عبد الله مسار في محك الكرامة..البشير يلغي قرار إيقاف مدير وكالة السودان للأنباء وإيقاف كافة أعمال لجان التحقيق.

إستقيل يا ثقيل الدم…لا يمكنك منافحة هؤلاء الكيزان فأنت لا تملك أي ظهر وسوف يستميت البشير في الدفاع عن أصحابه المفسدين وهذا ما يحتمه فقه السترة. البشير بتغطيته إياهم، إنما يشتري سكوتهم عن فساد إخوته ووداد الذين إكتنزوا أموالا طائلة وأثروا في غفلة من هذا الشعب

ضحكة سخرية عالية من الهمبول مسار
يا المسير وماك مخير
انت يا الخائن وعند ألله جزاك

شوفو البلد لمن ما يكون فيها دستور اى زول شغال على كيفو. قرارات ومراسيم دستورية تتفصل بالمقاس . هيصة . اخ يا بلد. تقولو لى فرقنا بتاعة الكورة تغلب؟ تغلب بى وين اذا كل يوم نظام الكيزان بيدينا ليها عشرة صفر

شى غريب كان يطل على الشاشة فى كل نشرة ويصرح ويصرح ويصرح ويجتهد فى دفاعه عن المؤتمر الوطنى حتى ظننت إنه يورثه ولكن …{ أنا كنت عارف جريك دا برميك}……..مسكين ماك بتعرف المؤتر الوطنى.

إلغاء قرار الوزير وإيقاف مدير الوكالة( مبلوع ) لكن أن يتم إيقاف كافة أعمال لجان التحقيق المتعلقة بالأداء في وكالة السودان للأنباء فهذا الغير ( مبلوع ) مالذي يضير النظام من أن تستمر هذه اللجان في تحقيقاتها!!!.
الحكومة كعادتها ( تداري )فسادها ومفسديها بتشكيل اللجان ثم إيقافها أو حبسها في ملفاتها أو منع الصحافة من تناولها. عجبي!!!!
الآن وبهذا القرار إنتصرت الوزيرة علي الوزير ولا نعرف كيف هو شعور هذا الوزير بعد هذا القرار هل سيتقدم باستقالته أم سيستمر ؟ أبصم بالعشرة سيستمر في عمله وسيغير من نغمة تصريحاته لأنه إن إستقال سيصبح عاطلاً عن العمل وهو الذي – ككل الوزراء- قد ألف الراتب الكبير والمخصصات ,,, سيستمر في عمله لأن مثل هؤلاء الإنتهازيين ليست لديهم كرامة ولا عزة نفس , ودونكم أيضا مستشار الرئيس ( نسيت إسمه) القادم من الشعبي وكلاهما يتشابهان في غرابة التصريحات والقول ….
وماذا بعد هذا القرار؟؟؟
————————
هل سيكون هذا القرار قراراً تمهيدياً يتبعه قرار آخر بإقالته من الوزارة ؟؟؟ربما!! ربما!!! كل شيء جائز في بلد العجائب والمحن والإحن .

يبدو أن صاحب الشجرة ( البشير) يحكم من قبضته علي رقاب كل المسئولين بالدولة بما فيهم درجة وظيفة ( مدير وكالة ) المعين رئاسياً … وقد لا نستغرب إن سمعنا يوماً أن هناك مدراء مدارس معينين من قبل الرئاسة….. إن افترضنا أن الوزير كان يمارس عمله ومن حقه إقالة أو تعيين من يراه وهذا شيء طبيعي لكن يبدو أن هذا الوزير اقترب كثيراً من الشجرة المحرمة. وذلك بتوقيف مدير الوكالة عوض جادين المعين رئاسياً والمعجبة به الوزيرة – إلا أن مسار زاد علي ذلك بتشكيل لجنة تحقيق!!! لكن أصابته لعنة الشجرة ….. حقاً شجرة ملعونة…
………………………………………….
رسالة نوجهها لكل الوزراء ( الذكور ) احترسوا الوزيرات من ( الإناث ) فإنهن أشد فتكاً وحيلةً ومكراً …. وطالما أنهن صويحبات يوسف فـ وزيرتنا هنا تصبح صويحبت عوض جادين …
حقيقة إستخدمت هذه الوزيرة ذكائها لأبعد مدي وإستغلت قضية هجليج وتاجرت فيها وذلك بذهابها للمنطقة المنكوبة وأظهرت دعاية وبطولة لنفسها عندما توشحت بالسلاح واقفة كالطود وسط فيما يطلق عليهم بـ (المجاهدين) كإبن نافع اليافع الذي كان جسده يئن وقد بدا ظهره منحنياً من ثقل البزة العسكرية التي كان يرتديها وغيره من أبناء الوزراء … لذلك كان في عيون الحكومة ومراقبيها أن الوزيرة أحق بأن تُنصر وتنتصر علي غريمها الوزير ( الضكر) الذي لم يحسن إدارة معركته.
سؤال أخير :- إلي أين ينتهي مسار … مسار بعد هذا القرار ؟؟؟

