ورشة حول تحويلاتهم في أبريل .. مطالبات بجذب مدخرات المغتربين عبر القنوات الرسمية

بالله ,, بعد شنوووو ؟ لكن ..

خلاص شيلوا الجمارك .. أغلي جمارك علي وجه الأرض وبعدين نشوف التدفقات عبر القنوات الرسمية !!!

لا يكون المغترب ده عندو قنبور عشان يحول للكيزان بالقنوات الرسميه قروش البترول راحت عاوزين يقبله علي المغترب بس تشمو شم يا اولاد ال…

الثقة مفقودة تماما..بعد سندس وأراضى المغتربين وشركات المغتربين الراحت شمار فى مرقة
تحويلات …No ثم No ثم No
مدخرات …كو…ثم كو …ثم كو
شوفو باقى الكيزان المغتربين إدعموا الحرامية الشافطين
ود التهامى …سؤال برئ … قروشنا الكملتها فى السفر والفنادق ما كفاية عليك؟؟؟

سؤال برئ تانى….بيتكم الفى ود لميض بقى عمارة ولا لسه؟
سؤال ساذج…القروش البتتلمه فى السفارات دى قاعدة تمشى وين ؟
سؤال سطحى…يعنى أحول بالسعر الرسمى وأشترى سيخ وزير الخارجية بالسعر الموازى ؟
سؤال غبى…إنتو عايزين تغشونا ولا شنو ؟

مافى مغترب حيحول ليكم

عايزين يلغفوا نصها والنص الباقى إحرقوا بيهو جنوب كردفان
زمان الواحد كان إضينة وأسع ملان غبينة.
أول حاجة رجعوا القروش الفى ماليزيا ودبى وأروبا وتركياوأثيوبياوالصين وغيرها
بعد داك نتحاسب والحساب ولد
بعد داك تدونا عجاجة كرعيكم وتفكوا الكنكشة
وبعد داك نتحاسب تانى
بعد داك تتعمل حكومة وطنية
وبعد داك نملأ السجون من المجرمين والحرامية.
بعد داك تكون فى مصداقية
وبعد داك نحول.

فى المشمش يا …طه

هاكم اليورو دا !!!!!!!!

اصلاً لماذا توجد سوق سودة او كما تسمونها سوق موازية ؟؟؟ والجواب ان هنالك فئة من تجار الشنطة والمستثمرين الطفيليين ومهربي العملات الصعبة ومن ضمنهم متنفذين بالدولة يحتاجون لعملات صعبة للبحبحة في لندن ومليزيا ودبي ولا يستطيعون الحصول علي كميات مهولة من القنوات الرسمية ؟؟؟ وعليه مهما كان سعر القنوات الرسمية فالسوق الأسود سيقدم سعر اعلي ؟؟؟ ومهما كنت وطني وانطلت علي شعارات مساهمة المغتربين في انعاش اقتصاد الوطن فلن احول عن طريق القنوات الرسمية لتستورد بها حكومة الهنا اسلحة لمطاردة العزل وقتلهم وقنابل مسيلة للدموع لتفريق الجياع عندما يحتجون او تحويلها لتجار الجبهة لأستيراد عدس تركي اصيل ونبق فارسي لذيذ وكريمات ديانا الخ واذا رجعوا لينا دولارات سندس يمكن المغتربين يفكروا في دعم الحكومة المسكينة الشحادة صاحبة الأستثمار الصغير ؟؟؟ والأستثمار الكبير البعملو منو والا دا بيعملوه في مليزيا ؟؟؟ كسرة: اخبار خط هيثرو شنو ؟؟؟

يادكتور قبل كدة ماقلت ان تحويلات المغتربين اكثر من ثلاثة مليار دولار العام الماضي وضحكنا وقلنا ليك نتحداك لو وصلت ثلاثون الف دولار بس داير تضمن الاستمرار في المنصب ياخي ماعيب لما توضح الرؤية للريس عشان يتخذ القرار المناسب وحسه بقول ليك مافي داعي للصرف الفاضي علي ورش وكلام فاضي الموضوع ماداير ليه درس عصر ذي مامنحوا من قبل الدستوريين النازلين من السما ديل والمبتعثين والعائدين من حركات التمرد ولغوا المغتربين من القائمة يلغوا الدستوريين والعائدين من حركات التمرد ويمنح الاعفاء للمغتربيين لادخال سيارة بدون جمارك بشرط تحويل 5000 دولار بالقنوات الرسمية الفائدة تعم البلد مش الدستوريين والله لو استغنوا عنهم جميعا مافي ليهم اي تاثير غير انهم عبء علي المواطن والمغترب ومافي داعي للجهاز المسمي شئون السودانيين دة وفروا مصاريف تشغيل الجهاز والرحلات المكوكية لفقراء المغتربين وياريت تكون معاها فرص عمل في الوطن ذي باقي بلاد خلق الله

