كنوز محبة..ومحمود عبد العزيز..الأستاذ بشير عباس" ملحن الأغنية" يثني عليه ويقول : أداها على الطريقة المحمودية – شاهد الفيديو -مقارنة بين محمود وزيدان

البرنامج جميل بس فى ملاحظه للمخرج الكراسى الجايبه دى بتجيب اصوات ماجمليه انا كل مره يتحرك فيها احد الجالسين افتكر انو ؟؟؟؟؟؟؟

فرق بين السماء والواطة بين محمود وزيدان طبعا المقارنة معدومة تسلم استاذنا الرائع زيدان

والله يا شباب محمود وزيدان الاتنين مافي زيهم في السودان وربنا يديهم الصحة والعافية
وما اظن في زول بقول انو محمود احسن من زيدان في الاغنية دي لانها ما حقيقه بس كمان محمود ابدع فيها ولازم ندي محمود حقو كمان

أها يا جماعة الخير شن قولكم بعد شهادة الموسيقار العملاق بشير عباس في أداء الحوت ذو القامة السامقة؟؟؟وشهد شاهد من اهلها.

ايوه يا حوووووووووووووووت دا الاحنا عاوزنوا منك عشان تسكت لينا كل لسان ناقد والله بكيت بهذا الصوت اتمتعوا يا فريق اغاني واغاني بصوت هذا الملك ولو جينا نقارن محمود بزيدان كل واحد ليه مدرسه وكلهم مبدعين وبضربوا الخض………؟ يعني مفيش فرق لكن بصراحه الحوت لمن يكون مزاجوا رايق بصراحه مبدع وبارع ويكفي اشرطه ( سيب عنادك – يا مدهشه – يا مفرحه – سبب الريد – جواب للبلد – واسمع اغنيه هو الاختار دنيتوا ) لو عاوز تعرف الحوووووووووووووت مبدع;) 😉 😎 😎

يديكم العافية وماقصرتو وانا اسف والله على التعليق
لكم العتبى حتى ترضوا

لقد شوهت الأغنية با محمود، فهذا العملاق الهرم الشامخ في الفن السوداني زيدان أبراهيم الأمدرماني نحن متعصبون إلى حد الهوس النبيل ، لا نرضى التطاول على أغانيه بتحرق الأداء أو التحوير أو الإضافة أو الحذف ولو كان ذلك باستحسان ملحن في قامة بشير عباس العملاق ،
نقول للفنان محمود، نحن نحترم فنك ومكانتك عند معجبيك ، إلا أننا في الوقت نفسه نعتبر ديناصور الفن زيدان خطا أحمر ، عليك أن تغرد خارج سربه اتقاء لسياط عاشقي فنه ،

مـــــــلــك ياحوتــــــه:D 😉