوره .
لذا فإن الفشل الذي يدركه الغافل قبل الواعي لا يخطر لهم على بال ما دامت السلطة في يدهم والمال تحت تصرفهم فكيف يحسون أو يشعرون بالشعب . ؟
ليس فيما أقول أدني مبالغة ولا غلو فما يحمله هؤلاء المتأسلمة من فكر متطرف لا مكان فيه لمنطقة وسطى شأنهم شأن كافة التيارات الدينية التطرفة من الخوارج في الماضي وطالبان والقاعدة في عصرنا الحالي والفرق فقط ان المتأسلمين عندنا أجبرتهم ضغوطات السياسة العالمية والداخلية على تغيير تكتيكاتهم ولم يتغير شيئ من استراتيجياتهم وفكرهم .فلبسوا مسوح الديمقراطية وهم لا يؤمنون بحرف منها ويتشدقون بحكم القانون والحريات العامعة وهم أبعد الناس عنها ويتكلمون عن حقوق الإنسان هم لا يرون انسانا غيرهم له حقوق.
اذن دولتهم بمقاييسهم دولة ناجحة ورئيسها أنجح رئيس على مستوى العالم وما يراه الجميع من فشل هو فشل للشعب وللمعارضة وما التقارير التي تصدر في هذا إلا مؤامرة تحاك ضد الدولة الإسلامية , وهكذا يمضون سادرين في غيهم ويمدهم الله في طغيانهم يعمهون .
لقد ابتلانا الله بهؤلاء التطرفة الذين يرون فينا مواطنين من الدرجة الثانية أو الثالثة وانهم فوق الناس بما يحملونه من فكر اقصائي والغريب ان هناك من الناس من لايزال ـ مع كل الحقائق التي يراها ـ يظن ان هؤلاء فيهم خير ويرون في الافق بديلا لهم ربما يأسا او عدم ثقة في بديل مناسب يخرج الناس من تيه هؤلاء وهؤلاء لم يدركوا عظمة هذا الشعب الذي يصبر ولا يستكين وينتظر ولا يستسلم وصدق القائل : إن الشعوب وإن تطاول ليلها فكالشمس تسري في الظلام فتشرق
أفشل رئيس لأفشل دولة ( 2)
د.زاهد زايد
[email protected]
ماهذا الكلام ،،،،،،،،،،،،،
اكذب رئيس فى تاريخ السودان.
(((لم يدركوا عظمة هذا الشعب الذي يصبر ولا يستكين وينتظر ولا يستسلم وصدق القائل : إن الشعوب وإن تطاول ليلها فكالشمس تسري في الظلام فتشرق )))
يادكتور زاهد
أى شعب هذا الذى تتحدث عنه ,, شعب استكان وهان ,, وياحليل الشعب فى هباته عندما زاد سعر السكر قرش واحد حتى اضطر النميرى للاستقالة ,, وين الشعب الذى اسقط عبود والنميرى ؟ معليش مضطر اقول ليك شعب جعان لكنه جبان . عشان كدة الناس ديل حيظلوا راكبين فيكم ويسومونكم كالأنعام ,, والماعجبه يشرب من المالح .;) ;) ;)
ان الله سبحانه وتعالي خلق هذا الكون وفق منظومة متآلفة متجانسة وبدقة متناهية لاتقبل الاحتمالات وانما اعمال العقل وجعلنا نحن البشر خلفاء له في هذا الكون وحملنا نحن البشر امانه هذ الخلافة بجهل وظلم ترفعت عنه المخلوقات العظيمة (السماوات والارض والجبال) وبما ان هذه هي صفات ملازمة للانسان فلايمكن ان تستقيم هذه المنظومة الكاملة في اصلها المستقيمة في توجهها اذا كانت هناك حلقة مفقودة او مضيعة عمداً وهي الامانة .
