على من تقع المسؤولية؟ فوضى حفلات المطربين الشباب بالخليج!
الخرطوم: نهاد أحمد
انتشرت في الآونة الأخيرة ظاهرة غناء الفنانين الشباب في دول الخليج وقد تفشت هذه الظاهرة بشكل ملحوظ بعد ظهور عدد من الفنانين الشباب الذين اعتادوا بشكل راتب على الغناء هناك بالتناوب، بل ولم تسلم من ظاهرة غناء الفنانين حتى دول الغرب التي تكثر بها الجاليات السودانية مثل هولندا امريكا فنلندا، الى جانب الدول الافريقية التي تخصصت بالغناء فيها بعض الفنانات، ومن الفنانين الراتبين على الغناء خاصة في دولة دبي اولاد الصادق احمد وحسين وطه سليمان وشكر الله عز الدين وشريف الفحيل ومنار وأفراح عصام ومن الفنانات ندى القلعة وغيرهم ، ولكن هل تكون تلك المشاركات بالخارج بشكل مقنن أم عن طريق متعهدي الحفلات وهل يلتزم اولئك الفنانون خاصة الشباب بالغناء بأعمالهم الخاصة ام يتكسبون بأعمال الغير كل تلك المحاور اتجهنا بها لبعض المهتمين وذوي الاختصاص فماذا قالوا:
الموسيقار انس العاقب ابتدر حديثه قائلاً إنه في السابق كان الانفتاح على دول الخليج محدود وذلك لأن عدد السودانيين هنالك محدود وكان الفنانين الكبار فقط هم الذين يذهبون للغناء هناك بدعوة من الجاليات او السفارة او الجهات الأخرى ، وأضاف العاقب: كذلك يوجد بعض الفنانين في السابق يذهبون ويعملون (قعدات) ويجمعون من خلالها قروش مضيفاً أن الغناء في دول الخليج محدود أما الآن المسألة اصبحت غير محتملة ، وقال ذهبت في زيارة قبل ثلاث سنوات الى الخليج عرفت من بعض المقيمين هناك ان بعض المغنين اصبحوا يتكسبون من هذا الغناء هناك بإقامة حفلات ضعيفة مما جعلهم يتذمرون من الوضع وأنا أرى أن هذه الحفلات اصبت غير مربحة وقال الموسيقار انس العاقب يجب ان تكون هنالك لجنة فنية مسؤولة من البعثات الفنية وطالب العاقب الاستاذ علي مهدي رئيس مجلس المهن الموسيقية والمسرحية الاهتمام بهذه المسألة وتنظيم البعثات الفنية لدول الخليج وخارج الخليج مثل امريكا النرويج والسويد وغيرها ، مشيراً الى ان قانون المهن الموسيقية سيحسم تلك الحفلات خلال الاشهر القادمة ، لأنها اصبحت تشكل فوضى كبيرة وقال: “شاهدت شرائط لفنانين لا أقدر أن اصفهم بل أستطيع أن أقول إن المسائل وصلت مراحل من عدم الأخلاق بانتشار شرائط لبعض هذه الحفلات تحتوي على غناء ورقيص وتهتك، سمعتنا بره انتهت من ناحية الفن”، وزاد في حديثه أن السفارات تطلب أحياناً فنانين معينين للغناء خارج السودان حيث لا بد أن تحسم السفارات وتراقب المسألة ، وأشار الى مادار مؤخراً عن حفلات غرب افريقيا وتشاد ونيجيريا وسفر الفنانات للغناء هناك ، وقال العاقب إن المسؤولين ليس لديهم حرارة قلب في الدفاع عن سمعة السودان..
