خبير : جهاز الأمن و المخابرات سينهار و الأزمة الاقتصادية لن تحل
كمال سيف
سألت الخبير المصري اللواء مصطفي شاهين أبو العينين الخبير الإستراتيجي في شؤون الأمن عن المدة التي يمكن أن يصمد فيها جهاز امن أية دولة في مواجهة الاحتجاجات الجماهيرية و خاصة في دول العالم الثالث؟ و قال مازحا قول يا عمي أمام جهاز الأمن السوداني و “ما فيش حد حيبلغ”. قلت فليكن.
قال إذا كانت التظاهرات عريضة جماهيريا و متواصلة إن جهاز الأمن مهما كان كبر حجمه و باعتباره قوه شبه عسكرية فيستطيع أن يصمد مدة ثلاثة أيام ثم يبدأ الانهيار للمؤسسة باعتبار أن الفرد نفسه عنده قدرة محدودة علي السهر و العمل المتواصل ثم يبدأ جسمه يضعف و لا يقوي علي التحمل و بالتالي يستعين النظام علي طول بالقوات المسلحة. أما إذا كانت التظاهرات غير واسعة ربما تقمع. إلا إذا لجأت إلي التكتيك أي أن تكون متفرقة في أماكن مختلفة و متحركة وسط الأحياء و متواصلة فإنها سوف ترهق قوات الأمن و تمنعها من التركيز و في هذه الحالة أيضا سوف لن تصمد طويلا ثم يدب الإرهاق و التعب وسط أفراد الأمن و يبدأون في ممارسات انتهاكات حقوق الإنسان و إطلاق الرصاص و غيرها من أفعال العنف و هذه دلالة علي الانهيار و ليس أمام النظام غير ألجوء إلي القوات المسلحة و هذا يعتبر الفعل النهائي للنظام لآن الخطوة غير مضمونة العواقب لآن قادة الجيش بوجودهم في الشارع إذا شعروا إن الشارع مصمم علي مواصلة التغيير فسوف يحسمون الأمر بسرعة لصالحهم إذا كان المجتمع لا يعاني من مشاكل الطائفية مثل ما هو يحدث في سوريا حيث إن أغلبية قيادات القوات المسلحة تابعين للأقلية العلوية و هنا دفاعهم ليس علي النظام أنما علي الطائفة.
و في السودان بدأ قيادات المؤتمر الوطني تفقد أعصابها تماما و كانت تعتقد أن الناس لن تخرج في تظاهرات الجمعة و إذا خرجت لا تتجاوز أحياء قليلة من العاصمة لذلك كثفت وجود قوات الأمن في بعض الأحياء و أهملت بعض الأحياء التي تعتقد أنها لن تخرج بحكم التقارير الأمني التي وصلت رئاسة جهاز الأمن و المخابرات الأمر الذي جعل الجهاز يركز علي بعض الأحياء و قد فاجأت الجماهير الجهاز بخروج الناس في العديد من أحياء العاصمة مما جعل تفكير قيادات الجهاز مشتته الأمر الذي جعلها تزيد العنف ضد المتظاهرين و إذا استمرت التظاهرات بشكل متواصل في كل الأحياء بشكل تكتيكي حتما سوف تجعل قوات الأمن سريعا جدا و هذا ما يحاول أن يمارسه شباب السودان.
قال أحد الأخوة الصحافيين إن الدكتور أدم الحاج يوسف نائب رئيس الجمهورية و رئيس القطاع السياسي في حزب المؤتمر الوطني عقد اجتماعا مغلقا مع بعض الصحافيين المنتسبين إلي المؤتمر الوطني و مجموعة الإسلاميين في السلطة و حضر الاجتماع نائب رئيس حزب المؤتمر الوطني الدكتور نافع علي نافع و أكدوا للصحافيين و منهم من هم رؤساء تحرير للصحف أن التظاهرات التي تنتظم هذه الأيام هي تظاهرات تأمر تنفذ أجندة أجنبية و هي مدعومة من قبل الولايات المتحدة و بعض الدول الغربية حيث أن مخابراتهم رصدت الأموال التي جلبتها بعض أحزاب المعارضة من الخارج و قال الدكتور يوسف إذا سقط هذا النظام يعني سيطرت القوة العلمانية و الشيوعيين و سوف يصبح الإسلاميين مطاردين طوال حياتهم و تقام لهم محاكم مثل محاكم التفتيش و بالتالي يجب علينا أن نوعي الشعب السوداني بالمؤامرة التي تحاك ضد البلاد لهذا يجب أن نقلل من المقالات النقدية للنظام و المعالجات الاقتصادية الحالية و نطمأن الشعب أن الصبر لن يطول بهدف تهدئة الناس و عدم انجرارهم وراء المعارضة حتى نستطيع تجاوز الأزمة الحالية.
