علقة ساخنة لعريس من متهمين تقدم لخطبة والدتهما

لو العريس زول كويس ومحترم ومسؤول ومتدين ( بمعنى تقي مش مدين من الدكان ) .. فلا معرة من زواجه بأمهم .. فالسترة حبابه والله ..
مش دا احسن من انطلاقة الام ..
يمكن هي عايزة العرس يا جماعة .. والعرس احسن من الانطلاقة

رأي الحاجة شنو يازول!!!! ديل ولادها بيدقوا معناها ليهم عضلات معناها رجال بشنبات … عرس شنو تاني التفتش ليهو الحاجة دي.
عندنا زميلنا رحمة الله عليه قال لي مرة نوعية النسوان ديل الكانن مغتربات وبقن ارامل بيكون سوقهن حار خصوصا لمن يكون ليها رصيد من ابو وليداتها وياسلااااام كمان لو كان عندها بيت!!!!!

ياحاجة العرس اليكسر ركبينك شوف بلاي المرا دي!!!!!!

الزواج….اكمال للدين.

يا حليلهم – المساكين ما تحملوا فكرة زواج امهم- والله عرس الاب ذي النار خلى الام – وفي الاخير لن نحرم ما حلل الله

تمام مافي أي شخشخة ياحاجة انعلي ابليس وشوفي ليك سبحة وتبروكة وما تعملي للأولاد نفسيات مع علمنا أنه من حقك شرعاً لكن لازم تضحي وتحتسبي عشان الأولاد والله بنات في عمر الزهور فقدن أزواجهن لكن من زجل الصغار رفضت كل من طرق الباب

والله غايتوا المرأة السودانيه مظلومه ظلم لانها واقعه تحت سيطرة بعض الرجال الجهلاء والاميين ياخوانا دي الحياة والمرأة برضوا زي الرجل ربنا اعطاها احاسيس ومشاعر وربها اعطاها الحق في ان تتزوج مره تانيه بعد طلاقها او بعد موت زوجها ليه بانانيتكم تحرموها الحق ده .

كدي يا اخواني هدوء اللعب شوية واعقلو وخلو امكم تعرس اذا كان العريس مافيهو عيب ومافي انسان مافيهو عيب اقصد بخاف الله اذا اتاكم من ترضون دينه فزوجوه

هذا هو الجهل بعينه وهذا هو عقوق الوالدين… أيرضى هؤلاء الجهلة أن تعيش والدتهم بلا زوج محرومة من حقها الشرعي، أم يريدون لها أن تسلك مسالك الحرام لتشبع رغبتها.
هذه المرأة من حقها أن تتزوج وبإخبارها لأولادها بأمر هذا الخطيب تكون قد سلكت الطريق الصحيح لأن الإبن يتقدم على الأخ في الولاية على المرأة، وبالتالي يعتبر أولادها هم أولياء أمرها، ولكن بأفعالهم هذه يصبح الحاكم هو ولي أمرها… ده كان عندنا حاكم مسؤول.

انا ما محتار فى الاولاد ديل ، المحيرنى بعض الاخوة العايزين ياخدو الحق الاداهو ليها الدين فى الزواج …

يعنى بصراحة مجتمع موغل فى الذكورية بشكل ما عادى ، ياخ الحاجة حتى لو عمرها 100 سنة وعايزة تتزوج من حقها ، الراجل تلقى عمرو اكتر من 70 سنة ومزوج اتنين وباحفادو وبعد يزوج واحدة اصغر من حفيدتو والمجتمع ما بيقول حاجة شفتو مرض اكتر من كده

وبعيد من بنية الوعى التناسلية الاخت دى ممكن محتاجة لحاجات تانية كتيرة من الحياة الزوجية والزواج ما جنس بس

المعذرة لكن الاولاد ديل متخلفين جداُ لأنو مهما كان رأيهم الموضوع ما بحتاج ضرب وشكل

ياجماعة استهدوا بالله التباري والباقين وهاكم دي في واحد امه تشكي علي طول بسبب وبدون سبب اخيرا قرر ان يزوجها وفعلا تم زواجها وسعدت بذلك كثيرا جاء سألها اصبحت كيف ؟ بعد اول يوم ردت قالت ياولدي اصبحت تمام ان شاء الله تصبح نبي

أنا أحي هذه المرأة التي تبحث عن العفاف ولكن المشكلة أن أولادها ديل متخلفين وكلام الأخ مصطفى كونج في الصميم وما في داعي يا ناس تزوغوا من حقيقة أن المرأة من حقها أن تتزوج الرجل المناسب صاحب الدين والخلق. المجتمع السوداني ده غريب جداً إذا المرأة أم أولاد وزوجها متوفى وعايزة تتزوج من أجل العفاف ووب وإذا انطلقت ووبين