أما الفنان صلاح بن البادية قال إن هذه الحفلات “حاجة مؤسفة” مشيراً الى أن بعضهم يتغنى بأغاني الغير وأضاف أن هؤلاء الفنانين يستفيدون من حقوق غيرهم ، وقال ابن البادية: “لا بد أن تكون البعثات الفنية للخارج على مستوى عال لكن أن يذهب الفنان (ساي كده) فهذا يعتبر استجداء ليس إلا” ، وقال: “في السابق كان لا يشارك بالغناء في الخارج إلا الفنانين الكبار بفرق موسيقية محترمة حيث كانوا يتغنون بأعمالهم وليس أعمال الغير”، وأضاف البادية أنه حتى أغاني الحقيبة كان الفنان لا يؤديها.
من جانبه تحدث الدكتور عبدالقادر سالم من مجلس المهن الموسيقية قائلاً إنه لا توجد أي ضوابط لسفر الفنانين للغناء بدول الخليج مشيراً الى أنه لا يوجد شخص يمنع فنان من السفر وأضاف سالم أن المجلس في تصوره للأيام القادمة منع أي فنان من السفر والغناء بالخارج مالم تكن لديه رخصة وقال بعد شهر خمسة ستكون هنالك ضوابط مشددة في هذا الخصوص.
أما مدير أعمال الفنانة ندى القلعة فقال إن ندى تشارك بالخارج عن طريق اتحاد المهن الموسيقية الذين هم بدورهم يقومون باختيار الفنانين مشيراً الى أن الاختيار لا يكون عشوائياً.
السوداني
الله يرحم الفن واهل الفن وايام الفن والطرب الجميل والكلام الانيق
والحب الشريف …
ياأخوانا بالله عليكم خلو الراجل دا يستحي شوية ويهذب شنبو دا ، دي فضائح والله وحاجة غريبة، والله دا موضوع مفروض تدخل فيهو الدولة شخصيا
ما مشكلة ممكن يستفيد منهم عمر البشير في معسكرات الدفاع الشعبي خصوصا محمود عبد العزيز ووليد زاكي الدين ونادر خضر{قال فنانين قال}
وطالب العاقب الاستاذ علي مهدي رئيس مجلس المهن الموسيقية والمسرحية الاهتمام بهذه المسألة وتنظيم البعثات الفنية لدول الخليج.
أولاً خلوا الراجل ده يهتم بشكله ومظهره بعدين يشوف تنظيم البعثات . الراجل ده في نفسو ما منظم بعثات شنو البينظمها .. أولاً يجب عليه تنظيم وتشذيب الشنب وبعدين يلبس ملابس رجالية بيضاء مع عمه بيضاء بدل الأخضر والأحمر الشاكيهو ده أنا مره افتكرتو لابس علم ليبيا , قال رئيس مجلس المهن الموسيقية قال .
بعدين في بنات صغر بيجوا عمره ويزوغوا وبيغنوا في الاستراحات وصالات الأفراح وكل أغانيهم هابطة للغاية ولبسهم وحركاتهم فاضحة , ويأكلون بأثدائهم كأن يضع الشباب مبالغ في المحفظة مباشرة ( أي بين الثديين ). وقد يكون بعض الشباب السعوديين موجودين في الصالة لأن الحالة واحدة وكل من هب ودب يحضر المناسبة .
خلوا الحسادة ولا تمنعوا الفنانين الشباب من السفر والغناء بالخارج فهم لهم جمهورهم ومعجبيهم , ولكن يجب ان لا يتغنون الا بما يخصهم , لان هذا تعدي علي حقوق الغير و ن يملك انتاج خاص سوف يستمر امثال الاخ عصام محمد نور وعاصم البنا وجمال فرفور ونادرخضر وغيرهم من المطربين الشباب الملتزمين
عالم عايشة علي الشهرة الزائفة عن طريق ابداعات الغير.عايزين ياكلوا عيش بس كيف؟ مامهم…ارزقية يعني……………………
والله يا ابن البادية الحكاية كلها (ساى كده)
يا جماعة اخوكم نظرو كعب شديد*** انا ما قايل ندى القلعة دي شايلة ليها دبيب (اصلة)** بعد مسافة حتن نظري بدأ يرجع شوية شوية عرفت انو ديل ايدينا والحنة وكدا**ماشاء الله
هذه قضايا انصرافية وتخص الفنانين في اشخاصهم واتحادهم (كما يحدث في كثير من الدول) السوال هل يجدون ما يسمعون لهم ام لا وبعد ذلك التصرفات تصبح شخصية حتى لو كانت مشينة وهم في الاساس شغلتهم شنو (الكثير منهم) سوى الغناء من اجل جمع المال …
اتركوا الخلق لخالقها…….
