حزب الترابي يرفض مبادرة حزب البشير لوحدة الإسلاميين
الخرطوم: أميمة
جدد المؤتمر الشعبي رفضه القاطع للمبادرة التي طرحها القيادي بالمؤتمر الوطني عباس الخضر لوحدة الإسلاميين والمقترح الذي تقدم به حزبه لإعداد الدستور الدائم للبلاد، وقطع بأنه لن يقبل بأي مبادرة يقف وراءها الوطني في أي قضية من القضايا، لأن قرار هيئة القيادة هو إسقاط النظام. وحمّل الأمين السياسي للحزب كمال عمر عبد السلام الحزب الحاكم مسؤولية الأزمة الاقتصادية والتردي في الساحة السياسية بالبلاد، واندلاع الحروب الداخلية ونذر المواجهة مع المجتمع الدولي، وقال إن الوطني فقد الأهلية والمقدرة السياسية وبات غير كفء لإدارة قضايا البلاد، وقال عمر خلال حديثه في المنبر الإعلامي لأمانة الشباب بحزبه أمس سنتوحد مع الإسلاميين لكن ليس شاكلة الوطني حسب وصفه، لأننا مع الإسلاميين الذين قرروا إسقاط الوطني. وأضاف لن نتعاون معه حول الدستور حتى لا نكسبه شرعية دستورية وسياسية، وقال إن الشعب يؤيد القرار (2046) الهادف لمعالجة التوترات بين السودان وجنوب السودان، وتوقع تقديم الحكومة لتنازلات في المفاوضات الجارية الآن بأديس أبابا.
آخر لحظة
و نرجاك انت يا الترابي ؟؟
كفا الماسورة الركبتها فى البلد من قوانين سبتمبر خليتنا لحدي الليلة نتململ
و غير كدا الجاب الجماعة ديل بالانقلاب منو تجيك ام كلعلع
بالغتوا يا ناس الوطني …
يعني عاورين تبيعو الماء في حارة السقايين
all of you are one
رضينا بالهم والهم ما راضى بينا ………..ضاقت عليكم جميعا
كفاية قرف كرهتووننا اسلاميون اسلاميون ،الاسلام برئئئ منكم ومن الزيكم ديل،عشان كدا بعد النظام يتغير بإذن الله ماعاوزين اي حزب على اساس او قواعد دينيةأو عقدية او طائفية او جهوية او قبلية عديييييل كدا ودي اسباب البلاء والمشاكل الحاصلة دي.
دورو لينا بس في السياسي والاقتصادي والاجتماعي دا ،نحن خلااااص عينا طلعت .مسلمين يتلاقو في الجوامع والمسيحيين يتلاقو جنب الكنائيس.
ديل بستخفوا بالعقول،بدل النظرة تكون للمواطنة يقعدوا الظلاميون ديل ينظروا ليك بأنك انت مسلم ومسيحي ،كفاااااية ظلااااااااااااااااام وظلم.
اي واحد ما ينظر للناس على اساس المواطنة او انهم سودانيين وبس ،دا المفروض يعدموهو طوالي لانو انكار او عدم احترافك بمواطنة الآخر دا خيانة عظمى.
انتم وابناء عمومتكم واخوالكم سبب كل الكوارث الحاصلة الآن .