قال أحد الخبراء الاقتصاديين السودانيين في قسم الحسابات الجارية ببنك السودان إن العملة الصعبة التي دخلت السودان من خلال ريع البترول و الصادرات السودانية و تحويلات المغتربين السودانيين منذ مايو 2011 إلي مايو 2012 تبلغ حوالي 9 مليار دولار أمريكي و هي المقيدة في سجل بنك السودان و المبالغ التي خرجت نتيجة للتعاملات التجارية و العلاج و غيرها تبلغ حوالي 5,4 مليار دولار و إذا اعتقدنا المهرب من العملة خارج القنوات الرسمية 500 مليون دولار و لا اعتقد تزيد عن ذلك تبقي 3,1 مليار دولار و هذا المبلغ غير موجود حاليا و هذا يؤكد إن هناك مبالغ كبيرة من الدولار مخزنة عند بعض السودانيين في داخل السودان و هذا يؤكد إن هناك من كان يشترى و يخزن داخل السودان. فقلت من الذي كان يخزن داخل السودان؟ قال من الذي بيده القرار و يستطيع أن يسحب. قلت من البنوك قال طبعا لا هم ليس أغبياء- هم يشترون من الصرافات و قال إذا كان هؤلاء يريدون حل الأزمة الاقتصادية لماذا اشتروها من الصرافات ثم بعد ما جففت أصدروا قرارات يرشدوا فيها التعامل في العملة الصعبة.
سألته هل هناك أية حل للمشكلة الاقتصادية التي تواجه البلاد و تخفف علي المواطنين؟
قال المشكلة الاقتصادية هي كيفية الحصول علي النقد الأجنبي و لا اعتقد هناك مصادر يمكن أن تجلب بها السلطة النقد الأجنبي لآن المصادر هي صادرات السودان و تحويلات المغتربين و أخيرا القروض و المنح الأجنبية إن كانت من دول أو بنوك. فالصادرات السودانية التي تجلب النقد الأجنبي الآن هي ” الصمغ العربي و النباتات الطبية و حب البطيخ و الكركدي و الماشية ” و هناك صادرات تأثرت بالحرب و هي ” السمسم و الحبوب الزيتية” و تحويلات السودانيين المغتربين هي التي توفر النقد الأجنبي الآن و تبلغ حوالي 350 مليون دولا في السنة أما القروض و المنح قد توقفت حيث رفض كل من البنك الدولي و صندوق النقد الدولي و كان هناك أمل في بعض دول الخليج قطر و المملكة العربية السعودية و اعتذرت بسبب لديها التزامات أخرى و الصحيح أنها تلقت أوامر من الولايات المتحدة و بالتالي ليس هناك أية أمل في انفراجة مالية قريبا و كل الحديث حول التنمية و الاستثمارات حديث فقط لطمأنت الناس حتى لا يخرجوا ضد النظام و لكن ليس هناك أمل في القريب العاجل أو حتى البعيد في ظل بقاء هذا النظام في السلطة بسبب ليس هناك مصادر لجلب النقد الأجنبي لشراء مدخلات الإنتاج من أجل التنمية التي يتحدثون عنها.
إذن النظام في مشكلة حقيقية لا تعالج إلا إذا سقط النظام و جاء بديل يستطيع أن يعالج مشاكله الاقتصادية بعد حل مشاكل السودان الخارجية و تسليم كل الذين انتهكوا و ارتكبوا جرائم حرب و إبادة ضد شعبهم.
كمال سيف
صحافي سوداني سويسرا
[email][email protected][/email]
سهر الجداد ولا نومو يا كيزان السجم والعفن
جمعة شذاذ الآفاق
الى الامام ثورة ثورة حتى النصر
انشالله ساقط ساقط يا بشكير! صحافيين الدجل ديل ماحيقنعوا ناس عايشة واقع مر وبتعانى منه كل يوم!
وده الحيحصل تماما فكل الدلائل بتؤكد زوال النظام والمسألة مسألة وقت وبس والمليشيات خارج العاصمة تنتظر ساعة الصفر عشان تحسم الموقف وممكن المده تقصر إذا العمبلوق إيتصرف وسلم الحكاية وكفى الناس شر القتال لكن سلم ولا ما سلم هو طائر طائر الحــــــــــــــــــائر
مربط الفرس العملة الصعبة ..والسؤال من أين يأتوا هؤلاء الأغبياء بالنقد الأجنبي وهم من جففوا كل المصادر…الحل في إقتلاع هؤلاء الفشلة.
حيجي واحد أهبل ويقول: البديل منو!
فياعجبي!
تحويلات السودانيين المغتربين هي التي توفر النقد الأجنبي الآن و تبلغ حوالي 350 مليون دولا في السنة…..