د التهامى اغترب وعاد الى الوطن وبمزايا و مخصصات و راتب لا يقل عنما يتقاضه فى المهجر دا غير البدلات التى لا حصر لها من سفر واقامة و مصروف جيب ؟
عايشته المغترب و حياة الغربه وفى بداية تقلدك وعدتنا بأن يكون للمغترب القدح المعلا والحقيقه نحن فقدنا الحله ؟
لا توجد خطط اسكانية للمغترب والتى تم تخصيصها للمغتربين منحت لاناس بعينهم وممثلى الجاليات بالخارج ؟
وزارة الاسكان تمنحك قطعة ارض وبها غرفة و مطبخ و حوش ومساحتها 460 متر فى حدود كسلا والدفع على قسطين و بملايين الجنيهات اى القيمة خمسة اضعاف القيمه الحقيقيه للارض و المنشات لانها استثمار .
ممنوع ادخال السيارات الا موديل حديث الرسوم الجمركية اعلا رسوم فى العالم هى فى السودان ؟
سعر الصرف عبر المنافذ الرسمية اقل من السوق الموازى وغلاء الاسعار يجبرنا على التحويل عبر المكاتب .
مخدوعين منذ عهد مايو الى يومنا هذا و نحن فى صراع مع الحكومات فى حقوقنا و الحوافز المرجوه من الحكومة و لكن للاسف لا حياة لمن تنادى .
نفضل السوق الحر و ليس بمقدوركم محاربة التحويل لان اهلنا سوف يكونوا هم الضحايا لاى قرار .
هى ضاقت عليكم و لكن لم تحسبوا صاح كان اقل شى يقيم المغترب الذى ضحى و دفع بسخاء ودعم كل الحكومات و وفر للدولة الدولار من اجل استمرار الاستيراد للسلع الضرورية من وقود وطحين و زيوت و ادوية و قطع غيار للاليات الحربية و الاسلحه والمساهمة فى رفع المعاناة عن المواطن ولكن الحصيله صفر ايها المغترب .

حلفو المغترب المصحف فى حقو خلوكم قاعدين خشمكم ناشف من الدولارات وأحسن حاجة رجعو المال المسروق من الخارج التسعة مليار للرئيس وأستثمارات أبو الجاز بمال البترول فى الخارج كفيل أن يكف الشعب السودانى من الفلس والجوع ونحن المغتربين منتظرين نهايتهكم يا كيزان كفاية دعمتونا بالغصب الشريعة والدفاع الشعبى والشرطة والشرطة الشعبية والمجهود الحربى فى الجنوب وتسير الغوافل مواقع العمليات وما شابه والاذاعة والقنوات الفضائية وحفريات مشروع سكر كنانة المساهمة الضريبة الزكاة رسوم مقادرة وقدوم أستخراج دفتر مغترب ووصولات ما أنزل الله بها سلطان بعد إنتهاء كل البنود فى الايصال بند رسوم أخرى ما معروف أين تذهب أخرى دى كفاكم أمشو إنقلعو من البلد زهجتونا وكرهتونا دنيا وأخرة ذهابكم للجحيم هى التى تمطر مطر ذهب وفضة وتفتح كل أبواب الخير لاهل السودان أفكاركم دى بلوه وأشربو مويته ..