ماذا يفعل عبد الله مسار وهل إنتهى دوره
0000000000000000000000000000000000

أحلى ما فى الخبر ده انو بتكلم عن مسار باعتبار انو (كان) عندو دور بقوم بيهو تجاه البلد … والشىء التانى انو من ناحية (اخلاقيه) مفروض يستقيل بعد التدخلات الكسرت قراراتو دى ؟؟

والله لكن خبر لزيز بشكل

.. لا حول ولا قوة الا بالله .. الله غالب .. سوف لن ننسى سعيك يا مسار لضرب وكنس المفسدين فى الارض ..
لان القصة معروفة (الجماعة ما برضو فى جماعتهم حتى لو كانت حقيقة بالثابتة) .. و لو وقع واحد اكيد بجر الثانى وغيره .. وهذا هو الشئ المتوقع منهم .. الان دورك بعد ان رفضت السكوت عن الحق .. و صدر قرار بالغاء قرارك .. ماذا انت فاعل .. ( وانت اصلك ماك منهم ) ..؟!!

يا اخواني الاعزاء في صحيفة الراكوبة لا ينقصنا سوى قناة فضائية متخصصة في حرب الكيزان ايوة حرب الكيزان حرب شهواء لا هوادة فيها تخيلوا معي لو كانت مثل هذه التعليقات تعرض مباشرة على شريط الشات في التلفزيون ان شاء الله كان يومان او ثلاثة وتلقوا الناس طلعت الشارع لكن للاسف لا يطلع على الصحافة الالكترونية الا قلة من الناس اغلبهم خارج السودان .

