والي القضارف يقدم إستقالته والبشير يشكره ويصدر مرسوما بتعيين الضو والي مكلف
قالت وكالة السودان للانباء ان السيد كرم الله عباس الشيخ والي ولاية القضارف قد تقدم باستقالته من منصبه للسيد رئيس الجمهورية ? وقد شكره السيد رئيس الجمهورية علي الجهود التي بذلها ابان توليه قيادة الولاية ووجه باحالة الاستقالة للمجلس التشريعي الولائي لاعتمادها .
و نظرا لعدم وجود حكومة بالولاية فقد اصدر السيد رئيس الجمهورية مرسوما جمهوريا بتعيين السيد الضو محمد الماحي واليا مكلفا لحين اجراء الانتخابات لمنصب الوالي .
وكان والي القضارف قد شن هجوما عنيفا على نظام البشير وحل حكومته صباح الجمعة وتجئ هذه الاستقالة بصورة غير منسجمة مع تصريحاته صباح الجمعة وتعتبر مثيرة للريبة والتكهنات .
طالع تصريحات كرم الله عباس :
[URL]http://www.alrakoba.net/news-action-show-id-54789.htm[/URL]
النار ولعت
ربنا شافك والله ومرقك من هذه الشلة الفاسدة وبعدين البشكير دة هو قاعد ومعاهو ابوريالة والعفين والمتعافن وشابفين الرجال بتقدم فى استقالاتها وهم ما يقدمو برضو استقالاتهم ولا خايفين من راجلهم اوكامبو
والله الجنائية دى وراكم وراكم ولما البشكير ومعاهو الحمار يمشو لاهاى قايتو انا من هسة حاجز وداد بت بابكر يا شباب عشان تعرفو .مش هم قالو عايزين يتزوجو نسوان الشهدا نحن كمان عايزين نتزوج نسوان مساجين لاهاى
دهية فيكم يا حرامية
ضيعت فرصة ذهبية لجاهير القضارف كنت تظل والياً حتى توفر لهم الغطاء الامنى اذا تظاهروا مطالبين بحقوقهم المسلوبة.
رسلو ليهو الشريف عمر بدر هرشو من الصباح وقطع ليك قلبو وكتبو استقالتو بى يدو .. افو الرجاله تطير يا الكريم والله ديل انت ما عارفهم ساى قلبو ليك خلاص الوش التانى بكون طلعو ليك الصور والافلام والحاجات التانى من تحت الدرج مش الله يكون فى عونك
لله درك يا كرم الله و يا ريت كل الولاه يحزو حزوك
لله درك
هؤلاء اخيث من مشيئ علي هذة الارض لا يعش معهم الا شخص محتال لص ليس لة ضمير ولا انسانية لقد نهبو خيرات السودان وقسموة وزرعو الفتنة والقبلية بين الناس لقد استخدموو نظرية فرق تسد الله ينتغم منهم في الدنيا والاخرة .
بعد ملهاه مسار كنا نمني النفس بفلم جديد اكثر امتاعاً لكن يا فرحه ما تمتش.
على كل حال في انتظار نهايه مسلسل التساقط الكبير.
بهذه الروح الثوريه عليك يا اخ كرم الله ان تقول العندك لأن التاريخ لا يرحم رغم دعاره ذاكره الشعب السوداني.
لم يقدم استقالته
تم تهديده بقوة السلاح
مليشيا البشير
غدا لناظره قريب
ما دام عايز تقدم إستقالتك لزوم الجعجعة شنو يا شروم الكدمبوس؟؟؟؟؟؟؟؟؟؟؟؟؟؟؟؟؟؟؟؟؟؟؟
ويتواصل تساقط قطع الدومينو
بدأها قوش ثم كاشا وبالأمس مسار واليوم كرم الله
يبدو أن البشكير سيضطر لمحاربة جميع أقطاب حزبه في نهاية الأمر
أقول ليك حاجة يا بشة خليك من تحرير كاودا أمشي حرر النادي القبطي بالأول
واحد اثنين ثلاثة كوووووف
الدور على منو؟
لقد بداءت الحركة الاسلامية فى شمال السودان بناء حركة بديلة …… غدا يعود هؤلاء باسم مختلف ويخرج الشعب فى استقبالهم كالابطال ….. وتستمر اختلافات امة السودان ككل … دوما كالساقية مدورة ….. ما اطيبك لباحثى عن الحكم ايتها الامة الساذجة
بالعكس بكرة كرم الله يرجع زي ما فعل صلاح قوش .. ويقول أن ما زلت مخلص للمؤتمر الوطني ومنهجه ودستوره ولا زلت جندياً في خدمة الحزب .. إذا كان قوش كسروا أنفه .. كرم الله ههههههههههه
حفر قبرو بيدو شىء متوقع ولكن قياسا بتصريحاته هذه استقالة قسرية وبعبارة اخرى اجبر عليهاوذهبت صريحاته مع الريح
إقالة كرم الله أمر متوقع وفق معطيات المشهد السياسي
أشعل فتيلها كرم الله بنفسه ذات خطبة هوجاء غير مرتبة و لا مهندمة
و خطط لها المركز بكل هدوء و روية و ساعد كرم الله في سبكتها بتصريحاته المثيرة للجدل ما زاد الطين بله و عجل بنهايته دون أي إنجاز يذكر ..