لم الاستغراب من فوضة الفنانين وسفرهم الى الخارج لنعتبرها من ضمن الفوضى الدايرة في البلد. السودان كلو فوضى ودي ما جديدة.
والله حتي التقليد مابيعرفو ليه ومخارج الحروف عندهم عجيبه
المصيبه هنالك من يدعي انه يريد ان يغير الاغنيه السودانيه
ياخي غير نفسك يرحمك الله
الفن رسالة سامية وعظيمة عرفناها وقتها كان الفنان قامة وهندام وخلق وأخلاق يمثل وطن أمثال العمالقة الكبار ،،،، أحمد المصطفي وحسن عطية والكاشف وعثمان حسين وإبراهيم عوض ووردي وسيد خليفة ورفاقاؤهم في الزمن الجميل يرحمهم الله جميعاً ،،،،
يا ابن البادية انت اكلك الطير من يوم وعينا انت بتغني في نفس الاغاني وملينا منها وما قعد تجدد يعني عايز الناس تسمع اغانيك البتغني بيها من الستينات
صورة ندي القلعة، بعيدة عن الحشمة السودانية المعروفة، وضع اليدين وتعبير الوجه مثير .. لم تعهد مثل هكذا صور لبناتن.
خلوا الناس تسترزق وبطلوا الحسد
زمنكم فات وفنانكم مات يا ابن البادية وعبدالقادر سالم…… كفاكم والناس ملو منكم تغنوا من الستينات وياها نفس الكلمات ونفس الصفافير…
بعدين انتو الفنانين البمشو الخليج اكيد ماشين بدعوات من الجالية هناك وما ماشين بسمبك
ياخى بطلو غيرة وكفاك
الناس في شنو والحسانية في شنو ؟؟؟ الناس بتفتش في موية الفول والعيش وانتوا في شنو ؟؟؟ ورفع دعم السلع جاي وانتو في شنو ؟؟؟ والبشير حايصدر أولاد الناس لمحرقة الحرب الجاية ؟؟؟ واتو في شنو ؟؟؟ وأخبار حلم الصادق شنو ؟؟؟
للأسف الشديد أن كل أصحاب التعليقات دي من الأجيال الجديدة التي فاتها الزمن الجميل حيث كان الفن رسالة وجدانية سامية تتم بواسطة سفراء هم – رغم وصفهم في ذلك الزمان بالصعاليك وغيرها – إلا أنهم حملوا الرسالة وكان لهم جمهور واعي وناقد بموضوعية لا تجريح ولا تنكيل. فالعذر لهؤلاء الشباب المعلقين على الموضوع لأنهم ليس لديهم موضوع بلغتهم!!!
يا حليلك ياالعندليب الاسمر الله يرحمك مكانك فااااضي ،كلو ماتجي سيرة الفن من اوائل الفنانين البخطرو على البال له الرحمة
دى ندى العنبر,,,,,,,
(( لا حول و لا قوة الا بالله ))
صراع الاجيال ,كل مرة حفلة و فنانين متكررين طيب ما تغيروا شوية!!!!!!!!!!!
.. ندى بى مدير اعمالها .. الناس مالها تاعبانا !!