يا زاهد زايد انت لم تري السودان ولم تسمع به الا من خلال اجهزة اعلام تروق لك وحدك فقط لاتسمع ولاتري منها الا مايستهويك,
دعنا نضع الامور في كفتي ميزان ثم نرجح ,
كيف كان السودان قبل قيام الانقاذ, وكيف تراه الان (امنياً – اقتصادياً _ اجتماعياً – ثقافياً- علمياً-
المطلبوب منك الاجابة علي كل بند بتفصيل حتي تستقيم المعادلة , اليس هذا هو التحدي بعينه؟ هل عندك ما يدعم حجتك ؟
المطلوب الثاني : الحريات _ الاعلامية – المنبرية _ والخ..
المطلوب الثالث : الوضع العام للمواطن السوداني وكيف كانت طموحاته قبل عقدين من الزمان وما هي الان ,, اجب بامانة وتجرد دون هوي او غرض ,,
والله لافض فوك يادكتور زاهد زايد……………….. شكلوا نحن ربنا ابتلانا ونسالو يخفف علينا ما ابتلانا به
يا ابو شيما يمكن انت من الناس المستفيدين والمبحبحين من الحرامية الكبار واذا ماكنت منهم ما كنت طبلت لهم اولا مافيش تعليم بالمرة والجامعات السودانية كان مضرب مثل في العالم ولاكنوين اليوم الجامعات السودانية اليوم ما معترف بة في جميع الغالم وانهيار في جميع المراحل التعليمية وقبل مجي الحرامي للسلطة كان اي اسرة يفدر يعلم اولادة ولاكن اليوم المسكين محروم من كل شي وفي الصحة حدث ولاحرج وربنا عالم بالعباد في السودان وتدهور المستشفيات الحكومية معلوم لدي الجميع حتي الاطفال عارفين انو اي شي في عهد الانقاذ تدهور وربنا انشاء اللة يدمر ناس الانقاذ واعوانة يابو شيماء في الشهر المبارك يارب العالمين امين يا اللة
ياناس الراكوبة ويادكتور زاهد خلو عندكم موضوعية والله السودان ماجاب زى البشير ولا حيجيب رجالة شهنامة تقوى ايمان راسخ حلونا من القرقرا
افشل رئيس لا فشل دوله لافشل شعب
لا خير فينا ان لم نقلها
الاخ ابوالشيماء. بنفس منطق انه لم يرى السودان وان معلوماته سماعيه من بعض اجهزة الاعلام التى تروق له حسب مزاجه ستكون اجوبته كذلك. فدعنانردعليك وباختصار.
امنيآ . فعلآنرى كثيرآ من رجال الامن منتشرين فى كل الاماكن ولكن لانحس بالامان لانها قيمة محسوسه وليست مشاهده ثم هذه القوات ليس فى اولويتها تامين المواطن ودونك الجرائم الدخيله على المجتمع السودانى. اقتصاديآ اذاكانت نظرتك من منطلق علمى انظرلمؤشرالتضخم سيتضح لك ان كان لنآاقتصادآ معافى ام لا .
اجتماعيآ حدث ولاحرج انظرللظواهر الاجتماعيه السالبه ستجداننآاصبحناشعب ليس له قيم اومبادى والاهم من ذلك آصبحنابلآاخلاق التى هى اساس كل شى .
عالميآ. اخى نحن مصنفين ارهابين ماذاتريداكثرمن ذلك هل تعلم بان الجوازالسودانى غيرمرغوب فيه خارجيآ ويتم التعامل معه بكل حذروشك.
الحريات الاعلاميه والمنبريه ماهى الآابواق تعبرعن روية الحكومه قولى هل يوجد راى وراى اخروهل فيكم من يتحمل الاخرحتى ولواختلف معه
اماطموحات الموطن لاتعدواكثرمن لقمة عيش وسترة حال والتى اضحت اغلى امانى وطموحات الموطن السودانى امآ اذاكان مقياسك فى ذلك نفسك تكون قدظلمت المواطن السودانى كثيرآوذلك من منطلق ان كل الشعب السودانى ليس ابوالشيماء .
اخى حكومة الانقاذخصمآعلى الشعب السودانى وليس اكثرمن ذلك.
أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء أبو الشيماء
كيف كان السودان قبل قيام الانقاذ؟
كيف كان السودان قبل قيام الانقاذ؟
على الأقل كان سودان واحد … وكان فيه عزه وشرف ..
والله يا ابوالشيماء – أشك انك عايش في السودان ولو كنت كذلك سوداني بصحيح ماكنت قلت هذا الكلام – او ممكن تكون واحد من الجماعة اللي تابعين للمؤتمر الوطني او من أهل الريس علشان كده بتطبل في الفاضي – بس صدقني مابعيده انك تكون واحد من ابناء هذا الزمن الكالح والذي واقول للأسف الشديد اخرج لنا لاول مرة سودانيين منافقين حيث لم نكن كذلك ولكن لان العصر والحكم مادي خرج امثالك من القبول والجحور ينادون بعظمة هذا الحكم والذي بالله افشل حكم مرة على تاريخ السودان ولن يأتي مثله باذن الله ونسأل الله اخلاص منه اليوم قبل الغد واخر كلامي لك أن اقول لك (اختشي وعليك عقلاني) ان كنت سوداني بصحيح.
المدعو ابوالشيماء
الوضع الامني تمام التمام ماشاءالله
والوضع الاقتصادي الحمدلله بفضل الانقاذ اصبحنا تاني اقوه اقتصاد في العالم ومن الدول الصناعيه الكبره والجنيه عندنا يساوي الف يورو
الوضع الاجتماعي فيها شويه انحلال طبعا الانقاذ ماعندها ذنب في الموضوع ده بس الشعب اتدلع شديد من شدة الرفاهيه العيشنها بس لو داير تعرف الانحلال يا ابو الشيماء تعال زور دار المايقوما شوف ارقام الاطفال وبالمره اغشه معاك وزارة الصحه شيل اخر رقم مصاب بالايدز حماك الله و و و ونرجع لموضوعنا ثقافيا عدي ممكن تلاقي طالب ماعارف شي عن الثوره المهديه ولا مساحه السودان كم ولا تراث السودان شنو ولاانت قصدك ثقافة اليومين ديل نحفظ لنانسي عجرم و نتابع هيفاء وهبي لابسه شنو
علميا … نقول اللهم لا نسالك رد القضاء بل نسالك اللطف فيه
انا عارف احتمال وزير الداخليه قريبك ماكلكم اريتريين السودان دخلتوهو كبار قدر حالكم ده
أبو البنات عافيت منك قلت الحقيقة لأنى كنت شاك من أفكارك لكن بآمان أبو الشيما ده طول من السودان وغير أفكارو
ارقص رئيس
اكثر رئيس فى اراقة الدم السودانى.
الخليفة عبدالله حكم اربعة عشر عاما وكان يحكم بنفسه ونجت باشا حكم ستة عشر عاماواعتبره مؤسس الدولة الحديثة.ابعاج حكم ستة عشر عاماولكن كان قويا ويعرف كيف ينفذ قراراته وماعندو كبير.اما هذا الفاشل فقضى احدى وعشرين عاما اولها يحركه الترابى كالارجوز واخرهاعلى نصاب طه يحركه يمنة ويسرة اوصل البلاد الى حافة الفقر وله شرف تمزيق البلاد الى نصفين ولاادرى اين ذهب جهاده المزعوم.
هو اطول الرؤساء حكما وافشلهم على الاطلاق.
الى ابو الشيماء . لا اقول اخى فأخى برئ من افعالكم
لا ادرى اذا كنت تعلم ان هنالك ثقافة جديدة ناتجة عن التخلف الذي نمر به، هى ثقافة
(النفاق )
وهذه الثقافة هي الاداة التنفيذية لسياسات النظام الرجعى، ومثلكم من يقوم بتبرير
هذه الممارسات ومحاولة اقصاء الفئات الاخرى النقية.