سيذكر كرم الله بأنه كان والي مثير للجدل
و ستذكر كلماته التي كان يوزعها في خطابه الجماهيري ( كما البشير )
و سيذكرالتاريخ ان أهل القضارف أجمعوا على حكومة من واليها إلى خفيرها من أبناء القضارف
و سيذكروا أن هذه الحكومة فشلت فشلا زريعا ً بل و عملت على تأزيم جميع المشكلات التي كان يجب أن تقوم بحلها أو قطع شوط كبير في حلها ..
هذه الأحداث المتلاحقة و المؤسفة حقا ً تذكرنا ببراقش التي جنت على نفسها و أهلها
و لعل الخاسر الأكبر هو إنسان هذه الولاية المغلوب على أمرها الذي يفوض أمره إلى الله في أن يريه بأسه في كل من مسه بضيم أو أساء معاملته و خيب ظنه ..
المتابع جيدا للاحداث لايصدق ان كرم الله قدم استقالته لانه بعدما رجع من الخرطوم غضبان حل حكومته وحل محلها اللجان المجتمعيه ولكن اكيد اجبر على الاستقالة فقدمها ….وماذا بعد الاستقالة؟
ماانت منهم فى شى لااخلاقك ولا مبادئك ايها الثائر الحادب على مصالح اهله وشعبه بل هم يريدون من يسرق القوت ويرتكب المنكرات وفى الاصل انت لست فى حوجه لمنصب او مال التفت الى ماهو اجدر بالاهتمام
بداية النهايه ايها الشعب الطيب لنظام غادر وفاجر بحول الله
مافى فيدرالية ولا اي نوع من الحكم العادل ولا دميقراطية ما دام هؤلاء
العسكر المسيس الأتى بالواسطة
الطائفية بعجائزها وترقية ابنائهم
المتأسلمين والطاعة فى مخالفة الدين واتباع الفساد والمفسدين
لازم نظام جديد يعدل كل عفن السياسة وابعاد مفسيديها
ولابد لنا للحفاظ على وحدة السودان التى يغامرون بها لارهاب الشعب
هذا هو الوالى الثالث والبرلمان لا يستطيع مناقشة الموضوع ولا مخالفة الرئيس
برلمان المرتبات والبدلات والحوافز
مؤشر لانهيار النظام طبعا هم بينسوا انهم بين ليلة وضحاها يمعطهم الشعب السوداني وما حيفلتوا من العدالة لانهم ملفوظين لدي اي دولة
احسن من جعجعة ارجع توب قبل ما يصادرو اراضيك الزراعية وتكون ضحية تهورك الحكومة غلطة لما جابت واحد ذيك
كتبت من قبل ان حزب المؤتمر الوطني لديه ملفات كاملة عن كل عضو من اعضائه عن فساده و سرقاته وفضائحه الاخلاقية يهددون بها كل من حاول رفع رأسه و خرج عن خط الحزب و كان ان حمل الشريف بدر هذه الملفات و توجه بها الى الوالي كرم الله و ربما هدده بان هذه الملفات ستلم الى بعض كتاب الصحف فكان ان خمدت ثورة الوالي باسرع من الاندروس الفوار وسارع بتقديم استقالته
لقد بدءوا في الهروب بل التسلل واحدا وراء الاخر هناك ملاحظة الا وهي:اذا رأيت التجار يغادرون بلدا ما فتيقن بأن اقتصاد البلد في تراجع و هذا ينطبق الان على حكومة البشير فلو كان في القصعة لقيمات من ثريد لما قدم هؤلاء استقالاتهم .