الاخت نهاد للأسف ماعندك موضوع السودان لايختزل فى الفنانين ديل بمشوا يغنوا لسودانيين زيهم فى الخليج ايه الفرق لوغنوا فى الخرطوم او القمر بطلو العباطه واكتبوا عن الحاجات المهمة و ول عدوة هاشم كابو وصلتكم.
وينك ياسارة تعالى و شفى العسل دة
شى مؤسف حقآ وشئ مزعج والسبب الاساسى قناءة النيل الازرق وسماسرة الحفلات اهل الليالى الحمراء
بالجد موضوع يحتاج الى ضبط وحسم قوى من وزراة الثقافة الاتحادات الفنيه مع المصنفات الفنيه مع الشرطه والجوازات والمباحث
لانوا بالجد 90%من يغنون فى حفلات الامارات وقطر وغيرها لا اعتبرهم فنانين لانوا الفنان انسان كامل الاخلاق ومكتمل الرجوله وعنوان ومثال لاخلاق والظهور بمستوى رائع ومثالى لانه يمثل شعب ويمثل دوله والفن رساله والفنان سفير للبلده
لكن هذه الشرذمه التى وجدت قنوات لاتعرف غير الهشك والبشك وحرامى تلب مع فنانين وفنانات ليست لديهم تاريخ مشرف وتاريخ يحمل سيره حسنه فنانات كاسيات عاريات وفنانين على واحده ونصف وما خفى اعظم
لازم ولازم ولازم الحسم ووقف الفوضى والصورة القبيحه التى يقدمها بعض من يسمونه انفسهم فنانين بالتعاون مع قنوات تلفزونيه وافراد لا يعرفون للفن غير القبح وتقديم صوره لاتشبه ثقافة وغناء وشعراء اهل السودان الذين كان لهم الفوز الاول فى اى مسابقه غنائيه او شعريه او مسرحيه او حتى فى التاليف للقصة والروايه لانهم كان يقدمون اجمل واطيب ما يكتبونه من اغانى وشعر منذ عام 70كان الفائز الاول للكثير من المهرجانات العربيه تاتى للسودانى فهل يعقل ان ندمر تاريخ بشرذمه غير منظبطه ليست لها اهداف ولا تاريخ ولا حسن سير وسلوك ان يخرجو ويقدموا حفلات باسم السودان وكمان تعرض على قناة النيل الازرق بل ربما هى الراعى الحصرى؟؟؟؟؟؟
انا شخصيا لا احمل اي حقد تجاه احد ولكن كرهنا التلفزيون بسبب علي مهدي والصافي جعفر وكمال شداد وعمر الجزلي ومريم الصادق المهدي وآل بدري وآل ظعيط ومعيط وكرهنا فن الحقيبة وعازة في هواك ارحمونا السودان بلد متعدد الثقافات وغني بالمواهب ارحمونا مليتونا فقر
ده كلو من قناة النيل الازرق
وبرنامج نجوم الغد
هسة عليك ديل نجوم ديل
يوم واحد ما شفت لي
واحدة غناية طلعت من البرنامج وهي شينة
الظاهر التركيز على الجمال فقط
والدليل تونة الوابل
هسة عليك الله ده يقولو عي شنو
ياجماعه وكت ضاقو السفر والدولارات مابقعدو تاني عشان كده خلوهم امشو وافضو لينا البلد دي
و حمادة البرتقالة و العسل الفي باقات —–و داير ازورو زولي البدورو في الكدرو؟ بالله بعد كدا الشعراء ناس الحلنقي و محجوب شريف يقولو شنوا؟
تبرج وسفور …زايد عن اللزوم …متين الناس دي ترجع لي ربها بلا فن بلا قيامة …دي حاجات مااابتشبهنا نحنا السودانين…قال حفلات في الخليج هنا نحنا مااااطايقنكم تشوهو صورتنا بره كمان بلا ياخدكم…
دولة دبى 00000؟!!!!!!!!!!! شوفوا السخفية
الحال من بعضوا وكله بضحك على كله