كثير منا يحتقرون هذه الممارسات، ولكن مع الاسف نجدكم داخل مجتمعنا وانتم
واقع مُر فاقد للشخصية العلمية والعملية، تدمر المجتمع اذا مسته،
انتم عالة وعبء على مجتمعنا، فلابد من محاربة هذه الظاهرة لانها ثقافة تدميرية
ومن حقنا ان نبحث عن ثقافة الصدق والالتزام ولا نرضى بثقافة الفرد والانانية على
حساب مصلحة الاخرين، فالسوي من يفكر بمصالح الناس قبل مصلحته والثقافة
الجماعية هي التي تنهض بالمجتمع لا الثقافات الفردية لاننا نحن ادوات ومنفذو هذه
الحياة. ان شاء الله تكون فهمت حاجة؟
أخى العزىز/ هذا يدل على اننا أفشل شعب
صدقت والله يا د زاهد لولا التككتيكات لكانو ا قد انفض سامرهم واصبحوا تحت امرة القاعدة ولكنه مبدا التربص بما يعتبرونه مكاسب ونعتبره نحن محنة ودمار للامة والعباد مما حد ى بالماسونية العالمية التمسك بهم الى حين استنفاد غاياتها منهم والتى لن يكون لها نفاد الا بتد مير العباد والبلاد واصدق ما يصدق فى حالتهم قول الله سبحانه يوم يقول المنافقين والمنافقات للزين امنوا انظرونا نقتبس من نوركم قيل ارجعوا وراكم فالتمسوا نورا فضرب بينهم بسور له باب باطنه فيه الرحمة وظاهره من قبله العزاب ينادونهم الم نكن معكم قالو بلى ولكنكم فتنتم انفسكم وتربصتم وارتبتم وغرتكم الامانى حتى جاء امر الله وغركم بالله الغرور فهم بزلك فى طريق لن يفضى الا بالتسليم للقاعدة او التسليم للماسونية بازلال وتعزيب المسلمين
******************************
ابو الشيماء .. رمضان كريم
1- كما كان عدد المغتربين والمشردين قبل الانقاذ وبعدها ؟
2- كم كانت نسبة الفساد الاخلاقي والدعارة من أجل قوت اليوم قبل الانقاذ وبعدها ؟
3- ولن اسألك عن مجانية العلاج والتعليم قبل وبعد الانقاذ
******************************
يا معلقو الراكوبة لقد لمست فيكم وفي تعليقاتكم وعي ونضوج وسكون بهموم الوطن لذا استحلفكم بالله عندما يكون هناك مطبلاتي وحامل مجمرة بخور وهتيف مدفوع الأجر أو مقبوض بالثابتة أو ممسوكة ليهو ذلة دعوه يهنق ويعوي وينعق ولا تلتفتوا إاليه ولا تضعوا له اعتبار (يعني بالفصيح كده ما تعملوا ليهو أهميات وراس وقعر) ومن إفرازات( الإنغاز) السايكوباتية.
العبوب
الله حكمه كده – الحمد لله الذي لا يحمد علي مكروه سواه
اظرف نكتة واحد زهجان في المطار واليوم الوحيد القالوا طائرة الخطوط الـ …… جاي في مواعيدها ولكن برضوا اخلفوا مواعيدهم ولم يكملوا فرحتنا بانهم صدقوا لمرة واحدة فقال صاحبنا القرفان يا اخونا انا ما قلت ليكم طيارتنا زي رئـ ….نا ، وشر البلية ما يضحك فضحك الجميع .