الي مزبلة التاريخ ياكيزان
كم رجلا مثلك في السودان خلي والي جنوب دارفور يتعلم منك
دةلعب محترفيين كبار لابد من جناح معارض داخل الحكومة كي يخلق توازن ويوهم الشعب بان اجل الحكومة قرب وتسنمر المسرحية بين الترابي والطيب مصطفي والان كرم الله عباس
هؤلاء اللصوص ما بيشبهوك ياكرم الله وانت تربية في بيت عز ما محتاج لمال السحت
وما كان تقدم استقالتك كان تيقي ليهم عظمة حوت والجميع يعلم منذ انتخابك بانهم
سيحاربوك الي ان تستقيل وقد تحصلوا الي ما يريدونهشوف مصالحك وزراعتك وادارة
اعمالك الخاصة وستري ما سيحدث للصوص من الشعب السوداني
الفئران أول من تقفز من السفينة الغارقة.
من ادب الاستقالة ان تكون باسباب تقدم معها وتنشر على الملا الا اذا كان هنالك حاجات تانيه حاميانى عشان مانستعجل ونعمل منو بطل ويطلع لينا كرمبو
اصبر وشوف يا كرم الله الزمن بوري على محمودشنو الان هوطلعو فوق فى الشجره العرب بقولوا طلعو الشجره وشوف سروالو
من كرم الله انو كرم الله غار في ستين ….بناقص واحد اما مسألة النزاهه دي في قاموس الجماعه ديل مافي
لانو الفساد متحد مع جيناتهم
كرم الله من انزه الرجال في السودان وعندي هو الاول لانه قال كلمة حق في زمن ضاعت فيه الحقيقة وان كانت الاستقالة حفظ لكرامة ماء الوجه الا ان توقيتها غير مناسب طالما انه منتخب من قبل الشعب فليقف في صف الشعب الى النهاية لايتركه لهؤلاء اللصوص يسرقون مقدراته صدقني ان ذهب الوالي قدما في معركته مع المركز سيقف شعب القضارف كله من وراءه بل الشعب السوداني باسره وتكون بداية حقيقية للثورة المرتقبة ضد الكيزان
الكثير من القيادات السياسية والتنفيذية تدري ظلم هذه الحكومة واحتكار مجموعة محددة لموادر البلد ولكن لا احد ينتقد ذلك لانهم جزء من هذه الحكومة وبعضهم لدية ملفات سوداء واذا ابدي عدم رضاء عن برنامج الحكومة يهدد بكشف ملفه الاسود فيسكت ، اما اصحاب الملفات البيضاء لا يخافون من اي تهديدولذلك ينتقدون جهرا نظام هذه الحكومة وربما يعد هذا مؤشرا لصحوة ضمير قبل فوات الاوان وعلي ان هناك وطنيون وليس (وطنيين)
أنا غايتو مستني نطيط الكبار
النوع البقول جوومبولوغ
نحسب ان هذه الاستقالة ادب جديد ترسيه الانقاذ لناس لاتاحت المجال لشباب و تصعيد الكوادر الوسبطهة ، فلنسال انفسنا كم وزير استقال من الحكومات الاخر مقارنة بالانقاذ
استعجلت ياكرم الله وكده حتخلي شعبك مكشوف
وضحروا عريان
للحمير والبلطجيه
الكيزان؛
بعيدا عن الخبر … بسأل ناس الراكوبة ما لقيتو صورة مرافقة للخبر غير الصورة القبيحة دي … عملتوا لينا بها ضغط … الله يرضي عليكم شلوها.
قالو التساوي في الظلم عدل – وكيدهم في نحرهم
شكلة اخد ليه قرصة اضان حارة
و الله يا جماعة زمان فى القضارف الواحد لما يعمل حاجة مشاتره او يتصرف تصرف غبى كنا بنقول ليهو و الله العملية دى الضو ما بيعملها ،،،، الآن الضو ولى علينا ،،،، يا ربى بيضم القضارف لاقليم التقراى الاثيوبى ولا اقليم بركة الارترى !!!
والله تكشيرة ماجابت لينا الا الجلا……..اعوذ بالله………يااخي فكها قيراط واحد انشاء الله.