انا جربتا السلطه مع ناس الانقاذ كنت مدير مستشفى تم اختيارى لانه لايوجد طبيب معى فى المستشفى وبالتالى لابد ان اكون مدير ,,, فى البدايه رفضت الفكره لاننى اعرف الفساد المستشرى بين المحاسبين ورئساء النقابات وكل الطفيليات البتتغذى من مرتبات الغلابه ,,, المهم جائنى خطاب من مدير عام الوزاره بتكليفى مدير عام المستشفى وبرنامج الخدمات الصحيه كطبيب خدمه وطنيه قلت لهم ليس لى خبره اداريه قالو لى سكرتيرة الطبيب الفات بتعلمك ومجرد ما نلقا بديل بنغيرك . باشرت اعمالى رايت العجب العجاب ,,, اول ما بدينا بدينا بحملة التحصين جابو لى 12 مليون لتغطية حملات التحصين لمان شافونى بتعاقد مع بتاعين العربات لنقل المحصنين قعدو يتقارصو ,,, بكره جانى مدير التحصين قال لى يازول عربات اشنو ونحصين شنو القروش ديل نحن بناجر منهن عربيه عربيتن وندا البنات 10 ولا عشرين جنيه والباقى نتقسمو . طبعا ضربتا بكلامو عرض الحائط واجرت العربات واديت البنات حقا داير مايدور وفضل لى 4 مليون عملت لجنه ووريتهم الحساب الفضل وارسلت خطاب للوزاره وريتهم قالو لى جيبهم عشان يلهطوهم ,,, مشيت لقيت عربية التحصين مجدوعه رفعتها واشتريت مكنه جديده وجبت الفواتير . ناس الوزاره جاهم تقرير بانى طابور خامس .ناس الخدمه الوطنيه شالو منى ادويه وفضلت قت ليهم رجعوها للمستشفى قالو لى انت مقفل . عموما اصبح اى قرار اصدره يكسر وحتى الوزير الولائى على عندما يزور المستشفى لايغشى مكتبى . وقفو منى الحافز ,,, وفجاة مشيت عاصمة الولايه الضحك شرطنى هنالك … الوزير عمل خطاب اقاله للمدير العام وسافر مصر طوالى .. سالتهم ليه عمل كده قالو لى لانو المدير العام ضرب من قروش مكافحة الدرن ولمان سالوهو ليه قاليهم انتو تسفو براكم ماتخلونا نسف معاكم . رجعت قنعان لانو فى واحد قال لى الناس ديل حايشيلوك قت ليهو اليشيلونى بس يدونى مرتبى قال لى مرتب شنو يازول … المهم سافرت الخرطوم وجات لجنه للمراجعه لقونى انا طالبهم 250 الف جنيه دفعتها من جيبى لشراء لوازم المكتب وبطارية العربيه … الجنه رفعت تقريرها بانو انا نضيف ,,, قبلها بيومين شلت خطاب اخلا الخدمه الوطنيه والقصه بالنسبه لى انتهت قضيت الخدمه الوطنيه … سافرت الى الخرطوم وفى الميز وصلنى خطاب مكتوب فيه السيد مدير المستشفى المكلف ارجو تسليم الاداره الى الدكتور فلان الفلانى …. التوقيع م ا ع ومدير عام وزارة الصحه وهو فى الساس مازون لكنه اصبح مدير عام الوزاره لانه مدير عام وزارة الشئون الاجتماعيه التى دمجت فى الصحه !!!

يستاهل الوزير العواليق من الاحزاب المنتفعة بفساد النظام ويعرف انه في ظل المؤتمر اللاوطني عباره عن شخص منتفع يعيش علي الفتات مبروووووك ليه الذلة منى سيادو الفاسدسن الاعفن منه

ههههههههههههههههههههههههههههههههههههههههههه

وزير شليق , الوداك شنو لى جكس البشير

أنا شايف تطلب السماح من سناء لعل وعسى ? لان البت دى حالفة ياهى يا أنت

بينى وبينكم البت دى خاته راسه مع وداد بابكر

ربما الرجل نظيف وكان قصدة وطنيا ولكن الاترى انة استعجل ايقاف جادين كان من الاجدر ان يمسك ولو
جنية فساد يكون واقى لة ودليل اثبات يمكنة ان يتمسك بة حتى الاستقالة واللة كنا سنكون معة ولكن
الايعلم ان هناك امور تحت تحت تسير بها ماكينة الانقاذ يعنى قول مسحات شنب دعم للدار وامور شتى
عشان كدا راس الخيط عند بتاع التلات ورقات ما بنكسب ومسمارك يامسار ما بيثبت فى حيطة النادى
القبطى احفظ موية وشك وامشى لندن تجى وزير فى المستقبل

والله ياجماعة كلامكم كله صاح وانا غلطـــــااااااان غلط كبير. فعلا ماكان لازم ادخل في تحديات مع ال… بتاع البشير ولكن تقولوا شنو؟
عموما انا حتى لو طردوني اليوم من الوزارة ماعندي مشكلة تب، الحمدلله عملت لي مزرعة حدادي مدادي ومليتها بقر وكمان عندي فلتين زيي زي البشير وكم قطعة ارض درجة اولى ده طبعا غير القريشات القدرت الهفهم من حبايبي (الشعب السوداني) ودي طبعا حتسامحوني عليها لاني حاكون معاكم في المارضة.