ادعو المغتربين و الحكومة القادمة بعد الثورة ان يستثمر هذا المبلغ فى اعادة تطوير التعليم و الصحة (دعم) هذين القطاعين الهامين.و ان توزع بالتساوى على كل اقاليم السودان.كما ندعو المغتربين السودانيين فى المهجر الذين كانو يدفعون حوالى 25 دولار للقناة الفضائية ان تتحول لدعم فضائية الضمير التى سوف تعيد النسيج السودانى الى سيرته الاولى . نعم نحن نحتاج الى قناة فضائية ليست لاسقاط النظام بل لتوعية الشعب الذى يهيم فى الصحارى بحثا عن الذهب بعد ان خدعهم كبير الكذابيين فى السودان لكى يجعل منهم جرزان و حشرات.
لقد افقد هذا النظام الشعب السودانى و خلق عدم الثقة فى العمل الخيرى الجماعى و ادخل الشك بين السودانيين فيما بينهم مما جعل العمل الخيرى الجماعى يتهاوى و يشوبه الشكوك و الاختراق و عدم الثقة كم اتلم عندما ارى اخوتنا المصريين يقومون ببناء مستشفى لسرطان الاطفال و فى نفس الوقت تجد بعض من المغتربيين فى السعودية يجمعون التبرعات لدعم الجيش السودانى لزيادة لهيب الحرب و زيادة الفقر و الجوع و المرض.
اتحدوا ايها السودانين و ساهموا فى اعادة الثقة فيما بينكم فلتعلموا انه لن يساعدنا احد ان لم نتحد البلد غنى بالكثير من الموارد فعلينا ان نبدا و باسرع خطوة اعادة التعليم( المرود الول) الى ما قبل ثورة التعليم العالى التى دمرت التعليم و نشرت الجهل و الفقر و المرض
موامرة خارجية هههههههههههههههههههههه نكتة حلوة من المتهم السابق في انقلاب الشعبي
والله اكان ما اخاف الكضب
الشخص الواقف ولابس بدله
واياديه في جيب البدله يكون
دكتور عبدالله يحى محمد كان
وزير الاتصالات السابق وكان هو ؟؟
ياخسارة تعليمك والبلد فيك
الحمد لله رب العالمين انو ربنا ماديني حاسة سادسة والحاسة السادسة بتاعتي دي بتقول لي انو الجماعة ديل خلاص انتهو ( الجبهجية ) .
واليومين دي الواحد فيهم يتقلب فى السرير قليب شديد خلاص ونوم مافي ، ولو الواحد جاتو غفوة صغيرة بشوف فى حبيبة الغفوة دي حبل المشنقة .
المشكلة انهم عملوا فيها صعاليك لو كانوا سلكوا منهج الادب والاخلاق السودانية والله ما كان
بتجيهم عوجة تب . لكن عملوا فيها صعاليق .
واخطر حاجة الواحد يتمسح بالدين ويمارس صعلكتو باسم الدين
اما تكون صعلوك بالواضح او متدين بالواضح لكن شغل اللخبتة ده بخلي النهاية اليمة خلاص
بالمناسبة يا جبهجية : زي ما خلعتونا كدا وهجمتونا بصعلكتكم دي نحن حا نهجمكم هجمة شديدة خلاص
عارفين حا نهجمكم كيف ؟
بقي فى حاجة اسمها محاكم صورية ….
يعني مافي زمن حا تشوفوا المشانق دي معلقة فى الساحات وشغل بتاع امسك ارفع علق وكف نجف
اولاد وسخة معفنين
يا شباب أرجو الدخول على الفيس بوك : يوميات البشير – حاجة رهيبة توثيق لجرائم الرباطة الكيزان الحرامية …
هناك مليار ونصف مليار دولار سنويا منحة نصيب السودان محجوز بسبب وجود النظام في السلطة والجنائية والبترول سيتدفق ثاني يوم رحيل النظام بأي شكل كان والتجارة مع الجنوب ستجلب ريع بترول الجنوب للسودان والاستثمارات العالمية ستكون وجهتها السودان وامريكا قالت بسبب المشكلة الاقتصادية في السودان الجنائية ووالعالم الرحب ستفتح امام المواطن السوداني الجواز السوداني سيكون مقدر زي ما كان الأول !!! إذن العقبة هو النظام لا احد سواه النتؤ السرطاني لجسم السوداني اقلية عاشين في رفاهية و95% ضايعيين هم عارفين الكلام دهـ ولو غادروا السلطة ستنقلب الآية 95% رفاهية وهم في الشتات ومطاردون وفي الزنازين
الحل آت بإذن الله سوف نكنس هذه الطغمة الظالمة الفاسقة الفاسدة، ونعيد علاقاتنا الخارجية على احسن ما يرام وتدور عجلة الانتاج مرةاخرى، ويفتح الله على سوداننا الحبيب بالخير الوفير بإذن لله. فقط ليواصل الشعب نضاله ضد هؤالاء الخونة المارقين تجار الدين المخانيس الذين جلبوا للبلد كل العار وغضب الجبار.