هذة ثقافه دخيل وجديدة لاحزاب الشماليه ? لآن هذه الطريقة معروفه بها حزب الحركه الشعبيه وهى تقديم الاستقالات لانهم مدربون على الوطنيه الخالصة وليس الهروله وراء الاموال او الوظيفه ? لكن الشيخ كرم لله اتى بها من باب رجلآ يخدم الشعب فهذه مسؤلية امام لله والشعب رغم ليس لى شى معك الآن وانا ليس من جمهورك لكنى الحق يقال علمتهم مدرسه جديدة ?
الدرب اليودي ما يجيب وعقبال العمالقه…………..
يا ود القضارف
البيقرأ دواسك مع وزير المالية بقول
الجمعة للمسلمين
والسبت أخضر
والله راجي الأحد عيد اليهود
والله قلنا جنوبك النيل الأزرق والشرق كلو حقك
لكن والله صعبة
أموت وأخلي زراعتي دي لمنو
انت زول منتخب
ونسيت الناس القدموك
والله الرجال ماتو في القلابات آسف كرري
اعوذ بالله من الشيطان الرئيس
استغرب ممن يهاجم كرم الله ويدعي بان التوقيت غير مناسب!!!!! فهل يريد هؤلاء لكرم الله ان يتقدم باستقالته يوم القيامة ؟ لقد طفح الكيل فالرجل علي درايه بان حال الانقاذ المايل لن ينصلح ولن يستقيم بعد الان فلماذ يتحمل تبعة كل هذه الاخفاقات ويتحمل ذنب هذه الرعية التي هو مسأل عنها امام المولي عز وجل مع الاشارة لأن كل من يقدم نفسة ليصبح واليا او مسؤلا في عهد الانقاذ هذه فهو يرمي بنفسة للتهلكة
ظاهرة صحية والاصل اما ان تعمل ما يرضي الله ويرضيك واما ان تستقيل والمفروض ان يستقيل البشير قبل كل الناس
(ووجه باحالة الاستقالة للمجلس التشريعي الولائي لاعتمادها) هذه الديكورات من مجالس ولائية وتنفيذيةوتحادية ومعتمدية وتشريعية ووزارية ولائية وكم ولاية وكم محلية و كم معتمدية وكم مستشاريةبالمركز وجميع الاقاليم شاملة ولايات دارفور الخمس وخلافه هل هي فعلا انشئت ليمارس الشعب دوره الذي انشئت من اجله ام هي لذر الرماد على العيون كم من الرواتب والمزايا تصرف لهؤلاء الجيوش المجرررة من التنفيذيين والمستشارين وكل واحد فصل ليهو كم بدلة سفاري وعصا معكوفة وارخى لحيته وركب ليلى علوى وكلو على ظهر الغلابة اقترح على السيد الرئيس و ولو كان عنده لحظة تجلى يقوم يتجوعل مرة و يلغي هذا المسمى بالحكم الفدرالى ويرجعنا لزمن المرحوم النميري لست محافظات الخرطوم, الشمالية, النيل الازرق, كردفان ودارفور الله يرحم والديك وسيكتب عمر جديد للجمهورية الثانية بعد تحرير هجليج
الساحر والاطفال
هل سيلحق كرم الله بالحلو وعقار ويبدو أن الدالائل تشير أن الوالي الذي اجبر على الاستقالة وراءه مصائب كبيرة ربنا يحفظ البلاد والعباد من كل مكروه
ده والى موهوم ساااااااااااااكت
فى زول بناطح الحكومة
ده الحكومة يابيه
فى حد بزعل الحكومة
كرم الله بتاع الساعةكم
فى مليون كرم الله غيرو
الله ينصرك ياكرم الله وانت كرم للحق وناصرا للحرية. وظن أنك محظوظ وانقذت نفسك من محاسبة الشعب السودانى للفاسديين قريبا لقد دنى وقت الحق واليوم انت تنوم قرير العين وعفيف اللسان فطوبى لك وسوف يسجل التاريخ مجداً لك وأسرتك فاصبر أن الحق قادم إنشاء الله.
فعليك أن تعرف وتتعلم من المقولة(إن الصراع بين الحق والباطل مستمر الى يوم القيام يوما ينتصر الحق ويوما ينتصر الباطل إلا أن حتماً سوف ينتصر الحق).