لابد وان تكون هناك حوافز كادخال سيارة بدون جمارك او مواد بناء واجهزة كهربائية

تغربت منذ حوالي 11 سنة وكنت اعمل في مؤسسة حكومية وعندما كنت أعمل في إجراءات السفر تعرضت لنهب منظم في الاجراءات كما يتعرض جميع المغتربين وكما اتعرض أنا عندما أعود في كل اجازة للسودان وعلى رأس الناهبين لنا القوات النظامية التي تلبس الكاكي عندما يطلب منك في كل موقع تمر به وما أكثر ما يمر عليه من يريد الاغتراب يطلب منك مبلغ وعندما يعطوك تجد الفرق بين مادفعته وبين المبلغ المسجل على الايصال والفرق يذهب الى اصحاب الكروش الكبيرة نهبونا ناس مكتب العمل وناس الفيش والله من أخذ القروش واستخرج لي السند برتبة رائد كتفه فيه صقر والله لم تطرف له عين أخذ الفرق بعين قوية كأنه حق له وإذا فتحت خشمك كان جزاءك التأخير واللولوة والأمور التي تعرفونها وفي الجوازات طلع اسمي مطابق لواحد ثاني الاسم الرباعي وحولت لجوازات الخرطوم من المغتربين وتلولو على العسكري أظنوا في البداية خاف مني ولكن بعد انتظار طويل طلب مني مبلغ من المال وكنت غشيم قايلوا رسوم ولكن عندما وقع لي وقال لي أمشي المغتربين ثاني عرفت اللعبه ولم أقل بغم خايف من التلتلة ولا يوجد من ينصفنا الخدمة الالزامية واستخراج الكرت المؤقت حتى آخر سفرة لي يشيلو منك 65 ألف جنيه بالقديم والايصال بمبلغ 50 ألف وخمسمائة ريال ثم قصة التأشيرة الجماعة التماسيح يبيعوا لك فايل أبيض عليه ورقة مصورة ( الطلب ) بدون أي ايصال ثم تمشي تدفع رسوم التأشيرة مرة ثانية بسند رسمي على الشباك ثم يطالبونا بأن نحول عبر المنافذ الرسمية عجبا لك أنحن مغفلين لهذه الدرجة والله مهما قلتم لن نصدقكم ولن نثق بكم والله لو كان هناك فرق قرش لحولنا بالطرق الخارجية والله لو كان تحويلنا عن طريق القنوات الرسمية فيه منفعة لشعبنا لفعلنا ذلك ولو كان فيه بعض الخسارة لنا ولكن نحول للصوص والحرامية لنافع وأولاده وبقية العقد الفريدأحد المعلقين طلب تقديم الخدمة للمغتربين مثل الهنود والفلبينين والمصريين حتى يحول المغترب بالطرق الرسمية أذكر لكم مثال على خدمة تقدم للمغترب المصري وما يقابل ذلك لنا نحن المغتربين السودانيين فالمغترب المصري إذا كان يعمل بالحكومة وأراد أن يغترب تحفظ له وظيفته وتحسب له مدة خدمته في الاغتراب مع خدمته السابقة ويدفع المغترب استقطاع التأمينات الاجتماعية أو المعاش وعند عودته يستلم عمله فورا لذا فمدة إغتراب المصري قصيرة ويمكن في أي لحظة يرجع إذا وقع عليه ظلم لا يرضاه أما نحن وأنا مثال كنت موظف بالحكومة طلب مني تقديم استقالتي وأن أثبت لمكتب العمل أني ليس على رأس الخدمة فقدمت استقالتي وفقدت سنوات خدمتي والتي هي ليس بالقصيرة وإن عدت الى السودان ولم أوفق في غربتي أجد نفسي أبدأ من الصفر فلذلك المغترب السوداني مهما حدث له يخاف من العودة والله توجد مآسي في الغربة الله ينتقم من الظلمة الله ينتقم من ال كان السبب

هسه يقولوا ليكم قي اراضي رخيصة فقط خمسة الف دولار تقوموا جارين كلكم خصوصن لو جابو ليكم اسامي رنانة من شاكلة دبي والدوحة والرياض وسندس وما بعيد يقولوا ليكم الفردوس الاعلى …