وامريكا واسرائيل تقيف مع المظاهرات المطالبة باسقاطكم لماذا؟؟؟ما انتوا بغبائكم او عمالتكم (مافى احتمال تالت) حققتوا ليهم كل حاجة دايرنها!!!!!! يا جماعة شوفوا واتفرجوا من نوع الناس الحاكمننا!!! والله ديل ما يستحقوا يديروا انداية!!!!!
الكتاحة السودانية قامت ? رياح الهبباي ولعت ? الثورة جات والكيزان شتات
الكتاحة السودانية قامت ? رياح الهبباي ولعت ? الثورة جات والكيزان شتات
الكتاحة السودانية قامت ? رياح الهبباي ولعت ? الثورة جات والكيزان شتات
السودانيين تاريخهم معروف ومجرب في إسقاط الدكتاتوريات
إسقاط ديكتاتورية عبـــــــــــــــــــــــــــــــــــــــــــــود
إسقاط ديكتاتورية نميـــــــــــــــــــــــــــــــــــــــــــري
إسقاط ديكتاتورية الرباطــــــــــــــــــــــــــــــــــــــة
قبل عدة شهور إستهان رئيس العصابة البشكير بالربيع الثوري السوداني ( الكتاحة الافريقية المولعة ) ، وقال بالتحديد لو أن الناس خرجت عليه في الشوارع فإنه سوف ينصاع لراي الشعب ويغادر القصر ، وزاد على ذلك الدكتور غندور المهدي حيث طلب من المعارضة رقم محدد من المتظاهرين وهو مليون متظاهر كشرط للتنحي ، التحدي الواضح من الرئيس البشير سببه ثقته في الأجهزة الأمنيه التي أسترقت السودانيين عن طريق الخوف والتعذيب طوال عقدين من الزمان ، فهو يرى أن هذه الأجهزة هي سبب بقائه في الحكم وليس المشروع الإنتخابي المزوّر ، إذاً الرئيس البشير أصبح مثل غردون باشا لا يعرف بالضبط طبيعة المزاج الثوري المتقلب للشعب السوداني ، غردون إختار نهاية مشرفة لقائد إمبراطوري فذ حيث خرج لثوار المهدية وهو يحمل سيفاً وبندقية ، ولا أعرف تماماً كيف ستكون نهاية الرئيس البشير لكنه بالتأكيد لن ينال ميتةً مشرفة مثل غردون باشا فالبشير يختفي في قصره الآن ولا يخاطبنا إلا من وراء حجاب ، ولو خرج إلينا تقوم الأجهزة الأمنية بتأمين الشوارع والحارات ، لذلك لا اصدق أنه خرج في الجمعة الماضية وهو يتجول في سيارة مكشوفة ليتمطمئن على أحوال الرعية ، فالناس لم تراه في جبرة والديم والجريف والصحافة ، وربما كانت سيارة المشير تتجول في شارع النيل ، أو أنها تجوب الطريق بين قصره في كافوري وبين بيته في القيادة العامة .
هذا هو الخطاب الثاني للرئيس البشير منذ أن بدأت هذه الأزمة ، هذه المرة كان في معيته قوات الدفاع الشعبي وليس وزيرا الداخلية والدفاع كما جرت العادة ، لا يخفى علينا أن الرئيس البشير بدأ مرتبكاً ومضطرباً في اقواله ، لو كانت المظاهرات يقوم بها شذاذ الآفاق أو المحرشين إذاً لماذا يتحدث عنها الرئيس البشير ويصفها بأنها عمل معزول ؟؟ ، لكن من يدرس حالة كل من ليبيا وتونس ومصر لا يستغرب من نوع هذا الخطاب ، القذافي كان يصف الثوار بانهم جرذان ، وبشار الاسد يصفهم بأنهم جراثيم ، هذا الخطاب يبدأ بوعيد شديد وإسراف في البطش بالمتظاهرين ، ثم يتزن هذا الخطاب بضرورة العودة للحوار ، ثم تنازلات ممرحلة يرفضها الشارع حتى يذهب النظام ، وأظن أن الرئيس البشير اختار بأن يكون في المربع الأول وهو المواجهة ، لكن الشئ الأهم في خطاب البشير الأول بعد الثورة هو دفاعه عن الحزب الحاكم (المجاهدين ) بأنه لم يشارك في قمع التظاهرات ، وربما يكون دفاع البشير عن حزبه سببه اللغط الذي دار في المنتديات حول مشاركة عناصر مدنية مسلحة ( الرباطة ) في قمع الإحتجاجات ، أعتقد أن الرئيس البشير لا يعرف أن الحزب والدولة في عهده خط واحد ، والحزب في عهد البشير اقوى من الدولة ، لكن لماذا تصدى الرئيس البشير بنفسه إعلامياً لمواجهة الإحتجاجات ؟؟ في العادة هذه المهمة منوطة بوزير الإعلام والقيادات الكبيرة في حزب المؤتمر الوطني والذين يتنافسون على منصب الناطق الرسمي والإعلامي ؟؟ السبب أن هذه القيادات تريد أن تنأى قليلاً عن الرئيس البشير على الاقل في هذا الوقت ، والسبب في ذلك أن اي تحريض على العنف وسفك الدماء يراقبه المجتمع الدولي وبالذات المحكمة الجنائية الدولية ، فالمجتمع الدولي سوف ينتهز الفرصة لتطبيق قوائم الحظر وتجميد أرصدة الحسابات ، وأمر ملاحقتهم قضائياً في مختلف دول العالم غير مستبعد ، وبالنسبة للرئيس البشير فهو من الاساس مطلوب للجنائية الدولية ، ولذلك ما يقوله من وعد ووعيد لا يضيره شيئاً ، ومن يغرق لا يخاف من البلل ، لكن الرئيس البشير في بيانه رقم 1 ذكر أمراً مهماً وهو أن الشعب السوداني الذي يعرفه لم يخرج ..تذكرت وقتها مقولة القذافي : انا معاي الملايين ..وانا رئيس الملايين ..وسوف تدافع عني الملايين
هذا القميء القبيح المعفن الضار بتاع بيةت الاشباح – أيها الشعب السوداني أعلموا أن نافع هو مبتكر نظام بيوت الاشباح وهو كان رئيس جهاز الامن وهو خبير تعذيب وعذب السودانيين رجالا ونساء وحكى واحد برفيسور أن نافع كان يعذب المعتقلين وهو كاشف وجهه يعني عامل فيها ضبان ضكر لأن معظم الكلاب الامنية تعذب الابرياء الشرفاء وهم ملثمين حتى لا يعرفهم أحد … لكن الله يعلمهم ونحن نعرفهم … نافع كان يعمل بكلية الزراعة وكان ساكن بالايجار في الحلفايا والان ساكن في قصور شاهقات وناطحات سحاب وأولاده عمل لهم منظمة باسمهم وتنهب من المال العام باسم منظمة خيرية مضللة زي منظمة وداد البشكير ( منظمة سند الحرامية ) وليس الخيرية وكل الاموال تسحب من بنك امدرمان اللاوطني ومن ثم تحول الى حساباتهم الخاصة باسماء اولادهم في دبي وما شاكلها في ماليزيا وغيرها … وهم كذبوا علينا باسم الدين وكل مرة طالع علينا هذا الكلب بان هناك دوائر صهيونية – منتهى العنجهية وقوة العين … ياخي الصهاينة ديل عندهم صدق وعدل بينهم وشعوبهم وهم يحكمون بناء على ارادة الشعوب ديموقراطيا ولم يحكموا بانقلاب ولم يكبروا وهللوا بالكضب ساكت زيكم … انتم تكضبوا علينا باسم الدين وتقولوا مؤامرات خارجية … لا والف لا أنتم ضيعتم الجنوب ومستعدين لفصل وتقسيم ما تبقى من البلد لأنكم ما عندكم وطنية … البشير زعيم عصاب بدرجة رئيس دولة …
تخريمة:
نافع أنت لسنانك طويل لازم نقطعة ليك في الخرطوم ثم نوديك كداري الي لاهاي هو الماكان اللائق بنوعك … والبشكير طبعا نمسح بيهو البلاط ثم نوديهو لاهاي وكل افراد العصابة الرباطة باي ياي الي لاهاي
…………………………………………………………………………..
يا شباب نظموا أنفسكم وسدوا الكباري بأكبر عدد أرهقوا البوليس بالجري والمساسكاه خلوهم يقولوا الروب … ويستسلموا … إرادة الشعب … الشعب يريد إسقاط الكيزان الرباطة …
الثورة جات والكيزان شتات
تخريمة :
أرجو الدخول على الفيس بوك: صفحة يوميات البشير . توثيق لجرائم النظام الرباطي الاجرامي الحرامي … حاجة رهيبة
الحكومة فى حاجة شديددددددددددة للدولار ونخشى ما نخشاه ان توقع اتفاقية مع الجنوبيين على نقل بترولهم باى سعر فحلم الجيعان عيش والجنوبيين فهموا الوضع وحكومة السودان حاليا واقعة فى ايدهم . والحكومة عندها لغاية الجمعة الجاية اما توقع مع الجنوبيين او تقع بالكامل.