لا والله أفشل رئيس لاحسن واطيب شعب
خليكم مؤدبين
والله ثم والله انا اعرف رجل قيادي مقرب من البشير شخصيا لابعد الحدود يزوره دائما في الامسيات كل حديث هذا الرجل عبارة عن استخفاف بالشعب السوداني ويدور مجمل حديثه بانه شعب بسيط ويمكن خداعه بكلمتين حلوين هذه هي نفسية هؤلاء الناس في التعامل مع الشعب هزتين وعرضتين ويلحسوا عقول البسطاء
Hi every one, Please do not reply to the people like the guy who name himself ABUALSHIMMA because they just after one purpose which is annoying you. as they say SILENCE IS THE BEST ANSWER FOR THE FOOLISH
د/ زاهد هؤلاء الانقاذين خرجو لنا بتصريحات جافة ضد المواطنين صرح أحدهم الشعب كان شحاتين والاخر يشتم بالعواليق وأخر يقول من يخرج عن السرب يأكله الذئب ورئيسهم يدوس العالم بالجزمة ويتوعد المخالفين لرايه بقص الرقاب وقطع أعضاء الجسم بالخلاف الانقاذين من أصغر مسؤل الى أكبرهم يلازمهم الكذب والغش والخداع والمراوغة وعدم مصداقية فيما يقولون مثل هؤلاء حكام لايرجى منهم خيرا بل فسدو البلاد والعباد ومزقو الوطن وأشاعو العنصرية بين الامة الواحدة وسعو فى الارض الخراب والدمار من أجل إستمراريتهم فى السلطة حتى يرث الله الارض ومن عليها وكما تفضلت قفلو على المواطن كل الابواب إلا باب الانقاذين
عاشو حياة الترف فوق أنقاط الغلابة والمساكين 95 % فقير بذلك إنفصلت عن هموم الشعب وأرهق الناس بالجبايات وهم أصلا غير متمكنين فى عمل شريف لسد حاجياتهم اليومية .
ندعو الله فى هذا الشهر الكريم أن يرفع الكابوس الجاسم على رقابنا 21 عاما عجاف
اكثر رئيس فى اراقة الدم السودانى. والله يمهل ويهمل
اكثر رئيس فى اراقة الدم السودانى. والله يمهل ويهمل
يا زاهد انت شكلك ما زرت السودان من سنين كما قال لك ابو شيماء وانا اضيف لك هذا السودان قبل الانقاذ كان رجل افريقيا المريض والعالم كل يعرف هذا وكان يشحت رواتب الموظفين فى الدولة ولكن بعد ان جاء ثورة الانقاذ الوطنى حققت مايلى
اولا وقف الحرب فى الجنوب
ثانيا تمزيق فاتورة البنزين وذلك باستخراج البترول السودانى والاكتفاء منه وتصديره
ثالثا سد مروى الذى ينتج اضعاف ما ينتجه السودان حاليا من كهرباء
رابعا التوسع فى التعليم والصحة
خامسا بسط الامن فى كل السودان وخاصة فى الخرطوم وهذا مهم جدا
سادسا ربط العامصة بكل ولايات السودان بطرق معبدة
يا راجل حرام عليك زمان قبل الانقاذ كان الزول يمشى يقيف فى صف الطرمبة عشان ياخذ جالون بنزين من الساعة 4 صباحا وتقيف حتى 12 ظهرا عشان تاخذ جالون بنزين هسى فى كل كيلو متر فى طرمبة بنزين تعبى ذى ما انت داير
وايضا نفس الحال بالنسبة للعيش عشان تاخذ ليك كم حبة عيش تمشى تقيف فى صف الفرن من بعد صلاة الفجر او قبل الصلاة عشان تاخذ كم حبة عيشة هسى العيش فى الشارع تاخذ ذى ما انت داير ياخى حرام عليك
قبل ثورة الانقاذ الوطنى والله يخلى لينا كان تمشى تقيف فى الزلط عشان تركب مواصلاة تقيف لمن تزهج وتتغبر هسى البصات والحافلات بالصف منتظرنك تركب ذى انت داير