مجنون ليلى والهلال

غايتو نحن المغتربين او زي ما بقولو علينا في السودان المختربين مغستنا تشرط عديييييل كده.. ووجعتنا مافي زول بحس بيها غيرنا براااانا والشكية بس لي الله ..تبدأ الحكاية بي فكرة مشؤؤمة تبدأ تراودك من الجامعة واول ما تبدأ تحب زميلتك في سنة اولي وتفضل سنة مقطع في مصارينك وتستجمع شجاعتك وتلمح ليها في سنة تانية وتبدا صاحبتنا تلقط سنارتك في سنة تالتة وتبادلك الاحساس وتعيش اجمل ايام عمرك في سنة رابعة وتشيلك الهاشمية وتقرر تغترب بأسرع فرصة عشان ترجع بعد سنتين وتعرس حبيبتك وتفضل شايف الدنيا كلها حلوة ومزهزهة قدام عيونك وتتخيل خطتك حا تمشي زي ما عايز, تعرس الجو المكسر ضلعك ده وتبنو عشة سعيدة وتجيبو اولاد وبنات وتفضلو تتغزلو في بعض العمر كلو ..وفعلا تركب الطيارة التعيسة وتحط الرحال في أي دولة خليجية ما بفرق الاسم كتير كلهم زي بعض قطر السعودية الامارات كلوووووو صابون.

المهم تبدأ الدوام بعد معافرة.. وتقبض اول راتب.. وتستلم اول جواب.. وتحول اول حوالة.. وتتلقي اول ضربة شاكوشية علي راسك لما تعرف انو حبيبتك عرست بعد سفرك بي اسبوع وبرضو عرست مغترب بس جاهز من خمستاشر سنة قاعد يكد ويكدح وعمل ليها حفلة كاربة.. وشيلة رهيبة.. وشهر عسل ماحصل ووووو وتقعد انت تبكي وتتحسر وما تخلي شريط لهاشم ميرغني ما تستلفو وتنسخو وتحضن المسجل الليل كلو وتبكي وبي كده تكون خسرت اول هدف في حياتك ..وتتوالي الخسائر وتلف السنين وانت ما عملت أي حاجة غير ربيت كرش وعملت صلعة وكل سنة تنزل السودان نفس الموال : الهدايا للاهل.. والجيران ..والحبان.. الملايات.. التياب.. الستائر.. الساعات.. الريحة..و فلان عايز شيلة.. علان داير دواء.. فرتكان داير تلاجة..شيطان داير تلفزيون ملون.. امك وابوك ماشين الحج رسل..البيت عايز تصليح حول.. ودعمك مقبوض في شيك ومسجون رسل ..بت خالتك اليتيمة دايرين يعرسوها حول ..اخوك الصغير مسافر يقرأ الجامعة رسل..رمضان علي الابواب حول..ما تنسي خروف العيد رسل..المدارس قربت تفتح حول..المرقة اتعدمت اشحن..اللبن اختفي من السوق اشحن..المطر كسر البيت حول..جدك مات والبكا للحول رسل.. وتقضي حياتك بين رسل وحول واشحن واشحن وحول ورسل وهكذا دواليك …وفي نص المعمعة دي تطلع ليك الوالدة لازم تعرس وانت تائه بين شاكوشك القديم واختيارك الجديد وفي النهاية حتي اهم قرار في حياتك تتركو لاهلك ويحددو ليك شريكة حياتك وعشان تسافر وتكمل باقي المشوار لازم تجر ليك سلفية كاربة لانك طبعا طول السنين دي ما وفرت ولا تعريفة المهم تأخد السلفية وتتكسي وتكسي العروس والاهل والحبان القاعد تكسي فيهم من سافرت يعني مافي شي اتغير غير المقاسات المهم العروس تطلب ود الامين وانت تقول حاضر.. عايزة قسمة ترقصها حاضر.. عايزة تسافر شهر العسل اثينا حاضر برضو ..المهم يتم زواج الندم والسجم وعشان تجيب العروس لازم ترقع السلفية تاني وتفرش الشقة وتصلح العربية و المكيف لزوم الحوامة والفرجة علي البلد ..المهم يمر عليك العام وانت شايل ولدك او بتك والفرحة غامراك للطيش وجية جناك بردت عليك الفلس والقرف وقبلما تشبع منو تفاجاك زوجتك المصون بخبر الحمل التاني والتالت والرابع وتنقد فيك ولادة وتتوه انت بين جحيم الشغل وازعاج البيت وطلبات السودان وترقيع السلفيات وسنة وراء سنة وراء سنة تلقي ابنك علي ابواب الجامعة وبعد الدروس الخصوصية والمصاريف في المدارس الخاصة ووووو تفرح بالنتيجة الحلوة بتاعت ولدك وتسترجع ذكريات فرحتك بي قدوموا وقبلما ما الفرحة تتم تتفاجا بعدم قبولو في أي جامعة حكومية وتسوء حالة ولدك النفسية وانت تتقطع عشانو وتسوقو وتمشي بيهو السودان بعد ترقع السلفية طبعا وتدخلو الكلية العايزها وتجبر بي خاطرو وانت تائه ما لاقي البجبر خاطرك ولأ يطبطب عليك تتقاذفك الايام وتتوسد الهموم وتحيط بك امراض الشيخوخة من كل حدب وصوب المهم بعد تطمئن علي ولدك وتدفع كل الضرائب والجبايات والنفايات والتفاهات تسلم الولد لي اخوك الانت قريتو في الهند وعرست ليهو وساكن في بيت ناس ابوك الانت صلحتوا بي دم قلبك وتتفاجا انو بتهرب منك وما عايز يمسكو وبديك نصيحة انك مفروض بعد كدة ترجع نهائي وتستقر..تجرجر اذيال خيبتك وتمشي لي اختك الكبيرة عشان تشكي ليها ليس الإ وتفهمك غلط وتبادرك انو راجلها ما حايقبل يمسك ولد مع بناتو الفتوات ديل وتطلع من عندها العبرة خانقاك وتعرج علي ود عمك بتاع الشيكات الطايرة الطلعتو مية مرة من السجن بعد ما طلع قروشو السارقها وبني بيت من 3 طوابق وربا ليهو دقن وشال ليهو سبحة وصدق انو شريف مكة وقعد ينصح فيك الولد في عمر مراهقة والبلد مليانة مخدرات وعصابات وووووو المفروض انت كان تعمل حساب اليوم ده وتبني ليك بيت عشان علي الاقل الاولاد ديل يرجعو مع امهم وبعد درس الوعظ ده تطلع وانت بتتقطع من ظلم ذوي القربي الاكلوك لحم ورموك عظم..بتبكي علي الناس العزيتهم ورزيتهم وما عزوك ..منهار نفسيا علي الهبل بتاعك والغباء العشت فيهو السنين دي كلها …واول قرار تأخدو تلم شنطتك وشنطة ولدك وترجع لي الغربة وتكتشف بعد سنيييييييييييين طويلة انو الغربة ارحم من اهلك وترقع السلفية وتقرر تسفر ولدك أي بلد وتستوعب الدرس بعد حقك راح وعرضك فاح.