لو كان البشير يحترم وزراءه لاختارطريقة تسوية المشكلة بصورة شخصية مع مسار لكن البشير اختار هذا الاسلوب لانه يعرف ان مسار لاتهمه كرامته والدليل على ذلك ان اى سودانى عنده كرامة لقدم استقالته لو كان فى مكان مسار0اثبت مسار انه رخيص ولايشبه المسيرية ولايملك حريته فكيف يحرر هجليج

والله يا جماعة لاشماتة فى الوزير مسار دا المفروض يحصل لو فى دولة مؤسسات ولكن للاسف السودان دولة الحزب ولذلك اى واحد من خارج حزب المؤتمر الوطنى حتى ان كان اى شئ لايقدر ان يفعل شئ ولذلك كان من الاول الواحد يرفض انه يكون شخشيخة .
ولايسعنا الا ان نقول حسبنا الله ونعم الوكيل وفى النهاية لايصح الا الصحيح .

عزيزي عبدالله مسار ان حربك على الفساد المالي يعني في النهاية حرب بصورة او باخرى على ابناء ” التضامن النيلي ” وهي حرب ضد سياسة التمكين بشتى انواعـة الذي نراه نحن كل يوم .

مناطحة الاستاذه سناء حمد مناطحة غير مجدية وانت الخاسر في النهاية, فهي الرقم الثابت في الوزارة لغـايات معروفــة وانت الاستثناء، السير عكس او امام الاستاذة سناء من غير ما تشتهي يعني انك في النهاية ضد سياسـة تمكين ابناء “التضامن النيلي “. واذا إستمر الحال كذلك فهؤلاء الابالسبة يمكن ان يمكروا بك ولا تستبعد ان يدسو كاميرا تجسس حتى داخل غرفة نومـك ، اعمل حسابك كل خطوط اتصالك وناس ذا صلة بك مراقبة، وهذا ليس حصرا عليك.

هـل فهمـت كما يفهم معظم ابناء الشعب السوداني ، ام محتاج إلا ان نشرح لك بالتفصيل الممل؟

مسار ده عبيط ودوروا انتهى انا شائف تعمل ليك قوات مسيرية وتحارب الحكومة عشان ترجع جاد ومسارك واضح ياعبيط

الشهيد محمد طة محمد احمد قال فى يوم من الايام على صحيفتة المشهور .. مسار سار مع الحكومة ..

ام الان فمسار سار ضد الحكومة . سناء حمد هى الوزير الفعلى فى الوزارة وأكد هذا الكلام من خلال موقف جادين الذى عاد امس وهو فى حالة انتصار على مسار الذى سوف يتخذ مسار وبالمناسبة سوف يكون هناك تعديل وزارى وسوف يبعد المسار عن مسار الحكومة .ياخى زمان اهلك قالو ليك احسن ليك تكون من الجماعة اسع لا الصادق ديارك ولا الشعبى ولا الجبة الثورية ذبحوك مثل الثور ,,,,,,

البقارى

ههههههههههههه المزة تكسب!!!! طبعا يا مسار يا حمار عايز البشير يكسر بخاطر سنويه العسل دي وزوجة الكوز الخطيييييير منتج ساحات الفداء عشانك انتا؟؟؟؟ وبعدين عوض جادين دا صور واخرج البيان الأول للسيد بشة في مقر منظمة الدعوة الاإسلامية يعني دافننو سوا يا هوا. هههههههههههه امشي شوف ليك بقر اسرح بيهم مع اهلك المسيرية احسن ليك

الامر طبيعي يا ناس وعاااااااااااااااااااااااااااااااااااااااااااااااااااااااااااااااااااادي جدا

وليس الامر لا يتعلق بمسار وحده بل بكل الوزراء والمسئولين من غرب السودان وشرق والجنوب سابقا وارجو من الاخوة عدم الشماته علي مسار لان كما ذكرت وزراء ومسئولين الاتجاهات المذكورة اعلاه السابقين والحالين
يكون الواحد فيهم موجودة صورة ولا يحق له اصدار امر او التوقيع علي مستند من دون الرجوع الي غيره لاخذ المشورة و توقيع سيده والا مصيره ان يقع في مهزلة نهار الحالية:

الان كما تلاحظون الحاج ادم عامل فيها الكل في الكل لكن اعلموا يا ناس الراكوبة اذ لم ينسق مع السيد لا يستطيع ان يكتب اسمه في مستند ناهيك عن عزل او اقاله او تعيين او انتقاد احد

ما شفتوا الحصل الحصل شنو للترابي حينما بدأ ينظر ويفرفر اعطوه انذار وحينما اصر علي فرض رايه : ماذا حدث للترابي ؟ رمو في الشارع زي وزي اي فطيس

وعلي الاخ مسار الان ان يلتزم الصمت لان النظام لا يتردد في رميه في الشارع اليوم قبل الغد

انصح مسار بان ياكل ويشرب ويسرق كما يسرق الاخرون ويكذب كمان ويبادلهم الابتسامات الزائفة نعم عليه ان يضحك ويبتسم في وجه اسياده بل يمجدهم ويثني عليهم حتي يستطيع ان ياكل ويشرب وحينما يعود منزله : يقول ليهم الحلة فيكم وفي حكومتكم

بصراحة احرجنا رئيس الجمهورية والقرار يعتبر بمثابة وآسطة لمواصلة الفساد وحماية الفاسدين وان كنت لا اعلم شيء عن عوض جادين ولكن هناك لجنة تحقيق مواصلة لعملها ويجب ان تنتهي من عملها والبريء تثبت براءته ولكن قرار الرئيس اصبح كانه منح المفسدين صك براءة

واذا كان القرار صدر من اجل عيون المجاهدة سناء حمد المتصورة مع ابن نافع يعني ان نظام الخيار والفكوس شغال ولا تغرنكم نفرة هجليج والوطن يكرم باهلة وليس بشلة حثلاء فاقدي هوية اتوا من حيث لا ندري واصبحوا يتحكمون في مقاليد الحياة كيفما شاؤا والايام دواليك

يا مسار ايه الدخلك فى اختبار قوة مع سناء حمد و ايه الخلاك تحاول البحث فى فساد الكيزان، الوزراء و المساعدين تمومة الجرتق و الكومبارس عليهم السمع و الطاعة و اغماض عيونهم عن فساد الكيزان و أقربائهم و حاشيتهم، و الا سيكون مصيرهم الاعفاء.

الوزير الهمبول انضرب تمام (بقوة ناعمة.
وعلى قول الشاعر :”نديك بي كفوفنا .. لما تتكفا!!”

وتعيش وتاخد غيرها .

دى دولة اليبانى الفيها الرئيس اوقف تحقيق او ادخل فى القضاء

انت والجماعة اللي علي شاكلتك كمبارس ليس الا . اللي وداك شنوه تتقمص بعض ادوار البطولة؟؟؟؟ كان قعدتا في (كمبارسك)ماكان احسن ليك ؟ ولا انت كنت مصدق انك بقيت وزير كامل الدسم؟؟ يااخي ماعارف انت راجل مسكين ولا عبيط ؟؟؟ مع العلم انك في البداية اتبجحت لينا بأنك وزير بكامل الصلاحيات وانك حتعمل وحتعمل , لكن طلعت واهم واحلامك بقت احلام زلووووووووووووووووووووووووظ

الحكاية بكل بساطة مش مشكلة سونا الحكاية حلقة برنامج في الواجهة التي قال فيها مسار انو المسيرية تمثيلهم ظعيف في الحكومة

طيب يا ثور الله الانطح ما قلت داير تحارب الفساد ؟ واللا عارف الزول دا يمكن يجرجرك انت او يجرجر اخوانك ويورطهم عشان كدا حليت لجان التحقيق والله انك اكبر منافق يا عمر البشكير لعنة الله عليك

ظاهرة الوزير الديكوري في طريقها للأنقراض !!