قبل ثورة الانقاذ الوطنى كان لا يوجد اى امن فى السودان والخرطوم خاصة والمواطنين كان يخافون الخروج من المنزل بعد المغرب وايضا الزول ما كان بنوم فى البيت بامان من كثرة الحرامية والمجرمين ولكن هسى الامن فى كل مكان والخرطوم من اكثر العواصم العالمية امنا وهذا باعتراف دولى ياخى حرام عليك
علي الطلاق البشير فخر للسودان والكلاب تنبح والجمال ماشة والما عجبه يشرب من الترعة والمعارض أحسن يعارض من الداخل مش يقعد يضرب لي المكيفات والجداد الفطيس والعصاير ويقعد يبرطم
كلامك صحيح 100% اعمل خروج وريح نفسك ما لك ومال الفشل
الجمل المات في البلاد إذا جروه خرب الزراعة وإذا تركوه عفن المكان ،،، هكذا حالنا في السودان
( تخريمة )
أكثر عنوان أعجبني النهار دا في الراكوبة الجميلة (الجبهجية من عرس الشهيد للوحدة الجاذبة )
يانادر مابكيتنا عدييييييل كدة
تاني نرجع ونعيد كلامنا القلناه مليون مرة يانادر النادر
1/ الا ترى يأستاذ ان ثمن توقف الحرب هو اغلى وافحش من مصائب الحرب نفسها وهل تعتقد ان كل الحكومات عجزت عن التفكير في التخلص من الجنوب مقابل وقف الحرب ام ان صبية الانقاذ نزل عليهم الوحي بهذه الفكرة؟؟
2/ كم كان سعر جالون البنزين قبل استخراج البترول وكم سعره الان ( سعر جالون البنزين تضاعف 300% فليتهم تركوه نائمآ تحت الارض وتركوا الشعب مرتاحآ فوق الارض).
3/ 21 عاما من السرقة والنهب وتتكلم عن انجاز بحجم سد مروي ثم كم كانت تعريفة الكهرباء قبل الانقاذ وكم هي الان بعد ان من الله علينا بحكومة الكرام البرره؟؟
4/ اما بخصوص التعليم والصحة فانت اكيد فاقد تربوي فلو كنت تدرس في اي مرحلة دراسية لكنت عرفت مدى الانحطاط الذي وصل اليه التعليم ولك في تصنيف الجامعات العالمية خير دليل واما الصحة والعلاج فيكفيك ان كل يوم يتقدم 1000 مريض للعلاج في الاردن فقط!!
4/ ويارجل خاف الله الم تسمع باغنية الخرطوم بالليل .. الحياة كانت تبدا في الخرطوم بعد الساعة 9 مساء واذا كنت صغير اسال اهلك . وبرضو اسال اولاد الحلة عن حالات الاغتصاب والخطف والقتل الحاصلة في البلد دي عشان تعرف نعمة الامن الجات مع الانقاذ واسال ناس دارفور عن النعيم الشافوه مع الانقاذ.
المدعو الجعلي:
ادعوك لتغير هذا الاسم حتى لاتسئ لهذه القبيلة التي اساء اليها رئيسك المجرم والسفاح نافع وغيرهم من لصوص الانقاذ فالجعليين رجال عرفوا بالشجاعة والكرم والشهامة اما امثالك وامثال المنتفعين والمطبلين فديار جعل برئية منهم ..
ثم ثانيآ انت شن مقعدك في السعودية ماتمشي تتلم على جماعتك البلطجية ديل ولا شغال امنجي تلقط في الاخبار ذي ال……. طبعآ اتعودت على الراحات و مابتقدر تفارق المندي والمظبي والمكيفات الاسبليت – خلي المغتربين في حالهم الناس ديل مرقوا خلو ليكم البلد عاوزين يآكلوا اولادهم من مال حلال لانه في يوم اسمه يوم القيامة .. ابقى 10 على بيتك وخليك من حليفة الطلاق والهبالة دي لانه طلاق ناس البشير دا طلع ماسورة.