!! مش عليك الله أحسن لينا والحمد لله ما أغتربنا……لكن والله مع وضع البلد العجيبة دى شكلنا كده لازم نتخارج

المغترب لم يسال الحكومة اين صرفت قروش البترول من بداية التصدير وحتى تاريخ الانفصال؟؟؟؟ خلى الكيزان يرجعوا القروش التي هربوها الي ماليزيا والامارات والصين

هااا تحفزونا بشنوا ورونا ؟؟؟!!!!! بندفع طول عمرنا للمغتربين الشى الفلانى عشان نطلع من السودان بعد دا نلقى اهلنا بشربوا موية ملوثة ومن الكوارو جمع كاروا والملاريا قاتلة الناس والحياة غالية مولعة نار واهلنا حالتهم حالة ضيق فى العيش ونقاسمهم اللقمة نتيجة السياسات الخاطئة لانكم ماحاسين بيهم وعايزننا نحول وندعم الاقتصاد ولا الافراد لاننا فقدنا الثقة فيكم وعرفنا ان البتشيلوا مننا دا ما ماشي لاهلنا فى شكل خدمات ولا حيستفيدوا منها فى يوم من الايام عشان كده ماتطالبونا بالمستحيل الا ان تحلوا جهاز المغتربين وتمنحونا قطع اراضي لكل المغتربين وتعيدوا الثقة للمغتربين تانى من جديد وتلغوا جميع الرسوم المفروضة يمكن بعد داك نثق فيكم ونحول بالبنك وندعم الاقتصاد من غير ما تقولوا ، دى يا تهامى الحقائق المرة على لسان اى مغترب

الثقة الثقة الفساد الفساد الثقة الفساد الثقة الفساد مافى ثقة فى فساد متحلموا اهلنا راجيننا المعيشة صعبة والفرق محتاجين ليه ، ليه كل حاجة ليكم ؟؟؟!! اهلنا ماتوا وقرفوا وسئموا الحياة خلوهم يعيشوا ويسدوا الرمق مافى بنك مافى قروش ذاتا يحولوها

يبدو ان المسئولين اصبحو مثل الفارس الاسبانى دون كيخوت الذى كان يحارب طواحين الهواء فى زمانه. كيف يتسنى لمغترب ان يحول بالسوق الرسمى ويترك اغراءات السوق الموازى وما هى آلياتكم لاستقطاب المغتربين. عوموا الجنيه السودانى حتى يتوافق السعر الرسمى مع السعر الموازى.

