ارتفاع أسعار العقارات بشمال بحري والأزهري الخرطوم..توقعات بتغير الاسعار بعد معرفة نتيجة الاستفتاء..الجنوبيون يمتلكون أراضى كثيرة في مناطق محددة
شهدت أسعار الاراضي ارتفاعاً ملحوظاً بمنطقتي أم القرى شمال وجنوب ببحري وعزا حسن حاج علي – تاجر اراضي ببحري – ارتفاع الأسعار الى قلة الأراضي المعروضة للبيع، وقال حسن – نادراً ما توجد قطعة معروضة، وكل المساحات تم استغلالها، واضاف: موقع القطعة يتحكم في أسعارها حيث يتراوح سعرها بين (65) ألف جنيه بالقرب من شارع الاسفلت، وتقل تدريجياً الى (35 – 45) الف جنيه بالداخل.
وفي ذات السياق شهدت أسعار العقارات بمنطقة الأزهري بالخرطوم ارتفاعاً ملحوظاً تراوح بين (100 – 170) الف جنيه. وأوضح حمزة البساطي لـ (الرأي العام) ان قطعة الأرض بمربع (5) الأزهري تبلغ (60) ألف جنيه، الى (170) الف جنيه، وبالشهيد طه الماحي (100 – 150) الف جنيه في مربعات (2، 3، 1)، حسب المواقع حيث يرغب الكثيرون في القطعة الناصية. وأشار حمزة الى كساد شديد في سوق الأراضي بعد اقتراب الاستفتاء، وقال الجنوبيون يمتلكون أراضى كثيرة في مناطق الاندلس الجديد، وان مساحات واسعة لم تسكن بعد.
وأضاف: تبلغ القطعة بمنطقة الشروق المجاورة لمنطقة مانديلا (20) الف جنيه، وتوقع ان تحدث تغييرات في أسعار الأراضي بعد معرفة نتائج الاستفتاء سبب التخوف الاساسي والاحجام عن الشراء في هذه الأيام.
الخرطوم: بابكر الحسن
الرأي العام
ياجماعة سعر الارض فى السودان فقط يمكن ان تشترى به فيللا من ثلاثة طوابق فى الولايات المتحدة او بريطانيا.اسعار خرافية ووهمية .الحكاية كلها انو الجماعة اصحاب المشروع الحضارى شغالين فى غسيل اموال المخدرات والدعارة على مستوى العالم .وسبق ان صرح المتحدث باسم الخارجية الامريكيةبان السودان مركز كبير لغسيل الاموال مع دول اخرى
من الملاحظ أن غالبية الذين يشترون أراضي في الخرطوم يأتون من المناطق النائية والبعيدة منها كالشمالية وكردفان ودارفور باعتبار توفر جميع الخدمات في العاصمة ..
ولكن نلحظ أيضاً أن القريبين من الخرطوم لا يشترون فيها أراضي كالجزيرة نظراً لتكامل الخدمات بها والواحد ممكن يركب من قريته أو مدينة وفي ساعاتين على الأكثل يقضي حاجته ويرجع في نفس الساعة ..
صاح عليك يا سومي العسل
وأزيد إن ناس الوسط الخدمات عندهم فل وبعدين قريبين من الخرطوم وبعتبروها لحم رأس وحر ووجع راس يادوبك الواحد بس يجي يخلص حاجة في ساعة وعلى طول بيرجع … و يشتروا فيها بيوت لكن للإيجار وليس للسكن ..
والخرطوم بيوتها ضيقة أما هم فنظام سكنهم حوش حدادي مدادي ايه اللي يجبرهم على الضيق ..
أما ناس الشمالية فبلادهم بعيدة وصعب الواحد يجي في ساعة أو ساعتين ويرجع عشان كده بيشتروا فيها البيوت ويقعدوا على طول ..
بالله عليكم شوفوا حكومتنا الوهم دى. كل الخدمات متوفرة فى الخرطوم وبقية الارياف والاقاليم مهملة . يعنى مثلآ لو تم الاهتمام بكل مناطق السودان وتم توفير البنيات الاساسية من كهرباء وموية وتعليم وصحة وخلافه ما أعتقد واحد يسيب اهله ودياره ويجى للخرطوم ويعيش فى القرف ده والزحمة دى. كان اول حاجة انخفضت اسعار الاراضى والواحد بدل ما لاقى ليهو قطعة ارض حيكون عنده اراضى فى كل اركان الخرطوم. اتمنى حدوث انفصال حتى الجماعة ديل يفوتوا مننا ويسيبوا لينا الاراضى دى