قال نافع ان السودان سوف يتجاوز الازمة الاقتصادية بعد عام واحد وهذا معناه يا جماهير الشعب الكريم والذين اصبحوا يعيشون على نصف وجبة واحدة فى اليوم بعدما كانت وجبة كاملة من الدكوة المدنكلة يا ايها الشعب الكريم عيشوا على نصف الوجبة دى لمدة سنة وبعدها نبشركم بان تكون وجبتكم وجبة كاملة كاملة ولانامت اعين الجبناء من المندسين والعلمانيين والشيوعية . . الله اكبر ، اخوكم نافع
المهم المهم حقوقنا أموالنا ممتلكاتنا أكلتها الحكومة ولن نعفوا عنهم ونحن على علم بالعيال التي تلك الآن أموال السودان … لأن من الواضح والظاهر لدى الجميع الحكومة الآن أعطت أي الوزراء أعطوا كل واحد من أهاليهم الأموال ليقوم بالتجارة عليها أي يتاجر بها وبعدها تكون الأموال بإسم هذا الشخص لا تكتب باسم من هو في الحكومة والآن هذا هو الحاصل وحقوقنا ضاعت في أيادي اللصوص والحرامية في الخرطوم … وأسأل الله أن يأتي ذلك اليوم الذي تغادر فيه هذه الحكومة السودان وأن نتمكن من أسترداد حقوقنا ..
دعوة للكل بالمشاركة قدر الاستطاعة في انجاح الثورة علي الانقاذ بالسبل المدنية وهي ان نقلل من كل انفاقنا علي جميع فواتير الخدمات فهي تذهب ليد الحكومة التي بها تورد البمبان والرصاص المطاطي الذي نكتوي ونضرب به وتدفع به رشاوي الرباطة . فمثلا التلفون نامل الاقتصاد ما امكن في المحادثات وان نستعمله فقط في حالات الضرورة القصوي او نلجاء للرسائل بديل والكهرباء نرشد ما امكن منها فهذان المحوران يدران مليارات الجنيهات كضرائب مبالغ فيها لخزينة تجار الدين الذين هم في هذه الايام في حالة سعر لكل جنيه يحصلوه من المواطن الغلبان اقدم الدعوة اخوتي وامل ان وجد من لديه فكرة اخري ان يمدنا بها حتما سنسقط الانقاذ بسلمنا وعنجهيتها
خصائص الاكل السودانى…الدكوة بتعطش وبتقهم من الاكل….الفول والعدس بروتينات نباتية هضمها صعب وبتكسل وترخرخ المفاصل وبتنعس كمان…البيض محقون بالهرمونات ويقلب الرجل مراة والمراة رجل….الطعمية اغذية مالئة و90% تذهب كفضلات وبتجيب اليابوسة والامساك….السلطة محتوى غذائى ضعيف 10% طماطم و90% موية وملح….السخينة نكهة اللحم ولالحم فهى مهدئة للاطفال….الدمعة يسمكم فيها بعد دا.
الحصار الحصار لهولاء المنافقين ليعلموا ان الشعب قرر الخلاص منهم الي الابد فليذهبوا الي مزبلة التاريخ بلا رجعة ان شاء الله ربنا ينصر الشعب السوداني ضد هولاء الظالمين.
العاقل..من..إتعظ..بغيره..والبخيت..يشوف..بل..شاف..في..أخوانه..وده..إسمه..ربيع..عربي.. يعني
فصل..كـــــــــــامل..من..فصول..السنة..يعني..جزء..من..دورة..كاملة..متكاملة..يعني..بالبلدي..
لازم..تكنمل..الدزرة..ولازم..يتم..وهذه..سنة..الله..في..كونه..وكل..دور..إذا..ما..يتم..ينقلب.( المسألة مش لعب عيال..ولا..تحتمل..التكهنات..ولا..التأويل..فضوها..سيرة..بقى..).اللهم فاشهد.
عرض اكتافكم روِّحوا يلاَّ
محجوب شريف
شعبنا أصبح وأمسي وظل
كترتوها عليه الطله
أكَّلتوهُ زمانِك ممَّا
ولبّستوهُ كذلك ممَّا
عدّمتوهُ الخيت والغله
شبراً شبرأً عابس ويابس
أكتر منها مابتذلّ
الكانون في الشارع ولّع
طَول منّها نار الحله
عِشنا وشفنا تب ماخفنا
العايزكم لمّن جرب كنتو اضلَّ
تلك مآذن ولاَّ مخازن ؟!