يبدو أن الصدام بين الساسة الجلابة ومواليهم من أنتهازي الهامش اتاً لا محالة. تعود الساسة الجلابة طوال مسيرتهم السخرية وأستصغار الوزراء والمسئولين من أبناء الأقاليم المهمشة، حتى وصلت بهم الصفاقة درجة أن يوجه مدير الإدارة وزير الوزارة ويامر المرؤوس الجلابي رئيسه الوزير المهمش، وتتحدي وزير الدولة الجلابية رئيسها الغرابي وتنتصر عليه. فبالأمس كانت القصة الشهيرة التي أقصي بها وزير الإرشاد والأوقاف السابق أزهري التجاني الذي أخرج من الوزارة لخلاف بينه وبين مدير الهيئة العامة للحج والعمرة السيد/ أحمد عبد الله، وهي إحدى الهيئات التابعة لوزارته. وقبلها المشكلة التي أحتدمت بين السيد/ علي محمود والي جنوب دارفور مع وزير الدفاع عبد الرحيم محمد حسين، حينما حاول قائد القيادة الغربية – نيالا أن يصدر أوامره وتعليماته للوالي بأطلاق صراح عربات المحملة بالعتاد الحربي المتجهة لدعم أحد القبائل في حربها مع القبيلة المجاورة لها، والتي أكتشفها الوالي وأمر بحجزها والتحقيق مع سائقيها، مما حدى بوزير الدفاع الأتصال بالوالي وتبادل معه الألفاظ الحادة والمهينة مما حدى بالوالي تقديم إستقالته قبل تدخل الرئيس وتطيب خاطره. والكل يذكر أنتزاع الوالي المنتخب عبد الحميد موسى كاشا من ولايته وتقسيمها مما أضطره لتقديم إستقالته.
واليوم تحالف مدير وكالة سونا عوض جادين ووزيرة الدولة سناء حمد ينتصرون على رئيسهم الوزير عبد الله علي مسار بالمراسيم الجمهوريةويضطرونه للإستقالة.

قبل كذا يوم قلنا ليكم الوزيره سناء حمد عرفت من اين تؤكل الكتف
قامت باصطحاب حماده نافع في زيارتها لهجليج … وقدمت خدمه جليله لنافع وولده
لمعت حماده وخلت الما مصدق يصدق ان حماده كان مع المجاهدين ووسط الدبابين كمان
في حين ان الحقيقه عكس ذلك تماما … حماده كان مختفيا في المزرعه بتاعت ابوه الحدادي مدادي
وعندما انسحب الحنوبين من هجليج وهدآت الحكايه … قالوا لازم نعمل حاجه لكي يصدق ما تبقي من مغفلين وسط الشعب السوداني
وعرفوا يحبكوا الحكايه … حماده نافع يظهر مع الوزيره في داخل هجليج
وهاك يا اعلام … حماده بن نافع بذات نفسه في ارض ام المعارك في هجليج
وطبعا الوزيره قدمت هذه الخدمه الجليله … ولازم تتكافآ
مين الضحيه … عبدالله مسار اساسا عنده اختلافات معي الوزيره … اذن كبش الفداء جاهز
يله يله يا مسار … يله لام بوار في غرب السودان
انت قايل الحكايه لعب يا نهار … توقف جادين وتكون لجان تحقيق كمان
وتمشي اكثر من ذلك … وتختلف مع وزيره الاعلام الفعليه وهي سناء حمد
انت ما عارف انك عباره عن ديكور فقط … عشان يقولوا لاهل دارفور ان وزير الاعلام ذاتوا منكم
انت صدقت انك وزير بجد ولا شنو … والله انت اكبر المغفلين
يله الي مزبلة التاريخ يا مسار … التاريخ لا يرحم
وقريبا كل الكيزان الي مزبلة التاريخ

هذا هو جزائك

معليش يا اخوى مسار انتى ما من الغرب ولنسيت نفسك والاهم انتى ما اسلامى معاهم ناطى ليهم مالك وهذا مصير الداخل من الشباك بليل عليه الضرب فى الظلام حسع ما تمشى الجنوب تنوم فى فندق وفى هنكن راقد مش الخفيفة بتعت الشربوات الخلى عمر البشير يطردك من الشغل بتعت الوزارة دى ? سمعت عندك رطوبه فى اليومين بتعت الوزارة لكن اشان تتعالج اركب ليك تور يفطفط بيك يشيلى ليك فى نصف ساعة . معليش معليش يا خوى تكبر تنسى .ههههههههههههههههههههههاااااااى