طيب لو في فهم او ذرة وطنيه مفروض يحصل العكس
يعني مشي الاجانب العندك بعدين فتش عن العذبتهم عشان يلقوا وظيفه في بلد غير بلدهم.الواحد بره بيعيش لو احترموه بحس بالدونيه.
انتو ما بشر انت مفروض تكونوا حجر الله يسخطكم حجار بعد ده

شوفو يا ناس ما يسمى بالحكومة

المغترب دا ثاني ما بيتدقس لكم انتوا ولا غيركم

غشيتوه ومصيتو دمه

يوم سندس ، يوم السليت ، ثاني يوم الياسمين والنصر وما بعرف شنو تمشي تفتش الارض تلقاها في سقط لقط وخارج ولاية الخرطوم

بعدين انتوا ما ترجعوا الـ 13 مليار دولار المستمثمرنها في ماليزيا دي يعني انتوا شايفين خلاص سددتوا ديون البلد ورجعته الجنيه للمكان الكان فيهو قبل ما تجوا ورجعتوا العلاج المجاني والتعليم المجاني والبلد بقت تشبه بلاد اوربا ؟

يا لصوص يا قتلة ، ثاني والله لو الواحد لقاكم واقعين في بير يدفنكم بالتراب ما ما يطلعكم

ولو جيتوا بعتوا لنا القصر الجمهوري ذاته نحن ما دايرين ولو المتر بريال واحد

بعدين انتوا بتبيعوا في البلد دي وفي المباني حقتها مستشفى العيون وغيره ، انتوا مما جيتوا بنيتوا لكم مستشفى واللا جامع واللا حتى جامعة زي الجامعات اللقيتوها موجودة؟

انتوا الله يوريني فيكم يوم

وربنا يخسف بكم الارض دي واحد واحد كل زول منكم يصبح بيته مافي وعربيته مافي واي حاجة بتخصه مافي مع انه ما في بيخصكم كله حق الشعب

تجي تلقى حفرة سحيقة في بيت اي واحد منكم وانتوا مافيشي في الدنيا دي وحفرة تكون خافسة في الارض دي بهناك عشان تطلعوا بالناحية الثانية دخان بس ما يطلع منكم اي شي الله يطلع ارواحكم

جهاز شؤون المغتربين ده زي الموت لمن يطراك بيجيب أجلك . الله يكفينا شركم .

