زوجة تقطع شرايين يديها بموس بسبب المصاريف اليومية

والله ما عارف لكن السودان دا شكله الناس بقت تفضل الموت على انها تعيش في جمره

الله ينتقم من الكان السبب ووصلنا لجنس الحال دا ويعيشه في لظى

يا إنتَا يا تدّيني مصاريفي

يا أنا حأقوم أقطّع شراييني

وإنت لو ما قادر تصرّفني

ثمّ ثانياً ما عندلك لي شئ

لماذا فكّرت إنّك تتزوّجني

ثمّ بعدما تولّدني مصاريني

وتعمل فيها إنّك ما دايرني

وتشتغل إنّك مؤتمر وطني

تمشي بي هناك تدبّل فيني

تأكل بِيهناك تشحم تخلّيني

تقوم تقطّع عنّي مصاريفي

تخلّيني أبَرْطِم من شلاليفي

آكل ناراً حرقت شراشيفي

أكتم غبايناً كتمن فشافيشي

الجوع طوطون مصاريني

أنا تاني أقع وين بِأُمْتَلافيفي

أنا تاي أقبّل وين بي دستي

إمّا تتلحلح تدّيني مصاريفي

كمان تشوف لي شويّة شئ

أو أسلّمك دستة مصاريني

ثمّ تسمح لي أقطّع شراييني

أنحنا نأكل إنّك بقيت وطني

إنّك بقيت راجل مِدبّل فيني

ياخي أبقى راجل أنصفني

أتحدّاك كان تقدر تنصفني

وإنت قايل فضل فيك شئ

والله بعد شويّة إلاّ تلحقني