خمَّ ولمَّ فساد الدنيا
ثم اتنحنح …هي لله.. هي لله
كبر وصلي
لما رفعتو السيف والمصحف
ولافي المتحف بقى حق الله
باسم الدين والدم والدمعه
وباسم الخالق عزَّ وجلَّ
اتعذبنا … وما كذبنا
حليلو الفات … والمات وإتشل َّ
بيوت اشباح وجراح ومذله
دم الشهدا رصاصه رصاصه
وحبل المشنقه داك إدّلي
ومع ذلك حتي اللحظه
ما اتربَّصنا …ولا فجَّرنا
إلا كذلك ما اتحجَّرنا
قد أدبنا الشعب الطيب
نحن جميعاً دونو اقلَّ
بيتنا وساسنا ورفعة راسنا
نحن حنانو وجَنا وجدانه
مش لافتات في الإيد ومظله
إيد علي إيد وسِلِّم سِلم
ما بنسلم وشعب مُعلم
ما بتخلَّي
حاشا وكلا ما بنتْخلَّي
غُبننا أكبر من تتصور
وحكم الفرد زمانك ولَّى
القذافي وأصبح مافي
حسني مبارك …وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرَّب هدم وجرب عَلاَّ
ما بالصدفه ولاها لعلَّ
فيكم ريحه من الشبيحه
خلوا البلطجه روِّحوا يلاَّ
كل العالم عين بتاوق
صوره وصوت وكتاب ومجله
( التحيه للشعب السوداني )
انت يا نافع تحتاج الي اطباء لتخدر الشعب وليس لصحافيين وانت لاتعرف ابجديات الصحافة فالصحافة
هي المرايا التي تعكس مدي قبحكم وفسادكم في الارض طبعا الصحفي الشريف اما لو من امثالك فاالطيور
علي اشكالها
فابكلمه قامت حروب وبكلمة سقطة دول وبكلمة ابرمة معهدات سلام وبكلمة اسقطت انظمه وكلمة تحلل وكلمة تحرم اتمني تكون فاهم كلامي دي عشان ما اشرح اكتر
عايد عايد يا اكتوبر
ثورة ثورة حتي النصر
الكاتب المحترم….
في ما يتعلق بالعملة…. كلامك مية مية….
الجماعة…. فرغوا بنك السودان…. من باقي العملة الحرة…. عن طريق الصرافات….
وطبعاً ناس الصرافات ديل…. معروف تابعين لمنو….. وبعد الخزنة فضت…. قفلو البلف.
أسا دولارات السودان…. الكانت في بنك السودان…. بقت في خزن الكيزان….من رجال ونسوان
شغل عجيب مش كدة!
إنت قايل ابليس دة ساب البلد دي بالهين….
كتلة وطنية جديدة ديمقراطية قادم من أجل تطهير الوطن
الكتلة يضم كل قيادات الوطنيين وباذن الله نعيد الوطن لسيرتة الاولي
ياصناع اكتوبر يا صناع المجد هتف الشعب من اعماق التطهير واجب وطني التطهير واجب وطني
اصناع اكتوبر يا صناع المجد هتف الشعب من اعماق التطهير واجب وطني التطهير واجب وطني
اصناع اكتوبر يا صناع المجد هتف الشعب من اعماق التطهير واجب وطني التطهير واجب وطني
الدور قرب عليكم يا شرذمة الحركة الاسلامية والاسلام والحركة منكم براء لقد تركتم الآخرة ونسيتم العقاب وجريتم وراء الدنيا بل وللأسف الشديد منكم اناس صعاليك وتافهيييييين بتاعين نسوان وهذا عار على الحركة الاسلامية ارجو مراجعة حساباتكم قبل فوات الاوان لان الله يمهل ولا يهمل وما زال باب التوبة مفتوح وما زالت الفرصة قائمة لاصلاح الاعوجاج وقبل ان يتطبق فيكم فيلم ليبا ومصر واليمن وما سورية منكم ببعيد والله الانسان ليشفق عليكم ولقد كانت بدايتكم طيبة ولكن انضمام الصعاليك والنفعيين هم من ضروووووكم والحقوا بكم الاذى والذين مكنوا اقربائهم من احتكار السكر والغاز وغيرها من السلع لذا لو ان البشير اذن ليوم الدين لتخفيض السلع او لازاحة هؤلاء فلن تجدمن ينفذ كلامه وكل السودان يعلم هذا وحتى الرئيس نفسه يعلم ان كلامه وقراراته غير مجابة كما ارادها
يا حاج آدم انت كنت مطارد رقم واحد من حكومة الانقاذ بعد دخول اراهيم خليل الخرطوم وكانت هناك مكافآة مرصودة على من يدل عليك. وأضف الى ذلك أكلت خزينة الولاية الشمالية عندما كنت وزيرا للزراعة ووليا. والله حقنا ده ما حنخليه ليك.وما تنسى انت الآن مطارد من قبل الشعب السوداني الحر زمان كنت مطارد من الحكومة الآن مطارد من الشعب .انشاء الله حنجيبك ونحاكمك أمام الشعب بس في حالة واحدة ممكن نسامحك اذا لحست كوعك قدام الناس واجهزة التلفزيون بيان بالعمل ساعتها ممكن نفرج عنك.
أما بقية شرذمة المؤتمر الوطني آكلي مال الشعب مستحلي السحت فكما ذكر المدعو الحاج آدم فسيظلوا مطاردين من الشعب ولن نترك أحد منهم إلا وقد نال القصاص والجزاء المستحق.هذاوعد قطعناه على أنفسنا.