للاسف يا دكتور زاهد كل ما قلته صحيح واتمني ان لا يكون كزلك ولكن قرائن الاحوال كلها تشهد علي صدق كلامك وبعدين دوله تقول ام رئيسها انها جنازه بحر ولا احد يكتب ولا منبر يدين ولا ولد يعتزر ويستمر زي ساقيه حمد الريح
كنت وما زلت اسال الله الخلاص ولاكن المؤكد ان الخلاص سوف يكون في زمن الهروب واللا امن بعد ان تم انفصال الجنوب واحتلال الغرب
ارجوا ان نعيش بطرقيه غير القتال نحن لم نري شي جميل في السودان لنعتز به
يا دكتور زاهد بالله عليك الدكتوراة بتاعتك دي في شنو وكيف ما اتعلمت تكون موضوعي في طرحك وعادل في تفكيرك ومتوازن في احكامك يا اخي ايه الحقد اللي بتكتبوا بيه ده
الزول ده بعد العسكرية بعرفه انه رقاص علما لم يخطر في بالي كان هنالك رئيس رقاص مثله على مستوى العالم وفي دارفور كمان وسط الابرياء المقهورين
عشان ادوكم حرية الصحافة قبلتو على البشير اخجلوا دا رئيس دولتكم افضل رئيس مدى التاريخ والانتخابات دليل حاتقولو مزورة اكيد الغالبكم تزورو شنو
شوفو رئساء السودان من الاستقلال الاحسن منو كلهم عبارة عن …….ملو كروشن وقالو قلبو الحكومة مسااااااااااااااكين الكروش مليانة
دمت فخرا للسودان ايها الرئيس ولتنبح الكلاب كما تشاء ;) ;) :D
يا استاذ النورس كل الحكومات ما قبل الانقاذ وكل الاحزاب والمعارضين للحكومة كلهم متفقين واعطوا تقرير المصير للجنوب وقبل ما تجى ثورة الانقاذ فى من وقع اتفاق سلام كتيرة وكان فى تقرير مصير للجنوب والجنوبيين عايزين انفصال انت عايز تجبرهم على الوحدة بالقوة وبعدين كلامك دة ما منطقى الناس تقعد تتحارب طول عمرها ولا شنو حكايتك
سعر الجالون شنو البتقول انت هو كان فى اصلا بنزين عشان تقول زمان كان ارخص من هسى اقوليك الناس بتقيف فى صف البنزين لساعات طويلة ويمكن ما تلقى بس انت شكلك صغير ما عشت فترة الثمانينات ما قبل الانقاذ
بالنسبة للسرقة ما تتهم الناس ساى عندك دليل ولا بتتكلم ساى
وبالنسبة للكهرباء ما عشان كدة انا بقوليك انت شكلك سغير زمان قبل الانقاذ فى اليوم يجيك كهرباء ساعتين او ثلاثة فما تقولى كان ارخص لو كان موجود على مدار الساعة ورخيص معليش بس ما كان فى كهرباء مقطوعة على طول
انا اتخرجت من زمان بس التعليم فى السودان فى تقدم وتوسع وفى طلبة كتار من الدول العربية بيدرسوا فى جامعات السودانية لو الجمامعات السودانية ما معترف بيها ما كان طلاب الدول العربية راحوا يدرسون فيها اما حكاية كم واحد مشى الاردن عشان العلاج دة ما اثبات لعدم وجود العلاج والمستشفيات كتيرة وعلى مستوى
ويا نورس انا جيت من السودان قبل 4 شهور يعنى ما منقطع ذيك انت شكلك منقطع انا سنوى بمشى السودان وانا عشت وشفت كيف الخرطوم امنة وهسى كمان الناس بتساهر للصباح واحسن من زمان بكتيييير وكذاب القاليك فى خطف واغتصاب وين دة ما تكضب ساى البلد فى امان
اما موضوع دارفور ما جات مع الانقاذ مشكلة دارفور من زمااان والحكومة بتسعى لارساء السلام فيها وانشاء الله قريبا تتحقق السلام فى دارفور
وسير سير سير يا البشير نحن جنودك للتعمير
فعلا البشير فخر للسودان احييك يا الجعلى
وعايز اقول لناس المعارضين ما تمشوا تعارضوا من داخل السودان المعارضة من الداخل افضل وقيادات المعارضة كلهم رجعوا اخيرا الزول لو فعلا عنده وطنية بعارض من داخل السودان مش تقعدوا لى فى المكيفات والكبسات قال معارض قال