كلام مشتوت أعلاه قريب من الواقع وهو احدى السيناريوهات الأقوى احتمالاً
كرهتنا ياكرم الله زهجتنا
الحكومة فى تقديمها للوظائف ان يكون خريج جامعى ان يكون الحد الادنى جيد
لمادا لا تحدد فى اختيارها ان يكون الولى بدرجه علمية مناسبة حتى لا تتعرض لمثل كرم
انها تحسب له ودليل على مصداقية الرجل وتفانيه فى خدمة المواطن الذى انتخبه والاهم ثم الاهم أن ادخل النظام فى نفق ضيق وفضح كل المؤتمرجية والسياسة الخرقاء والجهوية والدنس الذى يوجب الغسل حتى يتطهر منه البشير واعوانه من حلف الشيطان عليهم اللعنة .
يا جماعة الخير الاعمال بالنيات ولكل امرئ ما نوي ، والله الفاسد ان فلت من عذاب الدنيا ، فان عذاب الاخرة ادهي وامر ، نحسن الظن في عباد الله ، والا تكون نفوسنا مريضة والعياذ بالله ، الان البلد في مرحلة خطيرة نكون او لا نكون فلنرمي احقادنا علي جنب ولنقول كلنا بصوت واحد السودان البلد الواحد ، السودان يسعنا جميعا ، علام الشجار بيننا علاما ، اللهم احفظ بلادنا من كل شر ، اللهم وحد صفوفنا ، اللهم طهر قلوبنا ، اللهم الف بيننا والسلام عليكم
أنا أرشح كرم الله لولاية الخرطوم………..
مدخل أول:كان عبدالرحمن الخضر واليا للقضارف…وكان كرم الله رئيس المجلس التشريعى فى ولاية القضارف..وكانو الشحمة والنار..قام كرم الله حلف فى المجلس التشريعى وفى جلسة من الجلسات قائلا:لو ما مرقتو ليكم من القضارف دى جارى وشابل بقجتو فى ضهرو(يقصد عبد الرحمن الخضر والى الخرطوم الحالى)..لو ما مرقتو ليكم جارى فللى من القضارف ما أكون كرم الله…
مرت الأيام والخضر شيلو بقجتو!!!
المصيبة جابو لينا والى الخرطوم..من يوم ما جاء شغال بالفارغة..مافى مزرعة قطاع خاص وللا مزرعة قطاع خاص..ولو حتى افتتاح محل تحويادل رصيد الا وهو قدام…افتتاح محل ايسكريم..هو قدام..
نقول يا الوالى الخرطوم قذرة…ولاعليهو!!!
ياوالى.. الخرطوم عفنانة..وأنا مالى..ياوالى الخرطوم اختاروها عاصمة العفونة العربية2011…برضو مصهين..الضبان..البعوض..المجارى طافحة..مافى فايدة..الخرطوم ريحتها بطالة…تعال زورنا فى كركر..ما بجى..جاكسون..برضو ماجاى..سوق بحرى ..ماجاى ..الشهداء..برضو لا..ياخى النفايات أكياسها مالية الشوارع يومين وتلاتة..الكلاب والكدايس تنهش فى الوساخة..طناش..مافى مواصلات..نحنا فى جامعة السودان ماقادرين نتنفس وللا ناكل…مافى فايدة..والوالى ذاتو بعد ما الجيش دخل هجليج يوم الجمعة..بعد يومين قام قال نفرة هجليج..الكعة فى هجليج وهو شافوهو بيشترى المفاريك والويكة المدقوقة فى سوق الجمعة…الولية الشايلة كلاش رجعت من هجليج..ووزير التقانة اللى دخل هجليج بالركشة..رجع من هجليج..والجاز قعد اسبوع فى هجليج ورجع ..والوالى لسة ويكتو فى النار يعنى خلينا نحنا.. حتى ناسو ما شغال بيهم..يومتها هو ونافع عملو لقاء فى بيت الخليفة للطرق الصوفية يدعوهم للنفرة الشعبية..خاطبهم..خطبة ما فيها روح..بداها عربية فصحى جملتين ماقدر يتمهن..قلبها دارجى..قال شنو..يا ناس الطرق الصوفية ح نفتح معسكرات دفاع شعبى ليكم..فى محلاتكم..وفى زرايبكم.. عشان نوديكم انتو وشيوخكم لى هجليج..وكل واحد من الحوار يسلم لوحو وح نسلمو بدل اللوح كلاشنكوف..وحتى أخونا فيلو ثاوث فرج ح نعمل ليهو معسكر ومن الليلة دى حنسمى طريقتو الفيلوساوث فرجية..على وزن السمانية..القادرية..العركية..هسع أول ما يسمع كرم الله جاى والى الخرطوم..فللى مينا برى..ونرتاح!