– قضايا المغتربين رغم تراكمها وكثرتها واهميتها الاّ ان لا الدولة ولا السفارات ولا جهاز العاملين بالخارج ابدو فيها اهنماما واضحا وملحوظا لحلحلتها او حتي الاقتراب منها بصورة ايجابية، لنظن الخير فيهم، لذلك على المغتربين في كل بقاع الدنيا انلا يقفوا مكتوفي اليد حتي تترجم غزبعلات كرار التهامي كواقع لا يمكن الفكاك منه، فعلى كل مغترب عبر تنظماته السياسية، والفئوية، والجهوية، وغيرها ان ينظموا الصفوف لرفض ومواجهة مثل هذه الأفكار في مهدها بكل السبل، قبل مؤتمرات مزعومة لا تأتي بخير لا لمغترب ولا لاقتصاد السودان.
فما الذي قدمه جهاز تنظيم شئون السودانيين العاملين بالخارج، للعاملين بالخارج (المغتربين)؟ ليتمخض بهذه الافكار السوداء لتزيد طين المغتربين بلةً؟
– وما معني كلمة الوطن والمواطن، ووطني، الخ؟ (العملة الوطنية). (دعم الاقتصاد الوطنى)، (تنمية الاقتصاد الوطنى)، (دفع الاقتصاد الوطنى)،،، الخ فهل حقاً الوطن للجميع تتساوي فيه الحقوق والواجبات والعيش الكريم لكل أبنائه لأسمية وطناً، ام اصبح مرتعا خصبا لفئة قليلة تُسخّر الجميع لخدماتها وامتيازاتها ومنافعها الخاصة؟ ولسان حالهم يردد مع هارون الرشيد ناظرا للسحُب الممطرة (أمطري أينما كان فسوف يأتيني خراجك).
– وهل أصلا تبقى للمغتربين شيء من مال، لكي يدخروه حتي يساعدون به، لـ (رفد ميزان المدفوعات اذا أحسن استغلالها) كما أشار بذلك وزير الدولة بالمالية…. ولاحظ (لو أحسن استغلالها)؟؟!!!! علما بأن المغترب يصرف امواله على نفقات تعليم أبنائه، وعلى إعاشتهم، وعلى منازل لم ينتهي بناءها في السودان ولن يتم، وعلى مساعدات أسرهم هنا وهناك، اللذين ضاقت بهم الحاجة حين ما رفعت الحكومة الدعم عن كل شيء، (التعليم، والدواء والعلاج، والصحة، والسلع الأساسية الخ)، حتي قيل (أن الشعب كان عالة على الحكومات السابقة اما الآن فالحكومة اصبحت عالة على الشعب)،
– اما عن (الجزرة) التي يُنادى بها المسؤلين دوما مثل (تقديم حوافز لهم (اي المغتربين، مقطوعين الطارئ) وجذبهم لتحويل مدخراتهم عبر القنوات الرسمية) هذه الجزرة شبع منها المغتربيين وفاضوا. لأن التجارب السابقة مع حكومة المؤتمر الوطني أثبتت عكس ذلك، (فشيء بلوي اليد، وشيء بالخداع والآمال الكاذبة، وشيء بضرب بعضهم البعض،،،،الخ).
– فلا توجد (فوائد متبادلة للطرفين) ولا توجد ايضاً (شراكة استراتيجية فاعلة بين الدولة والمغتربين) ولا يوجد كذلك (تحفيز المغتربين عبر وسائل مختلفة لجذب مدخراتهم عبر القنوات) ولا سوف توجد في المستقبل مثل هذه الاقوال وغيرها مادامت العقلية التي تحكم السودان هي هي منذ عقدين ونيف،
– يقول المثل (اذا عُرف السبب بطل العجب) فكيف إذا عرف أنّ السبب كما جاء في أول الخبر كالآتي: (مع ارتفاع سعر الدولار والعملات الأجنبية الأخرى مقابل العملة الوطنية في السوق الموازي اتجه معظم المغتربين الى تحويل مدخراتهم الى ذويهم خارج نطاق الجهاز المصرفي للأستفادة من فرق السعر بين الرسمي والموازي.) فهل المغتربون سبب ارتفاع الدولار او العملات الأجنبية مقابل العملة الوطنية، حتي يأتي الحل عبرهم؟ وهل السعر الموازي أوجده المغتربون حتي يكونوا مسؤلين عنه؟ وبالمقابل دوما يهلل اقتصاديو الدولة بنجاح رسمالية (السوق المفتوح او الحر) ويصرون عليه، رغم أنه سبب البلاء والغلاء، ويصرون عليه لأنه مفتوح وحر بالنسبة اليهم لا لغيرهم، لأنه هو في النهاية سوق احتكاري لا تنافسي ولا حر حسب العرض والطلب. وبالمقابل ايضا اصبح (النقد) بضاعة يتنافسون هم فيها قبل غيرهم، واصبحت لها اسواق خارج نطاق دورة الاقتصاد خلقوها هم لا سواهم، فما ذنب المغترب هنا ليبيع (شوية البضاعة التي بين يديه (الدولار) بالسعر الرسمي الذي ان تبعه لا يفي حتي واحد في المائة من الغرض الذي من أجله حوله.
– ما يحدث في السودان أزمة عامة شاملة سياسية واقتصادية واجتماعية الخ، النظر اليها بالقطاعي والهمبته لا يفيد بشئ، والهروب منها او تجاهلها يزيد الأمر سوءا بعد سوء. وارتهان الوطن لفئة واحدة وضالة يعقد الأمور أكثر فأكثر.
يا زمان الآهة حدّك
يا زمان الآهة حدّك
يا زمان الآهة حدّك
ويا تهامي يا كرار السُكات ولا الكلام النّي
رحم الله اخونا الشاعر حميد