والثورة مستمرررررررررررررررررررررررررررررررررررررررررررررررة
خياران لاثالث لهما مصير البشير يا في القبر مع القذافي او في سجن لاهاي واحمد هارون ميت اصلا مافي طريق او مخرج من ولاية جنوب كردفان والبقية سيخرجون من السودان متخفين في زي النساء والله اعلم
عندي معلومة ربما تبدو غريبه ، ولكن مصدري من المتعاملين في العملة الصعبة بالسعوديه ، والمعلومة ان بنك السودان نازل بتقله لشراء العمله الصعبه من الاسواق ، واقسم مصدري ان بعض العاملين في السفارة يطلبون منهم شراء اي مبالغ بأي سعر ، وهذا ما ادي لارتفاع اسعارالعمله في الاسبوع الفائت ، هذا يعني بداية الانهيار الاقتصادي الحقيقي ، ويعني كذلك بداية سقوط النظام حتي بدون مظاهرات .
نداء الي كل الثوار الشرفاء لاتوقوفوا المظاهرات اطلاقا فهذا يساعد النظام الفاشي علي لملمة انفاسه
معانايا جماعه عندي سؤال ويا ريت ذوي الخبرات السياسيه يفيدوني نحن بدينا الثور وكل مره بنطلع وكل مره في معارك مع الامن والشرطه وبالرقم من اننا انضرنا بالعصي وانا راسي مخيط ٣ غروات انا الوحيد االما تنجلته مع الجماعه عشان الجرح الفي الفي راسي المهم لمن مسكونا كان معاي شاب ماداير اذكر اسمو لكن ولد راجل من اولاد بحري ده اكتر واحد اضرب واتهان لانو ما سكت ونبزم المهم بعد ما ضربونا وعزبونا بعد فتره سابونا وبدو يتكلمو وينبذو ويهددو االمهم الراجل ده قال لي الحركات المسلحه لازم يكون ليها دور يا جماعه نحن بعد الشفناهو ده حسينا بخطوره الموقفى ديل اولاد حرام سوالي ليه االحركات المسلحه ما طفت بكلمه عن الثوره ولا سمعني تابده ولاموقفه من الثوره ونحن حنطلع حته لو فضلت اخر قطره في دمائنا . الرجاء افادتي عن سؤالي
يا اخوانا الحكاية بسيطة جدا …. واحد ذى البوشي ده يطلع للبشير و يقول ليهو .. يا زول ما عاوزنك بالله عليك أمشى و سوق جماعتك ديل معاك …بس.. و بما انو البشير رجل ليهو كرامة … حيقوم امشى …بس…
بعد داك نحن حنقبض الكبارات عشان يفدوا نفسهم و كل واحد يدفع عشان رقبتو تسلم ..بس
النظام الانقاذي منذ ان طل علينا كالحاً لم يكن يوماً في استقرار وامان ، حتى وان هدأت المظاهرات وسلم كل اهل السودان لهذا المرض لن يطول بقائه فهو هالك هالك
وهو لسه ما انهار .. ده انهار وشبع انهيار
معقول يا الحاج ادم انتم اسلاميين ، يا راجل اتقي الله في حق نفسك، الاسلام في اتجاه وانتم في اتجاه اخر
يا عم الكلاماالبتقول فيه دي ان النظام حاصمد ثلاثه ايام وانت والخبير بتاعك دي صارلوا حتي الان اسبوع المظاهرات هي الاختفت لانو انت عايش في سوسرا امش انت اعمل مظاهرات عشان تقوم جاري وتلقي نفسك براك .
الإسلاميين في السودان كهههههههاااااااااااااا ده ما بخجل إسلام شنو فضحتونا وضحكتوا في الشعوب وخليتوا كلام السودان والسودانيين في الارض من أشكالكم المتخلفة والمتخلفين الممثلين للسفارات والوفود ناس لا خلقة ولامنظر ولا دبلوماسية .. خلاص عهد هوان السودان والشعب السوداني في العالم انتهى .. وعائد السودان زي ما كان بلد الواجهة والثقافة والتعليم بلد الناس الراقية في اجتماعياتها وفي اخلاقيات .. يعود شرف البنات وحمشة البنات بعد ما لبستوهم المحزق والمضبضب راجع السودان دنا العذاب واللعب بالدين وعواطف الشعب النبيل ذلة في الدنيا وعذاب في الاخرة “كانوا بأيتنا يظلمون” انتهى النفاق وخسرت الحركة الاسلامية كل مكتسبات واضاعت فرصة كبيرة بسبب الجهلاء والمتخلفين حول الاسلام لنظام العمد يحكم ويسلط الواحد فيهم مفتكر نفسوا كبير البيت والمتعلم حق البيت المفروض كلاموا مقدس ما بترده ليهو كلمة انتهى عهد الدلع والانفصام والشيفور زينا غايتوا أنا محضر مكنة حلاقة جنب القصر الجمهور حلاقة الدقون تاني حتكون مكسب جنمط..