ماذا ننتظر ايها الشعب الابي ايها الشعب الجسور كفانا مهاناوالله ووالله هذه العصابه الخائنه ليكم ولله ولدينه ولوطننا كفانا استكانه ما ح تجيبها البر الا والسودان مقسم ومصومل ووالله رويه قديمه روية حق للنبي الناس دي ماشه النار عديل اخير نبقي عشره علي الفضل من الوطن وده واجب كل سوداني والله اكبر علي النفاق الله اكبر علي كل متكبر جبار الله اكبر وابشرو بالنبي ص
للاخ العاوز صورة للقشير اجمل من هذه الصورة؟ وهل للقشير صورة جميلة، طبعا الشبه بين صورة القشير هذه وصورة الغذافي عندم كان يختال برقبته الطويلة زي الجمل المجنون، انها اقتراب النهاية
تأملوا معي نتائج الانتخابات الأخيرة للولاة – نجد ثلاثة ولاة منتخبين من (15) والي قد غادروا كراسي السلطة بعد أن رفضوا المشاركة في المهزلة – أي ما نسبته (20%) من الولاة قد تم عزلهم
المؤسف ان الدولة ممثلة في الحزب لا تعترف بانتخابهم – وتقول ان المواطن انتخب برنامج المؤتمر الوطني وليس ( زيد او عبيد من الناس) حتى يقول لا او يرفع صوته على المؤتمر ويشكو من خبث القيادة ممثلة في وزارة المالية وأموال التنمية الوهمية التي تأخذ طريقها لجهات مجهولة – على الأقل هذا ما أفصح عنه كاشا وكرم الله .
المهم في نظر البشير ونافع ووزير المالية – القسم الذي أداه الوالى مجرد شكليات
لا تترتب عليه مسؤولية أمام الله ولا أمام الناس
من الواضح ان هناك خلل في تفكير القيادة ومن يشايعها
البشير يريد ان يسوق حكومته والناس ملتزم بمنهج الطغاة (قال فرعون ما أريكم إلا ما أرى وما أهديكم إلا سبيل الرشاد ) وهنا يظهر خلل التوجه
لا شك ان البشير وأمثاله ليس خطرا على السودان كقطعة ارض فحسب وإنما على الأمة العربية والإسلامية – فعندما يحدث في جزء من العالم الإسلامي مثل هذه المهازل وباسم الدين – هنا يظهر خطر الإسلام السياسي الذي جاء بالبشير ولا زال يرى أن السلطة غنيمة والتمسك بها فضيلة حتى ولو كان بمنهج فرعون وهامان
ممكن يا جماعة رأي المركب قد اوشكت علي الغرق … قال انجو بنفسي
ومعها شوية بطولة كمان…
وفلان الفى الصورة ده مخلوع و مكشر كده مالو؟ قالوا ليه أوكامبو واقف فى الباب؟
انشاء الله ربنا يحشرك مع شبهك ابولهب وامراته حمالة الحطب تكون انت ثالثهم .. امين
ما اطيبك لباحثى عن الحكم ايتها الامة الساذجة
آخر المعلومات ان كرم الله لم يقدم استقالته وانه اثناء الاجتماع به فى الريض تولى الوالى الجديد منصبه فى القضارف وباشر مهامه على الفور وبعد ذلك تم الاعلان عن استقالة كرم الله وقد تم احتجازه فى الخرطوم تحت حراسة مشددة حتى لا يقوم بعمل مضاد فى القضارف وسوف يستمر احتجازه حتى تهدء هذة الامور هنالك ويتم تناسى امر كرم الله من قبل اتباعه والان وردت اخبار عاجلة من هنالك تفيد بان اعوان كرم الله بدءوا فى التجمع استعدادا للتظاهر غدا الاحد فى مدينة القضارف وسوف تتطور ردود الافعال على اعفاء كرم الله الذى يعرف انه لديه شعبية كبيرة فى مدينة القضارف وجنوبها مما ينذر بانفجار الوضع وتتطوره
صورة معبرة لبطة افريقيا العرجاء فى مؤتمردولى يتلفت عاوز يكسر رقبتو ليهم حق ناس ملاوى يرفضوا دعوتك لان كيسك فاضى لايوم قلت خطاب يهز ويرز بالانجليزى لايوم حليت ليك مشكلة دولية بل العكس كل دول العالم بتحلحل فى المشاكل العملتها وصرت كالحصان الاجرب علاجه واحد بس